ದೆಹಲಿಯಿಂದ ಲಂಡನ್‌ವರೆಗೆ ಸಂಚರಿಸಲಿದೆ ಈ ಟ್ರಾವೆಲ್ಸ್ ಬಸ್

ಪ್ರಪಂಚದಾದ್ಯಂತ ಪ್ರಯಾಣಿಸಲು ಬಯಸುವವರಿಗಾಗಿ ಖಾಸಗಿ ಟ್ರಾವೆಲ್ಸ್ ಕಂಪನಿಯೊಂದು ವಿಶಿಷ್ಟ ಯೋಜನೆಯೊಂದನ್ನು ಆರಂಭಿಸಿದೆ. ಗುರುಗ್ರಾಮ ಮೂಲದ ಖಾಸಗಿ ಟ್ರಾವೆಲ್ಸ್ ಕಂಪನಿಯ ಬಸ್ ದೆಹಲಿಯಿಂದ ಲಂಡನ್‌ಗೆ ಸಂಚರಿಸಲಿದೆ. ಈ ಬಸ್ 70 ದಿನಗಳ ಪ್ರವಾಸದ ಅವಧಿಯಲ್ಲಿ 18 ದೇಶಗಳ ಮೂಲಕ 20,000 ಕಿ.ಮೀ ಸಂಚರಿಸಲಿದೆ.

ಅಡ್ವೆಂಚರ್ಸ್ ಓವರ್‌ಲ್ಯಾಂಡ್ ಹೆಸರಿನ ಟ್ರಾವೆಲ್ ಕಂಪನಿಯ ಈ ಬಸ್ ಆಗಸ್ಟ್ 15ರಂದು ದೆಹಲಿ ಹಾಗೂ ಲಂಡನ್ ನಡುವೆ ತನ್ನ ಮೊದಲ ಪ್ರಯಾಣವನ್ನು ಆರಂಭಿಸಿದೆ. ಟ್ರಾವೆಲ್ಸ್ ಕಂಪನಿಯು ಈ ಬಸ್ ಸೇವೆಗೆ ಬಸ್ ಟು ಲಂಡನ್ ಎಂಬ ಹೆಸರನ್ನಿಟ್ಟಿದೆ.

MOST READ:ಒಂದು ವರ್ಷದಿಂದ ಚಲಿಸಿದರೂ ಇನ್ನೂ ಗುರಿ ಮುಟ್ಟದ ಟ್ರಕ್

ಈ ಬಸ್‌ನಲ್ಲಿ ಪ್ರಯಾಣಿಸುವವರು ಮ್ಯಾನ್ಮಾರ್, ಥೈಲ್ಯಾಂಡ್, ಲಾವೋಸ್, ಚೀನಾ, ಕಿರ್ಗಿಸ್ತಾನ್, ಉಜ್ಬೇಕಿಸ್ತಾನ್, ಕಜಕಿಸ್ತಾನ್, ರಷ್ಯಾ, ಲಾಟ್ವಿಯಾ, ಲಿಥುವೇನಿಯಾ, ಪೋಲೆಂಡ್, ಜೆಕ್ ರಿಪಬ್ಲಿಕ್, ಜರ್ಮನಿ, ನೆದರ್ಲ್ಯಾಂಡ್ಸ್, ಬೆಲ್ಜಿಯಂ ಹಾಗೂ ಫ್ರಾನ್ಸ್ ಮೂಲಕ ಲಂಡನ್ ತಲುಪಲಿದ್ದಾರೆ.

ಈ ಪ್ರವಾಸಕ್ಕಾಗಿ, ಟ್ರಾವೆಲ್ಸ್ ಕಂಪನಿಯು 20 ವಿಶೇಷ ಸೀಟುಗಳ ಬಸ್ ಅನ್ನು ಬಳಸಿದೆ. ಈ ಎಲ್ಲಾ ಸೀಟುಗಳು ಬಿಜಿನೆಸ್ ಕ್ಲಾಸ್ ಗೆ ಸೇರಿವೆ. ಬಸ್‌ನಲ್ಲಿ 20 ಪ್ರಯಾಣಿಕರ ಜೊತೆಗೆ ಚಾಲಕ, ಸಹಾಯಕ ಚಾಲಕ, ಗೈಡ್ ಹಾಗೂ ಹೆಲ್ಪರ್ ಇರಲಿದ್ದಾರೆ. ಪ್ರತಿ ಇಂಟರ್ ವಲ್ ನಂತರ ಗೈಡ್ ಬದಲಾಗುತ್ತಾನೆ.

MOSTREAD: ಬೀದಿ ನಾಯಿಯೇ ಈ ಶೋರೂಂನ ರಿಸೆಪ್ಶನಿಸ್ಟ್

ಟ್ರಾವೆಲ್ಸ್ ಕಂಪನಿಯು ಪ್ರಯಾಣಿಕರಿಗಾಗಿ ವೀಸಾ ವ್ಯವಸ್ಥೆಯನ್ನು ಸಹ ಮಾಡಲಿದೆ. ಈ ಪ್ರವಾಸವನ್ನು ನಾಲ್ಕು ಭಾಗಗಳಾಗಿ ವಿಂಗಡಿಸಲಾಗಿದೆ. ಪ್ರಯಾಣಿಕರು ತಮ್ಮಿಷ್ಟದ ಪ್ರವಾಸದ ಸ್ಥಳಗಳಿಗೆ ಅನುಗುಣವಾಗಿ ಒಂದು ಪ್ಯಾಕೇಜ್ ಅನ್ನು ಆಯ್ಕೆ ಮಾಡಿಕೊಳ್ಳಬಹುದು. ಪ್ರಯಾಣಿಕರು ಒಂದು ಪ್ಯಾಕೇಜ್‌ಗೆ ಪಾವತಿಸಬೇಕಾಗುತ್ತದೆ.

ಈ ಬಸ್ ಮೂಲಕ ದೆಹಲಿಯಿಂದ ಲಂಡನ್‌ಗೆ ತೆರಳಲು ಬಯಸುವ ಪ್ರತಿ ಪ್ರಯಾಣಿಕರು ರೂ.15 ಲಕ್ಷ ಪಾವತಿಸಬೇಕಾಗುತ್ತದೆ. 70 ದಿನಗಳ ಈ ಪ್ರವಾಸದಲ್ಲಿ ಪ್ರಯಾಣಿಕರಿಗೆ 4 ಸ್ಟಾರ್ ಅಥವಾ 5 ಸ್ಟಾರ್ ಹೋಟೆಲ್‌ಗಳಲ್ಲಿ ತಂಗಲು ಅವಕಾಶ ನೀಡಲಾಗುವುದು. ಎಲ್ಲಾ ದೇಶಗಳಲ್ಲಿ ಪ್ರಯಾಣಿಕರಿಗೆ ಭಾರತೀಯ ಆಹಾರವನ್ನು ನೀಡಲಾಗುವುದು.