ಕಮರ್ಷಿಯಲ್ ಪೈಲಟ್ ಆಗುವ ಮೂಲಕ ಬಾಲ್ಯದ ಕನಸು ನನಸು ಮಾಡಿಕೊಂಡ ಕುಗ್ರಾಮದ ಯುವತಿ

ಭಾರತದಲ್ಲಿ ಪುರುಷರಂತೆ ಮಹಿಳೆಯರು ಸಹ ಪೈಲಟ್'ಗಳಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಇವರಲ್ಲಿ ಕೇರಳದ ತಿರುವನಂತಪುರ ಬಳಿಯ ಕೊಚುತುರಾ ಗ್ರಾಮದ ಜೆನ್ನಿ ಜೆರೋಮ್ ಸಹ ಒಬ್ಬರು. ಈ ಯುವತಿ ಕೇರಳದ ಮೊದಲ ಕಮರ್ಷಿಯಲ್ ಪೈಲಟ್ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.

ಈ ಹಿನ್ನೆಲೆಯಲ್ಲಿ ಕೇಂದ್ರದ ಹಾಗೂ ರಾಜ್ಯದ ಎಲ್ಲ ರಾಜಕಾರಣಿಗಳು ಅವರಿಗೆ ಭವ್ಯ ಸ್ವಾಗತ ನೀಡಿದ್ದಾರೆ. ಜೆನ್ನಿ ಜೆರೋಮ್ ತಮ್ಮ 23ನೇ ವಯಸ್ಸಿನಲ್ಲಿಯೇ ಪೈಲಟ್ ಆಗುವ ಮೂಲಕ ಹಲವಾರು ಯುವತಿಯರಿಗೆ ಆದರ್ಶವಾಗಿದ್ದಾರೆ.

MOST READ:ವಿಮಾನಗಳು ಹಾರಾಟ ನಡೆಸುವಾಗ, ಲ್ಯಾಂಡಿಂಗ್ ಆಗುವಾಗ ಉಂಟಾಗುವ ಶಬ್ದಗಳಿವು

ಹೊಸ ಇತಿಹಾಸ ನಿರ್ಮಿಸಿದ ಕಾರಣಕ್ಕೆ ಕೇರಳದ ಎಲ್ಲಾ ರಾಜಕಾರಣಿಗಳು ಜೆನ್ನಿ ಜೆರೋಮ್'ರವರನ್ನು ಅಭಿನಂದಿಸುತ್ತಿದ್ದಾರೆ. ಜೆನ್ನಿ ಜೆರೋಮ್ ಕಳೆದ ಭಾನುವಾರತಮ್ಮ ಮೊದಲ ಕಮರ್ಷಿಯಲ್ ವಿಮಾನ ಹಾರಾಟವನ್ನು ಯಶಸ್ವಿಯಾಗಿ ಮುಗಿಸಿದರು.

ಅವರು ಏರ್ ಅರೇಬಿಯಾ ಜಿ 9449 ವಿಮಾನವನ್ನು ಚಾಲನೆ ಮಾಡಿದರು. ಶಾರ್ಜಾದಿಂದ ಹಾರಾಟವನ್ನು ಆರಂಭಿಸಿದ ಈ ವಿಮಾನವು ತಿರುವನಂತಪುರದಲ್ಲಿ ಲ್ಯಾಂಡಿಂಗ್ ಆಯಿತು. ಈ ಯಶಸ್ವಿ ಪ್ರಯಾಣದ ನಂತರ ಜೆನ್ನಿ ಜೆರೋಮ್'ರವರಿಗೆ ಅಭಿನಂದನೆಗಳ ಮಹಾಪೂರವೇ ಹರಿದು ಬರುತ್ತಿದೆ.

MOST READ: ಪ್ರವಾಸದ ಹುಚ್ಚಿಗಾಗಿ ವಾಹನ ಕದಿಯುತ್ತಿದ್ದ ಎಂಜಿನಿಯರಿಂಗ್ ಪದವೀಧರ ಕೊನೆಗೂ ಲಾಕ್

ಎರಡನೇ ಬಾರಿಗೆ ಕೇರಳದ ಮುಖ್ಯಮಂತ್ರಿ ಗಾದಿಯನ್ನು ಅಲಂಕರಿಸಿರುವ ಪಿಣರಾಯಿ ವಿಜಯನ್ ಹಾಗೂ ಆರೋಗ್ಯ ಸಚಿವೆ ವೀಣಾ ಜಾರ್ಜ್ ಸೇರಿದಂತೆ ಹಲವಾರು ಮಂತ್ರಿಗಳು ಜೆನ್ನಿ ಜೆರೋಮ್'ರವರನ್ನು ಅಭಿನಂದಿಸಿದ್ದಾರೆ.

ಜೆನ್ನಿ ಜೆರೋಮ್'ರವರ ಸಾಧನೆಯ ಬಗ್ಗೆ ಟ್ವೀಟ್ ಮಾಡಿರುವ ಕೇರಳ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್, ಜೆನ್ನಿ ಜೆರೋಮ್'ರವರ ಸಾಧನೆಯು ಯುವತಿಯರಿಗೆ ಹಾಗೂ ಸಾಮಾನ್ಯ ಜನರಿಗೆ ಉತ್ತಮ ಸ್ಫೂರ್ತಿಯಾಗಿದೆ ಎಂದು ಹೇಳಿದ್ದಾರೆ.

MOST READ: ಭಾರತದಲ್ಲಿ ಹೆಚ್ಚು ಕಾರು ಮಾರಾಟವಾಗುವ ಹತ್ತು ಪ್ರಮುಖ ನಗರಗಳಿವು

ಜೆನ್ನಿ ಜೆರೋಮ್'ರವರ ಕನಸನ್ನು ನನಸು ಮಾಡಲು ಬೆಂಬಲ ನೀಡಿದ ಅವರ ಕುಟುಂಬವು ಸಮಾಜಕ್ಕೆ ಆದರ್ಶಪ್ರಾಯವಾಗಿದೆ. ಜೆನ್ನಿ ಜೆರೋಮ್ ತಮ್ಮ ಜೀವನದಲ್ಲಿ ಇನ್ನೂ ಹೆಚ್ಚಿನ ಸಾಧನೆಗಳನ್ನು ಮಾಡಲಿ ಎಂದು ಹಾರೈಸುತ್ತೇವೆ ಎಂದು ಅವರು ಹೇಳಿದ್ದಾರೆ.

ಕುಗ್ರಾಮದಿಂದ ಬಂದು ಮಹತ್ತರ ಸಾಧನೆ ಮಾಡಿರುವ ಜೆನ್ನಿ ಜೆರೋಮ್‌ರವರನ್ನು ತಿರುವನಂತಪುರಂ ಸಂಸದರಾದ ಶಶಿ ತರೂರ್ ಕೂಡ ಕೊಂಡಾಡಿ ತಮ್ಮ ಟ್ವಿಟರ್ ಖಾತೆಯ ಮೂಲಕ ಅಭಿನಂದನೆ ಸಲ್ಲಿಸಿದ್ದಾರೆ. ಮೀನುಗಾರಿಕೆಯೇ ಪ್ರಧಾನ ಕಸುಬಾಗಿರುವ ಹಳ್ಳಿಯ ಯುವತಿಯೊಬ್ಬಳು ಪೈಲಟ್ ಆಗಿರುವುದು ನಿಜಕ್ಕೂ ಹೆಮ್ಮೆಯ ಸಂಗತಿಯಾಗಿದೆ. ಈ ಮೂಲಕ ಅವರು ತಮ್ಮ ಬಾಲ್ಯದ ಕನಸನ್ನು ನನಸು ಮಾಡಿಕೊಂಡಿದ್ದಾರೆ. ಅವರ ಈ ಸಾಧನೆ ಎಲ್ಲರಿಗೂ ಸ್ಫೂರ್ತಿ ನೀಡಲಿದೆ ಎಂದು ಅವರು ಟ್ವೀಟ್ ಮಾಡಿದ್ದಾರೆ.