Click it and Unblock the Notifications
ಕೊರೆಯುವ ಚಳಿಯಲ್ಲಿ ತ್ರಿಚಕ್ರ ವಾಹನದಲ್ಲಿ ಮರಿಯಾ ಸಾಧನೆ
ಕಳೆದ ಕ್ರಿಸ್ಮಸ್ ಸುಸಂದರ್ಭದಲ್ಲಿ ಏನಾದರೊಂದು ಸಾಧನೆ ಮಾಡಬೇಕೆಂಬ ಹಂಬಲ ಬ್ರಿಟನ್ನ ಮರಿಯಾ ಲಿಜೆರ್ಸ್ಟಾಮ್ ಅವರನ್ನು ಕಾಡುತ್ತಿತ್ತು. ಇದರ ಈ ಸಾಹಸ ಯಾತ್ರೆಗೆ ಸ್ಪೇನ್ನ ಜೂವಾನ್ ಮೆನ್ಡೆಜ್ ಮತ್ತು ಅಮೆರಿಕಾದ ಡ್ಯಾನಿಯಲ್ ಬರ್ಟನ್ ಅವರಿಂದ ಸವಾಲು ಕೂಡಾ ಎದುರಾಗಿತ್ತು.
ಇನ್ನೇನು ತಡ ಮಂಜುಗಡ್ಡೆಯಲ್ಲಿ ತಮ್ಮ ತ್ರಿಚಕ್ರ ವಾಹನದಲ್ಲಿ ವ್ಯತಿರಿಕ್ತ ವಾತಾವರಣವನ್ನು ಲೆಕ್ಕಿಸದ ಆಕೆ 650 ಕೀ.ಮೀ. ದೂರವನ್ನು ಕ್ರಮಿಸಿದ ಸಾಧನೆ ಮೆರೆದಿದ್ದಾರೆ. ಈ ಮೂಲಕ ದಕ್ಷಿಣ ಧ್ರುವಕ್ಕೆ ತುಳಿದ ಮೊದಲ ವ್ಯಕ್ತಿಯೆಂದು ಗುರುತಿಸಿಕೊಂಡಿದ್ದಾರೆ.
ಅಂಟಾರ್ಟಿಕಾದ ರೋಸ್ ಐಸ್ ಶೆಲ್ಫ್ನಿಂದ ಪಯಣ ಆರಂಭಗೊಂಡಿತ್ತು. ಯಾತ್ರೆಯುದ್ಧಕ್ಕೂ ಗಂಟೆಗೆ 80 ಕೀ.ಮೀ. ವೇಗದಲ್ಲಿ ಬೀಸುತ್ತಿದ್ದ ಚಳಿಗಾಳಿಯು ಈಕೆಯನ್ನುಕಾಡುತ್ತಿತ್ತು. ಹಾಗಿದ್ದರೂ ಶೂನ್ಯಗಿಂತಲೂ ಕೆಳ ತಾಪಮಾನದಲ್ಲಿ ಎಲ್ಲ ರೀತಿಯ ಅಡೆತಡೆಗಳನ್ನು ಗೆಲ್ಲುವಲ್ಲಿ ಮರಿಯಾ ಯಶಸ್ವಿಯಾಗಿದ್ದಾರೆ.
ಇತರಿಬ್ಬರು ಪ್ರಯಾಣಿಕರು ದಪ್ಪಗಿನ ಚಕ್ರದ ಬೈಕ್ಗಳಲ್ಲಿ ತಮ್ಮ ಪಯಣ ಹಮ್ಮಿಕೊಂಡಿದ್ದರೆ ಮರಿಯಾ ಚಾಚಿರುವ ತ್ರಿಚಕ್ರ ವಾಹನವನ್ನು ತಮ್ಮ ಅಸ್ತ್ರವಾಗಿರಿಸಿಕೊಂಡಿದ್ದರು.
ಅಂದ ಹಾಗೆ ಬ್ರಿಟನ್ನ ಇನ್ಪೈರ್ಡ್ ಸೈಕಲ್ ಎಂಜಿನಿಯರಿಂಗ್ ಈ ಕಸ್ಟಮೈಸ್ಡ್ ಪೊಲರ್ ಸೈಕಲನ್ನು ನಿರ್ಮಿಸಿದೆ.
ಹತ್ತು ದಿನಗಳ ಉದ್ಧಕ್ಕೂ ಸಾಗಿದ ಈ ಸ್ಪರ್ಧೆಯಲ್ಲಿ ಬಹಳ ದೂರದ ಅಂತರದಲ್ಲಿ ಗೆಲ್ಲುವಲ್ಲಿ ಮರಿಯಾ ಯಶಸ್ವಿಯಾಗಿರುವುದು ಈಕೆಯ ಸಾಧನೆಗೆ ಕೈಗನ್ನಡಿಯಾಗಿದೆ. ಈ ಪರಿಷ್ಕೃತ ಸಕೈಲ್ನಲ್ಲಿ ದಿನದ 12 ಗಂಟೆಯೂ 40ರಿಂದ 60 ಕೀ.ಮೀ. ವೇಗತೆ ಕಾಪಾಡಿಕೊಳ್ಳುವಲ್ಲಿ ನೆರವಾಗುತ್ತಿತ್ತು.
ವೀಡಿಯೋ ವೀಕ್ಷಿಸಿ
Continue with Google