120ನೇ ವಾರ್ಷಿಕೋತ್ಸವದ ವಿಶೇಷ ಆವೃತ್ತಿಗಳನ್ನು ಸೆಲೆಬ್ರಿಟಿಗಳಿಗೆ ಡೆಲಿವರಿ ನೀಡಿದ ರಾಯಲ್‌ ಎನ್‌ಫೀಲ್ಡ್‌

ಏಸ್ ಶೂಟರ್ ಮತ್ತು ಒಲಿಂಪಿಯನ್ ಗಗನ್ ನಾರಂಗ್ ಮಾರ್ಚ್ 21ರಂದು ಇಂಟರ್ ಸೆಪ್ಟರ್ 650ಯ 120ನೇ ವಾರ್ಷಿಕೋತ್ಸವದ ಆವೃತ್ತಿಯನ್ನು ಡೆಲಿವರಿ ಪಡೆದುಕೊಂಡರು. ನಟ ಮತ್ತು ನಿರ್ದೇಶಕ ಧ್ಯಾನ್ ಶ್ರೀನಿವಾಸನ್ ಅವರು ಕಳೆದ ವಾರ ಕೇರಳದ ಕೊಚ್ಚಿಯ ಕಂಪನಿಯ ಶೋರೂಂನಲ್ಲಿ ಇಂಟರ್‌ಸೆಪ್ಟರ್ 650 ಸೀಮಿತ ಆವೃತ್ತಿಯ ಡೆಲಿವರಿಯನ್ನು ಸ್ವೀಕರಿಸಿದರು.

ರಾಯಲ್ ಎನ್‌ಫೀಲ್ಡ್‌ ಈ ವಿಶೇಷ ಆವೃತ್ತಿಯಲ್ಲಿ ಸೀಮಿತ ಮೋಟಾರ್‌ಸೈಕಲ್‌ಗಳ ಉತ್ಪಾದನೆಯನ್ನು ಮಾತ್ರ ಹೊಂದಿದೆ. ಒಟ್ಟು 480 ಯೂನಿಟ್‌ಗಳನ್ನು ಉತ್ಪಾದಿಸಲಾಗಿದ್ದು, ಅದರಲ್ಲಿ 120 ಯುನಿಟ್‌ಗಳನ್ನು ಭಾರತೀಯ ಮಾರುಕಟ್ಟೆಯಲ್ಲಿ ಹಂಚಿಕೆ ಮಾಡಲಾಗಿದೆ.

ಫಸ್ಟ್ ಕಮ್ ಫಸ್ಟ್ ಸರ್ವ್ ಎಂಬ ಆನ್ಲೈನ್ ಆಧಾರದ ಮೇಲೆ ಬೈಕ್‌ಗಳನ್ನು ಮಾರಾಟ ಮಾಡಲಾಗಿದೆ. ಬುಕಿಂಗ್ ತೆರೆದ ಮೊದಲ ಎರಡು ನಿಮಿಷಗಳಲ್ಲೇ ಎಲ್ಲಾ ಮೋಟಾರ್‌ಸೈಕಲ್‌ಗಳು ಮಾರಾಟಗೊಂಡಿದ್ದವು. '001' ಸೀಮಿತ ಆವೃತ್ತಿಯ ಇಂಟರ್‌ಸೆಪ್ಟರ್ 650 ಅನ್ನು ಭಾರತೀಯ ನೌಕಾಪಡೆಯ ರಿಯರ್ ಅಡ್ಮಿರಲ್ ಫಿಲಿಪೋಸ್ ಜಿ ಪೈನುಮೊಟ್ಟಿಲ್ ಸ್ವಾಧೀನಪಡಿಸಿಕೊಂಡರು.

ರಾಯಲ್ ಎನ್‌ಫೀಲ್ಡ್ 120ನೇ ವಾರ್ಷಿಕೋತ್ಸವದ ಅಂಗವಾಗಿ 650 ಅವಳಿಗಳ 120ನೇ ಆವೃತ್ತಿಯನ್ನು ನಿರ್ಮಿಸಲಾಗಿತ್ತು. ನವೆಂಬರ್ 1901 ರಲ್ಲಿ, ತಯಾರಕರು ತಮ್ಮ ಮೊದಲ ಮೋಟಾರ್‌ಸೈಕಲ್ ಅನ್ನು ಲಂಡನ್‌ನಲ್ಲಿ ನಡೆದ ಸ್ಟಾನ್ಲಿ ಬೈಸಿಕಲ್ ಪ್ರದರ್ಶನದಲ್ಲಿ ಬಿಡುಗಡೆ ಮಾಡಿದ್ದರು. ಈ ಮೋಟಾರ್‌ಸೈಕಲ್‌ಗಳು ವಿಶಿಷ್ಟ ಪೇಂಟ್ ಸ್ಕೀಮ್ ಮತ್ತು ಸೀಮಿತ ಉತ್ಪಾದನೆಯಿಂದ ಬಹಳ ವಿಶೇಷತೆ ಪಡೆದುಕೊಂಡಿದ್ದವು.

ಕಳೆದ ವರ್ಷ ಡಿಸೆಂಬರ್‌ 6ರಂದು ರಾಯಲ್‌ ಎನ್‌ಫೀಲ್ಡ್‌ನ ಇಂಟರ್‌ಸೆಪ್ಟರ್ ಐಎನ್‌ಟಿ (Intercepter INT 650) ಮತ್ತು ಕಾಂಟಿನೆಂಟಲ್‌ ಜಿಟಿ-650ಯ (Continental GT-650) ಆನ್‌ಲೈನ್‌ ಮಾರಾಟ ಆರಂಭಗೊಂಡಿತ್ತು. ಇದಕ್ಕಾಗಿ ಕಾದಿದ್ದ ಜನರು 60 ಇಂಟರ್‌ಸೆಪ್ಟರ್‌ 650 ಮತ್ತು ಕಾಂಟಿನೆಂಟರ್‌ ಜಿಟಿ 650 ಅನ್ನು ಖರೀದಿಸಿದ್ದಾರೆ. ಈ ಬೈಕುಗಳಿಗೆ ಕಾಯ್ದಿರಿಸುವ ಅವಕಾಶ ಕಲ್ಪಿಸಿರಲಿಲ್ಲ.

ಇವುಗಳು ಸಮೃದ್ಧ ಕಪ್ಪು ಬಣ್ಣದ ಕ್ರೋಮ್‌ ಬಣ್ಣಗಳೊಂದಿಗೆ (Crome color) ಬಂದಿವೆ. ಜೊತೆಗೆ, ಕಂಚಿನ ಟ್ಯಾಂಕ್‌ ಬ್ಯಾಡ್ಜ್ ಗಳು ರಾಯಲ್‌ ಎನ್‌ಫೀಲ್ಡ್‌ ಕಂಪನಿ 120 ವರ್ಷದ ಪಯಣವನ್ನು ಪ್ರತಿನಿಧಿಸುತ್ತವೆ. ವಾರ್ಷಿಕೋತ್ಸವದ ಅಂಗವಾಗಿ ಈ ಬೈಕುಗಳು ವಿಶೇಷವಾದ ಕಪ್ಪು ಬಣ್ಣದ ಹೆಲ್ಮೆಟ್‌, ಜರ್ಕಿನ್‌, ಗ್ಲೌಸ್‌ಗಳು ಸೇರಿದಂತೆ ಎಲ್ಲಾ ರಾಯಲ್‌ ಎನ್‌ಫೀಲ್ಡ್‌ ಮೋಟಾರ್‌ ಸೈಕಲ್‌ನ ಪರಿಕರಗಳನ್ನು ಒಳಗೊಂಡಿದೆ.

ವಿಶೇಷವೆಂದರೆ, ಇವುಗಳು 120 ವರ್ಷದ ವಾರ್ಷಿಕೋತ್ಸವದ ಬ್ಯಾಡ್ಜ್ (badge) ಹೊತ್ತು ಬರಲಿವೆ. ಜೊತೆಗೆ ಫ್ಲೈಸ್ಕ್ರೀನ್‌ಗಳು, ಎಂಜಿನ್ ಗಾರ್ಡ್‌, ಟೂರಿಂಗ್ ಅಥವಾ ಬಾರ್-ಎಂಡ್ ಮಿರರ್‌ಗಳು, ಹೀಲ್ ಗಾರ್ಡ್‌, ಸಂಪ್ ಗಾರ್ಡ್ ಮತ್ತು ಕಂದು ಸೀಟ್‌ನಂತಹ ಅಧಿಕೃತ ರಾಯಲ್ ಎನ್‌ಫೀಲ್ಡ್‌ ಪರಿಕರಗಳ ದೊಡ್ಡ ಶ್ರೇಣಿಯನ್ನು ಸಹ ಒದಗಿಸುತ್ತದೆ.

ಈ ಲಿಮಿಟೆಡ್‌ ಮೋಟಾರ್‌ಸೈಕಲ್‌ಗಳ ವಿನ್ಯಾಸ, ತಾಂತ್ರಿಕ ಅಂಶಗಳಲ್ಲಿ ಯಾವುದೇ ಹೊಸ ಸೇರ್ಪಡೆ ಮಾಡಲಾಗಿಲ್ಲ. ಇದರ ಮೂಲ ವಾಹನಗಳಲ್ಲಿನ ತಾಂತ್ರಿಕತೆಯನ್ನೇ ಇದರಲ್ಲಿ ಮುಂದುವರಿಸಲಾಗಿದೆ. ಆದ್ದರಿಂದ ಇವು 648 ಸಿಸಿ, ಸಮಾನಾಂತರ-ಅವಳಿ ಎಂಜಿನ್‌ನಲ್ಲಿ ಬರುವುದರಿಂದ ಅದೇ ಏರ್-ಆಯಿಲ್ ಅನ್ನು ತಂಪಾಗಿಸುತ್ತದೆ. ಇದು ಗರಿಷ್ಠ 47.45 ಪಿಎಸ್ ಪವರ್ ಮತ್ತು 52 ಎನ್ಎಂ ಗರಿಷ್ಠ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ.

ಎಂಜಿನ್ ಅನ್ನು ಸ್ಲಿಪ್ ಮತ್ತು ಅಸಿಸ್ಟ್ ಕ್ಲಚ್ ನೊಂದಿಗೆ ಆರು-ಸ್ಪೀಡ್ ಗೇರ್ ಬಾಕ್ಸ್‌ಗೆ ಜೋಡಿಸಲಾಗಿದೆ. ಎಂಜಿನ್ ಕೌಂಟರ್ ಬ್ಯಾಲನ್ಸರ್ ಅನ್ನು ಸಹ ಪಡೆದುಕೊಂಡಿದೆ, ಇದು ಸೆಗ್ಮೆಂಟ್‌ನ ನಯವಾದ ಎಂಜಿನ್‌ಗಳಲ್ಲಿ ಒಂದಾಗಿದೆ. ವಾಹನದಲ್ಲಿ 270 ಡಿಗ್ರಿ ಕ್ರ್ಯಾಂಕ್ ಕೂಡ ಇದೆ.

ಬ್ರೇಕಿಂಗ್ ಮತ್ತು ಸಸ್ಪೆನ್ಷನ್

ಮುಂಭಾಗದಲ್ಲಿ 320 ಎಂಎಂ ಡಿಸ್ಕ್ ಮತ್ತು ಹಿಂಭಾಗದಲ್ಲಿ 240 ಎಂಎಂ ಡಿಸ್ಕ್ ಇಂಟರ್ ಸೆಪ್ಟರ್ ಮತ್ತು ಕಾಂಟಿನೆಂಟಲ್ ಜಿಟಿ 650 ಮೇಲೆ ಬ್ರೇಕಿಂಗ್ ಕರ್ತವ್ಯಗಳನ್ನು ನಿರ್ವಹಿಸುತ್ತದೆ. ರಾಯಲ್ ಎನ್‌ಫೀಲ್ಡ್ ಡ್ಯುಯಲ್-ಚಾನೆಲ್ ಎಬಿಎಸ್ ಅನ್ನು ಸ್ಟ್ಯಾಂಡರ್ಡ್ ಆಗಿ ನೀಡುತ್ತದೆ.

ಮುಂಭಾಗದ ಟೈರ್ 100 ವಿಭಾಗಗಳನ್ನು ಹೊಂದಿದ್ದರೆ, ಹಿಂಭಾಗದ ಟೈರ್ 130 ವಿಭಾಗಗಳನ್ನು ಹೊಂದಿದೆ. ಇದು ಸಿಇಎಟಿಯಿಂದ ಟ್ಯೂಬ್ ಮಾದರಿಯ ಟೈರ್‌ಗಳೊಂದಿಗೆ ಸ್ಪೋಕ್ ವ್ಹೀಲ್‌ಗಳೊಂದಿಗೆ ಬರುತ್ತದೆ.

ರಾಯಲ್ ಎನ್‌ಫೀಲ್ಡ್‌ ಟೆಲಿಸ್ಕೋಪಿಕ್ ಫ್ರಂಟ್ ಫೋರ್ಕ್‌ಗಳನ್ನು ಮತ್ತು ಹಿಂಭಾಗದಲ್ಲಿ ಒಂದು ಜೋಡಿ ಶಾಕ್ ಅಬ್ಸಾರ್ಬರ್‌ಗಳನ್ನು ಹೊಂದಿದೆ, ಪ್ರೀ-ಲೋಡ್ ಅಡ್ಜಸ್ಟಬಲ್ ಮತ್ತು ಗ್ಯಾಸ್-ಚಾರ್ಜಿಂಗ್ ಆಗಿದೆ. ಚಾರ್ಸಿ ಯುಕೆಯಲ್ಲಿ ಹ್ಯಾರಿಸ್ ಪರ್ಫಾರ್ಮೆನ್ಸ್ ನಿರ್ಮಿಸಿದ ಡಬಲ್ ಕ್ರಾಡಲ್‌ ಫ್ರೇಮ್ ಅನ್ನು ಹೊಂದಿದೆ. ಇಂಧನವಿಲ್ಲದೆ 202 ಕೆ.ಜಿ ತೂಕವಿರುವುದರಿಂದ ಮೋಟಾರ್‌ಸೈಕಲ್‌ಗಳು ಸ್ವಲ್ಪ ಭಾರವಿರುತ್ತವೆ.

ಬೆಲೆ

ರಾಯಲ್ ಎನ್‌ಫೀಲ್ಡ್ ಇಂಟರ್ಸೆಪ್ಟರ್ 650 ಬೆಲೆ 2.85 ಲಕ್ಷ ರೂ.ಗಳಿಂದ ಪ್ರಾರಂಭವಾಗಿ 3.10 ಲಕ್ಷ ರೂ. ವರಗೆ ಇದೆ. ಕಾಂಟಿನೆಂಟಲ್ ಜಿಟಿ 650 ಬೆಲೆ 3.02 ಲಕ್ಷ ರೂ.ಗಳಿಂದ ಪ್ರಾರಂಭವಾಗಿ 3.26 ಲಕ್ಷ ರೂ.ಗೆ ಇರಲಿದೆ. ಈ ಎರಡೂ ಬೆಲೆಗಳು ಎಕ್ಸ್ ಶೋರೂಂ ಆಗಿವೆ.