ಬೊಲೆರೊಗೆ ಹಿನ್ನೆಡೆ; ಎರ್ಟಿಗಾಗೆ ಜೈಕಾರ ಹಾಕಿದ ಮುಂಬೈ ಪೊಲೀಸ್

ಮುಂಬೈ ಪೊಲೀಸ್ ಸದ್ಯಕ್ಕೆ 94ರಷ್ಟು ಮಾರುತಿ ಎರ್ಟಿಗಾ ಕಾರುಗಳನ್ನು ಬರಮಾಡಿಕೊಂಡಿದೆ. ಅಲ್ಲದೆ ಈ ಬಗ್ಗೆ ಮೂಲಗಳಿಂದ ತಿಳಿದು ಬಂದಿರುವ ವಿಚಾರವೆಂದರೆ ಬೊಲೆರೊ ಕಾಲ ಮಿಂಚಿ ಹೋಗಿರುವುದೇ ಹೊಸ ಬದಲಾವಣೆಗೆ ಕಾರಣವಾಗಿದೆ.

ಬೊಲೆರೊ ಜೊತೆಗೆ ಕ್ವಾಲಿಸ್ ಮಾದರಿಗಳು ಮುಂಬೈ ಪೊಲೀಸ್ ಸೇವೆಯಲ್ಲಿತ್ತು. ಈಗ ನಾವೀನ್ಯ ವಿನ್ಯಾಸಿತ ಹೆಚ್ಚು ಸೌಲಭ್ಯಗಳನ್ನು ಒಳಗೊಂಡಿರುವ ಎರ್ಟಿಗಾ ಕಾರುಗಳು ಇವೆಲ್ಲದರ ಸ್ಥಾನವನ್ನು ತುಂಬಲಿದೆ.

ದೇಶದ ವಾಣಿಜ್ಯ ನಗರಿ ಎಂದೇ ಖ್ಯಾತಿಯ ಮುಂಬೈನಲ್ಲಿ ವಾಯು ಮಾಲಿನ್ಯ ಜಾಸ್ತಿಯಾಗಿದ್ದು, ಬೊಲೆರೊದಲ್ಲಿ ಕನಿಷ್ಠ ಎಸಿ ಸೌಲಭ್ಯವೂ ಇಲ್ಲ ಎಂಬುದನ್ನು ಗಂಭೀರವಾಗಿ ಪರಿಗಣಿಸಲಾಗಿದೆ. ಈಗ ಬಂದಿರುವ ಎರ್ಟಿಗಾ ಈ ಸಮಸ್ಯೆಗಳಿಗೆ ಪರಿಹಾರವಾಗಲಿದ್ದು, ನಗರ ಚಾಲನೆಗೆ ಪರಿಪೂರ್ಣವೆನಿಸಲಿದೆ.

ನೂತನ ಮಾರುತಿ ಎರ್ಟಿಗಾ ಕಾರಿನ ಮುಂಭಾಗ ಹಾಗೂ ಬದಿಯಲ್ಲಿ ಮುಂಬೈ ಪೊಲೀಸ್ ಲಾಂಛನ ಎದ್ದು ಕಾಣಿಸಲಿದೆ. ಅಲ್ಲದೆ ಮೇಲ್ಬಾಗದಲ್ಲಿ ಸೈರನ್ ದೀಪವೂ ಉರಿಯಲಿದೆ.

ಮುಂಬೈ ಪೊಲೀಸ್ ಮಾರುತಿ ಎರ್ಟಿಗಾ ಎಲ್‌ಎಕ್ಸ್‌ಐ ಮಾದರಿಗಳನ್ನು ಖರೀದಿಸಿದೆ. ಇದರಲ್ಲಿರುವ 1.4 ಲೀಟರ್ ಕೆ ಸಿರೀಸ್ ಪೆಟ್ರೋಲ್ ಎಂಜಿನ್ 130 ಎನ್ ಎಂ ತಿರುಗುಬಲದಲ್ಲಿ 80 ಅಶ್ವಶಕ್ತಿಯನ್ನು ಉತ್ಪಾದಿಸಲಿದ್ದು, ಗರಿಷ್ಠ ಇಂಧನ ಕ್ಷಮತೆಯನ್ನು ಕಾಪಾಡಿಕೊಳ್ಳಲಿದೆ.

ದುಬೈ ಪೊಲೀಸ್ ಬಲೆಗೆ ಬಿತ್ತು ಟ್ಯಾಂಕರ್