ಸಾಗರ ಯಾನದ ರಾಜ - ಇದು ಬರಿ ಹಡಗಲ್ಲ ರಿ, ಮತ್ತೆ ಇನ್ನೇನಿದು?

ಏಕಕಾಲಕ್ಕೆ ದಾಖಲೆ ಸಂಖ್ಯೆಯ 6,000ದಷ್ಟು ಪ್ರಯಾಣಿಕರನ್ನು ಹೊತ್ತೊಯ್ಯುವ ಮೂಲಕ ವಿಹಾರ ನೌಕಾ ಇತಿಹಾಸದಲ್ಲಿ ಹೊಸ ಸಾಧನೆ ಬರೆದ ಓಯಸೀಸ್ ಆಫ್ ದಿ ಸೀಸ್ ಇಡೀ ಜಗತ್ತಿನ ಸಮುದ್ರ ಯಾನದಲ್ಲಿ ತಲ್ಲಣ ಮೂಡಿಸಿತ್ತು.

ತನ್ನ ಸೋದರಿ ಅಲ್ಯೂರ್ ಆಫ್ ದಿ ಸೀಸ್ ಪ್ರವೇಶದ ವರೆಗೂ ಜಗತ್ತಿನ ಅತಿದೊಡ್ಡ ವಿಹಾರ ನೌಕೆಯೆಂಬ ಖ್ಯಾತಿಗೆ ಪಾತ್ರವಾಗಿದ್ದ ಓಯಸೀಸ್ ಆಫ್ ದಿ ಸೀಸ್ 361.6 ಮೀಟರ್ ಉದ್ದ, 72 ಮೀಟರ್ ಎತ್ತರ ಮತ್ತು 22.55 ಮೀಟರ್ ಆಳವನ್ನು ಹೊಂದಿದೆ.

'ಪ್ರೊಜೆಕ್ಟ್ ಜೆನಿಸಿಸ್' ಯೋಜನೆಯಡಿ ನಿರ್ಮಾಣವಾಗಿರುವ ಓಯಸೀಸ್ ಆಫ್ ದಿ ಸೀಸ್, ಸರಿ ಸುಮಾರು ಒಂದು ಲಕ್ಷ ಮೆಟ್ರಿಕ್ ಟನ್ ಭಾರವನ್ನು ಹೊಂದಿದೆ.

ಸೌಲಭ್ಯಗಳು

ಓಯಸೀಸ್ ಆಫ್ ದಿ ಸೀಸ್ ಮೇಲಂತಸ್ತು ಕೊಠಡಿಗಳನ್ನು ಹೊಂದಿದ್ದು, ಬಾಲ್ಕನಿಯಲ್ಲಿ ಕುಳಿತುಕೊಂಡು ವಿಶಾಲವಾದ ಸಮುದ್ರದ ವಿಹಾರ ಅನುಭವ ಪಡೆದುಕೊಳ್ಳಬಹುದಾಗಿದೆ.

ಸೌಲಭ್ಯಗಳು

ಪ್ರಸ್ತುತ ಹಡಗಿನಲ್ಲಿ ಸಾಹಸ ಮಾಡಲಿಚ್ಛಿಸುವವರಿಗಾಗಿ ಜಿಪ್ ಲೈನ್ ವ್ಯವಸ್ಥೆಯಿದೆ. ಅದೇ ರೀತಿ ಕ್ಯಾಸಿನೋ, ಗಾಲ್ಫ್ ಮೈದಾನ, ಅನೇಕ ರಾತ್ರಿ ಕ್ಲಬ್‌ಗಳು, ಹಲವಾರು ಬಾರ್‌ಗಳು, ಕರೋಕೆ ಕ್ಲಬ್, ಕಾಮೆಡಿ ಕ್ಲಬ್, ಐದು ಈಜುಕೊಳ, ವಾಲಿಬಾಲ್ ಮತ್ತು ಬಾಸ್ಕೆಟ್ ಬಾಲ್ ಅಂಗಣಗಳಿವೆ.

ಮಕ್ಕಳಿಗಾಗಿ...

ಇನ್ನು ಮಕ್ಕಳ ಮನರಂಜನೆಗಾಗಿ ಥೀಮ್ ಪಾರ್ಕ್‌ಗಳ ವ್ಯವಸ್ಥೆಯಿದೆ. ಅಷ್ಟೇ ಅಲ್ಲದೆ ವಿಶಾಲವಾದ ಹಡಗಿನ ಆಲಂಕಾರವನ್ನು ಪ್ರಸಿದ್ಧ ಕ್ಲಾರಿಸ್ಸಾ ಪ್ಯಾರಿಶ್ ಮಾಡಿದೆ.

ನೇಬರ್‌ವುಡ್ ಎಂದು ಅರಿಯಲ್ಪಡುವ ಏಳು ಥೀಮ್ ಪ್ರದೇಶಗಳಲ್ಲಿ ಅಥ್ಲೆಟಿಕ್ ಮತ್ತು ಮನರಂಜನಾ ಚಟುವಟಿಕೆಗಳು ನಡೆಯುತ್ತದೆ.

7 ನೇಬರ್‌ವುಡ್ ಇಂತಿದೆ

1. ಸೆಂಟ್ರಲ್ ಪಾರ್ಕ್‌ - ಬೂಟಿಕ್, ರೆಸ್ಟೋರೆಂಟ್, ಬಾರ್,

2. ಪೂಲ್ ಮತ್ತು ಸ್ಪೋರ್ಟ್ಸ್ - ಬೀಚ್ ಪೂಲ್ ಮುಂತಾದವುಗಳು.

3. ಸೀ ಸ್ಪಾ - ಹದಿಹರೆಯದವರಿಗೆ ಸ್ಪಾ, ಜಿಮ್ ಇನ್ನಿತರ ಸೌಲಭ್ಯ.

4. ಬೋರ್ಡ್‌ವಾಕ್ - ರೆಸ್ಟೋರಂಟ್, ಬಾರ್, ಶಾಪ್, ರಾಕ್ ಕ್ಲೈಂಬಿಂಗ್ ವಾಲ್, ಟ್ಯಾಟೂ ಪಾರ್ಲರ್, ಅಕ್ವಾ ಥಿಯೇಟರ್, ತಾಜಾ ನೀರು ಕೊಳ.

5. ರಾಯಲ್ ವಾಯುವಿಹಾರ - ರೆಸ್ಟೋರೆಂಟ್, ಶಾಪ್

6. ಯೂತ್ ಜೋನ್ - ವಿಜ್ಞಾನ ಲ್ಯಾಬ್, ಕಂಪ್ಯೂಟರ್ ಗೇಮಿಂಗ್.

7. ಮನರಂಜನಾ ಪ್ರದೇಶ.

ವಿಶ್ರಾಂತಿ

ಸ್ಪಾ, ಫಿಟ್‌ನೆಸ್ ಸೆಂಟರ್, ಯೋಗ, ಗಾರ್ಡನ್, ಗ್ಯಾಲರಿ

ಸಾಹಸ

ರಾಕ್ ಕ್ಲೈಂಬಿಂಗ್ ವಾಲ್, ಜಿಪ್ ಲೈನ್, ಬಾಸ್ಕೆಟ್ ಬಾಲ್, ಮಿನಿ ಗಾಲ್ಫ್ ಕೋರ್ಸ್

ಭೋಜನಾಲಯ

ಬ್ರೇಕ್‌ಫಾಸ್ಟ್, ಲಂಚ್ ಮತ್ತು ರಾತ್ರಿಯೂಟ, ಪಾರ್ಕ್ ಕೆಫೆ, ಸ್ನ್ಯಾಕ್ಸ್ ಜೊತೆಗೆ ಬಗೆ ಬಗೆಯ ಸ್ವಾದ್ವಿಷ್ಟ ಭೋಜನಗಳ ವ್ಯವೆಸ್ಥೆ

ವಿಶಿಷ್ಟತೆ

ಹಡಗಿನ ದೈನಂದಿನ ಅಗತ್ಯಗಳಿಗಾಗಿ 50 ಟನ್ ಐಸ್ ತುಂಡುಗಳ ಬಳಕೆ

ವಿಶಿಷ್ಟತೆ

ಇದರಲ್ಲಿರುವ ಅಕ್ವಾ ಥಿಯೇಟರ್ 5.4 ಮೀಟರ್ ಆಳವನ್ನು ಹೊಂದಿದ್ದು, ಸಮುದ್ರದಲ್ಲಿರುವ ಅತಿ ದೊಡ್ಡ ಈಜುಕೊಳ ಎನಿಸಿಕೊಂಡಿದೆ.

ವಿಶಿಷ್ಟತೆ

6000 ಪ್ರಯಾಣಿಕರನ್ನು ಹೊತ್ತೊಯ್ದಿದ್ದ ಓಯಸೀಸ್ ಆಫ್ ದಿ ಸೀಸ್ ಜಾಗತಿಕ ಸಾಗರ ಯಾನದಲ್ಲಿ ಹೊಸ ದಾಖಲೆ ಸ್ಥಾಪಿಸಿತ್ತು.

ವಿಶಿಷ್ಟತೆ

ಇದೇ ಮೊದಲ ಬಾರಿಗೆ ಸಮುದ್ರ ಯಾನದಲ್ಲಿ ಕಾರೋಸಲ್ (carousel) ಅಮ್ಯೂಸ್‌ಮೆಂಟ್ ರೈಡ್ ಆಳವಡಿಸಲಾಗಿದೆ.

ವಿಶಿಷ್ಟತೆ

ಈ ಕಾರೋಸಲ್‌ನಲ್ಲಿ ಆಳವಡಿಸಲಾಗಿರುವ ಮರಗಳಲ್ಲಿ 18 ಪ್ರಾಣಿಗಳ ರೂಪವನ್ನು ಕೆತ್ತೆನೆ ಮಾಡಲು ಆರು ವಾರ ಸಮಯ ತಗಲಿತ್ತು. ಇದರಲ್ಲಿ ಸಿಂಹ, ಜಿಬ್ರಾ ಮತ್ತು ಜಿರಾಫೆ ಮರದ ಕೆತ್ತನೆ ಮಾಡಲಾಗಿದೆ.

ವಿಶಿಷ್ಟತೆ

ಅಂತಿಮವಾಗಿ ಓಯಸೀಸ್ ಆಫ್ ದಿ ಸೀಸ್ ಐಕಾನಿಕ್ ಟೈಟಾನಿಕ್ ಹಡಗಿಗಿಂತಲೂ ಐದು ಪಟ್ಟು ದೊಡ್ಡದಾಗಿದೆ. ಒಟ್ಟಿನಲ್ಲಿ ತಮ್ಮ ರಜೆ ಕಾಲ ಕಳೆಯಲು ಇಚ್ಚಿಸುವವರಿಗೆ ಪರಿಪೂರ್ಣ ಜಾಗವೆನಿಸಿಕೊಂಡಿದೆ.