ಮೊಬೈಲ್ ಲೈಬ್ರರಿಯಾಗಿ ಬದಲಾದ ಮಹೀಂದ್ರಾ ಬೊಲೆರೊ ಪಿಕ್ ಅಪ್ ಟ್ರಕ್

ಆನಂದ್ ಮಹೀಂದ್ರಾ ಈ ಬಾರಿಯೂ ಆಸಕ್ತಿದಾಯಕ ಸಂಗತಿಯ ಬಗ್ಗೆ ಟ್ವೀಟ್ ಮಾಡಿದ್ದಾರೆ. ಈ ಬಾರಿ ಅವರು ಮಾಡಿರುವ ಟ್ವೀಟ್ ಮಹೀಂದ್ರಾ ಬೊಲೆರೊ ವಾಹನಕ್ಕೆ ಸಂಬಂಧಿಸಿದೆ. ಬೊಲೆರೊ ಕಾರನ್ನು ಮೊಬೈಲ್ ಲೈಬ್ರರಿಯಾಗಿ ಮಾಡಿಫೈ ಮಾಡಲಾಗಿದೆ. ಈ ಮೊಬೈಲ್ ಲೈಬ್ರರಿಯನ್ನು ಸಾರ್ವಜನಿಕರು ಬಳಸಬಹುದು.

ಆನಂದ್ ಮಹೀಂದ್ರಾ ಅವರ ಈ ಟ್ವೀಟ್ ವೈರಲ್ ಆಗಿದ್ದು, ಸಾವಿರಾರು ಜನರು ಲೈಕ್ ಮಾಡಿ, ರಿಟ್ವೀಟ್ ಮಾಡಿದ್ದಾರೆ. ಕೆಲ ಟ್ವಿಟರ್ ಬಳಕೆದಾರರು ಈ ಕಾರಿನ ಮಾಲೀಕರನ್ನು ಶ್ಲಾಘಿಸಿದ್ದಾರೆ.

MOST READ:ರಿಕ್ಷಾ ಕಳೆದುಕೊಂಡವನಿಗೆ ಹೊಸ ರಿಕ್ಷಾ ಕೊಡಿಸಿದ ಆಪದ್ಭಾಂಧವ

ಈ ಬೊಲೆರೊ ಪೀಕ್-ಅಪ್‌ ವಾಹನದಲ್ಲಿ ಲೈಬ್ರರಿಯನ್ನು ನಿರ್ಮಿಸಲಾಗಿದೆ. ಬೊಲೆರೊ ಲೈಬ್ರರಿಯ ಚಿತ್ರವನ್ನು ಹಂಚಿಕೊಂಡ ಆನಂದ್ ಮಹೀಂದ್ರಾ, ಈ ಬೊಲೆರೊದಲ್ಲಿ ಗ್ರಂಥಾಲಯವನ್ನು ನಿರ್ಮಿಸಲಾಗಿದ್ದು, ಇದು ನಿಜವಾಗಿಯೂ ಕಾರಿನ ಅತ್ಯುತ್ತಮ ಬಳಕೆಯಾಗಿದೆ ಎಂದು ಹೇಳಿದ್ದಾರೆ.

ಈ ಚಿತ್ರವನ್ನು ಲುಧಿಯಾನದಲ್ಲಿರುವ ನನ್ನ ಸ್ನೇಹಿತ ಮಿನ್ನಿಯವರು ಶೇರ್ ಮಾಡಿದ್ದಾರೆ. ಈ ಬೊಲೆರೊ ವಾಹನವು ಗುರು ಗೋವಿಂದ್ ಸಿಂಗ್ ಸ್ಟಡಿ ಸರ್ಕಲ್‌ಗೆ ಸೇರಿದೆ.

MOST READ:ಶೋಚನೀಯ ಸ್ಥಿತಿಯಲ್ಲಿವೆ ದುಬಾರಿ ಬೆಲೆಯ ಐಷಾರಾಮಿ ರೋಲ್ಸ್ ರಾಯ್ಸ್ ಕಾರುಗಳು

ಈಗಿನ ಯುವಕರು ಡಿಜಿಟಲ್ ಪ್ರಪಂಚದಿಂದ ಹೊರಬಂದು ಪುಸ್ತಕಗಳನ್ನು ಓದಲಿ ಎಂಬುದು ಗುರು ಗೋವಿಂದ್ ಸಿಂಗ್ ಸ್ಟಡಿ ಸರ್ಕಲ್‌ನ ಉದ್ದೇಶವೆಂದು ಆನಂದ್ ಮಹೀಂದ್ರಾ ಟ್ವೀಟ್ ಮಾಡಿದ್ದಾರೆ. ಟ್ವಿಟರ್ ಬಳಕೆದಾರರು ಈ ಕಾರಿನ ಉದ್ದೇಶವನ್ನು ಶ್ಲಾಘಿಸಿದ್ದಾರೆ.

ವಾಸ್ತವವಾಗಿ, ಈ ಲೈಬ್ರರಿಯನ್ನು ಮಹೀಂದ್ರಾ ಬೊಲೆರೊ ಪಿಕ್-ಅಪ್‌ ವಾಹನದಲ್ಲಿ ನಿರ್ಮಿಸಲಾಗಿದೆ. ವಾಹನದ ಹಿಂದಿರುವ ಗೂಡ್ಸ್ ಕ್ಯಾರಿಯರ್ ನಲ್ಲಿ ಬುಕ್ ಶೆಲ್ಫ್ ಗಳನ್ನು ಜೋಡಿಸಲಾಗಿದೆ.

MOSTREAD: ಇನ್ನು ಮುಂದೆ ಈ ನಗರಗಳಲ್ಲಿ ಡೀಸೆಲ್ ವಾಹನಗಳನ್ನು ಮಾರಾಟ ಮಾಡುವಂತಿಲ್ಲ

ಈ ವಾಹನದಲ್ಲಿ ಸ್ಲೈಡಿಂಗ್ ಬುಕ್ ಶೆಲ್ಫ್ ಗಳನ್ನು ಮಾಡಲಾಗಿದೆ. ಈ ಶೆಲ್ಫ್ ನಲ್ಲಿ ಹೆಚ್ಚು ಹೆಚ್ಚು ಜಾಗವನ್ನು ಬಳಸಲಾಗಿದೆ. ಬುಕ್ ಶೆಲ್ಫ್ ಸ್ಲೈಡಿಂಗ್ ಅನ್ನು ಸುಲಭವಾಗಿ ಹೊರ ತೆಗೆದು ಒಳಗಿಡಬಹುದು.

ಈ ಟ್ವೀಟ್ ವೈರಲ್ ಆಗಿ ಜನ ಮೆಚ್ಚುಗೆ ಗಳಿಸಿದೆ. ಅನೇಕ ಟ್ವಿಟರ್ ಬಳಕೆದಾರರು ಡಿಜಿಟಲ್ ಮೂಲಕ ಮಾತ್ರವಲ್ಲದೆ ಪುಸ್ತಕಗಳು ಹಾಗೂ ಗ್ರಂಥಾಲಯದ ಮೂಲಕವೂ ಜ್ಞಾನವನ್ನು ಪಡೆದುಕೊಳ್ಳಬೇಕು ಎಂದು ಹೇಳಿದ್ದಾರೆ.