ಅತ್ಯಾಧುನಿಕ ಪರಿಸರ ಸ್ನೇಹಿ ಕಾರು ಪಡೆದ ಪೋಪ್ ಫ್ರಾನ್ಸಿಸ್

ಪೋಪ್ ರವರು ವ್ಯಾಟಿಕನ್ ಸಿಟಿಯ ಸಾರ್ವಭೌಮರಾಗಿದ್ದಾರೆ. ವ್ಯಾಟಿಕನ್ ಸರ್ಕಾರವು ಪೋಪ್ ಫ್ರಾನ್ಸಿಸ್ ಅವರಿಗೆ ವಿಶ್ವ ನಾಯಕರಿಗೆ ನೀಡಲಾಗುವ ರಕ್ಷಣೆಯನ್ನು ನೀಡುತ್ತದೆ. ಈ ಕಾರಣಕ್ಕೆ ಅವರ ಸಂಚಾರಕ್ಕಾಗಿ ಹೆಚ್ಚಿನ ಭದ್ರತೆ ಹಾಗೂ ವಿಶೇಷ ಸಾಮರ್ಥ್ಯಗಳನ್ನು ಹೊಂದಿರುವ ಟೊಯೊಟಾ ಮಿರೈ ಕಾರನ್ನು ನೀಡಲಾಗಿದೆ.

ಪರಿಸರ ಸ್ನೇಹಿಯಾಗಿರುವ ಈ ಕಾರಿನಿಂದ ಪರಿಸರಕ್ಕೆ ಯಾವುದೇ ಹಾನಿಯಾಗುವುದಿಲ್ಲ. ಈ ಕಾರು ಹೈಡ್ರೋಜನ್ ಫ್ಯೂಯಲ್ ಸೆಲ್ ನಿಂದ ಚಾಲನೆಯಾಗುತ್ತದೆ. ಪೋಪ್ ಫ್ರಾನ್ಸಿಸ್ ರವರ ಆಯ್ಕೆಗೆ ಅನುಸಾರವಾಗಿ ಈ ಕಾರನ್ನು ಅವರಿಗೆ ನೀಡಲಾಗಿದೆ.

MOST READ:ರಿಕ್ಷಾ ಕಳೆದುಕೊಂಡವನಿಗೆ ಹೊಸ ರಿಕ್ಷಾ ಕೊಡಿಸಿದ ಆಪದ್ಭಾಂಧವ

ಈ ಕಾರನ್ನು ಜಪಾನ್‌ನ ಕ್ಯಾಥೊಲಿಕ್ ಆರ್ಚ್‌ಬಿಷಪ್‌ಗಳ ಗುಂಪು ಒದಗಿಸಿದೆ ಎಂದು ಹೇಳಲಾಗಿದೆ. ಟೊಯೊಟಾ ಮಿರೈ ಕಾರಿನಲ್ಲಿ ಪೋಪ್ ರವರ ಬಳಕೆಗೆ ತಕ್ಕಂತೆ ಹಲವಾರು ಬದಲಾವಣೆಗಳನ್ನು ಮಾಡಲಾಗಿದೆ.

ಕಾರಿನ ಹಿಂಭಾಗವನ್ನು ಸಂಪೂರ್ಣವಾಗಿ ರಿಡಿಸೈನ್ ಮಾಡಲಾಗಿದೆ. ಈ ಕಾರಿನ ಮುಂಭಾಗದಲ್ಲಿ ಯಾವುದೇ ಬದಲಾವಣೆಗಳನ್ನು ಮಾಡಲಾಗಿಲ್ಲ. ಚಾಲಕನ ಹಾಗೂ ಸಹ-ಚಾಲಕನ ಸೀಟಿನಲ್ಲಿ ಯಾವುದೇ ಬದಲಾವಣೆಗಳಾಗಿಲ್ಲ.

MOST READ:ಶೋಚನೀಯ ಸ್ಥಿತಿಯಲ್ಲಿವೆ ದುಬಾರಿ ಬೆಲೆಯ ಐಷಾರಾಮಿ ರೋಲ್ಸ್ ರಾಯ್ಸ್ ಕಾರುಗಳು

ಈ ಬದಲಾವಣೆಗಳಿಂದಾಗಿ ಟೊಯೊಟಾ ಮಿರೈ ಆಧುನಿಕ ರೂಪವನ್ನು ಪಡೆದಿದೆ. ಈ ಕಾರು ಸೀಟಿನ ಜೊತೆಗೆ ನಿಂತಿರುವ ವೇದಿಕೆಯನ್ನು ಹೊಂದಿದೆ. ಪೋಪ್ ರವರು ಈ ಸೀಟಿನ ಮೇಲೆ ಕುಳಿತುಕೊಳ್ಳಬಹುದು ಅಥವಾ ನಿಲ್ಲಬಹುದು.

ಇದಕ್ಕೆ ಲೆದರ್ ವ್ರಾಪರ್ ಹೊದಿಕೆಯನ್ನು ನೀಡಲಾಗಿದೆ. ಈ ಐಷಾರಾಮಿ ಆಸನದ ಹಿಂದೆ ಇನ್ನೂ ಎರಡು ಸೀಟುಗಳಿವೆ. ಪೋಪ್ ರವರ ಸಹಾಯಕರು ಹಾಗೂ ಅಂಗರಕ್ಷಕರ ಪ್ರಯಾಣಕ್ಕಾಗಿ ಈ ಸೀಟುಗಳನ್ನು ಒದಗಿಸಲಾಗಿದೆ.

MOSTREAD: ಇನ್ನು ಮುಂದೆ ಈ ನಗರಗಳಲ್ಲಿ ಡೀಸೆಲ್ ವಾಹನಗಳನ್ನು ಮಾರಾಟ ಮಾಡುವಂತಿಲ್ಲ

ಪೋಪ್ ರವರ ಸುರಕ್ಷತೆಗಾಗಿ ಈ ಕಾರಿನಲ್ಲಿ ಬುಲೆಟ್ ಪ್ರೂಫ್ ಗ್ಲಾಸ್ ಅಳವಡಿಸಲಾಗಿದೆ. ಈ ಎಲ್ಲಾ ಬದಲಾವಣೆಗಳು ಟೊಯೋಟಾ ಮಿರೈ ಹೈಡ್ರೋಜನ್ ಫ್ಯೂಯಲ್ ಸೆಲ್ ಕಾರನ್ನು ಆಧುನಿಕ ಕಾರನ್ನಾಗಿ ಮಾಡಿವೆ. ಈ ಬದಲಾವಣೆಗಳಿಂದಾಗಿ ಈ ಟೊಯೊಟಾ ಮಿರೈ ಕಾರಿನ ಗಾತ್ರದಲ್ಲೂ ಬದಲಾವಣೆಗಳಾಗಿವೆ.

ಬದಲಾವಣೆಗಳ ನಂತರ ಈ ಕಾರು 5.1 ಮೀಟರ್ ಉದ್ದ, 1.2 ಮೀಟರ್ ಎತ್ತರ ಹಾಗೂ 2.7 ಮೀಟರ್ ಗ್ರೌಂಡ್ ಕ್ಲಿಯರೆನ್ಸ್ ಹೊಂದಿದೆ. ಈ ಕಾರನ್ನು ಬಳಸುವ ಮೂಲಕ ಪೋಪ್ ಫ್ರಾನ್ಸಿಸ್ ಹವಾಮಾನ ಬದಲಾವಣೆಯ ವಿರುದ್ಧ ಮಾತನಾಡಿದ ವಿಶ್ವದ ಮೊದಲ ಧರ್ಮ ಗುರು ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.

MOSTREAD: 13 ವರ್ಷಗಳಲ್ಲಿ 10 ಲಕ್ಷ ಕಿ.ಮೀ ಸಂಚರಿಸಿದ ಟೊಯೊಟಾ ಇನೋವಾ ಕಾರು

ಪೋಪ್ ಫ್ರಾನ್ಸಿಸ್ ಈ ಹಿಂದೆ ಟೊಯೊಟಾ ಲ್ಯಾಂಡ್ ಕ್ರೂಸರ್, ಮರ್ಸಿಡಿಸ್ ಬೆಂಝ್ ಜಿ-ವ್ಯಾಗನ್, ರೇಂಜ್ ರೋವರ್ ಸೇರಿದಂತೆ ಹಲವು ಕಾರುಗಳನ್ನು ಬಳಸಿದ್ದಾರೆ. ಇನ್ನು ಮುಂದೆ ಹೆಚ್ಚು ಸುರಕ್ಷಿತವಾದ, ಸೂಪರ್ ಸಾಮರ್ಥ್ಯವನ್ನು ಹೊಂದಿರುವ ಪರಿಸರ ಸ್ನೇಹಿ ಟೊಯೊಟಾ ಮಿರೈ ಕಾರನ್ನು ಬಳಸಲಿದ್ದಾರೆ.