ಮನೆಯಲ್ಲಿ ನಿರ್ಮಿತ ಬೈಕ್ ನಿಂದ ವಿಶ್ವ ಗೆದ್ದು ಬಂದ ರೇಸರ್!

ಬ್ರಿಟನ್ ನ ಲೋನನ್ ನಲ್ಲಿ ಸ್ಥಿತಗೊಂಡಿರುವ ಮನೆಯ ನೆಲ ಮಹಡಿಯಲ್ಲಿ ಬೈಕ್ ನ ವಿನ್ಯಾಸ ಹಾಗೂ ಎಂಜಿನಿಯರಿಂಗ್ ಕೆಲಸವನ್ನು ಸ್ವತ: ತಾವೇ ನಿರ್ವಹಿಸಿದ್ದರು.

2012ರಲ್ಲಿ ಲ್ಯಾಂಡ್ ಸ್ಪೀಡ್ ದಾಖಲೆ ಬರೆದಿರುವ ಮ್ಯಾನ್ಸ್ ಬೈಕ್ ಗೆ ಎಂಜಿನಿಯರಿಂಗ್ ಮಾಡುವ ಮೂಲಕ ಜನಪ್ರಿಯವಾಗಿರುವ ಪಾಲ್, ಮಗದೊಮ್ಮೆ ತಮ್ಮ ಪ್ರತಿಭೆಯನ್ನು ಮೆರೆದಿದ್ದಾರೆ.

ಕಳೆದ ವರ್ಷ ಅಮೆರಿಕಕ್ಕೆ ಬೈಕ್ ರವಾನಿಸಿದ್ದರೂ ಸ್ಪೀಡ್ ವೀಕ್ ಸ್ಪರ್ಧೆ ಕ್ಯಾನ್ಸಲ್ ಆಗಿದ್ದರಿಂದ ಸಾಕಷ್ಟು ನೊಂದಿದ್ದರು. ಹಾಗಾಗಿ ತಾವಾಗಿಯೇ ಬೈಕ್ ಅಭಿವೃದ್ಧಿಯಲ್ಲಿ ಮಗ್ನವಾಗಿದ್ದರು.

ಪಾಲ್ ತಮ್ಮ ಮಾತುಗಳಲ್ಲೇ ವಿವರಿಸುವ ಪ್ರಕಾರ ನೂತನ ಬೈಕ್ ಸುರಕ್ಷಿತವಾಗಿ ಪರೀಕ್ಷೆ ನಡೆಸುವುದು ಸವಾಲಿನ ವಿಷಯವಾಗಿತ್ತು. ಇದಕ್ಕಾಗಿ ಸಾಲ್ಟ್ ಫ್ಲ್ಯಾಟ್ಸ್ ಆಯ್ಕೆ ಮಾಡಿಕೊಂಡಿರುವುದಾಗಿ ವಿವರಿಸುತ್ತಾರೆ.

ಸ್ಪೀಡ್ ವೀಕ್ ನಲ್ಲಿ ಅಸ್ತಿತ್ವದಲ್ಲಿದ್ದ ನಾಲ್ಕು ದಾಖಲೆಗಳನ್ನು ಪಾಲ್ ಅಳಿಸಿ ಹಾಕಿದ್ದಾರೆ. ಅವುಗಳೆಂದರೆ ಪರಿಷ್ಕೃತ 500 ಸಿಸಿ ವಿಭಾಗ, ಇಂಧನ ವಿಧ, ಫ್ರೇಮ್ ಮತ್ತು ಸ್ಟ್ರೀಮ್ ಲೈನಿಂಗ್ ನಲ್ಲಿ ದಾಖಲೆ ಬರೆದಿದ್ದಾರೆ.

ತಮ್ಮ ಮನದಲ್ಲಿ ಅನೇಕ ಹೊಸ ಹೊಸ ಯೋಜನೆ ಹೊಳೆದಿದ್ದು, ಇನ್ನು ಹೆಚ್ಚಿನ ಸಮಯ ವ್ಯಯ ಮಾಡಿದ್ದಲ್ಲಿ ಮತ್ತಷ್ಟು ದಾಖಲೆಗಳನ್ನು ಬರೆಯಬಹುದಾಗಿತ್ತು ಎಂಬ ಆತ್ಮವಿಶ್ವಾಸದ ಮಾತುಗಳನ್ನಾಡುತ್ತಾರೆ.