ವಿಶೇಷ ಚೇತನರಿಗಾಗಿಯೇ ತಯಾರಾಯ್ತು ವಿಶೇಷ ಲಿಲ್ಲಿ ಪುಟ್ ಜೀಪ್

ಪಂಜಾಬ್'ನಲ್ಲಿ ಬಳಸುವ ಟ್ರಾಕ್ಟರ್'ಗಳ ಬಗ್ಗೆ ಈ ಹಿಂದೆ ಹಲವು ಸುದ್ದಿಗಳು ವರದಿಯಾಗಿದ್ದವು. ಈಗ ವಿಭಿನ್ನ ಬಗೆಯ ಜೀಪ್ ಆವಿಷ್ಕಾರದ ಬಗ್ಗೆ ವರದಿಯಾಗಿದೆ. ಈ ವಿಭಿನ್ನ ಜೀಪ್ ಪಂಜಾಬ್‌ನ ವಿಶೇಷ ಚೇತನರಿಗೆ ಸಹಕಾರಿಯಾಗಿದೆ ಎಂಬುದು ಗಮನಾರ್ಹ.

ಪಂಜಾಬ್ ಮೂಲದ ಬಬ್ಬರ್ ಸಿಂಗ್ ಎಂಬುವವರು ಅವರು ಲಿಲ್ಲಿಪುಟ್ ಜೀಪ್ ಅನ್ನು ತಯಾರಿಸಿದ್ದಾರೆ. ಈ ಜೀಪ್ ಕೈಗೆಟುಕುವ ಬೆಲೆಯನ್ನು ಹೊಂದಿದ್ದು, ವಿಶೇಷ ಚೇತನರು ಸುಲಭವಾಗಿ ಚಲಾಯಿಸಬಹುದು.

MOST READ:ರಿಕ್ಷಾ ಕಳೆದುಕೊಂಡವನಿಗೆ ಹೊಸ ರಿಕ್ಷಾ ಕೊಡಿಸಿದ ಆಪದ್ಭಾಂಧವ

ಬಬ್ಬರ್ ಸಿಂಗ್ ಅವರು ಬಾಲ್ಯದಿಂದಲೂ ಜೀಪ್'ಗಳ ಬಗ್ಗೆ ಒಲವು ಹೊಂದಿದ್ದರು. ಅವರ ಕುಟುಂಬದಲ್ಲಿ ಸಣ್ಣ ಜೀಪ್ ಕೂಡ ಇತ್ತು. ಈ ಜೀಪ್ ಅನ್ನು ತುಂಬಾಇಷ್ಟಪಟ್ಟಿದ್ದ ಅವರು ಅದರಲ್ಲಿ ಹಲವಾರು ಬದಲಾವಣೆಗಳನ್ನು ಮಾಡುತ್ತಿದ್ದರು.

ಒಂದು ದಿನ ಅವರ ವಿಶೇಷ ಚೇತನ ಸ್ನೇಹಿತರೊಬ್ಬರು ಜೀಪ್ ತಯಾರಿಸಿ ಕೊಡುವಂತೆ ಕೇಳಿಕೊಂಡರು. ಈ ಜೀಪ್'ನಲ್ಲಿ ನಾಲ್ಕು ಜನರ ಕುಟುಂಬ ಸುಲಭವಾಗಿ ಕುಳಿತು ನಗರಕ್ಕೆ ಹೋಗಲು ಅನುಕೂಲವಾಗುವ ರೀತಿಯಲ್ಲಿ ವಿನ್ಯಾಸಗೊಳಿಸುವಂತೆ ಕೇಳಿ ಕೊಂಡರು.

MOST READ:ಶೋಚನೀಯ ಸ್ಥಿತಿಯಲ್ಲಿವೆ ದುಬಾರಿ ಬೆಲೆಯ ಐಷಾರಾಮಿ ರೋಲ್ಸ್ ರಾಯ್ಸ್ ಕಾರುಗಳು

ನಂತರ ಬಬ್ಬರ್ ಸಿಂಗ್ ಅವರು ಸಣ್ಣ ಜೀಪ್ ತಯಾರಿಸುವ ಕೆಲಸವನ್ನು ಕೈಗೆತ್ತಿಕೊಂಡರು. ಕೆಲವೇ ದಿನಗಳಲ್ಲಿ ಅವರು ಭವ್ಯವಾದ ಸಣ್ಣ ಜೀಪನ್ನು ತಯಾರಿಸಿದರು. ಈಗ ಈ ಜೀಪ್ ವಿಶೇಷ ಚೇತನರಿಗೆ ವರದಾನವಾಗಿದೆ.

ವಿಶೇಷ ಚೇತನರಿಗೆ ವರದಾನವಾದ ಜೀಪ್

ಬಬ್ಬರ್ ಸಿಂಗ್ ಅವರ ಜೀಪ್ ವಿಶೇಷ ಚೇತನರಿಗೆ ಸಾಕಷ್ಟು ನೆರವಾಗುತ್ತಿದೆ. ಅವರ ಗ್ರಾಮದಲ್ಲಿರುವ ಹಲವು ಅನೇಕ ವಿಶೇಷ ಚೇತನ ಮಹಿಳೆಯರು ಹಾಗೂ ವಯಸ್ಸಾದವರು ಈ ಕಾರಿನಲ್ಲಿ ಸಂಚರಿಸುತ್ತಾರೆ ಎಂದು ತಿಳಿದುಬಂದಿದೆ.

MOSTREAD: ಇನ್ನು ಮುಂದೆ ಈ ನಗರಗಳಲ್ಲಿ ಡೀಸೆಲ್ ವಾಹನಗಳನ್ನು ಮಾರಾಟ ಮಾಡುವಂತಿಲ್ಲ

ಈ ಜೀಪಿನಲ್ಲಿ ಹಲವಾರು ವಿಶೇಷ ಸಂಗತಿಗಳಿವೆ. ಈ ಜೀಪ್ ಚಾಲನೆ ಮಾಡಲು ಸುಲಭವಾಗಿದೆ. ಈ ಜೀಪ್ ಅನ್ನು ವಿಶೇಷ ಚೇತನರಿಗಾಗಿಯೇ ತಯಾರಿಸಲಾಗಿದೆ. ಈ ಕಾರಣಕ್ಕೆ ಈ ಜೀಪ್'ನಲ್ಲಿರುವ ಕ್ಲಚ್, ಗೇರ್ ಹಾಗೂ ಆಕ್ಸಿಲರೇಟರ್'ಗಳನ್ನು ಸ್ಟೀಯರಿಂಗ್ ವ್ಹೀಲ್‌ನಲ್ಲಿ ನೀಡಲಾಗಿದೆ.

ಬೆಲೆ

ಈ ಜೀಪ್ ನಿರ್ಮಿಸಲು ಕೇವಲ ರೂ.70,000 ರೂಪಾಯಿ ಖರ್ಚಾಗುತ್ತದೆ ಎಂದು ಬಬ್ಬರ್ ಸಿಂಗ್ ಹೇಳುತ್ತಾರೆ. ಈ ಜೀಪ್ ಅನ್ನು ಅವರು ಒಂದರಿಂದ ಎರಡು ತಿಂಗಳಲ್ಲಿ ತಯಾರಿಸುತ್ತಾರೆ. ಅವರು ಇದುವರೆಗೂ ಈ ರೀತಿಯ 12 ಜೀಪ್‌ಗಳನ್ನು ತಯಾರಿಸಿದ್ದಾರೆ.