ಫೆರಾರಿ ಖರೀದಿ ಮಾಡಲು ಟಾಟಾ ಬಳಿ ದುಡ್ಡಿಲ್ಲವೇ?

Updated: Monday, March 11, 2013, 12:24 [IST]

ಟಾಟಾ ಸಂಸ್ಥೆಯ ಮುಖ್ಯಸ್ಥ ಸ್ಥಾನದಿಂದ ಕೆಳಗಿಳಿದಿರುವ ಭಾರತೀಯ ಆಟೋಮೊಬೈಲ್ ಜಗತ್ತಿನ ದಿಗ್ಗಜ ರತನ್ ಟಾಟಾ, ಇದೀಗ ನಿವೃತ್ತ ಜೀವನ ನಡೆಸುತ್ತಿದ್ದಾರೆ.

ಅಂದ ಹಾಗೆ ಆಟೋ ಮೊಬೈಲ್ ಜಗತ್ತಿನಲ್ಲಿ ಟಾಟಾ ಮೋಟಾರ್ಸ್ ಸಂಸ್ಥೆಯನ್ನು ಗುರುತಿಸಿಕೊಳ್ಳುವಲ್ಲಿ ಪ್ರಮುಖ ಪಾತ್ರ ವಹಿಸಿರುವ ರತನ್ ಟಾಟಾ, ಇತರ ಬ್ರಾಂಡ್‌ಗಳ ಕಾರುಗಳ ಬಗ್ಗೆಯೂ ಅತೀವ ಪ್ರೀತಿಯನ್ನು ಹೊಂದಿದ್ದಾರೆ. ಅಷ್ಟೇ ಯಾಕೆ ಅವರು ಪ್ರಯಾಣಿಸುತ್ತಿರುವುದು ಮರ್ಸಿಡಿಸ್ ಬೆಂಝ್ ಕಾರಲ್ಲಿ ಎಂಬುದು ಹಲವರಿಗೆ ಗೊತ್ತಿರದ ವಿಚಾರ.

ಅದು ಏನೇ ಹಾಗಿರಲಿ ಪ್ರಸ್ತುತ ಜಿನೆವಾದಲ್ಲಿ ಸಾಗುತ್ತಿರುವ ಅಂತರಾಷ್ಟ್ರೀಯ ಮೋಟಾರ್ ಶೋದಲ್ಲಿ ಫೆರಾರಿ ಕಾರೊಂದು ಟಾಟಾ ಕಣ್ಣಿಗೆ ಬಿದ್ದಿತ್ತು. ಅಲ್ಲಿ ಅವರು ಹೇಳಿದ್ದೇನು ಎಂಬುದನ್ನು ತಿಳಿದುಕೊಳ್ಳಲು ಫೋಟೊ ಫೀಚರ್ ಕ್ಲಿಕ್ಕಿಸಿರಿ...

ಜಿನೆವಾ ಮೋಟಾರ್ ಶೋದಲ್ಲಿ ಫೆರಾರಿ ಲಾಫೆರಾರಿ ಹೈಪರ್ ಕಾರಿಗೆ ರತನ್ ಟಾಟಾ ಮಾರು ಹೋಗಿದ್ದರು. ಇದು ತನ್ನದೇ ಆದ ಯೂನಿಕ್ ವಿನ್ಯಾಸವನ್ನು ಹೊಂದಿದೆ.

ಈ ಸಂದರ್ಭದಲ್ಲಿ ಮಾಧ್ಯಮ ಮಿತ್ರರಿಂದ ಕುತೂಹಲಕಾರಿ ಸನ್ನಿವೇಶ ಎದುರಾಗಿತ್ತು. ಫೆರಾರಿ ಸೂಪರ್ ಕಾರು ಖರೀದಿಸಬೇಕೆಂಬ ಆಸಕ್ತಿಯಿದೆಯೇ ಎಂಬುದಕ್ಕೆ ತಮ್ಮಲ್ಲಿ ಹಣವಿಲ್ಲ ಎಂದು ಟಾಟಾ ತಮಾಷೆಯಾಗಿ ನುಡಿದಿದ್ದರು.

ಖಂಡಿತವಾಗಿಯೂ ಟಾಟಾದ ಉನ್ನತ ಹುದ್ದೆ ವಹಿಸಿಕೊಂಡಿರುವ ರತನ್ ಟಾಟಾ ತಮಾಷೆಯಾಗಿ ಹಾಗೆ ಹೇಳಿದ್ದರು. ಹಾಗಿದ್ದರೂ ಲಾಫೆರಾರಿ ಖರೀದಿಸುವುದು ಅಷ್ಟು ಸುಲಭವಂತೂ ಆಗಿರಲಿಲ್ಲ. ಯಾಕೆಂದರೆ ಪ್ರಸ್ತುತ ಕಾರು ಈಗಾಗಲೇ ಹಲವಾರು ಬುಕ್ಕಿಂಗ್ ಗಿಟ್ಟಿಸಿಕೊಂಡಿದೆ.

ಇನ್ನು ಅಧಿಕೃತ ಘೋಷನೆಯಾಗದಿದ್ದರೂ, ಫೆರಾರಿಯ ಮೊದಲ ಹೈಬ್ರಿಡ್ ಕಾರಾದ ಲಾಫೆರಾರಿ, ಫೆರಾರಿ ಬ್ರಾಂಡ್‌ಗಳ ಪೈಕಿ ಅತಿ ದುಬಾರಿ ಎನಿಸಿಕೊಂಡಿದೆ. ಪ್ರಸ್ತುತ ಕಾರು ವಿ12 ಎಲೆಕ್ಟ್ರಿಕ್ ಮೋಟಾರ್‌ನಿಂದ ನಿಯಂತ್ರಿಸಲ್ಪಡಲಿದ್ದು, 900ಕ್ಕಿಂತಲೂ ಹೆಚ್ಚು ಹಾರ್ಸ್ ಪವರ್ ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ.