ಪಿವಿಸಿ ಪೈಪ್‌ನಿಂದಲೇ ತಯಾರಾಯ್ತು ರಿಮೋಟ್ ಕಂಟ್ರೋಲ್ ದೋಣಿ

ಕೆಲವರು ಬೈಕ್ ಗಳನ್ನು ಮೂರು ಚಕ್ರಗಳ ರಿಕ್ಷಾ ರೀತಿಯಲ್ಲಿ ಮಾಡಿಫೈಗೊಳಿಸಿದರೆ, ಇನ್ನೂ ಕೆಲವರು ಆಟೋಗಳನ್ನು ಐಷಾರಾಮಿ ಕಾರಿನಂತೆ ವಿನ್ಯಾಸಗೊಳಿಸುತ್ತಾರೆ. ಇವುಗಳೆಲ್ಲಾ ರಸ್ತೆಯ ಮೇಲೆ ಚಲಿಸುವ ವಾಹನಗಳಿವೆ. ಆದರೆ ಈ ಲೇಖನದಲ್ಲಿ ಹೇಳಲಾಗುತ್ತಿರುವ ವಾಹನವು ರಸ್ತೆಯ ಮೇಲೆ ಚಲಿಸುವುದಿಲ್ಲ. ಬದಲಿಗೆ ನೀರಿನಲ್ಲಿ ಚಲಿಸುವ ದೋಣಿಯಾಗಿದೆ. ಈ ದೋಣಿಯನ್ನು ಪಿವಿಸಿ ಪೈಪ್ ಗಳಿಂದ ತಯಾರಿಸಲಾಗಿದೆ. ಒಂದು ಬಾರಿಗೆ ಮೂರು ಜನರನ್ನು ಸಾಗಿಸಬಲ್ಲ ಈ ದೋಣಿ ರಿಮೋಟ್ ಕಂಟ್ರೋಲ್ ಅನ್ನು ಹೊಂದಿದೆ.

ಈ ದೋಣಿಯ ವೀಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಎಂ 4 ಟೆಕ್ಎಂಬ ಯೂಟ್ಯೂಬ್ ಚಾನೆಲ್ ಈ ದೋಣಿಯ ವೀಡಿಯೊವನ್ನು ಬಿಡುಗಡೆಗೊಳಿಸಿದೆ. ದೋಣಿ ನಿರ್ಮಿಸುವ ಪ್ರಕ್ರಿಯೆಯೊಂದಿಗೆ ಈ ವೀಡಿಯೊ ಆರಂಭವಾಗುತ್ತದೆ.

MOSTREAD: ಕೆಟ್ಟು ನಿಂತ ವಾಹನಗಳನ್ನು ತಳ್ಳುವ ಜನಪ್ರಿಯ ವಿಧಾನವಿದು

ದೋಣಿ ತಯಾರಿಸಲು ಉದ್ದದ ನಾಲ್ಕು ಪಿವಿಸಿ ಪೈಪ್‌ಗಳನ್ನು ಕತ್ತರಿಸುವುದನ್ನು ವೀಡಿಯೊದ ಆರಂಭದಲ್ಲಿಯೇ ಕಾಣಬಹುದು. ಕತ್ತರಿಸಿದ ಈ ನಾಲ್ಕು ಪೈಪ್ ಗಳನ್ನು ಕೆಳಕ್ಕೆ ತಳಪಾಯದಂತೆ ಹಾಕಲಾದರೆ, ಮಧ್ಯದಲ್ಲಿರುವ ಎರಡು ಪೈಪ್ ಗಳನ್ನು ಸಂಪೂರ್ಣವಾಗಿ ಮುಚ್ಚಲಾಗುತ್ತದೆ.

ಮತ್ತೊಂದು ಪಿವಿಸಿ ಪೈಪ್ ಅನ್ನು ಅದರಲ್ಲಿ ಹಾಕಲಾಗಿದ್ದು, ಎಲ್ಬೋ ಜಾಯಿಂಟ್ ನಿಂದ ಕನೆಕ್ಟ್ ಮಾಡಲಾಗಿದೆ. ಇದನ್ನು ಈ ದೋಣಿಯ ಮುಂದಿನ ಭಾಗವಾಗಿ ಬಳಸಲಾಗುತ್ತದೆ. ನಂತರ ಮೆಟಲ್ ಫ್ರೇಮ್ ಗೆ ಜೋಡಿಸಲಾಗುತ್ತದೆ.

MOSTREAD: ಕರೋನಾ ವೈರಸ್ ಎಫೆಕ್ಟ್: ಕಾರಿಗೂ ಬಂತು ಪೋರ್ಟಬಲ್ ಟಾಯ್ಲೆಟ್

ಈ ಮೆಟಲ್ ಫ್ರೇಮ್ ಅನ್ನು ಕಸ್ಟಮೈಸ್ ಮಾಡಲಾಗಿದ್ದು, ಪಿವಿಸಿ ಫ್ರೇಮ್‌ಗೆ ಸೇರಿಸಲಾಗಿರುವುದರಿಂದ ಬಲಶಾಲಿಯಾಗಿದೆ. ಈ ಮೆಟಲ್ ಫ್ರೇಮ್ ಗೆ ಜೋಡಿಸಿದ ನಂತರ ಪ್ಲೈವುಡ್ ಶೀಟ್ ಅನ್ನು ಈ ಫ್ರೇಮ್ ಮೇಲೆ ಅಳವಡಿಸಲಾಗಿದೆ.

ಇವುಗಳ ಜೊತೆಗೆ ಸಣ್ಣ ಪಿವಿಸಿ ಪೈಪ್ ಗಳನ್ನು ರೇಲಿಂಗ್ ಸಹ ಮಾಡಲಾಗಿದೆ. ಈ ದೋಣಿಯನ್ನು ಚಲಾಯಿಸಲು ಎರಡು ಎಲೆಕ್ಟ್ರಿಕ್ ಮೋಟರ್‌ಗಳನ್ನು ಪ್ರೊಪೆಲ್ಲರ್‌ಗೆ ಕನೆಕ್ಟ್ ಮಾಡಲಾಗಿದೆ. ಮೋಟರ್ ಚಾಲನೆಗಾಗಿ 12 ವೋಲ್ಟ್ ಬ್ಯಾಟರಿಯನ್ನು ಬಳಸಲಾಗಿದೆ.