ಉರುಳಿ ಬೀಳುತ್ತಿದ್ದ ಆಟೋರಿಕ್ಷಾ ಆಟೋ ಕರೆಕ್ಟ್ ಆಗಿದ್ದು ಹೇಗೆ?

ಆನಂದ್ ಮಹೀಂದ್ರರವರು ಇತ್ತೀಚೆಗೆ ತಮ್ಮ ಟ್ವಿಟರ್ ಖಾತೆಯಲ್ಲಿ ವೀಡಿಯೊವೊಂದನ್ನು ಶೇರ್ ಮಾಡಿದ್ದಾರೆ. ಈ ವೀಡಿಯೊವನ್ನು ದೇಸಿ ಹಾಸ್ಯದ ಮಾದರಿ ಎಂದು ಬಣ್ಣಿಸಿದ್ದಾರೆ. 9 ಸೆಕೆಂಡುಗಳ ಈ ವೀಡಿಯೊದಲ್ಲಿ ಆಟೋವೊಂದು ಅಪಾಯಕರ ರೀತಿಯಲ್ಲಿ ಟರ್ನ್ ಆಗುವುದನ್ನು ಕಾಣಬಹುದು.

ಆಟೋ ತಿರುವಿನಲ್ಲಿ ಎಷ್ಟು ವೇಗವಾಗಿ ತಿರುಗುತ್ತದೆಯೆಂದರೆ ಇನ್ನೇನು ಬಿದ್ದೆ ಬಿಡುತ್ತದೆ ಎಂಬ ಭಾವನೆ ಮೂಡುವುದು ಸುಳ್ಳಲ್ಲ. ಆ ಆಟೋದ ಒಂದು ವ್ಹೀಲ್ ಮೇಲಕ್ಕೆ ಎತ್ತಿಕೊಂಡಿರುತ್ತದೆ.

ತಿರುವು ತೆಗೆದುಕೊಳ್ಳುವ ವೇಳೆ ಆ ಆಟೋ ಅಲ್ಲಿದ್ದ ವ್ಯಕ್ತಿಯೊಬ್ಬರಿಗೆ ಗುದಿಯಲು ಹೊರಟಿರುವುದನ್ನು ಕಾಣಬಹುದು. ಆದರೆ ಆ ವ್ಯಕ್ತಿ ತನ್ನ ಕೈಗಳಿಂದ ಆಟೋವನ್ನು ತಳ್ಳುತ್ತಾನೆ.

ಆಟೋವನ್ನು ಮತ್ತೆ ವ್ಹೀಲ್'ಗಳ ಮೇಲೆ ತರುವ ಮೂಲಕ ಉರುಳಿ ಬೀಳದಂತೆ ಮಾಡುತ್ತಾನೆ. ವೀಡಿಯೊದ ಕೊನೆಯಲ್ಲಿ ಆಟೋ ಕರೆಕ್ಟ್ ಅಂದರೆ ಆಟೋವನ್ನು ಸರಿಪಡಿಸಲಾಗಿದೆ ಎಂಬ ಶೀರ್ಷಿಕೆಯನ್ನು ತೋರಿಸಲಾಗುತ್ತದೆ.

ಈ ವೀಡಿಯೊ ತುಣುಕನ್ನು ಶೇರ್ ಮಾಡಿರುವ ಆನಂದ್ ಮಹೀಂದ್ರಾ, ಈ ವೀಡಿಯೊ ತುಂಬಾ ತಮಾಷೆಯಾಗಿದ್ದು, ಈ ದೇಸಿ ಟೆಕ್ ಹಾಸ್ಯಕ್ಕೆ ಯಾವುದೇ ಉತ್ತರವಿಲ್ಲ. ಈ ರೀತಿಯ ತಮಾಷೆಯ ದೇಸಿ ವೀಡಿಯೊವನ್ನು ನೋಡುವುದನ್ನು ನಾನು ಇಷ್ಟಪಡುತ್ತೇನೆ ಎಂದು ಹೇಳಿದ್ದಾರೆ.

9 ಸೆಕೆಂಡ್'ಗಳ ಈ ವೀಡಿಯೊ ಕ್ಲಿಪ್‌ ಇದುವರೆಗೆ 1.13 ಲಕ್ಷಕ್ಕೂ ಹೆಚ್ಚು ವೀವ್ಸ್ ಹಾಗೂ 6.5 ಸಾವಿರಕ್ಕೂ ಹೆಚ್ಚು ಲೈಕ್‌ಗಳನ್ನು ಪಡೆದಿದೆ. ಆನಂದ್ ಮಹೀಂದ್ರಾ ಅವರ ಫಾಲೋವರ್'ಗಳು ಈ ವೀಡಿಯೊ ಬಗ್ಗೆ ನಾನಾ ವಿಧದ ಕಾಮೆಂಟ್'ಗಳನ್ನು ನೀಡುತ್ತಿದ್ದಾರೆ.

ಕೆಲವರು ಆಟೋ ಉರುಳಿ ಬೀಳದಂತೆ ಕಾಪಾಡಿದ ವ್ಯಕ್ತಿಯನ್ನು ಬಾಹುಬಲಿ ಎಂದು ಕರೆಯುತ್ತಿದ್ದಾರೆ. ಇನ್ನೂ ಕೆಲವರು ಆ ವ್ಯಕ್ತಿ ಸರಿಯಾಗಿ ಸಮಯಕ್ಕೆ ಆಟೋವನ್ನು ನಿಲ್ಲಿಸದಿದ್ದರೆ ಇಬ್ಬರೂ ಅಪಘಾತಕ್ಕೆ ಬಲಿಯಾಗುತ್ತಿದ್ದರು ಎಂದು ಹೇಳಿದ್ದಾರೆ.

ವೀಡಿಯೊದ ಕೊನೆಯಲ್ಲಿ ಬರುವ ಆಟೋ ಕರೆಕ್ಟ್ ಶೀರ್ಷಿಕೆ ಸರಿಯಾಗಿ ಹೊಂದಿಕೊಳ್ಳುತ್ತದೆ ಎಂದು ಕೆಲವರು ಹೇಳಿದ್ದಾರೆ. ವ್ಯಕ್ತಿಯು ಆಟೋವನ್ನು ಉರುಳಿಸುವುದನ್ನು ನಿಲ್ಲಿಸಿದ ರೀತಿ ನೋಡಿದರೆ ಆ ವ್ಯಕ್ತಿ ನಿಜವಾಗಿ ಆಟೋ ಕರೆಕ್ಟ್ ಎಂದು ಕೆಲವರು ಕಾಮೆಂಟ್ ಮಾಡಿದ್ದಾರೆ.