ಪರಿಸರ ಸ್ನೇಹಕ್ಕೆ ಸಲಾಂ ಅಂದ ದುಬೈ ಪೊಲೀಸ್

ಪರಿಸರ ಸ್ನೇಹಿ ವಾಹನಗಳನ್ನು ಪ್ರೋತ್ಸಾಹಿಸಲಾಗುವುದು ಎಂಬ ದುಬೈ ಸರಕಾರದ ಘೋಷಣೆಯ ಬೆನ್ನಲ್ಲೇ ದುಬೈ ಪೊಲೀಸ್ ನಿಂದ ಇಂತಹದೊಂದು ಪೂರಕವಾದ ಬೆಳವಣಿಗೆ ಕಂಡುಬಂದಿದೆ.

ಪೋರ್ಷೆ ಹೈಬ್ರಿಡ್ ಕಾರು ಬರೋಬ್ಬರಿ 416 ಅಶ್ವಶಕ್ತಿ ಉತ್ಪಾದಿಸಲಿದೆ. ಅಲ್ಲದೆ 5.5 ಸೆಕೆಂಡುಗಳಲ್ಲಿ ಗಂಟೆಗೆ ಗರಿಷ್ಠ 270 ಕೀ.ಮೀ. ವೇಗದಲ್ಲಿ ಸಂಚರಿಸುವ ಸಾಮರ್ಥ್ಯ ಹೊಂದಿರುತ್ತದೆ. ಇದರಲ್ಲಿ ಪೆಟ್ರೋಲ್ ಜೊತೆಗೆ ಎಲೆಕ್ಟ್ರಿಕ್ ಮೋಟಾರು ಜೋಡಣೆ ಮಾಡಲಾಗಿರುತ್ತದೆ.

ಅಷ್ಟೇ ಯಾಕೆ ವಿಶೇಷ ನಂಬರ್ ಪ್ಲೇಟ್ ಸಹ ಪೋರ್ಷೆ ಪನಮೆರಾ ಹೈಬ್ರಿಡ್ ಕಾರುಗಳಿಗೆ ಜೋಡಣೆ ಮಾಡಲಾಗಿದೆ. ಎರಡು ಕಾರುಗಳು ಅನುಕ್ರಮವಾಗಿ '444' ಹಾಗೂ '888' ಫ್ಯಾನ್ಸಿ ನಂಬರ್ ಪಡೆದುಕೊಂಡಿದೆ (ಚಿತ್ರದಲ್ಲಿ ಕಾಣಬಹುದು).

ನೂತನ ಪೋರ್ಷೆ ಪನಮೆರಾ ಹೈಬ್ರಿಡ್ ಕಾರುಗಳು ದುಬೈ ಪೊಲೀಸ್ ಗೆ ಇನ್ನಷ್ಟು ಶಕ್ತಿ ತುಂಬಿದೆ. ಇದರೊಂದಿಗೆ ಜಗತ್ತಿನ ಬಲಾಢ್ಯ ರಕ್ಷಣಾ ವಿಭಾಗ ಎಂಬ ಪಟ್ಟವನ್ನು ಭದ್ರವಾಗಿಸಿದೆ.

ಅಂದ ಹಾಗೆ ಬಿಎಂಡಬ್ಲ್ಯು ಐ8 ಹೈಬ್ರಿಡ್ ಸ್ಪೋರ್ಟ್ಸ್ ಕಾರು ಇತ್ತೀಚೆಗಷ್ಟೇ ಭಾರತೀಯ ಮಾರುಕಟ್ಟೆಗೆ ಎಂಟ್ರಿ ಕೊಟ್ಟಿತ್ತು. ದೇಶದಲ್ಲಿ ಇದರ ಬೆಲೆ 2.29 ಕೋಟಿ ರು.ಗಳಾಗಿದೆ.

ಬಿಎಂಡಬ್ಲ್ಯು ಐ8 ಹೈಬ್ರಿಡ್ ಕಾರು 1499 ಸಿಸಿ, 3 ಸಿಲಿಂಡರ್ ಪೆಟ್ರೋಲ್ ಎಂಜಿನ್‌ನಿಂದ ನಿಯಂತ್ರಿಸಲ್ಪಡುತ್ತಿದ್ದು, ಎಲೆಕ್ಟ್ರಿಕ್ ಮೋಟಾರು ಕೂಡಾ ಹೊಂದಿರುತ್ತದೆ. ಇವೆರಡು ಜೊತೆ ಸೇರಿ ಗರಿಷ್ಠ 357 ಅಶ್ವಶಕ್ತಿ (570 ತಿರುಗುಬಲ) ಉತ್ಪಾದಿಸಲಿದೆ.

ಮುಂದಕ್ಕೆ ಓದಿ - ದುಬೈ ಪೊಲೀಸ್ ತೆಕ್ಕೆಗೆ ಬಿಎಂಡಬ್ಲ್ಯು ಐ8

ಇದಕ್ಕೂ ಮೊದಲು ಜಗತ್ತಿನ ಶ್ರೀಮಂತ ರಕ್ಷಣಾ ವಿಭಾಗವಾಗಿರುವ ದುಬೈ ಪೊಲೀಸ್, ಟೊಯೊಟಾ ಲ್ಯಾಂಡ್ ಕ್ರೂಸರ್ ಹಾಗೂ ಲೆಕ್ಸಸ್ ಸೂಪರ್ ಕಾರುಗಳನ್ನು ಖರೀದಿಸಿತ್ತು.

ಮುಂದಕ್ಕೆ ಓದಿ - ಜಗತ್ತಿನ ಶ್ರೀಮಂತ ರಕ್ಷಣಾ ಇಲಾಖೆ