ರಷ್ಯಾ ಭೂಗತ ಅಡಗುದಾಣದಲ್ಲಿ 'ಜಿ-ಕ್ಲಾಸ್' ಹಿಂದಿರುವ ಗುಟ್ಟೇನು?

ಬಲ್ಲ ಮೂಲಗಳ ಪ್ರಕಾರ ಆಫ್ ರೋಡ್ ಸಾಮರ್ಥ್ಯದ ಶಕ್ತಿಶಾಲಿ ಮರ್ಸಿಡಿಸ್ ಬೆಂಝ್ ಜಿ-ಕ್ಲಾಸ್ ಚಾಲನೆ ಮಾಡುತ್ತಿರುವ ವೇಳೆ ಇಂತಹದೊಂದು ಯೋಚನೆಯು ವಲೆರಿ ಮನದಲ್ಲಿ ಹೊಳೆದಿತ್ತು.

ಕಾರಿನೊಳಗೆ ಹೆಚ್ಚಿನ ಭದ್ರತೆಯನ್ನು ಮನಗಂಡ ಅವರು ಕಾರೆಷ್ಟು ಸುರಕ್ಷಿತ ಎಂಬುದನ್ನು ಜಗತ್ತಿಗೆ ತಿಳಿಯಪಡಿಸಲು ಬಯಸಿದ್ದರು. ಇದಕ್ಕಾಗಿ ಭೂಗತ ಅಡಗುದಾಣದ ಮೊರೆ ಹೋಗಿದ್ದರು.

ಬೆಂಝ್ ಜಿ ಕ್ಲಾಸ್ ನಿಲ್ಲಲು ಬೇಕಾದಷ್ಟು ಹೊಂಡ ತೋಡಿರುವ ಅವರು ಬದಿಯಲ್ಲಿ ಮರದ ಆವರಣವನ್ನು ಕಟ್ಟಿದರು.

ಕಾರಿನ ಮೇಲ್ಛಾವಣಿ ಹೊರ ಜಗತ್ತಿಗೆ ಕಾಣಿಸುವಂತಿದೆ. ಆದರೆ ಇದನ್ನು ಮಿಲಿಟರಿ ಶೈಲಿಯನ್ನು ಮರೆಮಾಚಲಾಗುವುದು ಎಂಬುದನ್ನು ವಿವರಿಸುತ್ತಾರೆ.

ಭೂಗತಗೊಂಡಿರುವ ಕಾರಿನೊಳಗೆ ಉಸಿರಾಟದ ವ್ಯವಸ್ಥೆಯನ್ನು ಒದಗಿಸಲಾಗಿದೆ. ಅಲ್ಲದೆ ಮೇಲ್ಮೆಯಿಂದ ಸಂಪೂರ್ಣವಾಗಿ ಮರೆಮಾಚಿರುವುದರಿಂದ ಶತ್ರು ಪಾಳೇಯದಿಂದ ಪತ್ತೆ ಹಚ್ಚುವುದು ಅಸಾಧ್ಯ.

ಇನ್ನು ಗಾಡಿ ಸ್ಟ್ಯಾರ್ಟ್ ಮಾಡಿದಾಗ ಹೊಗೆ ಹೊರಕ್ಕೆ ಹೋಗಲು ವಿಶೇಷ ಎಕ್ಸಾಸ್ಟ್ ಕೊಳವೆಯನ್ನು ಲಗತ್ತಿಸಲಾಗಿದೆ.

ಮಿಲಿಟರಿಗೆ ಅತಿ ಹೆಚ್ಚಿನ ಪ್ರಾಮುಖ್ಯ ಕೊಡುತ್ತಿರುವ ರಷ್ಯಾ ಅಧ್ಯಕ್ಷ ವ್ಲಾದಿಮಿರ್ ಪುತಿನ್, ಇದನ್ನು ನೋಡಿ ಮುಂದಿನ ದಿನಗಳಲ್ಲಿ ಇಂತಹ ಯೋಜನೆಗಳಿಗೆ ಹೆಚ್ಚಿನ ಆದ್ಯತೆ ಕೊಟ್ಟರೆ ಅಚ್ಚರಿಪಡಬೇಕಾಗಿಲ್ಲ.

ಅಂದ ಹಾಗೆ 4.0 ಲೀಟರ್ ಟ್ವಿನ್ ಟರ್ಬೊ ಚಾರ್ಜ್ಡ್ ವಿ8 ಎಂಜಿನ್ ನಿಂದ ನಿಯಂತ್ರಿಸಲ್ಪಡುವ ಮರ್ಸಿಡಿಸ್ ಬೆಂಝ್ ಜಿ ವ್ಯಾಗನ್ ಎಎಂಜಿ, 610 ಎನ್ ಎಂ ತಿರುಗುಬಲದಲ್ಲಿ 415 ಅಶ್ವಶಕ್ತಿಯನ್ನು ಉತ್ಪಾದಿಸುತ್ತದೆ. ಇದು 5.9 ಸೆಕೆಂಡುಗಳಲ್ಲೇ ಗಂಟೆಗೆ 0-100 ಕೀ.ಮೀ. ಮತ್ತು ಗಂಟೆಗೆ ಗರಿಷ್ಠ 210 ಕೀ.ಮೀ. ವೇಗದಲ್ಲಿ ಸಂಚರಿಸುವ ಸಾಮರ್ಥ್ಯ ಹೊಂದಿರುತ್ತದೆ.