ಪ್ರವಾಹದ ನೀರಿನಲ್ಲಿ ಈಜುತ್ತಾ ಸಾಗಿದ ಲ್ಯಾಂಬೊರ್ಗಿನಿ ಸೂಪರ್ ಕಾರು

ಇದನ್ನು ನೋಡಿದ ಇತರ ವಾಹನ ವಾಹನಗಳ ಸವಾರರು ಆಶ್ಚರ್ಯಚಕಿತರಾಗಿದ್ದಾರೆ. ಸ್ಥಳದಲ್ಲಿದ್ದ ವ್ಯಕ್ತಿ ಈ ಘಟನೆಯನ್ನು ಕ್ಯಾಮೆರಾದಲ್ಲಿ ಸೆರೆಹಿಡಿದು ಯೂಟ್ಯೂಬ್ ನಲ್ಲಿ ಅಪ್ ಲೋಡ್ ಮಾಡಿದ್ದಾರೆ. ಇತ್ತೀಚಿಗೆ ಎಟಾ ಚಂಡಮಾರುತದಿಂದ ಫ್ಲೋರಿಡಾದ ಹಲವು ಭಾಗಗಳಲ್ಲಿ ಪ್ರವಾಹ ಪರಿಸ್ಥಿತಿ ಉಂಟಾಗಿತ್ತು.

ಈ ಚಂಡಮಾರುತದಿಂದಾಗಿ ರಸ್ತೆಗಳಲ್ಲಿದ್ದ ಹಲವು ವಾಹನಗಳು ಕೊಚ್ಚಿ ಹೋಗಿವೆ. ಹೀಗೆ ನೀರಿನಿಂದ ಜಲಾವೃತವಾಗಿದ್ದ ರಸ್ತೆಯಲ್ಲಿ ಲ್ಯಾಂಬೊರ್ಗಿನಿ ಕಾರು ಸುಲಭವಾಗಿ ಸಾಗಿದೆ.

MOSTREAD: ಟ್ರ್ಯಾಕ್ಟರ್‌ಗಳ ಹಿಂಭಾಗದಲ್ಲಿ ದೊಡ್ಡ ಗಾತ್ರದ ಟಯರ್‌ಗಳಿರಲು ಕಾರಣಗಳಿವು

ಲ್ಯಾಂಬೊರ್ಗಿನಿ ಹುರಾಕನ್ ಸ್ಪೈಡರ್ ಕಾರು ಜಲಾವೃತವಾಗಿರುವ ರಸ್ತೆಯಲ್ಲಿ ಸಾಗುತ್ತಿರುವುದನ್ನು ಈ ವೀಡಿಯೊದಲ್ಲಿ ಕಾಣಬಹುದು. ಈ ಜಲಾವೃತದ ಮಧ್ಯೆಯೂ ಹುರಾಕನ್ ಸ್ಪೈಡರ್ ಮುಂದೆ ಸಾಗಿದೆ.

ಈ ವೀಡಿಯೊದಲ್ಲಿ ಲ್ಯಾಂಬೊರ್ಗಿನಿ ಕಾರು ಸಂಪೂರ್ಣವಾಗಿ ಮುಳುಗಿದಂತೆ ಕಂಡು ಬರುತ್ತದೆ. ಅಲ್ಲಿಗೆ ವೀಡಿಯೊ ಕೊನೆಗೊಳ್ಳುತ್ತದೆ. ಈ ಘಟನೆಯ ನಂತರ ಕಾರು ಯಾವ ರೀತಿಯಲ್ಲಿ ಹಾನಿಗೀಡಾಗಿದೆ ಎಂಬುದರ ಬಗ್ಗೆ ಯಾವುದೇ ಮಾಹಿತಿ ಲಭ್ಯವಾಗಿಲ್ಲ.

MOSTREAD: ಚಿಕ್ಕ ಜಾಗದಲ್ಲಿ ದೊಡ್ಡ ಕಾರನ್ನು ಪಾರ್ಕ್ ಮಾಡಿದ ಅಪ್ರತಿಮ ಚಾಲಕನನ್ನು ಸನ್ಮಾನಿಸಿದ ಟೊಯೊಟಾ ಡೀಲರ್

ಆದರೆ ಈ ಘಟನೆಯ ನಂತರ ಈ ಲ್ಯಾಂಬೊರ್ಗಿನಿ ಹುರಾಕನ್ ಸ್ಪೈಡರ್ ಕಾರನ್ನು ಅದರ ಮಾಲೀಕರು ಸರ್ವೀಸ್ ಸೆಂಟರ್ ಗೆ ಕೊಂಡೊಯ್ಯುವ ಅಗತ್ಯವಿದೆ. ಏಕೆಂದರೆ ಲ್ಯಾಂಬೊರ್ಗಿನಿ ಹುರಾಕನ್ ಸ್ಪೈಡರ್ ಕಾರಿನಲ್ಲಿ ಎಂಜಿನ್ ಅನ್ನು ಅದರ ಹಿಂಭಾಗದಲ್ಲಿ ಜೋಡಿಸಲಾಗಿರುತ್ತದೆ. ಇದರಿಂದ ಎಂಜಿನ್ ಹಾನಿಗೀಡಾಗಿರುವ ಸಾಧ್ಯತೆಗಳಿವೆ.

ಈ ವೀಡಿಯೊದಲ್ಲಿ ನೀರು ಕಾರಿನ ಎಂಜಿನ್ ನೊಳಕ್ಕೆ ಹೋಗಿರುವ ಸಾಧ್ಯತೆಗಳು ಹೆಚ್ಚು. ಇದರ ಜೊತೆಗೆ ಈ ನೀರಿನಿಂದಾಗಿ ಕಾರು ಹಾಗೂ ಅದರ ಒಳಗಿರುವ ಭಾಗಗಳಿಗೆ ತುಕ್ಕು ಹಿಡಿಯುವ ಸಾಧ್ಯತೆಗಳಿವೆ. ಲ್ಯಾಂಬೊರ್ಗಿನಿ ಹುರಾಕನ್ ಸ್ಪೈಡರ್ ಕಾರು ತನ್ನ ಲುಕ್ ಹಾಗೂ ಪರ್ಫಾಮೆನ್ಸ್ ಗೆ ಹೆಸರುವಾಸಿಯಾಗಿದೆ.