ಹರಾಜಾಗಲಿದೆ ರಾಜಕುಮಾರಿ ಡಯಾನಾ ಬಳಸುತ್ತಿದ್ದ ಫೋರ್ಡ್ ಕಾರು

ಅವರ ಬಳಿಯಿದ್ದ 1981ರ ಮಾದರಿಯ ಫೋರ್ಡ್ ಎಸ್ಕಾರ್ಟ್ ಗಿಯಾ ಸಲೂನ್ ಕಾರ್ ಅನ್ನು ಈಗ ಹರಾಜು ಹಾಕಲಾಗುತ್ತಿದೆ. ಈ ಕಾರು ಜೂನ್ 29ರಂದು ಎಸೆಕ್ಸ್‌ನ ರೀಮನ್ ಡ್ಯಾನ್ಸಿಯ ರಾಯಲ್ಟಿ, ಆಂಟಿಕ್ವಸ್ ಅಂಡ್ ಫೈನ್ ಆರ್ಟ್ ಸೇಲ್ಸ್‌ ಮೂಲಕ ಹರಾಜಿನಲ್ಲಿ ಮಾರಾಟವಾಗಲಿದೆ.

ಅವರ ಮದುವೆಗೂ ಮುನ್ನ 1981ರ ಮೇ ತಿಂಗಳಿನಲ್ಲಿ ಪ್ರಿನ್ಸ್ ಚಾರ್ಲ್ಸ್'ರವರು ಈ ಕಾರನ್ನು ರಾಜಕುಮಾರಿ ಡಯಾನಾರವರಿಗೆ ಉಡುಗೊರೆಯಾಗಿ ನೀಡಿದ್ದರು.ಐದು ಡೋರುಗಳ ಈ ಹ್ಯಾಚ್‌ಬ್ಯಾಕ್ ಕಾರ್ ಅನ್ನು ರಾಜಕುಮಾರಿಯವರು ಮದುವೆಯಾದ ನಂತರವೂ ನಿಯಮಿತವಾಗಿ ಬಳಸುತ್ತಿದ್ದರು.

40 ವರ್ಷ ಹಳೆಯದಾದ ಈ ಕಾರು ಸುಮಾರು 20 ವರ್ಷಗಳಿಂದ ಸಾರ್ವಜನಿಕರ ದೃಷ್ಟಿಯಿಂದ ಹೊರಗಿದೆ. ರಾಯಲ್ ಗ್ಯಾರೇಜ್‌ನಲ್ಲಿ ಉತ್ತಮ ವಾತಾವರಣದಲ್ಲಿದ್ದ ಕಾರಣಕ್ಕೆ ಇನ್ನೂ ಉತ್ತಮ ಸ್ಥಿತಿಯಲ್ಲಿದೆ. ಈ ಕಾರಿನ ಮೂಲ ನೋಂದಣಿ ಸಂಖ್ಯೆಯಾದ ಡಬ್ಲ್ಯುಇವಿ 297 ಡಬ್ಲ್ಯುವನ್ನು ಹಾಗೆಯೇ ಉಳಿಸಿಕೊಳ್ಳಲಾಗಿದೆ.

ರೀಮನ್ ಡ್ಯಾನ್ಸಿ ಪ್ರಕಾರ, ಈ ಗಿಯಾ ಸಲೂನ್ ಕಾರು ತನ್ನ ಮೂಲ ಸ್ಥಿತಿಯಲ್ಲಿಯೇ ಇದ್ದು, ಮೂಲ ಬಣ್ಣ ಹಾಗೂ ಅಪ್ ಹೊಲೆಸ್ಟರಿಯನ್ನು ಹೊಂದಿದೆ. ಕಾರಿನಲ್ಲಿರುವ ಮೀಟರ್ ಪ್ರಕಾರ ಈ ಕಾರು 83,000 ಮೈಲಿ ಅಂದರೆ ಸುಮಾರು 1,33,575 ಕಿ.ಮೀಗಳಷ್ಟು ಸಂಚರಿಸಿದೆ.

ಈ ಕಾರಿನಲ್ಲಿ ಅಳವಡಿಸಿದ್ದ ರೇಡಿಯೊ ಸಿಸ್ಟಂ ಹಾಗೇ ಉಳಿದಿದೆ. 1981ರ ಮಾದರಿಯ ಈ ಫೋರ್ಡ್ ಎಸ್ಕಾರ್ಟ್ ಗಿಯಾ ಸಲೂನ್ ಕಾರು ಹಳೆ ಕಾರುಗಳನ್ನುಸಂಗ್ರಹಿಸುವವರಿಗೆ ನಿಜಕ್ಕೂ ನಿಧಿಯಾಗಿದೆ. ರಾಜಕುಮಾರಿ ಡಯಾನಾರವರು ಈ ಕಾರನ್ನು ಚಾಲನೆ ಮಾಡುತ್ತಿರುವ ಹಲವಾರು ಫೋಟೋಗಳಿವೆ.

ಅವುಗಳಲ್ಲಿ ಒಂದು ಫೋಟೋದಲ್ಲಿ ರಾಜಕುಮಾರಿರವರು ತಮ್ಮ ಕಾರಿನೊಳಗೆ ಪೋಲೊ ಆಡುತ್ತಿರುವುದನ್ನು ತೋರಿಸಲಾಗಿದೆ. ಈ ಕಾರು ಬಾನೆಟ್‌ ಮೇಲೆ ಬೆಳ್ಳಿಯ ಕಪ್ಪೆ ಚಿಹ್ನೆಯನ್ನು ಹೊಂದಿದೆ. ಈ ಚಿಹ್ನೆ ಡಯಾನಾರವರ ಸಹೋದರಿ ಲೇಡಿ ಸಾರಾ ಸ್ಪೆನ್ಸರ್ ನೀಡಿದ ಉಡುಗೊರೆಯ ಪ್ರತಿಯಾಗಿದೆ.

ಗಿಯಾ ಸಲೂನ್‌ ಕಾರಿನಲ್ಲಿ ಅಳವಡಿಸಿರುವ 1.6 ಲೀಟರ್ ಪೆಟ್ರೋಲ್ ಎಂಜಿನ್ 6,000 ಆರ್‌ಪಿಎಂನಲ್ಲಿ 78 ಬಿಹೆಚ್‌ಪಿ ಪವರ್ ಹಾಗೂ 3,000 ಆರ್‌ಪಿಎಂನಲ್ಲಿ 125 ಎನ್‌ಎಂ ಟಾರ್ಕ್ ಉತ್ಪಾದಿಸುತ್ತದೆ. ಈ ಎಂಜಿನ್ ಅನ್ನು ನಾಲ್ಕು-ಸ್ಪೀಡ್ ಮ್ಯಾನುವಲ್ ಗೇರ್ ಬಾಕ್ಸ್'ನೊಂದಿಗೆ ಜೋಡಿಸಲಾಗಿದೆ.

ಸಾರ್ವಕಾಲಿಕ ಜನಪ್ರಿಯ ವ್ಯಕ್ತಿಗಳಲ್ಲಿ ಒಬ್ಬರಾದ ರಾಜಕುಮಾರಿ ಡಯಾನಾ ಕಾರುಗಳ ಪ್ರೇಮಿಯಾಗಿದ್ದರು ಎಂದು ತಿಳಿದು ಬಂದಿದೆ. ಅವರ ಬಳಿಯಿದ್ದ ಆಡಿ ಕನ್ವರ್ಟಿಬಲ್ ಕಾರು ಕಳೆದ ವರ್ಷ 58,000 ಡಾಲರ್'ಗಳಿಗೆ ಮಾರಾಟವಾಯಿತು.