ದುಬೈಗಿಂತ ಕಮ್ಮಿಯೇನಲ್ಲ ಇಂಡೋನೇಷ್ಯಾ ಪೊಲೀಸ್

ಸೂಪರ್ ಕಾರುಗಳನ್ನು ತಮ್ಮ ಭದ್ರತಾ ಪಡೆಗೆ ಸೇರ್ಪಡಿಸುವುದರಲ್ಲಿ ದುಬೈ ಪೊಲೀಸ್ ಹೆಸರಾಂತವಾಗಿದೆ. ಇಂತಹದೊಂದು ಸಾಂಪ್ರದಾಯವನ್ನು ಜರ್ಮನ್ನರು ಮೊದಲು ಆರಂಭಿಸಿದ್ದರು ಎಂದು ಹೇಳಿದರೆ ತಪ್ಪಾಗಲಾರದು.

ಆದರೆ ಬೆನ್ನು ಬೆನ್ನಿಗೆ ಸೂಪರ್ ಕಾರುಗಳ ಖರೀದಿಯಿಂದಾಗಿ ದುಬೈ ಪೊಲೀಸ್ ಜಗತ್ತಿನ ಅತ್ಯಂತ ದುಬಾರಿ ಪೊಲೀಸ್ ಪಡೆ ಎನಿಸಿಕೊಂಡಿದೆ. ಈ ಎಲ್ಲ ವಿಷಯಗಳು ಒಂದೆಡೆಯಾದರೆ ತಾವೇನು ಕಮ್ಮಿಯೇನಲ್ಲ ಎಂಬ ರೀತಿಯಲ್ಲಿ ಇಂಡೋನೇಷ್ಯಾ ಪೊಲೀಸ್ ಸಹ ಎರಡು ಸೂಪರ್ ಕಾರುಗಳನ್ನು ತಮ್ಮ ತೆಕ್ಕೆಗೆ ಸೇರಿಸಿದೆ.

ನಿಮ್ಮ ಮಾಹಿತಿಗಾಗಿ, ಜರ್ಮನ್ನರು ಮೊದಲ ಬಾರಿಗೆ ಪೋರ್ಷೆ 911 ದುಬಾರಿ ಕಾರನ್ನು ತಮ್ಮದಾಗಿಸಿಕೊಂಡಿತ್ತು. ಇದೇ ಸಾಂಪ್ರದಾಯವನ್ನು ದುಬೈ ಸೇರಿದಂತೆ ಹಲವಾರು ರಾಷ್ಟ್ರಗಳು ಹಿಂಬಾಲಿಸಿತ್ತು.