Just In
- 9 hrs ago Honda: ಬಡವರ ಕನಸು ನನಸು.. ಕಡಿಮೆ ಬೆಲೆಗೆ ಸಿಗುತ್ತವೆ ಈ ಬೈಕ್ಗಳು
- 10 hrs ago ಬಹುಕೋಟಿ ಬೆಲೆಯ ಕಾರುಗಳಿದ್ದರೂ ಸಾಮಾನ್ಯ ಮಾರುತಿ ಕಾರಿನಲ್ಲಿ ಓಡಾಡಿದ ರೋಹಿತ್ ಶರ್ಮಾ: ಕಾರಣವೇನು?
- 11 hrs ago HSRP ನಂಬರ್ ಪ್ಲೇಟ್ನಲ್ಲಿ ನಡೆಯುತ್ತಿದೆ ಭಾರೀ ಮೋಸ: ಬುಕ್ ಮಾಡದವರು ಇದನ್ನು ಗಮನಿಸಿ!
- 11 hrs ago Nissan Magnite: ಕಾಮಧೇನುವಾದ ನಿಸ್ಸಾನ್ ಮ್ಯಾಗ್ನೈಟ್.. 6 ಲಕ್ಷ ಬೆಲೆ, 20 ಕಿ.ಮೀ ಮೈಲೇಜ್
Don't Miss!
- Movies Shobha Shetty ; ನಿಶ್ಚಿತಾರ್ಥದ ಬಗ್ಗೆ ಮಾಹಿತಿ ನೀಡಿದ ನಟಿ ಶೋಭಾ ಶೆಟ್ಟಿ
- Sports IPL 2024 :ಬಲಿಷ್ಠ ಹೈದರಾಬಾದ್ ಬಗ್ಗು ಬಡಿದ ಆರ್ಸಿಬಿ: ಕಮಿನ್ಸ್ ಪಡೆಗೆ ಹೀನಾಯ ಸೋಲು
- News ಸಿಯಾಚಿನ್ ಬಳಿ ಚೀನಾ ಆಕ್ರಮಿತ ಕಾಶ್ಮೀರದಲ್ಲಿ ಹೊಸ ರಸ್ತೆ ನಿರ್ಮಾಣ; ಖಚಿತಪಡಿಸಿದ ಉಪಗ್ರಹ ಚಿತ್ರಗಳು
- Lifestyle ಪುಟ್ಟ ಕಂದಮ್ಮಗಳ ಮುಖದಲ್ಲಿ ನಗು ತರಿಸಲು ಟೀಚರ್ ಮಾಡಿದ ಕೆಲಸ ನೋಡಿ, ಮಕ್ಕಳ ಪಾಲಿನ ದೇವತೆ ಇವರು
- Technology Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಇನ್ಮುಂದೆ ರೈಲಿನಲ್ಲಿ ಸಾಕು ಪ್ರಾಣಿಗಳನ್ನು ಕರೆದೊಯ್ಯಬಹುದು: ದರ, ಬುಕಿಂಗ್ ವಿಧಾನ ಕುರಿತ ಮಾಹಿತಿ...
ಸಾಕುಪ್ರಾಣಿಗಳನ್ನು ಹೊಂದಿರುವವರು ಪ್ರತಿ ಬಾರಿ ಪ್ರವಾಸವನ್ನು ಯೋಜಿಸಿದಾಗಲೆಲ್ಲಾ ತಮ್ಮ ನಾಯಿ, ಬೆಕ್ಕುಗಳನ್ನು ಬಿಟ್ಟೊಗುವುದೇ ದೊಡ್ಡ ಸಮಸ್ಯೆಯಾಗಿರುತ್ತದೆ. ತಮ್ಮೊಂದಿಗೆ ಕರೆದೊಯ್ಯಲು ಮನಸ್ಸಿದ್ದರೂ ಸಾರಿಗೆ ಸಂಸ್ಥೆಗಳು ಇದಕ್ಕೆ ಒಪ್ಪುವುದಿಲ್ಲ.
ಅನೇಕರು ಆರ್ಥಿಕ ಹೊರೆಯಾದರೂ ಕೆಲವೊಮ್ಮೆ ಕಾರುಗಳನ್ನು ಬುಕ್ ಮಾಡಿಕೊಂಡು ತಮ್ಮ ಸಾಕುಪ್ರಾಣಿಗಳನ್ನು ಕರೆದೊಯ್ಯುತ್ತಾರೆ. ಆದರೆ ಹಣ್ಣವಿಲ್ಲದೇ, ರೈಲು ಬಿಟ್ಟರೇ ನಮಗೆ ಬೇರೆ ಆಯ್ಕೆ ಇಲ್ಲವೆಂದು ಚಿಂತಿಸುವವರು ಇನ್ನು ಮುಂದೆ ಚಿಂತಿಸಬೇಕಾಗಿಲ್ಲ, ಏಕೆಂದರೆ ಭಾರತೀಯ ರೈಲ್ವೇಯು ಸಾಕುಪ್ರಾಣಿಗಳನ್ನು ಹೊಂದಿರುವವರಿಗೆ ಒಂದೊಳ್ಳೆ ಸೌಲಭ್ಯವನ್ನು ಒದಗಿಸಿದೆ.
ಸಾಕುಪ್ರಾಣಿಗಳಾದ ನಾಯಿ ಮತ್ತು ಬೆಕ್ಕುಗಳನ್ನು ಈಗ ರೈಲುಗಳಲ್ಲಿ ಕರೆದೊಯ್ಯಬಹುದು. ನಿಮ್ಮ ಸಾಕುಪ್ರಾಣಿಗಳನ್ನು ನೂರಾರು ಕಿ.ಮೀಗಳ ದೂರದವರೆಗೆ ಸಾಗಿಸಲು ರೈಲುಗಳು ಸುರಕ್ಷಿತವಾಗಿರುವುದಲ್ಲದೇ, ಕೈಗೆಟುಕುವ ದರ, ಹೆಚ್ಚು ಆರಾಮದಾಯಕ ಪ್ರಯಾಣಕ್ಕೂ ಸಹಕಾರಿಯಾಗಿದೆ. ಈ ಲೇಖನದಲ್ಲಿ ಈ ಬಗ್ಗೆ ಹೆಚ್ಚಿನ ವಿವರಗಳನ್ನು ತಿಳಿದುಕೊಳ್ಳಬಹುದು.
ನೀವು ಅನುಸರಿಸಬೇಕಾದ ನಿಯಮಗಳು:
ಎಸಿ ಸ್ಲೀಪರ್ ಕೋಚ್ಗಳು, ಎರಡನೇ ದರ್ಜೆಯ ಕೋಚ್ಗಳು ಮತ್ತು ಎಸಿ ಚೇರ್ ಕಾರ್ ಕೋಚ್ಗಳಲ್ಲಿ ಯಾವುದೇ ಸಾಕುಪ್ರಾಣಿಗಳನ್ನು ಅನುಮತಿಸಲಾಗುವುದಿಲ್ಲ. ಆದರೆ ಎರಡು ಪ್ರಯಾಣ ಆಯ್ಕೆಗಳು ಲಭ್ಯವಿದೆ. ನೀವು 4 ಆಸನಗಳನ್ನು ಹೊಂದಿರುವ ಕ್ಯಾಬಿನ್ ಅಥವಾ ನಿಮ್ಮ ಅವಶ್ಯಕತೆಗೆ ಅನುಗುಣವಾಗಿ 2 ಆಸನಗಳ ಮೊದಲ ದರ್ಜೆಯ AC ಟಿಕೆಟ್ಗಳನ್ನು ಬುಕ್ ಮಾಡಬಹುದು.
ಒಮ್ಮೆ ನಿಮ್ಮ ಟಿಕೆಟ್ಗಳನ್ನು ದೃಢೀಕರಿಸಿದ ನಂತರ, ನಿಮ್ಮ ಟಿಕೆಟ್ನ ನಕಲನ್ನು ಪಡೆಯಿರಿ. ನಿಮ್ಮ ಸಾಕುಪ್ರಾಣಿಗಳೊಂದಿಗೆ ಪ್ರಯಾಣಿಸಲು ಕಾರಣ ಕುರಿತು ಮುಖ್ಯ ವಾಣಿಜ್ಯ ಅಧಿಕಾರಿಗೆ ಅರ್ಜಿಯನ್ನು ಬರೆಯಿರಿ. ಇದು ನಿಮಗೆ ಯಾವುದೇ ಸಾಮಾನ್ಯ ಬರ್ತ್ ಅನ್ನು ಮಂಜೂರು ಮಾಡಿಲ್ಲ ಎಂದು ಖಚಿತಪಡಿಸುತ್ತದೆ.
ತಮ್ಮ ಸಾಕುಪ್ರಾಣಿಗಳಿಗೆ ಕೊರಳಪಟ್ಟಿಗಳು ಮತ್ತು ಸರಪಳಿಗಳನ್ನು ಒಯ್ಯುವುದು ಮಾಲೀಕರ ಜವಾಬ್ದಾರಿಯಾಗಿದೆ. ಜೊತೆಗೆ, ಸಾಕುಪ್ರಾಣಿಗಳ ಮಾಲೀಕರು ತಮ್ಮ ಸಾಕುಪ್ರಾಣಿಗಳಿಗೆ ಆಹಾರ ಮತ್ತು ನೀರಿನ ವ್ಯವಸ್ಥೆ ಮಾಡಬೇಕು. ನಿಮ್ಮ ನಾಯಿ ಅಥವಾ ಬೆಕ್ಕು ಎಲ್ಲಾ ವ್ಯಾಕ್ಸಿನೇಷನ್ಗಳನ್ನು ಪೂರ್ಣಗೊಳಿಸಿದೆ ಎಂದು ಖಚಿತಪಡಿಸಿರುವ ವ್ಯಾಕ್ಸಿನೇಷನ್ ಕಾರ್ಡ್ ಅನ್ನು ಸಿದ್ಧಪಡಿಸಿಕೊಳ್ಳಬೇಕು.
ಸಾಧ್ಯವಾದರೆ, ವೆಟರ್ನರಿ ಆಸ್ಪತ್ರೆಯಿಂದ ನಿಮ್ಮ ಸಾಕುಪ್ರಾಣಿಗಳ ಫಿಟ್ನೆಸ್ ಪ್ರಮಾಣಪತ್ರವನ್ನು ಸಹ ಪಡೆಯಿರಿ. ಇನ್ನು ಪ್ರಯಾಣಕ್ಕೆ ಹೊರಡುವ ಸಮಯಕ್ಕಿಂತ ಸುಮಾರು 4 ಗಂಟೆಗಳ ಮೊದಲು ನಿಮ್ಮ ಕ್ಯಾಬಿನ್ ದೃಢೀಕರಣವನ್ನು ನೀವು ಪಡೆಯುತ್ತೀರಿ.
ಒಮ್ಮೆ ನಿಮ್ಮ ಕ್ಯಾಬಿನ್ ಅಥವಾ ಕೂಪೆಯನ್ನು ದೃಢೀಕರಿಸಿದ ನಂತರ, ರೈಲು ಹೊರಡುವ ಕನಿಷ್ಠ 2 ಗಂಟೆಗಳ ಮುನ್ನವೇ ನಿಲ್ದಾಣವನ್ನು ತಲುಪಿ. ನಂತರ ಪಾರ್ಸೆಲ್ ಕಚೇರಿಗೆ ಹೋಗಿ ಅವರಿಗೆ ನಿಮ್ಮ ಟಿಕೆಟ್ಗಳು, ನಿಮ್ಮ ಸಾಕುಪ್ರಾಣಿಗಳ ಫಿಟ್ನೆಸ್ ಪ್ರಮಾಣಪತ್ರ ಮತ್ತು ವ್ಯಾಕ್ಸಿನೇಷನ್ ಕಾರ್ಡ್ಗಳನ್ನು ತೋರಿಸಿ.
ನಿಮ್ಮ ಎಲ್ಲಾ ದಾಖಲೆಗಳ ಫೋಟೋ ಪ್ರತಿಗಳು, ನಿಮ್ಮ ಟಿಕೆಟ್ ಮತ್ತು ಒಂದು ಫೋಟೋ ಐಡಿ ಪುರಾವೆಗಳನ್ನು ಒಯ್ಯಲು ಮರೆಯದಿರಿ. ನಂತರ, ನಿಮ್ಮ ಸಾಕುಪ್ರಾಣಿಗಳನ್ನು ಕಾಯ್ದಿರಿಸಲು ಸಂಬಂಧಿಸಿದ ಅಧಿಕಾರಿಗಳ ಬಳಿ ಮಾತನಾಡಿದರೆ, ಅವರು ನಿಮ್ಮ ಸಾಕುಪ್ರಾಣಿಗಳ ಭಾರವನ್ನು ಪರಿಶೀಲಿಸಿ ಶುಲ್ಕವನ್ನು ವಿಧಿಸಲಾಗುತ್ತದೆ.
ಸಾಕುಪ್ರಾಣಿಗಳು ಪ್ರಯಾಣಿಸುವಾಗ ಪ್ರತಿ ಕೆಜಿಗೆ ರೂ. 30 ಶುಲ್ಕ ವಿಧಿಸಲಾಗುತ್ತದೆ. ಉದಾಹರಣೆಗೆ, ನಿಮ್ಮ ಸಾಕುಪ್ರಾಣಿ ನಾಯಿ ಎಂದುಕೊಳೋಣ ಅದರ ತೂಕ ಸುಮಾರು 4 ಕೆ.ಜಿ ಎಂದು ಭಾವಿಸೋಣ. ನಾಯಿಯನ್ನು ಸಾಗಿಸಲು ರೂ. 120 ಶುಲ್ಕ ಪಾವತಿಸಬೇಕಾಗುತ್ತದೆ.
ಸಾಕುಪ್ರಾಣಿಗಳು ಸಾಮಾನ್ಯವಾಗಿ ಪ್ರಯಾಣದ ಸಮಯದಲ್ಲಿ ಒತ್ತಡಕ್ಕೆ ಒಳಗಾಗುತ್ತವೆ. ಅವು ಹೆಚ್ಚು ಕುಡಿಯುವುದಿಲ್ಲ ಅಥವಾ ತಿನ್ನುವುದಿಲ್ಲ. ಆದರೂ ಅವು ಸುತ್ತಮುತ್ತಲಿನ ಜಾಗವನ್ನು ಕೊಳಕು ಮಾಡಬಹುದು ಆದ್ದರಿಂದ ರೈಲು ಕೆಲವೊಮ್ಮೆ ದೀರ್ಘ ಸಮಯ ನಿಲುಗಡೆ ಮಾಡುವ ನಿಲ್ದಾಣಗಳಲ್ಲಿ ಹೊರ ಕರೆದೊಯ್ಯಬಹುದು.
ಭಾರತದ ರೈಲ್ವೇ ಸಚಿವಾಲಯವು ಈಗ ಈ ಶ್ವಾನ ವಿಭಾಗದ ಸೌಲಭ್ಯವನ್ನು ಕೆಲವು ರೈಲುಗಳಲ್ಲಿ ಮಾತ್ರ ಒದಗಿಸಿದೆ. ರಾಜಧಾನಿ ಮತ್ತು ಶತಾಬ್ದಿ ಸೇರಿದಂತೆ ಕೆಲವು ರೈಲುಗಳಲ್ಲಿ ಮಾತ್ರ ನಾಯಿ ಕಂಪಾರ್ಟ್ಮೆಂಟ್ ಸೌಲಭ್ಯವಿದೆ.