22 ಲಕ್ಷಕ್ಕೂ ಹೆಚ್ಚು ಗಾಜಿನ ತುಂಡುಗಳಿಂದ ಅಲಂಕೃತಗೊಂಡ ಫೋಕ್ಸ್‌ವ್ಯಾಗನ್ ಕಾರು

ಹಳೆಯ ಬೀಟಲ್ ಕಾರು ಇತಿಹಾಸದ ಪುಟ ಸೇರಿದೆ. ಫೋಕ್ಸ್‌ವ್ಯಾಗನ್ ಬೀಟಲ್ ಕಾರನ್ನು ವೋಕಲ್ ಎಂದೂ ಸಹ ಕರೆಯಲಾಗುತ್ತದೆ. ಇತ್ತೀಚೆಗೆ ಬೀಟಲ್ ಕಾರಿನ 1990ರ ಮಾದರಿಗೆ ಸಂಬಂಧಿಸಿದ ಫೋಟೋಗಳು ಬಿಡುಗಡೆಯಾಗಿವೆ. ಈ ಫೋಟೋಗಳಲ್ಲಿ ಬೀಟಲ್ ಕಾರನ್ನು ವಿಶಿಷ್ಟವಾಗಿ ಅಲಂಕಾರ ಮಾಡಲಾಗಿದೆ. ಈ ಕಾರಿನ ಮೇಲೆ 22,77,000 ಗಾಜಿನ ತುಂಡುಗಳಿವೆ.

ಈ ಗಾಜಿನ ತುಂಡುಗಳು ವಿಭಿನ್ನ ಬಣ್ಣಗಳಲ್ಲಿರುವುದು ವಿಶೇಷ. ಈ ಕಾರು ಸಾಂಪ್ರದಾಯಿಕ ಕಲಾಕೃತಿಗಳನ್ನು ಹೊಂದಿದ್ದು, ಸಾಕಷ್ಟು ಆಕರ್ಷಕವಾಗಿದೆ.2010ರಲ್ಲಿ ಫೋಕ್ಸ್‌ವ್ಯಾಗನ್ ಕಂಪನಿಯು ಬೀಟಲ್ ವೋಕಲ್ ತಯಾರಿಸಲು ತಂಡವೊಂದನ್ನು ರಚಿಸಿತು.

MOST READ:ರಿಕ್ಷಾ ಕಳೆದುಕೊಂಡವನಿಗೆ ಹೊಸ ರಿಕ್ಷಾ ಕೊಡಿಸಿದ ಆಪದ್ಭಾಂಧವ

ಬೀಟಲ್ ಹೆಸರನ್ನು ಪುನರುಜ್ಜೀವನಗೊಳಿಸುವ ಹಾಗೂ ಮೆಕ್ಸಿಕೊದ ಸಾಂಪ್ರದಾಯಿಕ ಕಲಾಕೃತಿಗಳನ್ನು ಕಾರಿನ ಸಹಾಯದಿಂದ ಉತ್ತೇಜಿಸುವ ಕಾರ್ಯವನ್ನು ಈ ತಂಡಕ್ಕೆ ವಹಿಸಲಾಯಿತು.

ಈ ತಂಡವು ಮೆಕ್ಸಿಕೊದ ಆದಿವಾಸಿ ಸಮುದಾಯದ ಸಾಂಪ್ರದಾಯಿಕ ಕಲಾಕೃತಿಗಳನ್ನು ಕಾರಿನ ಮೇಲೆ ಕೆತ್ತುವ ಕೆಲಸವನ್ನು ಆರಂಭಿಸಿತು. ಗಾಜಿನ ತುಂಡುಗಳಿಂದ ಕಲಾಕೃತಿಗಳನ್ನು ರಚಿಸುವ ಕೆಲಸವನ್ನು 8 ಕಲಾವಿದರ ತಂಡವು ಆರಂಭಿಸಿತು.

MOST READ:ಶೋಚನೀಯ ಸ್ಥಿತಿಯಲ್ಲಿವೆ ದುಬಾರಿ ಬೆಲೆಯ ಐಷಾರಾಮಿ ರೋಲ್ಸ್ ರಾಯ್ಸ್ ಕಾರುಗಳು

ಈ ಕಲಾಕೃತಿಯನ್ನು ತಯಾರಿಸಲು ಎಂಟು ತಿಂಗಳಿಗಿಂತ ಹೆಚ್ಚು ಸಮಯ ತೆಗೆದುಕೊಳ್ಳಲಾಗಿದೆ. ಈ ಕಲಾಕೃತಿಯನ್ನು ಕಾರಿನ ಒಳಗೆ ಹಾಗೂ ಹೊರಗೆ ತಯಾರಿಸಲಾಗಿದೆ. ಈ ಕಲಾಕೃತಿಯನ್ನು ತಯಾರಿಸಲು ಯಾವುದೇ ಯಂತ್ರವನ್ನು ಬಳಸಲಾಗಿಲ್ಲ.

ಈ ಕಾರಿನಲ್ಲಿರುವ ಕಲಾಕೃತಿಗಳು ಮೆಕ್ಸಿಕೊದ ಮೂಲನಿವಾಸಿಗಳ ಹ್ಯೂಕಾಲ್ ಸಂಸ್ಕೃತಿ ಹಾಗೂ ನಂಬಿಕೆಗಳನ್ನು ಪ್ರದರ್ಶಿಸುತ್ತವೆ. ಹ್ಯೂಕಾಲ್ ಸಂಸ್ಕೃತಿಯ ಪ್ರಕಾರ ಎರಡು ಹಾವುಗಳನ್ನು ಕಾರಿನ ಹುಡ್'ನಲ್ಲಿ ತಯಾರಿಸಲಾಗಿದೆ. ಇದು ಮಳೆಯ ಸಂಕೇತವಾಗಿದೆ.

MOSTREAD: ಇನ್ನು ಮುಂದೆ ಈ ನಗರಗಳಲ್ಲಿ ಡೀಸೆಲ್ ವಾಹನಗಳನ್ನು ಮಾರಾಟ ಮಾಡುವಂತಿಲ್ಲ

ಕರಡಿ, ಜಿಂಕೆ ಹಾಗೂ ಪಕ್ಷಿಗಳ ಕಲಾಕೃತಿಗಳನ್ನು ಸಹ ಇದರಲ್ಲಿ ರಚಿಸಲಾಗಿದೆ. ಕಾರಿನ ರೂಫ್ ನಲ್ಲಿ ಸೂರ್ಯನ ಸಂಕೇತವಾದ ಜೈ ಎಂಬ ಕಲಾಕೃತಿ ಇದೆ. ಇದು ಮನುಷ್ಯರು ಹಾಗೂ ದೇವರ ನಡುವಿನ ಸಂಬಂಧವನ್ನು ಸೂಚಿಸುತ್ತದೆ.

ಮೆಕ್ಸಿಕೋದ ಗ್ವಾಡಲಜ್ರಾ ನಗರದಲ್ಲಿರುವ ಮ್ಯೂಸಿಯಂನಲ್ಲಿ ಈ ಕಾರನ್ನು ಪ್ರದರ್ಶನಕ್ಕೀಡಾಲಾಗಿದೆ. ಈ ಕಾರು ಕಲೆಯ ರೂಪದಲ್ಲಿ ಆಕರ್ಷಣೆಯ ಕೇಂದ್ರವಾಗಿ ಮಾರ್ಪಟ್ಟಿದೆ. ಈ ಕಾರನ್ನು ಅಮೆರಿಕಾ, ಯುರೋಪ್, ಏಷ್ಯಾ ಸೇರಿದಂತೆ ವಿಶ್ವದ ಹಲವು ದೇಶಗಳಲ್ಲಿ ಪ್ರದರ್ಶನಕ್ಕೆ ಬಳಸಲಾಗಿದೆ.