ಭಾರತೀಯ ಬ್ಯಾಟ್ಸ್‌ಮನ್‌ಗಳ ಬೆವರಿಳಿಸಿ ದುಬಾರಿ ಸೆಕೆಂಡ್ ಹ್ಯಾಂಡ್ ಕಾರು ಖರೀದಿಸಿದ ಯಾರ್ಕರ್ ಕಿಂಗ್

ಕ್ರಿಕೆಟ್‌ನಲ್ಲಿ ಯಾರ್ಕರ್‌ಗಳು ಪ್ರತಿಯೊಬ್ಬ ಬೌಲರ್‌ನ ಕನಸು ಮತ್ತು ಯಾರ್ಕರ್ ಬೌಲ್ ಮಾಡಲು ಹಂಬಲಿಸತ್ತಾರೆ. ಕ್ರೀಸ್‌ನಲ್ಲಿರುವ ಬ್ಯಾಟ್ಸ್‌ಮನ್‌ನ ಹಿಂದೆ ಇರುವ ಸ್ಟಂಪ್ ಹಾರುವುದು ಕ್ರಿಕೆಟ್‌ನ ಅತ್ಯಂತ ಸುಂದರವಾದ ದೃಶ್ಯಗಳಲ್ಲಿ ಒಂದಾಗಿದೆ. ಇಂದಿನ ಮಕ್ಕಳಿಗೆ ಯಾರ್ಕರ್ ಕೇಳಿದರೆ ನೆನಪಾಗುವುದು ಜಸ್ಪ್ರೀತ್ ಬುಮ್ರಾ. ಆದರೆ ವರ್ಷಗಳ ಹಿಂದೆ ಬೆಂಕಿ ಯಾರ್ಕರ್‌ಗಳಿಂದ ಕ್ರಿಕೆಟ್ ಮೈದಾನವನ್ನು ನಡುಗಿಸಿದ ಮತ್ತೊಬ್ಬ ರಾಜನಿದ್ದಾನೆ. ಅವರೇ ಶ್ರೀಲಂಕಾದ ಲಸಿತ್ ಮಾಲಿಂಗ (Lasith Malinga). ಕ್ರಿಕೆಟ್ ಇತಿಹಾಸವನ್ನೇ ತೆಗೆದುಕೊಂಡರೆ ಬ್ಯಾಟ್ಸ್ ಮನ್ ಗಳ ನಿದ್ದೆಗೆಡಿಸಿದ ಐಕಾನಿಕ್ ವೇಗಿ.

ಹೇರ್ ಸ್ಟೈಲ್ ಹಾಗೂ ಬೌಲಿಂಗ್ ಆ್ಯಕ್ಷನ್ ನಿಂದ ಅಪಾರ ಅಭಿಮಾನಿಗಳ ಬಳಗವನ್ನೇ ಸೃಷ್ಟಿಸಿಕೊಂಡಿದ್ದ ಮಾಲಿಂಗ ಅವರನ್ನು ಕ್ರಿಕೆಟ್ ಪ್ರೇಮಿಗಳು ಮರೆಯುವಂತಿಲ್ಲ. ಅವರ ವಿಚಿತ್ರ ಬೌಲಿಂಗ್ ಶೈಲಿಯಿಂದಾಗಿ ಮಲಿಂಕಾ ಅವರ ಯಾರ್ಕರ್‌ಗಳನ್ನು ಎದುರಿಸುವುದು ಅಸಾಧ್ಯವಾಗಿತ್ತು. ಕೋಚ್‌ನ ಪಾತ್ರದಲ್ಲಿ ಕ್ರಿಕೆಟ್‌ನೊಂದಿಗೆ ಇನ್ನೂ ನಂಟು ಹೊಂದಿರುವ ತಾರೆ ಇದೀಗ ತಮ್ಮ ಜೀವನದಲ್ಲಿ ಮತ್ತೊಂದು ಕನಸನ್ನು ನನಸಾಗಿಸಿಕೊಂಡಿದ್ದಾರೆ.

ಲಸಿತ್ ಮಾಲಿಂಗ ಅವರು . ಹ್ಯುಂಡೈನ ಐಷಾರಾಮಿ ವಾಹನ ಬ್ರಾಂಡ್ ಜೆನೆಸಿಸ್ GV80 ಐಷಾರಾಮಿ ಎಸ್‍ಯುವಿಯನ್ನು ಖರೀದಿಸಿದ್ದಾರೆ. ಇದು ಸೆಕೆಂಡ್ ಹ್ಯಾಂಡ್ ಕಾರ್ ಆಗಿದೆ. ಈ ದುಬಾರಿ ಕಾರನ್ನು ಮಾಲಿಂಗ ಮತ್ತು ಅವರ ಪತ್ನಿ ಅದನ್ನು ಡೆಲಿವರಿ ತೆಗೆದುಕೊಳ್ಳುವ ವೀಡಿಯೊವನ್ನು ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿದ್ದಾರೆ. ನಂಬರ್ ಪ್ಲೇಟ್ 'LM 0990' ಕೂಡ ವೀಡಿಯೊದಲ್ಲಿ ಸ್ಪಷ್ಟವಾಗಿ ಕಂಡುಬರುತ್ತದೆ

LM 0990 ವಿಕ್ಟೋರಿಯಾ ಎಂದು ಬರೆಯುವ ನಂಬರ್ ಪ್ಲೇಟ್ ಅನ್ನು ಈ ಹಿಂದೆ ಮಾಲಿಂಗ ಅವರ ಟೊಯೊಟಾ RAV4 SUV ಯಲ್ಲಿಯೂ ಬಳಸಲಾಗಿತ್ತು. ಅನೇಕ ವಿದೇಶಗಳಲ್ಲಿ, ನಿಮ್ಮ ಹಳೆಯ ವಾಹನವನ್ನು ನೀವು ಮಾರಾಟ ಮಾಡುವಾಗ, ಮುಂದಿನ ವಾಹನದಲ್ಲಿ ಅದೇ ನಂಬರ್ ಪ್ಲೇಟ್ ಅನ್ನು ಬಳಸಲು ಕಾನೂನು ಅನುಮತಿಸುತ್ತದೆ. ಜೆನೆಸಿಸ್ ಎಸ್‍ಯುವಿಯ ನಂಬರ್ ಪ್ಲೇಟ್‌ನಲ್ಲಿರುವ LM ಎಂದರೆ ಲಸಿತ್ ಮಾಲಿಂಗ ಅವರ ಮೊದಲಕ್ಷರಗಳನ್ನು ಸೂಚಿಸುತ್ತದೆ.

ಶ್ರೀಲಂಕಾ ಕ್ರಿಕೆಟ್ ದಂತಕಥೆ ಮಾಲಿಂಗ ಬ್ಲ್ಯಾಕ್ ಬಣ್ಣದ ಜಿವಿ 80 ಅನ್ನು ಆಯ್ಕೆ ಮಾಡಿದ್ದಾರೆ. ಜೆನೆಸಿಸ್ GV80 ಕಾರು ಬ್ಲಾಕ್ ಮತ್ತು ಬ್ಲ್ಯಾಕ್ ಕೂಪೆ ಎಂಬ ಎರಡು ಮಾದರಿಗಳಲ್ಲಿ ಲಭ್ಯವಿದೆ. ಮಾಲಿಂಗ ಕೂಪ್ ಶೈಲಿಯ ಎಸ್ ಯುವಿ ಖರೀದಿಸಿದ್ದಾರೆ. ಈ ಜೆನೆಸಿಸ್ ಜಿವಿ80 ಕೂಪೆ ವಿನ್ಯಾಸವು ಕ್ಲೀನ್ ಲೈನ್‌ಗಳು ಮತ್ತು ಸಾಕಷ್ಟು ಬ್ಲ್ಯಾಕ್ ಅಂಶಗಳೊಂದಿಗೆ ಆಕರ್ಷಕವಾಗಿದೆ.

ಇದರೊಂದಿಗೆ ಬಂಪರ್ ಗಾರ್ನಿಶ್, ಮುಂಭಾಗದ ಲೋಗೋ, ಡೇಲೈಟ್ ಓಪನಿಂಗ್ (ಡಿಎಲ್‌ಒ) ಮೋಲ್ಡಿಂಗ್, ರೂಫ್ ರಾಕ್ಸ್ ಮತ್ತು ಹಿಂಭಾಗದ ಬಂಪರ್ ಮೋಲ್ಡಿಂಗ್ ಎಲ್ಲವೂ ಬ್ಲ್ಯಾಕ್ ಬಣ್ಣದಲ್ಲಿದೆ. ಈ ಕಾರಿನ ಒಳಭಾಗದಲ್ಲಿ 14.5-ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್, 21-ಸ್ಪೀಕರ್ ಲೆಕ್ಸಿಕಾನ್ ಆಡಿಯೊ, ಎಲೆಕ್ಟ್ರಿಕ್ ಸೈಡ್ ಕರ್ಟೈನ್ಸ್, 27-ಇಂಚಿನ OLED ಟಚ್‌ಸ್ಕ್ರೀನ್, ವೈರ್‌ಲೆಸ್ ಆಪಲ್ ಕಾರ್ಪ್ಲೇ, ಆಂಡ್ರಾಯ್ಡ್ ಆಟೋ, ಎಲೆಕ್ಟ್ರಿಕ್ ಟಿಲ್ಟಿಂಗ್ ಮತ್ತು ಟೆಲಿಸ್ಕೋಪಿಂಗ್ ಸ್ಟೀರಿಂಗ್‌ನಂತಹ ವೈಶಿಷ್ಟ್ಯಗಳನ್ನು ಹೊಂದಿವೆ.

ಈ ದುಬಾರಿ ಕಾರು ಪ್ರೀಮಿಯಂ ಗುಣಮಟ್ಟದ ನಪ್ಪಾ ಲೆದರ್, ರಿಯಲ್ ವುಡ್ ಗಾರ್ನಿಶ್ ಮತ್ತು ಪ್ರೀಮಿಯಂ ಕಾರ್ ಮ್ಯಾಟ್‌ಗಳನ್ನು ಸಹ ಒಳಗೊಂಡಿದೆ. ಜೆನೆಸಿಸ್ GV80 ಎಸ್‍ಯುವಿಯಲ್ಲಿ 3.5-ಲೀಟರ್ ಟರ್ಬೋಚಾರ್ಜ್ಡ್ ಪೆಟ್ರೋಲ್ ಎಂಜಿನ್ ಹೊಂದಿದ್ದು, ಇದು 380 bhp ವರೆಗೆ ಉತ್ಪಾದಿಸುತ್ತದೆ. ಈ ಎಸ್‍ಯುವಿಯು ಕೇವಲ 6.8 ಸೆಕೆಂಡುಗಳಲ್ಲಿ ಗಂಟೆಗೆ 0-100 ಕಿಮೀ ವೇಗವನ್ನು ಪಡೆದುಕೊಳ್ಳುತ್ತದೆ. ಅದೇ ಸಮಯದಲ್ಲಿ, ಗರಿಷ್ಠ ವೇಗವನ್ನು ಗಂಟೆಗೆ 240 ಕಿಮೀ ಎಂದು ನಿಗದಿಪಡಿಸಲಾಗಿದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.