ISRO LVM3: ಇಸ್ರೋದಿಂದ 36 ಸ್ಯಾಟಲೈಟ್‌ಳೊಂದಿಗೆ ಅತಿದೊಡ್ಡ LVM3 ರಾಕೆಟ್ ಯಶಸ್ವಿ ಉಡಾವಣೆ

ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ಭಾನುವಾರ ಆಂಧ್ರಪ್ರದೇಶದ ಶ್ರೀಹರಿಕೋಟಾದಲ್ಲಿರುವ ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರದಿಂದ 36 ಸ್ಯಾಟಲೈಟ್‌ಗಳೊಂದಿಗೆ ಭಾರತದ ಅತಿದೊಡ್ಡ ಲಾಂಚ್ ವೆಹಿಕಲ್ ಮಾರ್ಕ್-III (LVM3) ರಾಕೆಟ್/OneWeb India-2 ಮಿಷನ್ ಅನ್ನು ಯಶಸ್ವಿಯಾಗಿ ಉಡಾವಣೆ ಮಾಡಿದೆ. ಈ LVM-3 ರಾಕೆಟ್ ಇಸ್ರೋದ ದೊಡ್ಡ ಸಾಧನೆಯಾಗಿದೆ.

ಈ LMV-3 ರಾಕೆಟ್ ಒಟ್ಟು 3 ಹಂತಗಳನ್ನು ಹೊಂದಿದ್ದು, ಮೊದಲ ಹಂತವು ಘನ ಇಂಧನ, ಎರಡನೇ ಹಂತವು ದ್ರವ ಇಂಧನದಲ್ಲಿ ಚಲಿಸುತ್ತದೆ. ಮೂರನೇ ಹಂತಕ್ಕಾಗಿ ಕ್ರಯೋಜೆನಿಕ್ ಎಂಜಿನ್ ಅಳವಡಿಸಲಾಗಿದೆ. ಈ LVM3 ರಾಕೆಟ್‌ನ ಎರಡನೇ ವಾಣಿಜ್ಯ ಉಡಾವಣೆಯ ಕ್ಷಣಗಣನೆಯನ್ನು ಶನಿವಾರ ಕಿಕ್‌ಸ್ಟಾರ್ಟ್ ಮಾಡಲಾಗಿದೆ. 43.5 ಮೀಟರ್ ಎತ್ತರದ ಈ ರಾಕೆಟ್ ಅನ್ನು ಬೆಳಿಗ್ಗೆ 9 ಗಂಟೆಗೆ ಉಡಾವಣೆ ಮಾಡಲಾಯಿತು. ಈ LVM-3 ರಾಕೆಟ್ ಉಪಗ್ರಹಗಳನ್ನು ಭೂಸ್ಥಿರ ವರ್ಗಾವಣೆ ಕಕ್ಷೆಗೆ ಸಾಗಿಸುವ ಸಾಮರ್ಥ್ಯವನ್ನು ಹೊಂದಿದೆ.

ಪಿಎಸ್‌ಎಲ್‌ವಿ ರಾಕೆಟ್‌ ಮೂಲಕ ಮಾತ್ರ ಈ ಸ್ಯಾಟಲೈಟ್‌ಗಳನ್ನು ಲೋ ಅರ್ಥ್ ಆರ್ಬಿಟ್ ಪ್ರದೇಶದವರೆಗೆ ಸಾಗಿಸಲು ಸಾಧ್ಯ. 5,805 ಕೆ.ಜಿ ತೂಕದ 36 ಮೊದಲ ತಲೆಮಾರಿನ ಸ್ಯಾಟಲೈಟ್‌ಗಳನ್ನು ಸುಮಾರು 87.4 ಡಿಗ್ರಿಗಳ ಇಳಿಜಾರಿನೊಂದಿಗೆ 450 ಕಿಲೋಮೀಟರ್ ವೃತ್ತಾಕಾರದ ಕಕ್ಷೆಯಲ್ಲಿ ಇರಿಸಲಾಗುತ್ತದೆ. LVM-III ಯುಕೆ ಮೂಲದ ನೆಟ್‌ವರ್ಕ್ ಆಕ್ಸೆಸ್ ಅಸೋಸಿಯೇಟೆಡ್ ಲಿಮಿಟೆಡ್‌ನ (ಒನ್‌ವೆಬ್) 36 ಉಪಗ್ರಹಗಳನ್ನು ಭಾನುವಾರ ಲೋ ಅರ್ಥ್ ಆರ್ಬಿಟ್ (LEO) ಗೆ ನಿಯೋಜಿಸಲಾಗುತ್ತದೆ.

ಪಿಎಸ್‌ಎಲ್‌ವಿ ಇರುವಾಗ ಎಲ್‌ವಿಎಂ-3 ಏಕೆ?:
ಇದರ ಹಿಂದೆ ಬಹುದೊಡ್ಡ ಯೋಜನೆಯಿದೆ, ಈ ಒನ್ ವೆಬ್ ಉಪಗ್ರಹಗಳು ಲೋ ಅರ್ಥ್ ಆರ್ಬಿಟ್ (1200 ಕಿ.ಮೀ) ಪ್ರದೇಶದಲ್ಲಿ ನೆಲೆಗೊಳ್ಳಲಿವೆ. ಪಿಎಸ್‌ಎಲ್‌ವಿ ರಾಕೆಟ್ ಅಷ್ಟು ದೂರವನ್ನು ಕ್ರಮಿಸಬಹುದಾದರೂ ಇಸ್ರೋ ಈ ಕಾರ್ಯಾಚರಣೆಗೆ ಜಿಎಸ್‌ಎಲ್‌ವಿ ರಾಕೆಟ್ ಅನ್ನು ಬಳಸುತ್ತಿದೆ. ಏಕೆ ಎಂದು ಅನೇಕ ಜನರಿಗೆ ತಿಳಿದಿಲ್ಲ. ಉಪಗ್ರಹಗಳ ತೂಕವೇ ಇದಕ್ಕೆ ಪ್ರಮುಖ ಕಾರಣವಾಗಿದೆ. ಪಿಎಸ್‌ಎಲ್‌ವಿ ರಾಕೆಟ್ ಗರಿಷ್ಠ 1,750 ಕೆ.ಜಿ ತೂಕದ ಉಪಗ್ರಹಗಳನ್ನು ಹೊತ್ತೊಯ್ಯಬಲ್ಲದು.

ಆದರೆ ಎಲ್‌ವಿಎಂ-3 ರಾಕೆಟ್ 8,000 ಕೆ.ಜಿ ತೂಕದ ಉಪಗ್ರಹಗಳನ್ನು ಹೊತ್ತೊಯ್ಯಬಲ್ಲದು. ಒನ್‌ವೆಬ್‌ನ 36 ಉಪಗ್ರಹಗಳು ಒಟ್ಟು 6 ಟನ್‌ಗಳಷ್ಟು ತೂಗುತ್ತವೆ. ಹಾಗಾಗಿ LVM-3 ರಾಕೆಟ್‌ನ ಅಗತ್ಯವಿರುತ್ತದೆ. ಜಿಯೋ ಸ್ಟೇಷನರಿ ಏರಿಯಾಗೆ ಹೋಗದ ಜಿಎಸ್‌ಎಲ್‌ವಿ ಮಾರ್ಕ್ 3 ರಾಕೆಟ್ ಅನ್ನು ಎಲ್‌ವಿಎಂ ಎಂದು ಮರುನಾಮಕರಣ ಮಾಡಲು ಇದೇ ಕಾರಣವಾಗಿದೆ. ಇನ್ನು ಕಡಿಮೆ ಭೂಮಿಯ ಕಕ್ಷೆ ಪ್ರದೇಶಕ್ಕೆ ಮಾತ್ರ ಇದು ಹೋಗುತ್ತದೆ. ಇದರೊಳಗಿನ 12 ವಿಮಾನಗಳಲ್ಲಿ 36 ಸ್ಯಾಟಲೈಟ್‌ಗಳನ್ನು ಅಳವಡಿಸಲಾಗಿದೆ.

ರಾಕೆಟ್ ಒಂದು ನಿರ್ದಿಷ್ಟ ಎತ್ತರವನ್ನು ತಲುಪಿದ ನಂತರ ಅದು ಪ್ರತಿ ವಿಮಾನವನ್ನು ಸುಮಾರು 4 ಕಿ.ಮೀ ಅಂತರದಲ್ಲಿ ಬಿಡುಗಡೆ ಮಾಡುತ್ತದೆ. OneWeb Group ಕಂಪನಿಯು 72 ಉಪಗ್ರಹಗಳನ್ನು LEO ಗೆ ಉಡಾವಣೆ ಮಾಡಲು ಇಸ್ರೋದ ವಾಣಿಜ್ಯ ವಿಭಾಗವಾದ ನ್ಯೂಸ್ಪೇಸ್ ಇಂಡಿಯಾ ಲಿಮಿಟೆಡ್‌ನೊಂದಿಗೆ ಒಪ್ಪಂದ ಮಾಡಿಕೊಂಡಿದೆ. OneWeb ಎಂಬುದು ಬಾಹ್ಯಾಕಾಶದಿಂದ ಚಾಲಿತವಾಗಿರುವ ಜಾಗತಿಕ ಸಂವಹನ ಜಾಲವಾಗಿದ್ದು, ಸರ್ಕಾರಗಳು ಮತ್ತು ವ್ಯವಹಾರಗಳಿಗೆ ಸಂಪರ್ಕವನ್ನು ಸಕ್ರಿಯಗೊಳಿಸುತ್ತದೆ.

OneWeb ಫ್ಲೀಟ್‌ಗೆ 36 ಸ್ಯಾಟಲೈಟ್‌ಗಳ ಸೇರ್ಪಡೆ ಮತ್ತು ಮೊದಲ ಜಾಗತಿಕ LEO ಸಮೂಹವನ್ನು ಪೂರ್ಣಗೊಳಿಸುವುದು ಮಹತ್ವದ ಮೈಲಿಗಲ್ಲಾಗಿದೆ. ಕಂಪನಿಯು 2023 ರಲ್ಲಿ ಜಾಗತಿಕ ಸೇವೆಗಳನ್ನು ಹೊರತರಲಿದೆ ಎಂದು ಸೂಚಿಸಿದೆ. ಹಾಗೆಯೇ "17 ಉಡಾವಣೆಗಳು ಪೂರ್ಣಗೊಂಡಿವೆ. ನಾವು ಈ ವಾರಾಂತ್ಯದಲ್ಲಿ (ಮಾರ್ಚ್ 26) ISRO ಮತ್ತು ನ್ಯೂಸ್ಪೇಸ್ ಇಂಡಿಯಾ ಲಿಮಿಟೆಡ್‌ನಲ್ಲಿ ನಮ್ಮ ಸಹೋದ್ಯೋಗಿಗಳೊಂದಿಗೆ ಮತ್ತೊಂದು 36 ಉಪಗ್ರಹಗಳನ್ನು ಉಡಾವಣೆ ಮಾಡುತ್ತಿದ್ದಂತೆ, ನಾವು 616 ಉಪಗ್ರಹಗಳನ್ನು ಕಕ್ಷೆಯಲ್ಲಿ ತಲುಪಿಸುತ್ತೇವೆ ಎಂದು OneWeb ಹೇಳಿಕೆ ನೀಡಿದೆ.

ಭಾರ್ತಿ ಎಂಟರ್‌ಪ್ರೈಸಸ್ ಅನ್ನು ಪ್ರಮುಖ ಹೂಡಿಕೆದಾರರಾಗಿ ಹೊಂದಿರುವ OneWeb, ಅದರ 18ನೇ ಉಡಾವಣೆ ಮತ್ತು ಈ ವರ್ಷ ಮೂರನೇ LEO ಸಮೂಹದ ಮೊದಲ ಪೀಳಿಗೆಯನ್ನು ಪೂರ್ಣಗೊಳಿಸಲಿದೆ. ಫೆಬ್ರವರಿಯಲ್ಲಿ SSLV-D2/EOS07 ಮಿಷನ್ ನಂತರ, OneWeb India-2 ಮಿಷನ್ ಈ ವರ್ಷ ಇಸ್ರೋದ ಎರಡನೇ ಯಶಸ್ವಿ ಉಡಾವಣೆಯಾಗಿದೆ. ಭಾನುವಾರದ ಉಡಾವಣೆಯು LVM3 ರಾಕೆಟ್‌ನ ಆರನೇ ಒಟ್ಟಾರೆ ಹಾರಾಟವಾಗಿದೆ. ಇದು ಚಂದ್ರಯಾನ-2 ಸೇರಿದಂತೆ ಐದು ಸತತ ಮಿಷನ್‌ಗಳನ್ನು ಹೊಂದಿತ್ತು.