India
YouTube

ವಿಶ್ವದ ಅತ್ಯಂತ ವಿಶಿಷ್ಟ ಮತ್ತು ವಿಚಿತ್ರವಾದ ಕಾರ್ ಪಾರ್ಕಿಂಗ್ ಗ್ಯಾರೇಜುಗಳಿವು!

ಭಾರತ ಸೇರಿದಂತೆ ವಿಶ್ವದ ಬಹುತೇಕ ದೇಶಗಳಲ್ಲಿ ಕಾರ್‌ ಪಾರ್ಕ್‌ ಮಾಡುವುದೇ ದೊಡ್ಡ ಸಮಸ್ಯೆಯಾಗಿ ಪರಿಣಮಿಸಿದೆ. ಇದಕ್ಕೆ ಪ್ರಮುಖ ಕಾರಣಗಳೆಂದರೆ ಮಿತಿ ಮೀರಿ ಬೆಳೆಯುತ್ತಿರುವ ಕಾರುಗಳು ಹಾಗೂ ಪಾರ್ಕಿಂಗ್ ಜಾಗದ ಕೊರತೆ. ಇದರಿಂದ ನಿತ್ಯ ದೊಡ್ಡ ದೊಡ್ಡ ನಗರಗಳಲ್ಲಿ ಜನರು ಪಾರ್ಕಿಂಗ್ ಸಮಸ್ಯೆ ಎದುರಿಸುತ್ತಿದ್ದಾರೆ.

ವಿಶ್ವದ ಅತ್ಯಂತ ವಿಶಿಷ್ಟ ಮತ್ತು ವಿಚಿತ್ರವಾದ ಕಾರ್ ಪಾರ್ಕಿಂಗ್ ಗ್ಯಾರೇಜುಗಳಿವು!

ವಾಹನ ನಿಲುಗಡೆಗೆ ಜಾಗವಿಲ್ಲದ ಕಾರಣ ರಸ್ತೆಯಲ್ಲೇ ವಾಹನಗಳನ್ನು ನಿಲ್ಲಿಸುತ್ತಿರುವುದರಿಂದ ಟ್ರಾಫಿಕ್ ಜಾಮ್ ಆಗುತ್ತಿದೆ. ನಗರಗಳಲ್ಲಿ ಕಾರ್ ಪಾರ್ಕಿಂಗ್‌ಗೆ ಸರಿಯಾದ ಸ್ಥಳವಿಲ್ಲದಿರುವುದು ಹಾಗೂ ಇಕ್ಕಟ್ಟಿನ ಪಾರ್ಕಿಂಗ್ ಸ್ಥಳಗಳಿಂದಾಗಿ ವಾಹನಗಳನ್ನು ರಸ್ತೆಗಳಲ್ಲಿ ಪಾರ್ಕ್ ಮಾಡುತ್ತಿರುವುದರಿಂದ ರಸ್ತೆಗಳಲ್ಲಿ ಸಂಚರಿಸುವ ಇತರ ವಾಹನಗಳಿಗೆ ತೊಂದರೆಯಾಗುತ್ತಿದೆ.

ವಿಶ್ವದ ಅತ್ಯಂತ ವಿಶಿಷ್ಟ ಮತ್ತು ವಿಚಿತ್ರವಾದ ಕಾರ್ ಪಾರ್ಕಿಂಗ್ ಗ್ಯಾರೇಜುಗಳಿವು!

ಈ ಎಲ್ಲಾ ಸಮಸ್ಯೆಗಳಿಗೆ ಪರಿಹಾರ ಕಂಡುಕೊಳ್ಳಲು ಆಧುನಿಕ ಎಂಜಿನಿಯರಿಂಗ್‌ನಿಂದ ಸಾಧ್ಯವಾಗಬಹುದು. ಇದಕ್ಕೆ ಉತ್ತಮ ಉದಾಹರಣೆಯಂತಿವೆ ಕೆಲವು ವಿಚಿತ್ರ, ವಿಭಿನ್ನ, ನಂಬಲಸಾಧ್ಯವಾದ ವಿಶ್ವದ ಕೆಲವು ಪಾರ್ಕಿಂಗ್ ಕಟ್ಟಡಗಳು. ಇವುಗಳಲ್ಲಿ ಒಂದೇ ಸಮಯದಲ್ಲಿ ನೂರಾರು ವಾಹನಗಳನ್ನು ನಿಲ್ಲಿಸಬಹುದು ಹಾಗೂ ಸುಲಭವಾಗಿ ಹೊರಗೆ ತರಬಹುದು.

ವಿಶ್ವದ ಅತ್ಯಂತ ವಿಶಿಷ್ಟ ಮತ್ತು ವಿಚಿತ್ರವಾದ ಕಾರ್ ಪಾರ್ಕಿಂಗ್ ಗ್ಯಾರೇಜುಗಳಿವು!

ಪ್ರಪಂಚದಾದ್ಯಂತ ಇಂತಹ ಅನೇಕ ಪಾರ್ಕಿಂಗ್ ಸ್ಥಳಗಳನ್ನು ಅಭಿವೃದ್ಧಿಪಡಿಸಲಾಗುತ್ತಿದ್ದು, ಇವು ಜನರನ್ನು ಆಚ್ಚರಿಗೊಳಿಸುತ್ತಿವೆ. ವಿಶ್ವದಾದ್ಯಂತ ಇರುವ ಇಂತಹ ಪಾರ್ಕಿಂಗ್ ಕಟ್ಟಡಗಳ ಬಗ್ಗೆ ಈ ಲೇಖನದಲ್ಲಿ ನೋಡಬಹುದು.

ವಿಶ್ವದ ಅತ್ಯಂತ ವಿಶಿಷ್ಟ ಮತ್ತು ವಿಚಿತ್ರವಾದ ಕಾರ್ ಪಾರ್ಕಿಂಗ್ ಗ್ಯಾರೇಜುಗಳಿವು!

ಆಟೋಸ್ಟಾಡ್ ಕಾರ್ ಟವರ್, ವೋಲ್ಫ್ಸ್ಬರ್ಗ್ (ಜರ್ಮನಿ)

ಆಟೋಸ್ಟಾಡ್ಟ್ ಎಂದರೆ ಜರ್ಮನ್ ಭಾಷೆಯಲ್ಲಿ 'ಸಿಟಿ ಆಫ್ ಕಾರ್ಸ್' ಎಂದರ್ಥ. ಜರ್ಮನಿಯ ವೋಲ್ಫ್ಸ್‌ಬರ್ಗ್‌ನಲ್ಲಿರುವ ಫೋಕ್ಸ್‌ವ್ಯಾಗನ್ ಕಾರ್ಖಾನೆಯ ಪಕ್ಕದಲ್ಲಿ ನಿರ್ಮಿಸಲಾದ ಆಟೋಸ್ಟಾಡ್ ಕಾರ್ ಟವರ್ ಸಾರ್ವಜನಿಕರ ಪ್ರಮುಖ ಆಕರ್ಷಣೆಯ ಕೇಂದ್ರವಾಗಿದೆ. ಆದರೆ, ಈ ಕಾರ್ ಪಾರ್ಕಿಂಗ್‌ನಲ್ಲಿ ಸಾರ್ವಜನಿಕರಿಗೆ ಎಂಟ್ರಿ ಇಲ್ಲ.

ವಿಶ್ವದ ಅತ್ಯಂತ ವಿಶಿಷ್ಟ ಮತ್ತು ವಿಚಿತ್ರವಾದ ಕಾರ್ ಪಾರ್ಕಿಂಗ್ ಗ್ಯಾರೇಜುಗಳಿವು!

ಇಲ್ಲಿ ಫೋಕ್ಸ್‌ವ್ಯಾಗನ್ ತನ್ನ ಕಾರುಗಳನ್ನು ಮಾತ್ರ ಇಡುತ್ತದೆ. ಇದನ್ನು ಬಹುಮಹಡಿಯ ಶೋರೂಂ ಎಂದು ಸಹ ಕರೆಯಲಾಗುತ್ತದೆ. ಇಂತಹ ಎರಡು ಟವರ್‌ಗಳಿವೆ, ಅದರ ಎತ್ತರವು ಸುಮಾರು 60 ಮೀಟರ್ ಇದ್ದು, ಪ್ರತಿ ಟವರ್‌ನಲ್ಲಿ 400 ಕಾರುಗಳನ್ನು ನಿಲ್ಲಿಸಬಹುದು. ಇಲ್ಲಿ ಕಾರುಗಳನ್ನು ನಿಲ್ಲಿಸಲು ಒಂದರ ಮೇಲೊಂದು ರ್ಯಾಕ್‌ಗಳನ್ನು ಮಾಡಲಾಗಿದೆ.

ವಿಶ್ವದ ಅತ್ಯಂತ ವಿಶಿಷ್ಟ ಮತ್ತು ವಿಚಿತ್ರವಾದ ಕಾರ್ ಪಾರ್ಕಿಂಗ್ ಗ್ಯಾರೇಜುಗಳಿವು!

ಪ್ರತಿ ಕಾರನ್ನು ಕಟ್ಟಡದ ಅಡಿಯಲ್ಲಿ ಅಳವಡಿಸಲಾಗಿರುವ ಯಂತ್ರದ ಸಹಾಯದಿಂದ ಮೇಲಕ್ಕೆ ಕೆಳಕ್ಕೆ ಸಾಗಿಸಲಾಗುತ್ತದೆ. ಕಾರ್ಖಾನೆಯಿಂದ ಟವರ್‌ ಬಳಿಗೆ ಕಾರುಗಳನ್ನು ಸಾಗಿಸಲು ನೆಲದಡಿಯಲ್ಲಿ ಸುರಂಗಗಳನ್ನು ನಿರ್ಮಿಸಲಾಗಿದೆ. ಗ್ರಾಹಕರು ಈ ಟವರ್‌ಗೆ ಬಂದು ತಮ್ಮ ಆಯ್ಕೆಯ ಫೋಕ್ಸ್‌ವ್ಯಾಗನ್ ಕಾರುಗಳನ್ನು ಖರೀದಿಸಬಹುದು.

ವಿಶ್ವದ ಅತ್ಯಂತ ವಿಶಿಷ್ಟ ಮತ್ತು ವಿಚಿತ್ರವಾದ ಕಾರ್ ಪಾರ್ಕಿಂಗ್ ಗ್ಯಾರೇಜುಗಳಿವು!

ತೇಲುವ ಪಾರ್ಕಿಂಗ್ ಗ್ಯಾರೇಜ್, ಉಮಿಹೊಟಾರು (ಜಪಾನ್)

ಜಪಾನ್‌ನ ಉಮಿಹೊಟಾರುದಲ್ಲಿ ನಿರ್ಮಿಸಲಾದ ಪಾರ್ಕಿಂಗ್ ಗ್ಯಾರೇಜ್ ಅದ್ಭುತವಾಗಿದ್ದು, ಇದು ಕೃತಕ ದ್ವೀಪದಲ್ಲಿ ನಿರ್ಮಿಸಲಾದ ಪಾರ್ಕಿಂಗ್ ಗ್ಯಾರೇಜ್ ಆಗಿದೆ. ಇಲ್ಲಿಂದ ನೀವು ಟೋಕಿಯೊ ನಗರವನ್ನು ಕಣ್ತುಂಬಿಕೊಳ್ಳಬಹುದು. Umihotaru ಕಾರ್ ಪಾರ್ಕಿಂಗ್ ಅನ್ನು ಐಕಾನಿಕ್ ಆಕ್ವಾ-ಲೈನ್ ಮೇಲೆ ನಿರ್ಮಿಸಲಾಗಿದ್ದು, ಇದು ಬಹಳ ಉದ್ದವಾದ ನೀರೊಳಗಿನ ಸುರಂಗವಾಗಿದೆ.

ವಿಶ್ವದ ಅತ್ಯಂತ ವಿಶಿಷ್ಟ ಮತ್ತು ವಿಚಿತ್ರವಾದ ಕಾರ್ ಪಾರ್ಕಿಂಗ್ ಗ್ಯಾರೇಜುಗಳಿವು!

Umihotaru ಪಾರ್ಕಿಂಗ್ ಜಾಗದ ಉದ್ದ ಸುಮಾರು 650 ಮೀಟರ್ ಇದ್ದು, ಐದು ಅಂತಸ್ತಿನ ಪಾರ್ಕಿಂಗ್ ಸ್ಥಳವಾಗಿದೆ. ಎಲ್ಲಾ ರೀತಿಯ ವಾಹನಗಳಿಗೆ ಮೂರು ಅಂತಸ್ತಿನ ಪಾರ್ಕಿಂಗ್ ಸ್ಥಳವಿದೆ, ಆದರೆ ನಾಲ್ಕು ಮತ್ತು ಐದನೇ ಅಂತಸ್ತಿನಲ್ಲಿ ಹೋಟೆಲ್‌ಗಳು, ವಿಶ್ರಾಂತಿ ಕೊಠಡಿಗಳು, ಮಾಲ್‌ಗಳಿವೆ. ಅಂತರರಾಷ್ಟ್ರೀಯ ಏಜೆನ್ಸಿಗಳು ಉಮಿಹೊಟಾರು ಪಾರ್ಕಿಂಗ್ ಅನ್ನು ವಿಶ್ವದ ಅತ್ಯಂತ 'ಅಸಾಮಾನ್ಯ ಪಾರ್ಕಿಂಗ್ ಪ್ರದೇಶ' ಎಂದು ಘೋಷಿಸಿವೆ.

ವಿಶ್ವದ ಅತ್ಯಂತ ವಿಶಿಷ್ಟ ಮತ್ತು ವಿಚಿತ್ರವಾದ ಕಾರ್ ಪಾರ್ಕಿಂಗ್ ಗ್ಯಾರೇಜುಗಳಿವು!

ಯುರೇಕಾ ಕಾರ್ ಪಾರ್ಕ್, ಮೆಲ್ಬೋರ್ನ್ (ಆಸ್ಟ್ರೇಲಿಯಾ)

ಯುರೇಕಾ ಟವರ್ 297.3 ಮೀ (975 ಅಡಿ) ಎತ್ತರದ ಗಗನಚುಂಬಿ ಕಟ್ಟಡವಾಗಿದ್ದು, ಆಸ್ಟ್ರೇಲಿಯಾದ ವಿಕ್ಟೋರಿಯಾದ ಮೆಲ್ಬೋರ್ನ್‌ನ ಸೌತ್‌ಬ್ಯಾಂಕ್ ಕ್ಯಾಂಪಸ್‌ನಲ್ಲಿದೆ. ಈ ಕಾರ್ ಟವರ್‌ನಲ್ಲಿ ಅಧಿಕೃತವಾಗಿ 2006 ರಿಂದ ಕಾರುಗಳನ್ನು ನಿಲ್ಲಿಸಲು ಪ್ರಾರಂಭಿಸಲಾಗಿದೆ. ಈ ಯೋಜನೆಯನ್ನು ಮೆಲ್ಬೋರ್ನ್ ಆರ್ಕಿಟೆಕ್ಚರಲ್ ಸಂಸ್ಥೆ ಫೆಂಡರ್ ಕಟ್ಸಾಲಿಡಿಸ್ ಆರ್ಕಿಟೆಕ್ಟ್ಸ್ ವಿನ್ಯಾಸಗೊಳಿಸಿದ್ದಾರೆ. ಇದು ವಿಶ್ವದ ಅತಿ ಎತ್ತರದ ಕಾರ್ ಪಾರ್ಕಿಂಗ್ ಟವರ್ ಆಗಿದ್ದು, ಆಸ್ಟ್ರೇಲಿಯಾದ ಮೂರನೇ ಅತಿ ಎತ್ತರದ ಕಟ್ಟಡವಾಗಿದೆ.

ವಿಶ್ವದ ಅತ್ಯಂತ ವಿಶಿಷ್ಟ ಮತ್ತು ವಿಚಿತ್ರವಾದ ಕಾರ್ ಪಾರ್ಕಿಂಗ್ ಗ್ಯಾರೇಜುಗಳಿವು!

1111 ಲಿಂಕನ್ ರೋಡ್ ಪಾರ್ಕಿಂಗ್, ಫ್ಲೋರಿಡಾ (USA)

1111 ಲಿಂಕನ್ ರೋಡ್ ಪಾರ್ಕಿಂಗ್ ಗ್ಯಾರೇಜ್ ಅನ್ನು ಫ್ಲೋರಿಡಾದ ಮಿಯಾಮಿ ಬೀಚ್‌ನಲ್ಲಿರುವ ಸೌತ್‌ನಲ್ಲಿ ನಿರ್ಮಿಸಲಾಗಿದೆ. ಇದನ್ನು ಸ್ವಿಸ್ ಆರ್ಕಿಟೆಕ್ಚರ್ ಸಂಸ್ಥೆ ಹೆರ್ಜೋಗ್ & ಡಿ ಮೆಯುರಾನ್ ವಿನ್ಯಾಸಗೊಳಿಸಿದ್ದಾರೆ. ಇದು ಲಿಂಕನ್ ರೋಡ್ ಮಾಲ್‌ನ ಪಶ್ಚಿಮ ತುದಿಯಲ್ಲಿರುವ ಆಲ್ಟನ್ ರೋಡ್‌ನಲ್ಲಿದೆ. ಈ ಗ್ಯಾರೇಜ್ ಸುಮಾರು 300 ಕಾರುಗಳನ್ನು ಹಿಡಿದಿಟ್ಟುಕೊಳ್ಳುವ ಸಾಮರ್ಥ್ಯ ಹೊಂದಿದೆ. ಇದರ ವಿನ್ಯಾಸವು ಸಾಂಪ್ರದಾಯಿಕ ಪಾರ್ಕಿಂಗ್ ಗ್ಯಾರೇಜ್‌ಗಳಿಗಿಂತ ಸಂಪೂರ್ಣವಾಗಿ ಭಿನ್ನವಾಗಿರುವುದರಿಂದ ಪ್ರಮುಖ ಆಕರ್ಷಣೆಯಾಗಿದೆ.

ವಿಶ್ವದ ಅತ್ಯಂತ ವಿಶಿಷ್ಟ ಮತ್ತು ವಿಚಿತ್ರವಾದ ಕಾರ್ ಪಾರ್ಕಿಂಗ್ ಗ್ಯಾರೇಜುಗಳಿವು!

KRE ಕಾರ್ ಹೌಸ್, ಟೋಕಿಯೊ (ಜಪಾನ್)

ಜಪಾನ್‌ನ ಟೋಕಿಯೊದಲ್ಲಿರುವ KRE ಕಾರ್ ಹೌಸ್ ಒಂದು ವಿಶಿಷ್ಟವಾದ ಕಾರ್ ಪಾರ್ಕಿಂಗ್ ಸ್ಥಳವಾಗಿದೆ. ಇದು ಸುಮಾರು 2,000 ಚದರ ಮೀಟರ್ ವಿಸ್ತೀರ್ಣವನ್ನು ಹೊಂದಿದ್ದು, ಮನೆಯ ಕೋಣೆಯಂತೆ ಕಾಣುತ್ತದೆ. ಇದರಲ್ಲಿ 9 ಕಾರುಗಳನ್ನು ನಿಲ್ಲಿಸಬಹುದು. ಈ ಪಾರ್ಕಿಂಗ್‌ನ ವಿಶೇಷತೆಯೆಂದರೆ ಇಲ್ಲಿಗೆ ಬರುವ ಗ್ರಾಹಕರು ತಮ್ಮ ಕಾರನ್ನು ಮತ್ತೊಂದು ಕಾರಿನೊಂದಿಗೆ ಬದಲಾಯಿಸಬಹುದು. ಇದಕ್ಕಾಗಿ ಎರಡೂ ಕಾರುಗಳ ಬೆಲೆ ಒಂದೇ ಆಗಿರಬೇಕು. ಉದಾಹರಣೆಗೆ, ನೀವು ಇಲ್ಲಿ ಲಂಬೋರ್ಗಿನಿ ಕಾರನ್ನು ತಂದರೆ, ಅದೇ ಬೆಲೆಯ ಪೋರ್ಷೆ ಕಾರನ್ನು ನೀವು ಬದಲಾಯಿಸಬಹುದು.

ವಿಶ್ವದ ಅತ್ಯಂತ ವಿಶಿಷ್ಟ ಮತ್ತು ವಿಚಿತ್ರವಾದ ಕಾರ್ ಪಾರ್ಕಿಂಗ್ ಗ್ಯಾರೇಜುಗಳಿವು!

ಡ್ರೈವ್‌ಸ್ಪಾರ್ಕ್ ಅಭಿಪ್ರಾಯ

ಭಾರತದಲ್ಲಿ ಪ್ರಸ್ತುತ ಹೊಸ ವಾಹನಗಳ ಮಾರಾಟ ಹೆಚ್ಚಳ ಹಾಗೂ ಹಳೆ ವಾಹನಗಳ ಸ್ಥಿರವಾದ ಉಳಿಕೆಯು ಪ್ರಮುಖ ನಗರಗಳಲ್ಲಿ ಟ್ರಾಫಿಕ್ ಜಾಮ್ ಹೆಚ್ಚಾಗಲು ಮುಖ್ಯಕಾರಣವಾಗಿದೆ. ಬೆಂಗಳೂರಿನ ಪ್ರಮುಖ ರಸ್ತೆಗಳಲ್ಲಿ ನಿತ್ಯ ಕಾರುಗಳು ಸಾಲಾಗಿ ಪಾರ್ಕಿಂಗ್‌ಗಾಗಿ ಪರದಾಡುತ್ತಿರುತ್ತವೆ. ಭಾರತದಲ್ಲೂ ಮೇಲೆ ತಿಳಿಸಲಾದ ಪಾರ್ಕಿಂಗ್ ಕಟ್ಟಡಗಳು ಹೇರಳವಾಗಿ ನಿರ್ಮಾಣವಾಗಬೇಕಿದೆ.

Most Read Articles

Kannada
English summary
Most unique and craziest car parking garages in the world
Story first published: Friday, June 17, 2022, 13:22 [IST]
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X