ರಾಣಿಯ ರಕ್ಷಣೆಗಾಗಿ ಸಿನೆಮಾ ಶೈಲಿಯಲ್ಲಿ ದಿನವಿಡೀ ಕಾರನ್ನು ಅಟ್ಟಾಡಿಸಿದ ಜೇನ್ನೊಣಗಳು!

ಏನಿದು ಘಟನೆ?

ಪ್ರಕೃತಿ ಧಾಮದಲ್ಲಿ ಕಾರು ನಿಲ್ಲಿಸಿದ್ದ 65ರ ಹರೆಯದ ಕ್ಯಾರಲ್ ಹೊವಾರ್ತ್ ಕಾರಿನೊಳಗೆ ರಾಣಿ ಜೇನು ಸಿಕ್ಕಿ ಹಾಕಿಕೊಂಡಿತ್ತು. ಬಳಿಕ ಕಾರಿನಲ್ಲಿ ಮನೆಗೆ ಹಿಂತಿರುವ ಪ್ರಯತ್ನದಲ್ಲಿರುವ ಮಹಿಳೆಗೆ ಜೇನ್ನೊಣಗಳು ಮುತ್ತಿಕ್ಕಿಕೊಂಡಿತ್ತು.

ಕಾರಿನ ಹಿಂಬದಿಯಲ್ಲಿ ಜೇನ್ನೊಣಗಳ ಅರಿವಿಲ್ಲದ ಅಜ್ಜಿ ಕಾರನ್ನು ವೇಗವಾಗಿ ಚಾಲನೆ ಮಾಡುತ್ತಾ ಬಂದಿದ್ದರು. ಆದರೆ ಒಗ್ಗಟ್ಟಿನಲ್ಲಿ ಬಲವಿದೆ ಎಂಬುದನ್ನು ಸಾರಿರುವ ಜೇನ್ನೊಣಗಳು ಕಾರನ್ನು ಹಿಂಬಾಲಿಸಿತ್ತು.

ಬಳಿಕ ಈ ಘಟನೆಯಿಂದ ಬೆಚ್ಚಿ ಬಿದ್ದಿರುವ ವೃದ್ಧೆ, ತಾನೆಂದು ಜೀವನದಲ್ಲಿ ಇಂತಹ ಅನುಭವವನ್ನು ಎದುರಿಸಿಯೇ ಇಲ್ಲ ಎಂದು ಭಯಭೀತರಾಗಿ ನುಡಿದಿದ್ದಾರೆ.

ಕಳೆದ ಭಾನುವಾರ ಊಟದ ವೇಳೆಯಲ್ಲಿ ಹವರ್ ಫೋರ್ಡ್ ವೆಸ್ಟ್ ನಲ್ಲಿ ಕಾರು ನಿಲ್ಲಿಸಿ ಶಾಂಪಿಂಗ್ ಗೆ ತೆರಳಿದ್ದರು. ಇದನ್ನು ಗಮನಿಸಿದ ನ್ಯಾಷನಲ್ ಪಾರ್ಕ್ ರೇಂಜರ್ ನ ಮೂವರು ಜೇನ್ನೊಣ ಹಿಡಿಯುವ ತಂಡ ಸಾರ್ವಜನಿಕರ ಸಹಾಯದಿಂದ ಕಾರ್ಡ್ ಬಾಕ್ಸ್ ನೊಳಗೆ ಉಪಾಯದಿಂದ ಸೇರಿಸಿದ್ದರು.

ಈ ಭಯಾನಕ ದೃಶ್ಯವನ್ನು ನೋಡಿದ ಪೆಂಬ್ರೋಕ್‌ಶಯರ್‌ ಕೋಸ್ಟ್‌ ನ್ಯಾಶನಲ್‌ ಪಾರ್ಕ್‌ ರೇಂಜರ್‌ ಆಗಿರುವ ಟಾಮ್ ಮೋಸೆಸ್ ತಕ್ಷಣವೇ ಜಾಗೃತಗೊಳಿಸಿದರು.

ಅಪಾಯವನ್ನು ಅರಿತ ಅವರು ಪೆಂಬ್ರೋಕ್‌ಶಯರ್‌ ಜೇನು ಸಂಗ್ರಹಾಲಯ ಸಂಸ್ಥೆಯ ಇಬ್ಬರನ್ನು ಸಂಪರ್ಕಿಸಿದರು. ಬಳಿಕ ಜೇನ್ನೊಣಗಳನ್ನು ಸೆರೆ ಹಿಡಿಯಲಾಯಿತು.

ಆದರೆ ಇಲ್ಲಿಗೆ ಸಮಸ್ಯೆ ಕೊನೆಗೊಂಡಿರಲಿಲ್ಲ. ಸಮಸ್ಯೆ ಬಗೆಹರಿತ್ತೆಂದು ಮನೆಗೆ ಹಿಂತಿರುಗಿದ್ದ ಅಜ್ಜಿಗೆ ಸೋಮವಾರ ಬೆಳಗ್ಗೆ ಕಾರನ್ನು ನೋಡಿದಾಗ ಮಗದೊಮ್ಮೆ ಅಚ್ಚರಿ ಕಾದಿತ್ತು.

ಆರಂಭದಲ್ಲಿ ಕೀಟನಾಶಕ ಸಿಂಪಡಿಸಿ ಜೇನ್ನೊಣಗಳನ್ನು ನಾಶಪಡಿಸುವ ಇರಾದೆ ಹೊಂದಿತ್ತಾದರೂ ಬಳಿಕ ಜೇನು ನೋಣ ಸಂರಕ್ಷಕರಿಗೆ ಕರೆ ಮಾಡಲಾಗಿತ್ತು.

ಮೊದಲ ಬಾರಿಗೆ ಸೆರೆ ಹಿಡಿದಾಗ ರಾಣಿ ಜೇನ್ನೊಣ ಸಿಕ್ಕಿಯೇ ಇರಲಿಲ್ಲವಂತೆ. ಆದರೆ ಎರಡನೇ ಬಾರಿಯ ಪ್ರಯತ್ನದಲ್ಲಿ ಎಲ್ಲ ಜೇನು ಹುಳಗಳನ್ನು ಸೆರೆ ಹಿಡಿಯುವಲ್ಲಿ ಸಂರಕ್ಷಕರು ಯಶಸ್ವಿಯಾದರು.