ಮಳೆಯಿಂದ ಹಳ್ಳಕ್ಕೆ ಬಿದ್ದ ಸರ್ಕಾರಿ ಬಸ್ ರಕ್ಷಣೆಗೆ ಪ್ರಯತ್ನಿಸಿದ ಮಹೀಂದ್ರಾ ಥಾರ್: ಮುಂದೇನಾಯ್ತು?

ಮಹೀಂದ್ರಾ ಥಾರ್ (Mahindra Thar) ಎಸ್‍ಯುವಿಯು ಬಹಳ ವರ್ಷಗಳಿಂದ ದೇಶಿಯ ಮಾರುಕಟ್ಟೆಯಲ್ಲಿ ಜನಪ್ರಿಯ ಆಫ್-ರೋಡರ್ ಎಸ್‍ಯುವಿಯಾಗಿದೆ. ಎಷ್ಟು ಜನಪ್ರಿಯ ಅಂದರೆ, ಆಫ್-ರೋಡ್ ಎಸ್‍ಯುವಿ ಹೇಳಿದಾದಗ ಭಾರತೀಯರಿಗೆ ಮೊದಲು ನೆನಪಿಗೆ ಬರುವುದು ಮಹೀಂದ್ರಾ ಥಾರ್ ಹೆಸರು ಆಗಿದೆ. ಈ ಮಹೀಂದ್ರಾ ಥಾರ್ ಮಳೆಯಿಂದ ರಸ್ತೆಯಿಂದ ಹಳ್ಳಕ್ಕೆ ಜಾರಿ ಬಿದ್ದ ಬಸ್ ರಕ್ಷಣೆ ಮಾಡಲು ಮುಂದಾದ ಘಟನೆಯೊಂದು ವರದಿಯಾಗಿದೆ.

ಮಳೆಯಿಂದ ರಸ್ತೆಯಿಂದ ಹಳ್ಳಕ್ಕೆ ಜಾರಿ ಬಿದ್ದ ಬಸ್ (Bus) ರಕ್ಷಣೆ ಮಾಡಲು ಥಾರ್ ಬಂದ ಘಟನೆಯು ತಮಿಳುನಾಡಿನಲ್ಲಿ ನಡೆದಿದೆ. ಈ ವೀಡಿಯೋ ಸೋಷಿಯಲ್ ಮೀಡಿಯಾಗಲ್ಲಿ ವೈರಲ್ ಆಗಿದೆ. ಸದ್ಯ ತಮಿಳುನಾಡಿನಾದ್ಯಂತ ಮಳೆಯಾಗುತ್ತಿದ್ದು, ಇದರಿಂದ ರಸ್ತೆಯಲ್ಲಿ ಸಂಚರಿಸುವ ವಾಹನಗಳ ಮಳೆಯಿಂದಾಗಿ ಅಪಘಾತಕ್ಕೀಡಾಗುತ್ತಿದೆ. Monk's Ecstacy ಎಂಬ ಯೂಟ್ಯೂಬ್ ಚಾನೆಲ್ ಅಪಘಾತಕ್ಕೀಡಾದ ಸರಕಾರಿ ಬಸ್ಸನ್ನು ಎಳೆಯಲು ಥಾರ್ ಎಸ್‍ಯುವಿಯು ಪ್ರಯತ್ನಿಸುತ್ತಿರುವ ವೀಡಿಯೋ ಹಂಚಿಕೊಂಡಿದ್ದಾರೆ.

ಈ ವೀಡಿಯೋ ಪ್ರಕಾರ, ಅವರು ಕೊಯಂಬತ್ತೂರ್ ಹೋಗಿ ತಮ್ಮ ಮಹೀಂದ್ರಾ ಥಾರ್ ಕಾರಿನಲ್ಲಿ ತಮ್ಮ ಊರಿಗೆ ಮರಳುತ್ತಿದ್ದಾಗ ಕಾರು ಒಠಂಚತ್ರಂ ಪ್ರದೇಶದ ಬಳಿ ಬಂದಗ ರಸ್ತೆಯಲ್ಲಿ ಭಾರೀ ಟ್ರಾಫಿಕ್ ಜಾಮ್ ಉಂಟಾಗಿತ್ತು. ಅವರು ಮುಂದೆ ಹೋಗಿ ಈ ದಟ್ಟಣೆ ಏಕೆ ಸಂಭವಿಸಿದೆ ಎಂದು ನೋಡಿದ್ದಾರೆ. ಆಗ ಆ ರಸ್ತೆಯಲ್ಲಿ ಹಾದು ಹೋಗುತ್ತಿದ್ದ ಸರ್ಕಾರಿ ಬಸ್ ಮಳೆಯ ರಭಸಕ್ಕೆ ರಸ್ತೆಯಿಂದ ಜಾರಿ ಪಕ್ಕದ ಹಳ್ಳಕ್ಕೆ ಬಿದ್ದಿದೆ.

ಬಸ್ಸಿನಲ್ಲಿದ್ದ ಪ್ರಯಾಣಿಕರೆಲ್ಲರೂ ಬಸ್ಸಿನಿಂದ ಕೆಳಗಿಳಿದು ಮಳೆಯಲ್ಲೇ ನಿಂತಿದ್ದರು. ಇದನ್ನು ಕಂಡು ಅವರಿಗೆ ಸಹಾಯ ಮಾಡಲು ಯೋಚಿಸಿದರು. ಕೂಡಲೇ ಬಸ್ಸಿನ ಕಂಡಕ್ಟರ್‌ಗೆ ಮಾತನಾಡಿ ವಾಹನವನ್ನು ಎಳೆಯಲು ಸಹಾಯ ಮಾಡುವುದಾಗಿ ತಿಳಿಸಿದ್ದಾರೆ. ಅವರು ತಮ್ಮ ಮಹೀಂದ್ರಾ ಥಾರ್ ಎಸ್‍ಯುವಿಯೊಂದಿಗೆ ಬಸ್ಸನ್ನು ಎಳೆಯಲು ಯತ್ನಿಸಿದ. ಒಂದು ಬಸ್ ಸಾಮಾನ್ಯವಾಗಿ 10,000 ಕೆಜಿಗಿಂತ ಹೆಚ್ಚು ತೂಕವಿರುತ್ತದೆ.

ಮಳೆಗಾಲದಲ್ಲಿ ಕೆಸರಿನಲ್ಲಿ ಸಿಲುಕಿದ ಬಸ್ಸನ್ನು ಮಹೀಂದ್ರಾ ಥಾರ್ ಎಸ್‍ಯುವಿ ಮೂಲಕ ಎಳೆದು ತರುವುದು ಮಾಮೂಲಿ ಕೆಲಸವಲ್ಲ. ಆಗಲೇ ಅರಿವಾಗಿದ್ದರೂ ಬಸ್ಸು ಎಳೆಯಲು ಪ್ರಯತ್ನಿಸಿದರೆ ನೋಡಬಹುದೆಂದು ಯೋಚಿಸಿದ. ಅಲ್ಲಿದ್ದ ಸಾರ್ವಜನಿಕರೂ ಸಹಾಯ ಮಾಡಿದರು. ಹಳ್ಳದಲ್ಲಿ ಸಿಲುಕಿದ್ದ ಬಸ್ಸನ್ನು ರಕ್ಷಿಸಲು ಹಲವು ಪ್ರಯತ್ನಗಳನ್ನು ಮಾಡಿದರೂ ಸಾಧ್ಯವಾಗಲಿಲ್ಲ. ಟ್ರಾಕ್ಟರ್ ಜೆಸಿಪಿಯಂತಹ ಹೆಚ್ಚಿನ ಟೋಯಿಂಗ್ ಸಾಮರ್ಥ್ಯದ ವಾಹನಗಳು ಮಾತ್ರ ಸಿಲುಕಿರುವ ಬಸ್ ಅನ್ನು ರಕ್ಷಿಸುವ ಪರಿಸ್ಥಿತಿ ಉದ್ಭವಿಸಿದೆ.

ಇದಕ್ಕೆ ಮುಖ್ಯ ಕಾರಣ ಮಳೆಗಾಲದಲ್ಲಿ ಬಸ್ ಹಳ್ಳದಲ್ಲಿ ಸಿಲುಕಿದಾಗ ಬಸ್ಸಿನ ಚಕ್ರ ಮಣ್ಣಿನಲ್ಲಿ ಸಿಲುಕಿ ಅದನ್ನು ಎಳೆಯಲು ಕಷ್ಟವಾಗುತ್ತದೆ. ಮಹೀಂದ್ರ ಥಾರ್‌ಗೆ ಸಂಬಂಧಿಸಿದಂತೆ, ಇದು 4 ಚಕ್ರ ಚಾಲನೆಯ ಎಸ್‍ಯುವಿ ಮತ್ತು ಹೆಚ್ಚಿನ ಟೋವಿಂಗ್ ಸಾಮರ್ಥ್ಯವನ್ನು ಹೊಂದಿದೆ. ಆಫ್ ರೋಡ್ ಕೆಲಸದಲ್ಲಿ ಹೆಚ್ಚು ತೊಡಗಿಸಿಕೊಳ್ಳುತ್ತಾರೆ ಎಂಬ ಕಾರಣಕ್ಕೆ ಈ ಪ್ರಯತ್ನವನ್ನೂ ಮಾಡಿದ್ದಾರೆ.

ಆದರೆ, ಕೊನೆಯವರೆಗೂ ಪ್ರಯತ್ನ ಪಟ್ಟರೂ ಫಲ ಸಿಗದ ಕಾರಣ ಅಲ್ಲಿಂದ ಹೊರಡದೆ ಬೇರೆ ದಾರಿ ಇರಲಿಲ್ಲ. ಬಸ್ಸಿನ ಚಾಲಕ, ಕಂಡಕ್ಟರ್ ಸೇರಿದಂತೆ ಅಲ್ಲಿದ್ದ ಸಾರ್ವಜನಿಕರು ಇವರ ಕಾರ್ಯಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದರು. ಈ ಎಲ್ಲಾ ದೃಶ್ಯಗಳು ವಿಡಿಯೋದಲ್ಲಿ ದಾಖಲಾಗಿವೆ. ಈ ವೀಡಿಯೊವನ್ನು ಅವರು YouTube ನಲ್ಲಿ ಅಪ್‌ಲೋಡ್ ಮಾಡಿದಾಗ ಅದನ್ನು ಇತರರು ಬಳಸಲು ಅನುಮತಿಸದ ಕಾರಣ ಇಲ್ಲಿ ಲಿಂಕ್ ಮಾಡಲು ನನಗೆ ಸಾಧ್ಯವಾಗುತ್ತಿಲ್ಲ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತ ಆಟೋಮೊಬೈಲ್ ಸುದ್ದಿಗಳನ್ನು ಒದಗಿಸುತ್ತದೆ, ಎಲ್ಲಾ ಸಾಮಾಜಿಕ ಮಾಧ್ಯಮಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಹಂಚಿಕೊಳ್ಳುತ್ತದೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್ ಮತ್ತು ಯೂಟ್ಯೂಬ್ ಪೇಜ್‌ಗಳೊಂದಿಗೆ ಸಂಪರ್ಕದಲ್ಲಿರಿ. ನಿಮಗೆ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.

Note: Video owner disabled to embed video.