Just In
- 5 hrs ago ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- 6 hrs ago ಕಂಪನಿಗೆ 140ರ ಸಂಭ್ರಮ: ಕೇವಲ 140 ವಿಶೇಷ ಆವೃತ್ತಿಗಳು ನಿರ್ಮಾಣ: ಬುಕಿಂಗ್ ಆರಂಭ
- 8 hrs ago ಟಿವಿಎಸ್ ಐಕ್ಯೂಬ್ಗೆ ನಡುಕ ಶುರು!: ಸದ್ಯದಲ್ಲೇ ಕಡಿಮೆ ಬೆಲೆ ಮಾರುಕಟ್ಟೆಗೆ ಬಜಾಜ್ ಚೇತಕ್ ಎಲೆಕ್ಟ್ರಿಕ್
- 8 hrs ago ರಾಜ್ಯದಲ್ಲಿ ತಯಾರಾಗುವ ಟೊಯೊಟಾ ಇನ್ನೋವಾ ಹೈಕ್ರಾಸ್ಗೆ ಸೆಲೆಬ್ರಿಟಿಗಳು ಫಿಧಾ: ಈ ಕಾರು ಖರೀದಿಸಿದ ನಟಿ
Don't Miss!
- News Rain Alert: ರಾಜ್ಯಾದ್ಯಂತ ಹಲವು ಜಿಲ್ಲೆಗಳಲ್ಲಿ ವ್ಯಾಪಕ ಮಳೆ; ಜಿಲ್ಲಾವಾರು ಮಳೆ ವಿವರ
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Movies ಡಿ. ಕೆ ಸುರೇಶ್ ಪರ ನಟ ದರ್ಶನ್ ಪ್ರಚಾರ; ಆ 2 ವಿಧಾನಸಭಾ ಕ್ಷೇತ್ರಗಳಲ್ಲಿ ಮತಬೇಟೆ
- Sports ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಭಾರತದ ಮೊದಲ ತ್ರಿಚಕ್ರ ಕಾರಿನ ಹಿಂದಿದೆ ರೋಚಕ ಕಹಾನಿ
ಭಾರತದ ಆಟೋ ಮೊಬೈಲ್ ಇತಿಹಾಸದಲ್ಲಿ ಹಲವಾರು ವಿಶಿಷ್ಟ ಮಾದರಿಗಳ ವಾಹನಗಳು ಬಂದು ಹೋಗಿವೆ. ಅವುಗಳಲ್ಲಿ ಕೆಲವು ವಾಹನಗಳು ಜನಪ್ರಿಯವಾದರೆ, ಇನ್ನೂ ಕೆಲವು ವಾಹನಗಳು ಕೆಲವು ವರ್ಷಗಳ ನಂತರ ಸ್ಥಗಿತಗೊಂಡಿವೆ.
ಕಾರು ಎಂದಾಕ್ಷಣ ನೆನಪಿಗೆ ಬರುವುದು ಕಾರುಗಳಲ್ಲಿರುವ ನಾಲ್ಕು ಚಕ್ರಗಳು. ನಾಲ್ಕು ಚಕ್ರಗಳಿಲ್ಲದಿದ್ದರೆ ಕಾರು ಎಂಬ ಭಾವನೆಯೇ ಬರುವುದಿಲ್ಲ. 1975ರಲ್ಲಿ ಭಾರತೀಯ ಮೂಲದ ವಾಹನ ತಯಾರಕ ಕಂಪನಿಯೊಂದು ವಿಶಿಷ್ಟವಾದ ಮೂರು ಚಕ್ರಗಳನ್ನು ಹೊಂದಿರುವ ಕಾರ್ ಅನ್ನು ಉತ್ಪಾದಿಸಿತ್ತು.
ಬಾದಲ್ ಎಂಬ ಹೆಸರಿನ ಈ ಕಾರ್ ಅನ್ನು ಸಿಪಾನಿ ಕಂಪನಿ ಉತ್ಪಾದಿಸಿತ್ತು. ಭಾರತದ ಮೊದಲ ಮೂರು ಚಕ್ರಗಳ ಕಾರಿನ ಬಗೆಗಿನ ವೀಡಿಯೊವನ್ನು ಟಾಕಿಂಗ್ ಕಾರ್ಸ್ ಎಂಬ ಯೂಟ್ಯೂಬ್ ಚಾನೆಲ್ನಲ್ಲಿ ಅಪ್ಲೋಡ್ ಮಾಡಲಾಗಿದೆ.
ಈ ವೀಡಿಯೊದಲ್ಲಿ ಸಿಪಾನಿ ಕಂಪನಿಯು ಕಾರನ್ನು ಉತ್ಪಾದಿಸಿದ ವಿವರಗಳನ್ನು ತೋರಿಸಲಾಗಿದೆ. ಸಿಪಾನಿ ಕಂಪನಿಯನ್ನು ಈ ಹಿಂದೆ ಸನ್ರೈಸ್ ಆಟೋಮೋಟಿವ್ ಇಂಡಸ್ಟ್ರೀಸ್ ಲಿಮಿಟೆಡ್ ಎಂದು ಕರೆಯಲಾಗುತ್ತಿತ್ತು.
ಆ ಸಮಯದಲ್ಲಿ ಹಿಂದೂಸ್ತಾನ್ ಮೋಟಾರ್ಸ್, ಪ್ರೀಮಿಯರ್, ಸ್ಟ್ಯಾಂಡರ್ಡ್ ಹಾಗೂ ಫಿಯೆಟ್ನಂತಹ ದಿಗ್ಗಜ ಕಂಪನಿಗಳು ದೇಶಿಯ ಮಾರುಕಟ್ಟೆಯಲ್ಲಿ ಜನಪ್ರಿಯವಾಗಿದ್ದವು. ಈ ವೇಳೆ ಸಿಪಾನಿ ಕಂಪನಿಯು ವಿಭಿನ್ನ ಮಾದರಿಯ ಅಗ್ಗದ ಕಾರ್ ಅನ್ನು ಬಿಡುಗಡೆಗೊಳಿಸಲು ಮುಂದಾಯಿತು.
ಸಣ್ಣ ಕಾರನ್ನು ಉತ್ಪಾದಿಸಲು ಪರವಾನಗಿ ಪಡೆದ ಸಿಪಾನಿ ಕಂಪನಿಯು ಬ್ರಿಟನ್ ಮೂಲದ ಕಾರು ತಯಾರಕ ಕಂಪನಿಯಾದ ರಿಲಯಂಟ್ ಜೊತೆ ಪಾಲುದಾರಿಕೆ ಮಾಡಿಕೊಂಡಿತು. ರಿಲಯಂಟ್ ಕಂಪನಿಯು ತಯಾರಿಸಿರುವ ರಾಬಿನ್ ಎಂಬ ಮೂರು ಚಕ್ರಗಳ ಕಾರು ಅಂತರರಾಷ್ಟ್ರೀಯ ಮಟ್ಟದಲ್ಲಿ ಜನಪ್ರಿಯವಾಗಿತ್ತು.
ರಿಲಯಂಟ್ ಕಂಪನಿಯ ರಾಬಿನ್ ಕಾರನ್ನು ನೋಡಿದ ನಂತರ ಸಿಪಾನಿ ಕಂಪನಿಯು ಈ ಕಾರಿನ ಮಾದರಿಯಲ್ಲಿಯೇ ಹೊಸ ಕಾರಿನ ಉತ್ಪಾದನೆಯನ್ನು ಆರಂಭಿಸಿತು. ಸಿಪಾನಿ ಕಂಪನಿಯು ಈ ರೀತಿ ಬಾದಲ್ ಕಾರಿನ ಉತ್ಪಾದನೆಯನ್ನು ಆರಂಭಿಸಿತು.
ಸಿಪಾನಿ ಕಂಪನಿಯು ರಿಲಯಂಟ್ ಮೋಟಾರ್ಸ್ನೊಂದಿಗೆ ಪಾಲುದಾರಿಕೆ ಹೊಂದಿದ್ದರೂ ಯಾವುದೇ ಭಾಗಗಳನ್ನು ರಾಬಿನ್ ಕಾರಿನಿಂದ ಪಡೆದಿಲ್ಲ ಎಂಬುದು ವಿಶೇಷ. ಸಿಪಾನಿ ಕಂಪನಿಯು ಬಾದಲ್ ಕಾರಿನಲ್ಲಿ ಆ ಕಾಲದಲ್ಲಿ ಸ್ಕೂಟರ್'ಗಳಲ್ಲಿ ಬಳಸಲಾಗುತ್ತಿದ್ದ 200 ಸಿಸಿ ಪೆಟ್ರೋಲ್ ಎಂಜಿನ್ ಅಳವಡಿಸಿತ್ತು.
ಈ ಎಂಜಿನ್ ಅನ್ನು ಕಾರಿನ ಹಿಂಭಾಗದಲ್ಲಿ ಇರಿಸಲಾಗಿತ್ತು. ರಿಲಯಂಟ್ ರಾಬಿನ್ ಕಾರಿಗೆ ಹೋಲಿಸಿದರೆ, ಸಿಪಾನಿ ಬಾದಲ್ ಕಾರು ಸಂಪೂರ್ಣ ವಿಭಿನ್ನವಾಗಿತ್ತು. ಈ ಕಾರು ದೇಶಿಯ ಮಾರುಕಟ್ಟೆಯಲ್ಲಿ ಜನಪ್ರಿಯವಾಗದಿರಲು ಇದು ಸಹ ಕಾರಣವಾಗಿರಬಹುದು.
1970ರ ದಶಕದ ಉತ್ತರಾರ್ಧದಲ್ಲಿ ಈ ಕಾರಿನ ಉತ್ಪಾದನೆಯನ್ನು ಆರಂಭಿಸಿ ಕೇವಲ 150 ಯುನಿಟ್ಗಳನ್ನು ಮಾತ್ರ ಮಾರಾಟ ಮಾಡಲಾಯಿತು. ನಂತರ ಈ ಕಾರಿನ 300ಕ್ಕೂ ಹೆಚ್ಚು ಯುನಿಟ್ಗಳನ್ನು ಮಾರಾಟ ಮಾಡಲಾಯಿತು.
ರಿಲಯಂಟ್ ರಾಬಿನ್ ಕಾರಿಗೆ ಹೋಲಿಸಿದರೆ ಸಿಪಾನಿ ಬಾದಲ್ ಕಾರು ತನ್ನದೇ ಆದ ಮಿತಿಗಳನ್ನು ಹೊಂದಿತ್ತು. ಸಿಪಾನಿ ಬಾದಲ್ ಕಾರು ಇಳಿಜಾರಿನಲ್ಲಿ ಚಲಿಸುವಾಗ ಈ ಕಾರಿನ ತೂಕವು ಮುಂಭಾಗದ ಚಕ್ರಗಳ ಮೇಲೆ ಬೀಳುತ್ತಿತ್ತು. ಇದರಿಂದ ಹಲವು ಭಾರಿ ಅನಾಹುತಗಳಾಗಿದ್ದವು.
ಮುಂಭಾಗದಲ್ಲಿ ಒಂದು ಚಕ್ರ ಮಾತ್ರ ಇದ್ದ ಕಾರಣ ಕಾರು ಸರಿಯಾಗಿ ಬ್ಯಾಲೆನ್ಸ್ ಆಗುತ್ತಿರಲಿಲ್ಲ. ಈ ಎಲ್ಲಾ ಕಾರಣಗಳಿಗಾಗಿ ಸಿಪಾನಿ ಬಾದಲ್ ಕಾರು ದೇಶಿಯ ಮಾರುಕಟ್ಟೆಯಲ್ಲಿ ಯಶಸ್ಸನ್ನು ಕಾಣಲು ವಿಫಲವಾಯಿತು.
ಸಿಪಾನಿ ಕಂಪನಿಯು ಸೆಲೆಬ್ರಿಟಿಗಳ ಮೂಲಕ ಈ ಕಾರಿನ ಬಗ್ಗೆ ಪ್ರಚಾರ ಮಾಡಲು ಪ್ರಯತ್ನಿಸಿದರೂ ಎಲ್ಲಾ ಪ್ರಯತ್ನಗಳು ವಿಫಲವಾದವು. ಸಿಪಾನಿ ಬಾದಲ್ ಕಾರನ್ನು ನಾಲ್ಕು ಸೀಟುಗಳ ಕಾರಿನಂತೆ ವಿನ್ಯಾಸಗೊಳಿಸಲಾಗಿದ್ದರೂ ಒಳಭಾಗದಲ್ಲಿ ಯಾವುದೇ ಫೀಚರ್'ಗಳಿರಲಿಲ್ಲ.
ಪ್ರಯಾಣಿಕರು ಎರಡನೇ ಸಾಲಿನ ಸೀಟುಗಳಿಗೆ ಪ್ರವೇಶಿಸಲು ಈ ಕಾರಿನಲ್ಲಿ ಮುಂಭಾಗದಲ್ಲಿ ಎರಡು ಡೋರ್ ಹಾಗೂ ಹಿಂಭಾಗದಲ್ಲಿ ಒಂದು ಡೋರ್ ನೀಡಲಾಗಿತ್ತು. ಭಾರತದ ಗ್ರಾಹಕರು ಮೂರು ಚಕ್ರಗಳ ಕಾರಿಗೆ ಸಿದ್ಧರಾಗಿರಲಿಲ್ಲ. ಈಗಲೂ ಸಹ ಭಾರತೀಯ ಗ್ರಾಹಕರು ಮೂರು ಚಕ್ರಗಳನ್ನು ಹೊಂದಿರುವ ಕಾರುಗಳನ್ನು ಸ್ವೀಕರಿಸುವುದು ಅನುಮಾನವಾಗಿದೆ.
ಚಿತ್ರ ಕೃಪೆ: ಟಾಕಿಂಗ್ ಕಾರ್ಸ್