ಫ್ಲೈಟ್ ಅಟೆಂಡೆಂಟ್‌ಗಳು ಕೈಯನ್ನು ಹಿಂದೆ ಮಡಚುವ ಹಿಂದಿದೆ ಈ ಕಾರಣ

ಫ್ಲೈಟ್ ಅಟೆಂಡೆಂಟ್‌ಗಳು ಏಕೆ ಈ ರೀತಿ ಕೈಯನ್ನು ಹಿಂದೆ ಮಡಚಿಟ್ಟುಕೊಳ್ಳುತ್ತಾರೆ ಎಂಬ ಅನುಮಾನಗಳು ಮೂಡುವುದು ಸಹಜ. ಇದಕ್ಕೆ ಸಂಬಂಧಿಸಿದ ವಿವರಗಳನ್ನು ಈ ಲೇಖನದಲ್ಲಿ ನೋಡೋಣ. ಫ್ಲೈಟ್ ಅಟೆಂಡೆಂಟ್‌ಗಳ ಕೆಲಸವು ತುಂಬಾ ಜವಾಬ್ದಾರಿಯಿಂದ ಕೂಡಿರುತ್ತದೆ.

ವಿಮಾನಗಳು ಅಚ್ಚುಕಟ್ಟಾಗಿವೆಯೆ, ಪ್ರಯಾಣಿಕರು ಸುರಕ್ಷಿತವಾಗಿರುವರೇ ಎಂಬುದನ್ನು ಖಚಿತಪಡಿಸಿಕೊಳ್ಳುವಂತಹ ಹಲವಾರು ಜವಾಬ್ದಾರಿಗಳನ್ನು ಅವರು ಹೊಂದಿರುತ್ತಾರೆ. ಬೆನ್ನಿನ ಹಿಂದೆ ಒಂದು ಕೈ ಇಡುವುದು ಕೂಡ ಅವರ ಜವಾಬ್ದಾರಿಗಳಲ್ಲಿ ಒಂದಾಗಿದೆ.

MOSTREAD: ಟ್ರ್ಯಾಕ್ಟರ್‌ಗಳ ಹಿಂಭಾಗದಲ್ಲಿ ದೊಡ್ಡ ಗಾತ್ರದ ಟಯರ್‌ಗಳಿರಲು ಕಾರಣಗಳಿವು

ಸರಳವಾಗಿ ಹೇಳುವುದಾದರೆ, ಅವರ ಕೈಯಲ್ಲಿ ಕೌಂಟರ್ ಇಟ್ಟುಕೊಂಡಿರುತ್ತಾರೆ. ಫ್ಲೈಟ್ ಹತ್ತಿದ ಪ್ರಯಾಣಿಕರ ಸಂಖ್ಯೆಯು ಸ್ಕ್ಯಾನ್ ಮಾಡಿದ ಟಿಕೆಟ್‌ಗಳ ಸಂಖ್ಯೆಗೆಹೊಂದಿಕೆಯಾಗುತ್ತಿದೆಯೆ ಎಂಬುದನ್ನು ಖಚಿತಪಡಿಸಿಕೊಳ್ಳಲು ಫ್ಲೈಟ್ ಅಟೆಂಡೆಂಟ್‌ಗಳು ಈ ಕೌಂಟರ್ ಬಳಸುತ್ತಾರೆ.

ಇದರಿಂದಾಗಿ ವಿಮಾನದಲ್ಲಿರುವ ಪ್ರಯಾಣಿಕರ ಸಂಖ್ಯೆಯನ್ನು ನಿಖರವಾಗಿ ತಿಳಿಯಲು ಸಾಧ್ಯವಾಗುತ್ತದೆ. ಅದರಲ್ಲೂ ಹೆಚ್ಚು ಬಿಜಿ ಇರುವ ವಿಮಾನಗಳಲ್ಲಿ ನೆರವಿಗೆ ಬರುತ್ತದೆ. ಜನರು ಸಾಮಾನ್ಯವಾಗಿ ಪ್ರವಾಸಗಳಿಗೆ ತೆರಳಿದಾಗ ಎಲ್ಲರೂ ಬಂದಿದ್ದಾರೆಯೇ ಎಂಬುದನ್ನು ಯಾರಾದರೂ ಒಬ್ಬರು ಮುಂದೆ ನಿಂತು ಎಣಿಸುತ್ತಾರೆ.

MOSTREAD: ಚಿಕ್ಕ ಜಾಗದಲ್ಲಿ ದೊಡ್ಡ ಕಾರನ್ನು ಪಾರ್ಕ್ ಮಾಡಿದ ಅಪ್ರತಿಮ ಚಾಲಕನನ್ನು ಸನ್ಮಾನಿಸಿದ ಟೊಯೊಟಾ ಡೀಲರ್

ಆಗ ವಾಹನದಲ್ಲಿರುವವರ ಗಮನವು ಎಣಿಸುವವರ ಮೇಲೆ ಇರುತ್ತದೆ. ಆದರೆ ಫ್ಲೈಟ್ ಅಟೆಂಡೆಂಟ್‌ಗಳು ಯಾವುದೇ ಮುಜುಗರಗಳಿಗೆ ಆಸ್ಪದ ನೀಡದಂತೆಪ್ರಯಾಣಿಕರ ಸಂಖ್ಯೆಯನ್ನು ಖಚಿತಪಡಿಸಿಕೊಳ್ಳಲು ಈ ಕೌಂಟರ್‌ಗಳನ್ನು ಬಳಸುತ್ತಾರೆ.

ಪ್ರತಿ ಪ್ರಯಾಣಿಕರು ವಿಮಾನದೊಳಗೆ ಪ್ರವೇಶಿಸುತ್ತಿದ್ದಂತೆ ಅವರು ಈ ಕೌಂಟರ್ ಅನ್ನು ಕ್ಲಿಕ್ ಮಾಡುತ್ತಾರೆ. ಇದರಿಂದ ಅಂತಿಮವಾಗಿ ಅವರಿಗೆ ಪ್ರಯಾಣಿಕರಸಂಖ್ಯೆಯ ಬಗ್ಗೆ ಸ್ಪಷ್ಟತೆ ಸಿಗುತ್ತದೆ.

MOSTREAD: ಲಾಕ್‌ಡೌನ್ ನಿಂದ ಕೆಲಸ ಕಳೆದುಕೊಂಡವ ಇಂದು ವಿಶ್ವ ವಿಖ್ಯಾತ ವ್ಯಕ್ತಿ

ಈ ಕೌಂಟರ್‌ಗಳು ಕೈಯಲ್ಲಿ ಮಡುಚುವಷ್ಟು ಚಿಕ್ಕದಾಗಿರುತ್ತವೆ. ಕೆಲವೊಮ್ಮೆ ಪ್ರಯಾಣಿಕರು ವಿಮಾನದೊಳಕ್ಕೆ ಪ್ರವೇಶಿಸಿದಾಗ ಪ್ರಯಾಣಿಕರ ಸಂಖ್ಯೆಯನ್ನು ಲೆಕ್ಕಹಾಕಲಾಗುತ್ತದೆ. ವಿಮಾನದೊಳಗಿರುವ ಫ್ಲೈಟ್ ಅಟೆಂಡೆಂಟ್‌ಗಳು ಈ ರೀತಿ ಕೈ ಹಿಂದೆ ಮಡಚಿರುವುದನ್ನು ಕಾಣಬಹುದು.

ಕೆಲವು ಸಂದರ್ಭಗಳಲ್ಲಿ ಪ್ರಯಾಣಿಕರು ಸೀಟಿನಲ್ಲಿ ಕುಳಿತ ನಂತರ ಪ್ರಯಾಣಿಕರ ಸಂಖ್ಯೆಯನ್ನು ಲೆಕ್ಕಹಾಕಲಾಗುತ್ತದೆ. ಆ ಸಂದರ್ಭಗಳಲ್ಲಿ ಫ್ಲೈಟ್ ಅಟೆಂಡೆಂಟ್‌ಗಳು ಒಂದು ಕೈಯನ್ನು ಬೆನ್ನಿನ ಹಿಂದೆ ಮಡಚಿ ನಡೆದುಕೊಂಡು ಹೋಗುವುದನ್ನು ಕಾಣಬಹುದು. ಇನ್ನೂ ಕೆಲವು ವಿಮಾನಗಳಲ್ಲಿ ಪ್ರಯಾಣಿಕರು ಹತ್ತಿದ ನಂತರ ಹಾಗೂ ಸೀಟುಗಳ ಮೇಲೆ ಕುಳಿತ ನಂತರ ಪ್ರಯಾಣಿಕರ ಸಂಖ್ಯೆಯನ್ನು ಎಣಿಸಲಾಗುತ್ತದೆ.

MOSTREAD: 13 ವರ್ಷಗಳಲ್ಲಿ 10 ಲಕ್ಷ ಕಿ.ಮೀ ಸಂಚರಿಸಿದ ಟೊಯೊಟಾ ಇನೋವಾ ಕಾರು

ಮುಂದಿನ ಬಾರಿ ನೀವು ವಿಮಾನವನ್ನು ಹತ್ತಿದಾಗ ಫ್ಲೈಟ್ ಅಟೆಂಡೆಂಟ್‌ಗಳ ಕೈಗಳನ್ನು ಗಮನಿಸಿ. ಅವರು ಕೈಯನ್ನು ಮಡಚಿ ಸಣ್ಣ ಕೌಂಟರ್ ಅನ್ನು ತಮ್ಮ ಕೈಯಲ್ಲಿ ಹಿಡಿದುಕೊಂಡು ಕ್ಲಿಕ್ ಮಾಡುವುದನ್ನು ಗಮನಿಸಿ.