ಭಾರತದಲ್ಲಿ ಕಾರು ಚಾಲನೆ ಎಷ್ಟು ಸುರಕ್ಷಿತ?

ನಮೀಬಿಯಾ

ಜಗತ್ತಿನಲ್ಲಿ ಅತ್ಯಂತ ಕೆಟ್ಟ ರಸ್ತೆ ನಮೀಬಿಯಾ ಹೊಂದಿರುವುದಾಗಿ ವಿಶ್ಲೇಷಿಸಬಹುದಾಗಿದ್ದು, ಇಲ್ಲಿ ಪ್ರತಿ ಒಂದು ಲಕ್ಷಕ್ಕೆ 45 ಮಂದಿ ರಸ್ತೆ ಅಪಘಾತದಿಂದಲೇ ಸಾವನ್ನಪ್ಪುತ್ತಾರೆ.

ಥಾಯ್ಲೆಂಡ್

ನಮೀಬಿಯಾ ರಾಷ್ಟ್ರವನ್ನು ಥಾಯ್ಲೆಂಡ್ ಹಿಂಬಾಲಿಸುತ್ತಿದ್ದು, ಇಲ್ಲಿ ಪ್ರತಿ ಲಕ್ಷ ಮಂದಿಯಲ್ಲಿ 44 ಜನರು ರಸ್ತೆ ಅಪಘಾತದಿಂದಾಗಿ ತಮ್ಮ ಜೀವನವನ್ನು ಕಳೆದುಕೊಳ್ಳುತ್ತಾರೆ.

ಇರಾನ್

ಮೂರನೇ ಅತಿ ಕೆಟ್ಟ ರಸ್ತೆ ಪರಿಸ್ಥಿತಿ ಹೊಂದಿರುವ ಇರಾನ್‌ನಲ್ಲಿ ಪ್ರತಿ ಒಂದು ಲಕ್ಷ ಜನರಲ್ಲಿ 38 ಮರಣಗಳು ರಸ್ತೆ ಅಪಘಾತದಿಂದಲೇ ಸಂಭವಿಸುತ್ತದೆ.

ಸ್ವಾಝಿಲ್ಯಾಂಡ್ (Swaziland)

ಸ್ವಾಝಿಲ್ಯಾಂಡ್ ಬಗ್ಗೆ ನೀವು ಹೆಚ್ಚು ಅರಿತುಕೊಂಡಿರಲಾರರು. ಆಫ್ರಿಕಾ ಖಂಡದ ಸಣ್ಣ ರಾಷ್ಟ್ರಗಳಲ್ಲಿ ಒಂದಾಗಿರುವ ಸ್ವಾಝಿಲ್ಯಾಂಡ್ ಅತ್ಯಂತ ಅಪಾಯಕಾರಿ ರಸ್ತೆ ಹೊಂದಿರುವ ದೇಶಗಳ ಪೈಕಿ ಐದನೇ ಸ್ಥಾನದಲ್ಲಿದೆ. ಇಲ್ಲಿ ಪ್ರತಿ ಒಂದು ಲಕ್ಷಕ್ಕೆ 36 ಮರಣಗಳು ರಸ್ತೆ ಅವಘಡದಿಂದಲೇ ಘಟಿಸುತ್ತಿವೆ.

ಚೀನಾ

ಇನ್ನು ಪಟ್ಟಿ ಮುಂದಕ್ಕೆ ಬೆಳೆದಂತೆ ನಮ್ಮ ನೆರೆಯ ಚೀನಾ ರಾಷ್ಟ್ರವು ಅತ್ಯಂತ ಕೆಟ್ಟ ರಸ್ತೆಗಳ ಪೈಕಿ 44ನೇ ಸ್ಥಾನದಲ್ಲಿದೆ. ಇಲ್ಲಿ ಲಕ್ಷ ಮಂದಿಗೆ 22 ಮರಣಗಳು ರಸ್ತೆ ಅಪಘಾತದಿಂದಾಗಿ ಸಂಭವಿಸುತ್ತದೆ.

ಭಾರತ

ಅಭಿವೃದ್ಧಿ ಹೊಂದಿರುವ ಚೀನಾ ರಾಷ್ಟ್ರಗಿಂತಲೂ ಮೇಲ್ದರ್ಜೆಯಲ್ಲಿ ಗುರುತಿಸಿಕೊಂಡಿರುವ ಬಾರತ 76ನೇ ಸ್ಥಾನದಲ್ಲಿದ್ದು, ಇದು ಜಾಗತಿಕ ಸರಾಸರಿಯ ಸಮೀಪದಲ್ಲಿದೆ. ಭಾರತದಲ್ಲಿ ಪ್ರತಿ ಒಂದು ಲಕ್ಷ ಜನರಲ್ಲಿ 17 ಮರಣಗಳು ರಸ್ತೆ ಅಪಘಾತದಿಂದಾಗಿ ಸಂಭವಿಸುತ್ತದೆ.

ಅಮೆರಿಕ

ಅದೇ ರೀತಿ ಅಮೆರಿಕ 97ನೇ ಸ್ಥಾನದಲ್ಲಿದ್ದು, ಪ್ರತಿ ಒಂದು ಲಕ್ಷಕ್ಕೆ 14 ಮಂದಿ ರಸ್ತೆ ಅಪಘಾತದಿಂದಾಗಿ ಸಾವನ್ನಪ್ಪುತ್ತಾರೆ.

ಬ್ರಿಟನ್

ಇನ್ನು ಯುನೈಟೆಡ್ ಕಿಂಗ್‌ಡಮ್ ಮುಂಚೂಣಿಯಲ್ಲಿ ಅಂದರೆ 180ನೇ ಸ್ಥಾನದಲ್ಲಿ ಗುರುತಿಸಿಕೊಂಡಿದ್ದು, ಪ್ರತಿ ಒಂದು ಲಕ್ಷಕ್ಕೆ 5 ಮರಣಗಳು ಮಾತ್ರ ರಸ್ತೆ ಅಪಘಾತದಿಂದಾಗಿ ಘಟಿಸುತ್ತಿರುತ್ತವೆ.

ಮಾಲ್ದೀವ್ಸ್

ಇನ್ನು ಸುರಕ್ಷಿತ ರಸ್ತೆ ಚಾಲನೆ ವಿಚಾರದಲ್ಲಿ ಮೊದಲ ಸ್ಥಾನದಲ್ಲಿರುವ ನಮೀಬಿಯಾದಲ್ಲಿ ಪ್ರತಿ ಲಕ್ಷಕ್ಕೆ ಕೇವಲ ಇಬ್ಬರು ಮಾತ್ರ ರಸ್ತೆ ಅಪಘಾತದಿಂದಾಗಿ ತಮ್ಮ ಜೀವವನ್ನು ಕಳೆದುಕೊಳ್ಳುತ್ತಾರೆ.

ನಕ್ಷೆ

ಚಿತ್ರದಲ್ಲಿ ನೀವು ನೋಡುತ್ತಿರುವಂತೆಯೇ ಜಗತ್ತಿನ ಅತ್ಯಂತ ಅಪಾಯಕಾರಿ 25 ರಾಷ್ಟ್ರಗಳನ್ನು ಕೆಂಪು ಬಣ್ಣದಲ್ಲಿ ಗುರುತಿಸಲಾಗಿದೆ. ಅದೇ ರೀತಿ ಸುರಕ್ಷಿತ ರಾಷ್ಟ್ರಗಳನ್ನು ಹಸಿರು ವರ್ಣದಲ್ಲಿ ನೀಡಲಾಗಿದೆ.