ಹೆದ್ದಾರಿ ಹಸಿರು ಬೋರ್ಡಿನ ಹಿಂದೆ ಅಷ್ಟು ಮಾಹಿತಿ ಇದೆಯೇ? ಇಷ್ಟು ದಿನ ಗೊತ್ತೇ ಇರಲಿಲ್ಲ!

ಅಂತರಾಷ್ಟ್ರೀಯ ಮಟ್ಟದ ಹೆದ್ದಾರಿಗಳು ಈಗ ಭಾರತದಲ್ಲೂ ಇವೆ. ಈ ವಿಶ್ವ ದರ್ಜೆಯ ಹೆದ್ದಾರಿಗಳು ನಮ್ಮ ಸಾರಿಗೆಯನ್ನು ತುಂಬಾ ಸುಲಭಗೊಳಿಸಿವೆ. ಕೇವಲ ಸಾರ್ವಜನಿಕರಿಗೆ ಮಾತ್ರವಲ್ಲದೆ ಸರಕುಗಳ ಸಾಗಾಣಿಕೆಯಲ್ಲಿ ಪ್ರಮುಖ ಪಾತ್ರ ವಹಿಸುತ್ತಿವೆ. ನಿತ್ಯ ಲಕ್ಷಾಂತರ ಮಂದಿ ಪ್ರಯಾಣಿಸುವ ಈ ರಾಷ್ಟ್ರೀಯ ಹೆದ್ದಾರಿಗಳಲ್ಲಿ ಕಾಣಸಿಗುವ ಹಲವು ಚಿಹ್ನೆಗಳ ಬಗ್ಗೆ ಎಷ್ಟೋ ಮಂದಿಗೆ ತಿಳಿದಿಲ್ಲ. ಅದರಲ್ಲೂ ಹಸಿರು ಬಣ್ಣದ ಬೋರ್ಡ್‌ಗಳನ್ನು ಕೇವಲ ಆಯಾ ಪ್ರದೇಶಗಳ ದೂರವನ್ನು ತಿಳಿಸುತ್ತವೆ ಎಂದು ಭಾವಿಸುತ್ತೇವೆ. ಆದ್ರೆ ಬೋರ್ಡ್‌ಗಳು ಹಸಿರು ಬಣ್ಣದಲ್ಲೇ ಏಕೆ ಇರುತ್ತವೆ ಎಂಬುದು ಯಾರಿಗೂ ತಿಳಿದಿಲ್ಲ. ಈ ಬಗ್ಗೆ ವಿವರವಾಗಿ ಇಲ್ಲಿ ತಿಳಿಯೋಣ.

ನಾವು ಪ್ರಯಾಣಿಸುವ ಬಹುತೇಕ ಎಲ್ಲಾ ಹೆದ್ದಾರಿಗಳಲ್ಲೂ ಹಸಿರು ಬಣ್ಣದ ಬೋರ್ಡ್‌ಗಳು ಕಾಣಸಿಗುತ್ತವೆ. ನಮ್ಮ ಗಮ್ಯ ಸ್ಥಾನ ಎಷ್ಟು ದೂರವಿದೆ, ಯಾವ ದಾರಿಯಲ್ಲಿ ಸಾಗಬೇಕು ಎಂಬ ಮಾಹಿತಿಯನ್ನು ಒದಗಿಸುತ್ತವೆ. ಈ ಹಸಿರು ಬಣ್ಣದ ಬೋರ್ಡ್‌ ಮೇಲೆ ಬಿಳಿ ಅಕ್ಷರಗಳನ್ನು ಸಹ ನಾವು ನೋಡಬಹುದು. ಇದರ ಹಿಂದೆ ಒಂದೊಳ್ಳೆ ವೈಜ್ಞಾನಿಕ ಕಾರಣವಿದೆ. ಹಾಗೆಯೇ ಇದು ಪ್ರಯಾಣಿಕರ ಗಮನವನ್ನು ಬೇರೆಡೆ ಹೋಗದಂತೆ ಮಾಡುತ್ತದೆ.

ಹೌದು. ಹೆದ್ದಾರಿಗಳಲ್ಲಿ ನೀವು ಪ್ರಯಾಣಿಸುವಾಗ ಗಮನಿಸಿದರೆ ಈ ಹಸಿರು ಬೋರ್ಡ್‌ಗಳನ್ನು ನಾವು ನೋಡಿದಾಗ ನಮ್ಮ ಗಮನ ಬೇರೆಡೆ ಹೋಗುವುದಿಲ್ಲ. ಬೋರ್ಡ್‌ ಮೇಲಿನ ಮಾಹಿತಿಯನ್ನು ಸೂಕ್ಷ್ಮವಾಗಿ ಗಮನಿಸಿ ಮುಂದೆ ಸಾಗುತ್ತೇವೆ. ಇದಕ್ಕೆ ಕಾರಣ ಹಸಿರು ಬಣ್ಣವನ್ನು ಭರವಸೆಯ ಬಣ್ಣವೆಂದು ಪರಿಗಣಿಸಲಾಗುತ್ತದೆ. ಹಸಿರು ಬಣ್ಣ ವಾಸ್ತವವಾಗಿ ಮನಸ್ಸನ್ನು ಶಾಂತಗೊಳಿಸುವ ಸ್ವಭಾವವನ್ನು ಹೊಂದಿದೆ.

ಇನ್ನೂ ವಿವರವಾಗಿ ಹೇಳುವುದಾದ್ರೆ, ರಾಷ್ಟ್ರೀಯ ಹೆದ್ದಾರಿಗಳಲ್ಲಿ ವಾಹನಗಳು ಹೆಚ್ಚಿನ ವೇಗದಲ್ಲಿ ಚಲಿಸುತ್ತವೆ. ಆದ್ದರಿಂದ ರಾಷ್ಟ್ರೀಯ ಹೆದ್ದಾರಿಗಳಲ್ಲಿ ವಾಹನ ಚಲಾಯಿಸುವಾಗ, ಆತ್ಮವಿಶ್ವಾಸದಿಂದ ಇರುವುದು ಅತ್ಯಗತ್ಯ. ಹಸಿರು ಬಣ್ಣವು ಚಾಲಕರಿಗೆ ಈ ಭರವಸೆಯನ್ನು ನೀಡುತ್ತದೆ. ಅದಕ್ಕಾಗಿಯೇ ರಾಷ್ಟ್ರೀಯ ಹೆದ್ದಾರಿಗಳಲ್ಲಿ ಹಾಕಬೇಕಾದ ಬೋರ್ಡ್‌ಗಳಿಗೆ ಹಸಿರು ಬಣ್ಣವನ್ನು ಆಯ್ಕೆ ಮಾಡಲಾಗಿದೆ.

ಮೊದಲೇ ಹೇಳಿದಂತೆ, ಹಸಿರು ಬಣ್ಣ ಮನಸ್ಸನ್ನು ಶಾಂತಗೊಳಿಸುವ ಗುಣವನ್ನು ಹೊಂದಿದೆ. ಇದರ ಜೊತೆಗೆ ಗೊಂದಲವನ್ನು ಉಂಟುಮಾಡುವುದಿಲ್ಲ. ಯಾವುದೇ ಗೊಂದಲಗಳಿಗೆ ಕಾರಣವಾಗದೆ, ಚಾಲಕರು ತಿಳಿದುಕೊಳ್ಳಬೇಕಾದದ್ದನ್ನು ತಿಳಿದುಕೊಂಡು ಮುಂದೆ ಸಾಗುತ್ತಾರೆ. ಇದು ರಾಷ್ಟ್ರೀಯ ಹೆದ್ದಾರಿಗಳ ಫಲಕಗಳು ಹಸಿರು ಬಣ್ಣಕ್ಕೆ ತಿರುಗಲು ಪ್ರಮುಖ ಕಾರಣವಾಗಿದೆ.

ಉದಾಹರಣೆಗೆ ಇತರ ಬಣ್ಣಗಳನ್ನು ಏಕೆ ನೀಡಲಾಗುವುದಿಲ್ಲ ಎಂಬುದನ್ನು ನೋಡುವುದಾದ್ರೆ, ಕೆಂಪು ಬಣ್ಣ ನಮಗೆ ಆಂದೋಲನಗೊಳ್ಳುವಂತೆ ಮಾಡುತ್ತದೆ. ಹೌದು, ಈ ಅಗ್ನಿ ಶಾಮಕದಳದ ವಾಹನಗಳು, ಪೊಲೀಸ್‌ ಠಾಣೆ ಬೋರ್ಡ್‌ಗಳು ಈ ಕೆಂಪು ಬಣ್ಣವನ್ನೆ ಹೊಂದಿರುತ್ತವೆ. ಆದರೆ ಹಸಿರು ಬಣ್ಣ ಹಾಗಲ್ಲ ನಮಗೆ ಭರವಸೆಯೊಂದಿಗೆ ಮನಸ್ಸಿಗೆ ನೆಮ್ಮದಿ ನೀಡುತ್ತದೆ.

ಒಟ್ಟಾರೆ ಜನರು ರಾಷ್ಟ್ರೀಯ ಹೆದ್ದಾರಿಗಳಲ್ಲಿ ಸುರಕ್ಷಿತವಾಗಿ ಪ್ರಯಾಣಿಸುವುದನ್ನು ಖಚಿತಪಡಿಸಿಕೊಳ್ಳಲು ಬೋರ್ಡ್ ಗಳಲ್ಲಿ ಹಸಿರು ಬಣ್ಣವನ್ನು ಬಳಸಲಾಗುತ್ತದೆ. ನಾವು ಸಾಮಾನ್ಯವಾಗಿ ಹಾದುಹೋಗುವ ಹಸಿರು ಬೋರ್ಡ್ ಗಳ ಹಿಂದೆ ಇಷ್ಟೊಂದು ಮಾಹಿತಿ ಅಡಗಿದೆ ಎಂಬುದು ನಿಜವಾಗಿಯೂ ಆಶ್ಚರ್ಯಕರವಾಗಿದೆ. ಹೆದ್ದಾರಿ ಪ್ರಯಾಣಿಕರಿಗೆ ಇದು ತಿಳಿಯಬೇಕಾದ ಪ್ರಮುಖ ಮಾಹಿತಿಯಾಗಿದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.