ದುಬಾರಿ ಕಾರಿನಲ್ಲಿ ಬಂದು ಹೀಗಾ ಮಾಡೋದು... ಕಳ್ಳತನ ಮಾಡಲು ಬೇರೇನು ಸಿಗಲಿಲ್ಲವೆ?

ಮಧ್ಯಪ್ರದೇಶದ ಶಿವಪುರಿಯಲ್ಲಿ ನಡೆದ ವಿಚಿತ್ರ ಘಟನೆಯೊಂದರಲ್ಲಿ, ರೂ. 8 ಲಕ್ಷ ಬೆಲೆಬಾಳುವ ಮಾರುತಿ ಡಿಜೈರ್ ಕಾರು ಚಲಾಯಿಸುತ್ತಿದ್ದ ವ್ಯಕ್ತಿಯೊಬ್ಬ ಕೇವಲ 8 ರೂಪಾಯಿ ಮೌಲ್ಯದ ದಿನಪತ್ರಿಕೆಯನ್ನು ಕದಿಯುತ್ತಿರುವುದು ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ಮಹಲ್ ರಸ್ತೆಯ ಮಹಾರಾಣಾ ಪ್ರತಾಪ್ ಕಾಲೋನಿಯಲ್ಲಿರುವ ವಕೀಲ ಸಂಜೀವ್ ಬಿಲ್ಗೈಯಾ ಅವರ ಕಾನೂನು ಕೊಠಡಿಯ ಹೊರಗೆ ಬೆಳಿಗ್ಗೆ 9:55 ರ ಸುಮಾರಿಗೆ ಈ ಕಳ್ಳತನ ನಡೆದಿದೆ. ಆ ವ್ಯಕ್ತಿಯ ಕೃತ್ಯ ಸಿಸಿಟಿವಿಯಲ್ಲಿ ಸಂಪೂರ್ಣವಾಗಿ ಸೆರೆಯಾಗಿದೆ, ದುಬಾರಿ ಕಾರು ಮತ್ತು ಸಣ್ಣ ಕಳ್ಳತನದ ಬಗ್ಗೆ ಸೋಷಿಯಲ್ ಮೀಡಿಯಾದಲ್ಲಿ ಭಾರೀ ಚರ್ಚೆಯಾಗುತ್ತಿದೆ.

ಡಿಜೈರ್ ಕಚೇರಿಯ ಹೊರಗೆ ನಿಲ್ಲುವುದನ್ನು ದೃಶ್ಯಗಳು ತೋರಿಸುತ್ತವೆ. ಒಬ್ಬ ವ್ಯಕ್ತಿ ಕಾರಿನಿಂದ ಹೊರಬಂದು ಕಚೇರಿಯ ಹೊರಗಿನ ಗ್ರಿಲ್ ಹಿಂದೆ ಇರಿಸಲಾದ ಪತ್ರಿಕೆಯನ್ನು ಕಸಿದುಕೊಳ್ಳಲು ಪ್ರಯತ್ನಿಸುತ್ತಾನೆ. ವಿಫಲ ಪ್ರಯತ್ನದ ನಂತರ, ಮತ್ತಷ್ಟು ಪ್ರಯತ್ನಿಸುತ್ತಾನೆ. ಯಶಸ್ವಿಯಾಗಿ ಪತ್ರಿಕೆಯನ್ನು ಹೊರತೆಗೆದು ಶಾಂತವಾಗಿ ತನ್ನ ವಾಹನಕ್ಕೆ ಹಿಂತಿರುಗಿ ಅಲ್ಲಿಂದ ಹೊರಟುಹೋಗಿದ್ದಾನೆ.

ಯಾವುದೇ ಕಳ್ಳತನವನ್ನು ಹಗುರವಾಗಿ ಪರಿಗಣಿಸಬಾರದು, ಏಕೆಂದರೆ ಅದು ಕಾನೂನು ಮತ್ತು ಸಾಮಾಜಿಕ ಸುವ್ಯವಸ್ಥೆಯನ್ನು ಹಾಳು ಮಾಡುತ್ತದೆ ಎಂದು ವಕೀಲ ಬಿಲ್ಗೈಯಾ ಹೇಳಿದ್ದಾರೆ. ವಕೀಲ ಬಿಲ್ಗೈಯಾ ಕಳ್ಳತನವನ್ನು ನೋಡಿದ ತಕ್ಷಣ ಪೊಲೀಸರಿಗೆ ದೂರು ನೀಡಿದ್ದಾರೆ. ಅಧಿಕಾರಿಗಳು ಪ್ರಕರಣ ದಾಖಲಿಸಿಕೊಂಡು, ಆ ವ್ಯಕ್ತಿಯನ್ನು ಗುರುತಿಸಲು ಮತ್ತು ಬಂಧಿಸಲು ಸಿಸಿಟಿವಿ ದೃಶ್ಯಾವಳಿಗಳನ್ನು ಪರಿಶೀಲಿಸುತ್ತಿದ್ದಾರೆ.

ಸಣ್ಣ ಅಪರಾಧಗಳನ್ನು ಸಹ ಹಿಡಿಯುವಲ್ಲಿ ಆಧುನಿಕ ಸಿಸಿಟಿವಿ ಕಣ್ಗಾವಲು ತಂತ್ರಜ್ಞಾನವು ಜಾಗರೂಕತೆಯ ಜ್ಞಾಪನೆಯಾಗಿಯೂ ಕಾರ್ಯನಿರ್ವಹಿಸುತ್ತದೆ. ಪೊಲೀಸರು ಸಕ್ರಿಯವಾಗಿ ತನಿಖೆ ನಡೆಸುತ್ತಿದ್ದಾರೆ ಮತ್ತು ಕಠಿಣ ಕಾನೂನು ಕ್ರಮವನ್ನು ತೆಗೆದುಕೊಳ್ಳುವ ಭರವಸೆ ನೀಡಿದ್ದಾರೆ. ಈ ಘಟನೆಯು ಶ್ರೀಮಂತಿಕೆಯ ಹೊರತಾಗಿಯೂ ಸಣ್ಣ ಲಾಭಕ್ಕಾಗಿ ಜನ ಯಾವ ಮಟ್ಟಕ್ಕೆ ಇಳಿಯಲು ಪ್ರಯತ್ನಿಸುತ್ತಾರೆ ಎಂಬ ಚರ್ಚೆಗೆ ಕಾರಣವಾಗಿದೆ.

ಇತ್ತೀಚಿನ ದಿನಗಳಲ್ಲಿ ಯಾವುದೇ ಅಪರಾಧವು ಸಾರ್ವಜನಿಕರ ಗಮನದಿಂದ ತಪ್ಪಿಸಿಕೊಳ್ಳಲು ಸಾಧ್ಯವಿಲ್ಲ. ಒಬ್ಬರ ಸ್ಥಾನಮಾನಕ್ಕೆ ಹೊಂದಿಕೆಯಾಗದ ನಡವಳಿಕೆಯನ್ನು ಕದ್ದುಮುಚ್ಚಿ ಮಾಡಿದರು ಅದು ಸಾಮಾನ್ಯವಾಗಿ ಸಾರ್ವಜನಿಕರ ಗಮನಕ್ಕೆ ಬರುತ್ತದೆ ಎಂಬುದನ್ನು ಇದು ಒತ್ತಿಹೇಳುತ್ತದೆ. ಶಿವಪುರಿ ಪತ್ರಿಕೆಯ ಕಳ್ಳತನವು 2025 ರ ಅತ್ಯಂತ ವಿಚಿತ್ರ ಸುದ್ದಿಗಳಲ್ಲಿ ಒಂದಾಗಿ ದೀರ್ಘಕಾಲ ನೆನಪಿನಲ್ಲಿ ಉಳಿಯಲಿದೆ.

ಇಂತಹ ಪ್ರಕರಣಗಳು ಭಾರತದಲ್ಲಿ ಇದೆ ಮೊದಲಲ್ಲ, ದುಬಾರಿ ವಾಹನಗಳಲ್ಲಿ ಬಂದು ಸಣ್ಣ ಕಳ್ಳತನಗಳು ಅಥವಾ ಅಶಿಸ್ತಿನ ನಡವಳಿಕೆಯಲ್ಲಿ ತೊಡಗಿದ ಹಲವು ಉದಾಹರಣೆಗಳಿವೆ. ಬಿಎಂಡಬ್ಲ್ಯು ಕಾರುನಲ್ಲಿ ಬಂದು ಮಹಿಳೆಯೊಬ್ಬರು ರಸ್ತೆ ಬದಿಯಲ್ಲಿದ್ದ ಹೂ ಕುಂಡಿಗಳನ್ನು ಕದ್ದೊಯ್ದ ವಿಡಿಯೋ ಈ ಹಿಂದೆ ಭಾರೀ ಸದ್ದು ಮಾಡಿತ್ತು.

ಹಾಗೆಯೇ 2023 ರಲ್ಲಿ ಗುರುಗ್ರಾಮದಲ್ಲಿ ಇಬ್ಬರು ವ್ಯಕ್ತಿಗಳು ಜಿ20 ಸೌಂದರ್ಯೀಕರಣ ಅಭಿಯಾನಕ್ಕಾಗಿ ಇರಿಸಲಾದ 400 ರೂ. ಮೌಲ್ಯದ ಸಸ್ಯಗಳನ್ನು ಕದಿಯಲು 40 ಲಕ್ಷ ರೂ. ಕಾರಿನಲ್ಲಿ ಬಂದಿದ್ದರು. ಇಂತಹ ಪ್ರಕರಣಗಳಿಗೆ ಸಂಬಂಧಿಸಿದ ವಿಡಿಯೋಗಳು ಇಂದಿಗೂ ಸಾಮಾಜಿಕ ಮಾದ್ಯಮಗಳಲ್ಲಿ ಕಾಣಬಹುದು. ಈ ವಿಡಿಯೋಗಳು ಅವರ ಶ್ರೀಮಂತಕೆ ಜೊತೆಗೆ ಕಳಪೆ ಅಂತಸ್ಥಿಕೆಯನ್ನು ತೋರಿಸುತ್ತವೆ.

ಡ್ರೈವ್‌ಸ್ಪಾರ್ಕ್ ಅಭಿಪ್ರಾಯ: ಈ ಘಟನೆಯು ಒಂದು ಕುತೂಹಲಕಾರಿ ಪ್ರಕರಣವಾಗಿದ್ದು, ಒಬ್ಬ ವ್ಯಕ್ತಿಯು ದುಬಾರಿ ಕಾರಿನಿಂದ ಇಳಿದು ಕೇವಲ 8 ರೂಪಾಯಿ ಪತ್ರಿಕೆಯನ್ನು ಕದಿಯುವುದು ಆತನ ಮನಸ್ಥಿತಿಯನ್ನು ತೋರುತ್ತದೆ. ಇದು ವೀಕ್ಷಕರಿಗೆ ಮರೆಯಲಾಗದ ವ್ಯಂಗ್ಯ ವಿಡಿಯೋವಾಗಿ ಕಂಡರೆ, ಮತ್ತೊಂದೆಡೆ ವಕೀಲ ಪ್ರಕರಣ ದಾಖಲಿಸಿ ಕಾರು ಚಾಲಕನಿಗೆ ಅನಿರೀಕ್ಷಿತ ಟ್ವಿಸ್ಟ್ ಕೊಟ್ಟಿದ್ದಾನೆ. ಪೊಲೀಸರು ಆತನನ್ನು ಬಂಧಿಸಿ ಕ್ರಮ ಕೈಗೊಂಡರೆ ಮತ್ತೊಮ್ಮೆ ಇಂತಹ ಕೃತ್ಯಗಳಿಗೆ ಆತ ಮುಂದಾಗುವುದಿಲ್ಲ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತ ಆಟೋಮೊಬೈಲ್ ಸುದ್ದಿಗಳನ್ನು ಒದಗಿಸುತ್ತದೆ, ಎಲ್ಲಾ ಸಾಮಾಜಿಕ ಮಾಧ್ಯಮಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಹಂಚಿಕೊಳ್ಳುತ್ತದೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್ ಮತ್ತು ಯೂಟ್ಯೂಬ್ ಪೇಜ್‌ಗಳೊಂದಿಗೆ ಸಂಪರ್ಕದಲ್ಲಿರಿ. ನಿಮಗೆ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಮೆಂಟ್ ಮಾಡುವುದನ್ನು ಮರೆಯದಿರಿ. ಜೊತೆಗೆ ನಿಮ್ಮ ಸ್ನೇಹಿತರಿಗೂ ತಪ್ಪದೆ ಶೇರ್ ಮಾಡಿ.