ಬಡ ಹೆಣ್ಮಕ್ಕಳ ವಿದ್ಯಾಭ್ಯಾಸಕ್ಕೆ ಮಹೀಂದ್ರ ನೆರವು

ದೇಶದ ಅತಿದೊಡ್ಡ ಯುಟಿಲಿಟಿ ವಾಹನ ತಯಾರಕ ಸಂಸ್ಥೆಯಾಗಿರುವ ಮಹೀಂದ್ರ ಆಂಡ್ ಮಹೀಂದ್ರ ಸಂಸ್ಥೆಯು ದೇಶದ ಹೆಣ್ಮಕ್ಕಳ ವಿದ್ಯಾಭ್ಯಾಸ ನೆರವಿಗಾಗಿ ಈಗಾಗಲೇ ಹೊಸತಾದ ಅಭಿಯಾನ (2014, ಆಗಸ್ಟ್ 27ರಂದು) ಆರಂಭಿಸಿದೆ.

ಪ್ರಸ್ತುತ ಅಭಿಯಾನವು 'ಹೆಮ್ಮೆಯ ಮಗಳಿಗಾಗಿ ಹೆಮ್ಮೆಯ ಅಪ್ಪಂದಿರು' (Proud Fathers For Daughters) ಎಂದಾಗಿದೆ. ಈ ಮೂಲಕ ಹೆಣ್ಮಕ್ಕಳಿಗೆ ಶೈಕ್ಷಣಿಕ ವಸ್ತುಗಳನ್ನು ಒದಗಿಸುವ ಮೂಲಕ ಓದಿಗೆ ನೆರವಾಗಲಿದೆ.

ದೇಶದ ಅನೇಕ ಜನಪ್ರಿಯ ಸೆಲೆಬ್ರಿಟಿಗಳು ಮತ್ತು ಅವರ ಮಕ್ಕಳನ್ನು ತನ್ನತ್ತ ಸೆಳೆಯುವಲ್ಲಿಯೂ ಪ್ರಸ್ತುತ ಯೋಜನೆ ಯಶಸ್ವಿಯಾಗಿದೆ. ಕ್ರಿಕೆಟ್ ದಿಗ್ಗಜ ಸಚಿನ್ ಮತ್ತು ಸಾರಾ ಸಚಿನ್, ಅನಿಲ್ ಮತ್ತು ಸೋನಮ್ ಕಪೂರ್, ರಿಷಿ ಮತ್ತು ರಿಧಿಮ ಕಪೂರ್, ಜಾವೇದ್ ಮತ್ತು ಜೋಯಾ ಅಖ್ತರ್ ಮುಂತಾದವರು ಈಗಾಗಲೇ ಕೈಜೋಡಿಸಿಕೊಂಡಿದ್ದಾರೆ.

ಭಾರತದಲ್ಲಿ ಪುರುಷ-ಮಹಿಳಾ ನಿಷ್ಫತ್ತಿಯು 1000ಕ್ಕೆ 914ರಷ್ಟಿದೆ. ದೇಶದಲ್ಲಿ ಈಗಲೂ ಅನೇಕ ಕುಟುಂಬಗಳು ಹೆಣ್ಣು ಮಗಳ ಬದಲು ಗಂಡು ಮಗನನ್ನೇ ಬಯಸುತ್ತಿದೆ. ಸರಿಯಾದ ವಿದ್ಯಾಭ್ಯಾಸದ ಕೊರತೆಯೇ ಇದರ ಹಿಂದಿರುವ ಪ್ರಮುಖ ಕಾರಣವಾಗಿದೆ. ಈ ನಿಟ್ಟಿನಲ್ಲಿ ಮಹೀಂದ್ರ ಯೋಜನೆಯು ಸಮಾಜಕ್ಕೆ ಮಾದರಿಯಾಗಲಿದೆ.

ಅಂದ ಹಾಗೆ ನನ್ಹಿ ಕಲಿ ಯೋಜನೆಗೆ ನೀವು ಕೂಡೂ ಅನುದಾನ ನೀಡಲು ಇಚ್ಛಿಸುದಾದ್ದಲ್ಲಿ ಅಂತೆಯೇ ಹೆಚ್ಚಿನ ಮಾಹಿತಿಗಾಗಿ ಇಲ್ಲಿ ಕೊಟ್ಟಿರುವ ವೆಬ್‌ಸೈಟ್‌ ಲಿಂಕ್‌ಗೆ ಭೇಟಿ ಕೊಡಿರಿ.