ಅಪಘಾತವಾಗುವುದನ್ನು ತಪ್ಪಿಸಿದ ಫೋರ್ಡ್ ಮಸ್ಟಾಂಗ್ ಕಾರು ಚಾಲಕ

ಅದೃಷ್ಟವಶಾತ್ ಕಾರು ಅಪಘಾತದಿಂದ ಪಾರಾಗಿದೆ. ಜೊತೆಗೆ ಯಾವುದೇ ಅಹಿತಕರ ಘಟನೆಗಳು ನಡೆದಿಲ್ಲ. ಈ ವೀಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ. ಸಿಎಸ್ 12 ವ್ಲಾಗ್ಸ್ ಎಂಬ ಯೂಟ್ಯೂಬ್ ಚಾನೆಲ್ ಈ ವೀಡಿಯೊವನ್ನು ಅಪ್ ಲೋಡ್ ಮಾಡಿದೆ.

ಸೂಪರ್ ಕಾರುಗಳು ಸೂಪರ್ ಫಾಸ್ಟ್ ಹಾಗೂ ಹೆಚ್ಚಿನ ದಕ್ಷತೆಗೆ ಹೆಸರುವಾಸಿಯಾಗಿರುತ್ತವೆ. ಅದರಂತೆ ಫೋರ್ಡ್ ಮಸ್ಟಾಂಗ್ ಸಹ ವೇಗವಾಗಿ ಚಲಿಸುತ್ತದೆ. ಮಸ್ಟಾಂಗ್ ಕಾರು ಗಂಟೆಗೆ 299 ಕಿ.ಮೀ ವೇಗದಲ್ಲಿ ಸಾಗುವ ಸಾಮರ್ಥ್ಯವನ್ನು ಹೊಂದಿದೆ.

MOST READ: ವಿಮಾನಗಳು ಹಾರಾಟ ನಡೆಸುವಾಗ, ಲ್ಯಾಂಡಿಂಗ್ ಆಗುವಾಗ ಉಂಟಾಗುವ ಶಬ್ದಗಳಿವು

ಸಾಮಾನ್ಯ ರಸ್ತೆಗಳಲ್ಲಿ ಈ ಸ್ಪೋರ್ಟ್ಸ್ ಕಾರನ್ನು ಚಾಲನೆ ಮಾಡುವುದು ಸುಲಭದ ಕೆಲಸವಲ್ಲ. ಈ ಕಾರು ಸಾಮಾನ್ಯ ಕಾರುಗಳಿಗಿಂತ ಹಲವು ಪಟ್ಟು ಹೆಚ್ಚಿನ ಸಾಮರ್ಥ್ಯವನ್ನು ಹೊಂದಿರುವುದರಿಂದ ಯಾವುದೇ ಪೂರ್ವ ಅನುಭವವಿಲ್ಲದ ಜನರು ಈ ಕಾರನ್ನು ನಿರ್ವಹಿಸುವುದು ಅಷ್ಟು ಸುಲಭವಲ್ಲ.

ಈ ಕಾರಣಕ್ಕಾಗಿಯೇ ಮಸ್ಟಾಂಗ್‌ನಂತಹ ಕಾರ್ ಅನ್ನು ಮೊದಲ ಬಾರಿಗೆ ಚಾಲನೆ ಮಾಡುವವರಿಗೆ ಸ್ವಲ್ಪ ತೊಂದರೆ ಎದುರಾಗುತ್ತದೆ. ಈಗಾಗಲೇ ಮಸ್ಟಾಂಗ್ ಕಾರ್ ಅನ್ನು ಚಾಲನೆ ಮಾಡಿರುವವರಿಗೆ ಈ ಕಾರ್ ಅನ್ನು ಚಾಲನೆ ಮಾಡಲು ಯಾವುದೇ ತೊಂದರೆಯಾಗುವುದಿಲ್ಲ.

MOST READ: ಪ್ರವಾಸದ ಹುಚ್ಚಿಗಾಗಿ ವಾಹನ ಕದಿಯುತ್ತಿದ್ದ ಎಂಜಿನಿಯರಿಂಗ್ ಪದವೀಧರ ಕೊನೆಗೂ ಲಾಕ್

ಚಾಲನಾ ಕೌಶಲ್ಯ ಹೊಂದಿರುವವರು ಈ ಕಾರು ಅಪಘಾತಕ್ಕೀಡಾಗುವುದನ್ನು ತಪ್ಪಿಸಬಹುದು. ಈ ವೀಡಿಯೊದಲ್ಲಿ ಇದನ್ನು ಗಮನಿಸಬಹುದು. ಈ ಕಾರಿನ ಚಾಲಕ ಕಾರ್ ಅನ್ನು ಕಂಟ್ರೋಲ್ ಮಾಡಿ ಅಪಘಾತವಾಗುವುದನ್ನು ತಪ್ಪಿಸಿದ್ದಾನೆ.

ಕಾರ್ ಅನ್ನು ಕಂಟ್ರೋಲ್ ಮಾಡಿ ಅಪಘಾತವಾಗುವುದನ್ನು ತಪ್ಪಿಸಿದ ಚಾಲಕನನ್ನು ಕೆಲವರು ಪ್ರಶಂಸಿಸಿದ್ದಾರೆ. ಇನ್ನೂ ಕೆಲವರು ಸಾರ್ವಜನಿಕ ರಸ್ತೆಗಳಲ್ಲಿ ಸ್ಟಂಟ್ ಮಾಡಿದ ಕಾರಣ ಆತನನ್ನು ನಿಂದಿಸುತ್ತಿದ್ದಾರೆ.

MOST READ: ಭಾರತದಲ್ಲಿ ಹೆಚ್ಚು ಕಾರು ಮಾರಾಟವಾಗುವ ಹತ್ತು ಪ್ರಮುಖ ನಗರಗಳಿವು

ಸಾರ್ವಜನಿಕ ರಸ್ತೆಗಳಲ್ಲಿ ಈ ರೀತಿ ಸ್ಟಂಟ್ ಮಾಡಿದರೆ ಅಂತಹ ವಾಹನಗಳಿಗೆ ಸಂಚಾರ ಪೊಲೀಸರು ಗರಿಷ್ಠ ಪ್ರಮಾಣದ ದಂಡ ವಿಧಿಸುತ್ತಾರೆ. ಈ ಕಾರಿನ ಮಾಲೀಕನಿಗೂ ಪೊಲೀಸರು ದಂಡ ವಿಧಿಸುವ ಸಾಧ್ಯತೆಗಳಿವೆ.

ಈ ಕಾರಿನಲ್ಲಿ ಸ್ಟಂಟ್ ಮಾಡಿರುವುದು ಮಾತ್ರವಲ್ಲದೇ, ಕಾನೂನು ಬಾಹಿರವಾಗಿ ಮಾಡಿಫೈ ಸಹ ಮಾಡಲಾಗಿದೆ. ಇದರಿಂದ ಈ ಕಾರು ಮಾಲೀಕನಿಗೆ ಭಾರೀ ಪ್ರಮಾಣದ ದಂಡ ವಿಧಿಸುವುದು ಖಚಿತ.

MOST READ: ಕರೋನಾ ಸೋಂಕಿತರ ಪಾಲಿಗೆ ದೇವರಾದ ಕರೋನಾ ಸೋಂಕಿನಿಂದ ಗುಣಮುಖರಾದ ವ್ಯಕ್ತಿ

ಈ ಕಾರು ಮಾಲೀಕನಿಗೆ ಇದುವರೆಗೂ ದಂಡ ವಿಧಿಸಿಲ್ಲವೆಂದು ವರದಿಗಳಾಗಿವೆ. ಫೋರ್ಡ್ ಮಸ್ಟಾಂಗ್ ಸೂಪರ್ ಕಾರಿನಲ್ಲಿ 5.0 ಲೀಟರ್ ವಿ 8 ಪೆಟ್ರೋಲ್ ಎಂಜಿನ್ ಅಳವಡಿಸಲಾಗಿದೆ.

ಈ ಎಂಜಿನ್ 363 ಬಿಹೆಚ್‌ಪಿ ಪವರ್ ಹಾಗೂ 515 ಎನ್‌ಎಂ ಟಾರ್ಕ್ ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ. ಈ ಎಂಜಿನ್ ಅನ್ನು ಆಟೋಮ್ಯಾಟಿಕ್ ಗೇರ್‌ಬಾಕ್ಸ್‌ಗೆ ಜೋಡಿಸಲಾಗಿದೆ.