Just In
- 1 hr ago ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್
- 2 hrs ago Suzuki Access Electric: ಸುಜುಕಿ ಆಕ್ಸೆಸ್ ಎಲೆಕ್ಟ್ರಿಕ್ ಸ್ಕೂಟರ್ ಈ ವರ್ಷ ಬಿಡುಗಡೆ ಸಾಧ್ಯತೆ!
- 3 hrs ago Royal Enfield Himalayan ಸುಲಭವಾಗಿ ಖರೀದಿಸುವುದು ಹೇಗೆ?: ಇಲ್ಲಿದೆ ಡೌನ್ಪೇಮೆಂಟ್, EMI ಮಾಹಿತಿಗಳು!
- 3 hrs ago ಮಿಂಚಿನ ವೇಗಕ್ಕೆ ಸರಿಸಾಟಿಯಾಗಿ ಬೆಂಗಳೂರಿನ ಹೊಸ ಅಲ್ಟ್ರಾವೈಲೆಟ್ ಬೈಕ್ ಬಿಡುಗಡೆ: 323KM ರೇಂಜ್
Don't Miss!
- Technology ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್!
- Lifestyle 613 ದಿನ ಕೊರೊನಾ ವಿರುದ್ಧ ಹೋರಾಡಿ ವೃತಪಟ್ಟ ವ್ಯಕ್ತಿ..!
- News Kotak Mahindra Bank: ಕೋಟಕ್ ಮಹಿಂದ್ರಾ ಬ್ಯಾಂಕ್ ಮೇಲೆ ಆರ್ಬಿಐ ನಿರ್ಬಂಧ: ಗ್ರಾಹಕರ ಮೇಲೆ ಪರಿಣಾಮಗಳೇನು?
- Movies Swathi Royal; ಒಂಬತ್ತನೇ ಕ್ಲಾಸ್ ನಲ್ಲೇ ಲವ್ವಲ್ಲಿ ಬಿದ್ದ ಅಮೃತಧಾರೆ ಅಪರ್ಣಾ..!
- Sports DC vs GT IPL 2024: ಡೆಲ್ಲಿ ಕೋಟೆಯಲ್ಲಿ ವಿಜಯದ ಪತಾಕೆ ಹಾರಿಸುತ್ತಾ ಗುಜರಾತ್?; ಟಾಸ್ ವರದಿ, ಆಡುವ ಬಳಗ
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಹೆಲ್ಮೆಟ್ನಲ್ಲಿ ಹಾವಿದ್ದರೂ 11 ಕಿ.ಮೀ ಚಲಿಸಿದ ಸ್ಕೂಲ್ ಟೀಚರ್..!
ಯಾರೇ ಆಗಲಿ ಹಾವುಗಳೆಂದರೆ ಬೆಚ್ಚಿ ಬೀಳುತ್ತಾರೆ. ಹಾವುಗಳನ್ನು ಕಂಡರೆ ಅವುಗಳಿಂದ ಮಾರು ದೂರ ಹೋಗುತ್ತಾರೆ. ಅಂತಹುದರಲ್ಲಿ ಹಾವುಗಳು ನಾವು ಧರಿಸುವ ಸಾಕ್ಸ್ ನಲ್ಲಿಯೋ ಅಥವಾ ಹೆಲ್ಮೆಟ್ನಲ್ಲಿಯೋ ಸೇರಿಕೊಂಡರೆ ಹೇಗಾಗುವುದಿಲ್ಲ.
ಹೆಲ್ಮೆಟ್ನಲ್ಲಿ ವಿಷಪೂರಿತ ಹಾವು ಸೇರಿಕೊಂಡರೂ ಸಹ ವ್ಯಕ್ತಿಯೊಬ್ಬ ಅದೇ ಹೆಲ್ಮೆಟ್ ಧರಿಸಿ ಸುಮಾರು 11 ಕಿ.ಮೀ ಬೈಕ್ ಚಲಾಯಿಸಿಕೊಂಡು ಹೋದ ಘಟನೆ ಕೇರಳದಲ್ಲಿ ನಡೆದಿದೆ. ಸಂಸ್ಕೃತ ವಿಷಯವನ್ನು ಬೋಧಿಸುವ ರಂಜಿತ್ ಎಂಬ ಸ್ಕೂಲ್ ಟೀಚರ್ ಸಾವನ್ನು ತಲೆ ಮೇಲೆ ಹೊತ್ತುಕೊಂಡು ಪಾರಾಗಿ ಬಂದಿರುವವರು.
ನಂತರ ಅವರನ್ನು ತಾಲ್ಲೂಕು ಆಸ್ಪತ್ರೆಗೆ ದಾಖಲಿಸಿ, ದೇಹಕ್ಕೆ ವಿಷ ಹರಡಿದೆಯೇ ಇಲ್ಲವೇ ಎಂಬುದನ್ನು ಪರೀಕ್ಷಿಸಲಾಗಿದೆ. ಅದೃಷ್ಟವಶಾತ್ ಅವರಿಗೆ ಹಾವಿನಿಂದ ಯಾವುದೇ ತೊಂದರೆಯುಂಟಾಗಿಲ್ಲ. ಆದರೆ ಹೆಲ್ಮೆಟ್ನಲ್ಲಿದ್ದ ಹಾವು ಸಾವನ್ನಪ್ಪಿದೆ.
ಹೆಲ್ಮೆಟ್ನಲ್ಲಿ ಹಾವು ಸೇರಿಕೊಂಡಿರುವುದನ್ನು ಗಮನಿಸದ ರಂಜಿತ್ರವರು ಎಂದಿನಂತೆ ತಮ್ಮ ಮನೆಯಿಂದ ಕಂದಾನಾಡ್ನಲ್ಲಿರುವ ಸೇಂಟ್ ಮೇರಿಸ್ ಹೈ ಸ್ಕೂಲಿಗೆ ಹೊರಟಿದ್ದಾರೆ. ತಮ್ಮ ಮನೆಯಿಂದ 5 ಕಿ.ಮೀ ದೂರದಲ್ಲಿರುವ ಕಂದಾನಾಡ್ ಸ್ಕೂಲಿನ ಅವಧಿಯನ್ನು ಮುಗಿಸಿಕೊಂಡು ಮತ್ತೊಂದು ಸ್ಕೂಲಿಗೆ ಹೊರಟಿದ್ದಾರೆ.
ಆ ಮತ್ತೊಂದು ಸ್ಕೂಲ್ ಕಂದಾನಾಡ್ನಿಂದ 6 ಕಿ.ಮೀ ದೂರದಲ್ಲಿದೆ. ಆ ಸ್ಕೂಲಿಗೆ ಹೋದ ನಂತರ ರಂಜಿತ್ರವರಿಗೆ ಹೆಲ್ಮೆಟ್ನಲ್ಲಿ ಹಾವು ಸೇರಿಕೊಂಡಿರುವುದು ಕಂಡು ಬಂದಿದೆ. ಹೆಲ್ಮೆಟ್ನಲ್ಲಿ ಸಿಕ್ಕಿ ಕೊಂಡಿದ್ದ ಹಾವು ಅಲ್ಲಿಯೇ ಪ್ರಾಣ ಬಿಟ್ಟಿದೆ.
ಇದನ್ನು ಕಂಡ ರಂಜಿತ್ರವರು ಹೆಲ್ಮೆಟ್ ಅನ್ನು ದೂರ ಬಿಸಾಕಿ, ಬೆಂಕಿ ಹಚ್ಚಿದ್ದಾರೆ. ಇದರ ಬಗ್ಗೆ ಮಾತನಾಡಿರುವ ಅವರು, ಹಾವು ನಮ್ಮ ಮನೆಯ ಬಳಿಯಿರುವ ಕೆರೆಯಿಂದ ಬಂದು ಹೆಲ್ಮೆಟ್ನೊಳಗೆ ಸೇರಿಕೊಂಡಿರಬಹುದು. ಹಾವು ಹೆಲ್ಮೆಟ್ನೊಳಗೆ ಇದ್ದರೂ ಸಹ ನನ್ನ ಗಮನಕ್ಕೆ ಬರಲಿಲ್ಲ ಎಂದು ಹೇಳಿದ್ದಾರೆ.
ಕೇರಳ ರಾಜ್ಯವು ಹೆಚ್ಚಿನ ಸಂಖ್ಯೆಯಲ್ಲಿ ಹಸಿರು ಪ್ರದೇಶ ಹಾಗೂ ಕಾಡುಗಳನ್ನು ಹೊಂದಿರುವ ರಾಜ್ಯವಾಗಿದೆ. ಈ ಕಾರಣಕ್ಕೆ ಕೇರಳದಲ್ಲಿ ಹಾವುಗಳ ಸಂಖ್ಯೆಯು ಹೆಚ್ಚಾಗಿದೆ. ಕೇರಳದ ನಿವಾಸಿಗಳು ಪ್ರತಿನಿತ್ಯ ಹಾವುಗಳನ್ನು ಕಾಣುತ್ತಲೇ ಇರುತ್ತಾರೆ.
ಹೆಚ್ಚಿನ ಸಂಖ್ಯೆಯ ಹಾವುಗಳು ಯಾವುದೇ ತೊಂದರೆಯನ್ನುಂಟು ಮಾಡುವುದಿಲ್ಲ. ಇತ್ತೀಚಿಗಷ್ಟೇ ಕೇರಳದ ಮಲ್ಲಪುರಂ ಜಿಲ್ಲೆಯ ಶಾಲಾ ಬಾಲಕಿಯೊಬ್ಬಳ ಬ್ಯಾಗ್ನಲ್ಲಿ ಹಾವು ಕಂಡು ಬಂದಿತ್ತು. ಆದರೆ ಬಾಲಕಿಗೆ ಯಾವುದೇ ತೊಂದರೆಯಾಗಿರಲಿಲ್ಲ.
ಹಾವುಗಳು ಹೆಚ್ಚಾಗಿ ಬೆಚ್ಚಗಿರುವ ಸ್ಥಳಗಳಲ್ಲಿರಲು ಬಯಸುತ್ತವೆ. ಈ ಕಾರಣಕ್ಕೆ ಸ್ಕೂಟರ್, ಬೈಕ್ಗಳಲ್ಲಿ ಹೆಚ್ಚಾಗಿ ಸೇರಿಕೊಳ್ಳುತ್ತವೆ. ಕೇರಳದಲ್ಲಿ ಹಾವುಗಳು ಹೆಚ್ಚಾಗಿ ಕಾರುಗಳಲ್ಲಿ ಅವಿತುಕೊಳ್ಳುತ್ತವೆ. ಬೆಚ್ಚಗಿರುವ ಕಾರಣಕ್ಕೆ ಹಾವು ರಂಜಿತ್ರವರ ಹೆಲ್ಮೆಟ್ನಲ್ಲಿ ಅಡಗಿ ಕುಳಿತಿದೆ.
ನಿಮ್ಮ ವಾಹನಗಳಲ್ಲಿ ಯಾವುದಾದರೂ ಹಾವುಗಳು ಕಂಡು ಬಂದರೆ ಭಯ ಬೀಳದೇ ಹಾವು ಹಿಡಿಯುವ ಪರಿಣಿತರನ್ನು ಸಂಪರ್ಕಿಸುವುದು ಒಳ್ಳೆಯದು. ಒಂದು ವೇಳೆ ಹಾವು ಕಚ್ಚಿದರೆ ಹತ್ತಿರದ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯಿರಿ. ಎಲ್ಲಕ್ಕಿಂತ ಮುಖ್ಯವಾಗಿ ವಾಹನ ಹೊರ ತೆಗೆಯುವ ಮುನ್ನ ವಾಹನ ಹಾಗೂ ಹೆಲ್ಮೆಟ್ಗಳನ್ನು ಪರೀಕ್ಷಿಸಿದರೆ ಒಳ್ಳೆಯದು.