ನಾಚಿಕೆ ಸ್ವಭಾವದಿಂದ ಮೊದಲ ಕೆಲಸ ಪಡೆಯಲು ವಿಫಲನಾದ ವ್ಯಕ್ತಿಯೀಗ ವಿಶ್ವದ ಶ್ರೀಮಂತ ಉದ್ಯಮಿ

ಅವರು ಈ ಕಂಪನಿಗಳನ್ನು ಸ್ಥಾಪಿಸುವ ಮುನ್ನ ಕೆಲಸಕ್ಕಾಗಿ ಇಂಟರ್ ನೆಟ್ ಕಂಪನಿಯೊಂದರಲ್ಲಿ ಅರ್ಜಿ ಸಲ್ಲಿಸಿದ್ದರು ಎಂಬುದು ಗಮನಾರ್ಹ. ಆದರೆ ತಮ್ಮ ನಾಚಿಕೆ ಸ್ವಭಾವದಿಂದಾಗಿ ಎಲಾನ್ ಮಸ್ಕ್ ಅವರಿಗೆ ಕೆಲಸ ಪಡೆಯಲು ಸಾಧ್ಯವಾಗಲಿಲ್ಲ. ನಂತರ ಅವರು ತಮ್ಮದೇ ಆದ ಇಂಟರ್'ನೆಟ್ ಕಂಪನಿಯನ್ನು ತೆರೆದರು. ಎಲಾನ್ ಮಸ್ಕ್'ರವರ ಯಶಸ್ಸಿನ ಕಥೆಯನ್ನು ಈ ಲೇಖನದಲ್ಲಿ ನೋಡೋಣ.

ವಿಶ್ವದ ಅತ್ಯಂತ ಶ್ರೀಮಂತ ವ್ಯಕ್ತಿಗಳಲ್ಲಿ ಒಬ್ಬರಾದ ಎಲಾನ್ ಮಸ್ಕ್ ಸಾಮಾಜಿಕ ಜಾಲತಾಣದಲ್ಲಿ ಸದಾ ಸಕ್ರಿಯರಾಗಿರುತ್ತಾರೆ. ಇತ್ತೀಚಿಗೆ ಪ್ರಣಯ್ ಪಾಥೋಲ್ ಎಂಬುವವರು ಎಲಾನ್ ಮಸ್ಕ್ ಅವರ ಬಾಲ್ಯದ ಚಿತ್ರವನ್ನು ಪೋಸ್ಟ್ ಮಾಡಿದ್ದಾರೆ.

MOSTREAD: ಟ್ರ್ಯಾಕ್ಟರ್‌ಗಳ ಹಿಂಭಾಗದಲ್ಲಿ ದೊಡ್ಡ ಗಾತ್ರದ ಟಯರ್‌ಗಳಿರಲು ಕಾರಣಗಳಿವು

ಇದರಲ್ಲಿ ಅವರು ಎಲಾನ್ ಮಸ್ಕ್ ಅವರ ನಾಚಿಕೆ ಸ್ವಭಾವದ ಬಗ್ಗೆ ಮಾಹಿತಿ ನೀಡಿದ್ದಾರೆ. ಈ ಪೋಸ್ಟ್'ಗೆ ಎಲಾನ್ ಮಸ್ಕ್ ಸಹ ತಮ್ಮ ಪ್ರತಿಕ್ರಿಯೆ ನೀಡಿದ್ದಾರೆ. ಇಂಟರ್'ನೆಟ್ ಜಗತ್ತಿಗೆ ಕಾಲಿಡುವ ಮುನ್ನ ಎಲಾನ್ ಮಸ್ಕ್ ಏನು ಮಾಡುತ್ತಿದ್ದರು ಎಂಬುದನ್ನು ಪ್ರಣಯ್ ಪಾಥೋಲ್ ಹೇಳಿದ್ದಾರೆ.

ಪ್ರಣಯ್ ಪಾಥೋಲ್ ಅವರ ಪೋಸ್ಟ್ ಪ್ರಕಾರ, 1995ರಲ್ಲಿ ತಮ್ಮ ಶಾಲಾ ಶಿಕ್ಷಣವನ್ನು ಮುಗಿಸಿದ ನಂತರ ಎಲಾನ್ ಮಸ್ಕ್ ಇಂಟರ್ ನೆಟ್ ಕಂಪನಿಯೊಂದರಲ್ಲಿ ಕೆಲಸಕ್ಕಾಗಿ ಅರ್ಜಿ ಸಲ್ಲಿಸಿದರು.

MOSTREAD: ಚಿಕ್ಕ ಜಾಗದಲ್ಲಿ ದೊಡ್ಡ ಕಾರನ್ನು ಪಾರ್ಕ್ ಮಾಡಿದ ಅಪ್ರತಿಮ ಚಾಲಕನನ್ನು ಸನ್ಮಾನಿಸಿದ ಟೊಯೊಟಾ ಡೀಲರ್

ಆದರೆ ಅವರ ನಾಚಿಕೆ ಸ್ವಭಾವದಿಂದಾಗಿ ಅವರು ಯಾರೊಂದಿಗೂ ಮಾತನಾಡದ ಕಾರಣ ಆ ಕೆಲಸ ಅವರಿಗೆ ಸಿಗಲಿಲ್ಲ. ನಂತರ 1995ರಲ್ಲಿ ಅವರು ತಮ್ಮದೇ ಆದ ಜಿಪ್ 2 ಎಂಬ ಹೆಸರಿನ ಕಂಪನಿಯನ್ನು ಆರಂಭಿಸಿದರು.

ಮಸ್ಕ್ ಅವರು ಬೇರೆಯವರೊಂದಿಗೆ ಮಾತನಾಡಲು ತುಂಬಾ ನಾಚಿಕೆಪಡುವುದನ್ನು ಒಪ್ಪಿಕೊಂಡಿದ್ದಾರೆ. ಪ್ರಣಯ್ ಪಾಥೋಲ್'ರವರ ಟ್ವೀಟ್‌ಗೆ ಪ್ರತಿಕ್ರಿಯೆ ನೀಡಿರುವ ಎಲಾನ್ ಮಸ್ಕ್ ತಾವು ಇಂಟರ್ ನೆಟ್ ಕಂಪನಿಯಲ್ಲಿ ಕೆಲಸ ಮಾಡಲು ಬಯಸಿದ್ದಾಗಿ ತಿಳಿಸಿದ್ದಾರೆ.

MOSTREAD: ಲಾಕ್‌ಡೌನ್ ನಿಂದ ಕೆಲಸ ಕಳೆದುಕೊಂಡವ ಇಂದು ವಿಶ್ವ ವಿಖ್ಯಾತ ವ್ಯಕ್ತಿ

1995ರಲ್ಲಿ ಅಮೆರಿಕಾದಲ್ಲಿ ಬೆರಳೆಣಿಕೆಯಷ್ಟು ಇಂಟರ್ ನೆಟ್ ಕಂಪನಿಗಳು ಮಾತ್ರ ಇದ್ದ ಕಾರಣ ತಮಗೆ ಕೆಲಸ ಸಿಗಲಿಲ್ಲವೆಂದು ತಿಳಿಸಿದ್ದಾರೆ. ಎಲಾನ್ ಮಸ್ಕ್ ರವರಿಗೆ ಇಂಟರ್ ನೆಟ್ ನಲ್ಲಿ ತುಂಬಾ ಆಸಕ್ತಿ ಇತ್ತು.

ಈ ಕಾರಣಕ್ಕೆ ಅವರು ಖ್ಯಾತ ಇಂಟರ್ ನೆಟ್ ಕಂಪನಿಯಾದ ನೆಟ್‌ಸ್ಕೇಪ್‌ನಲ್ಲಿ ಕೆಲಸ ಪಡೆಯಲು ಅರ್ಜಿ ಸಲ್ಲಿಸಿದ್ದರು ಎಂದು ಹೇಳಲಾಗಿದೆ. ನೆಟ್‌ಸ್ಕೇಪ್‌, ಮೊದಲ ವೆಬ್ ಬ್ರೌಸರ್ ಆದ ನೆಟ್‌ಸ್ಕೇಪ್‌ ನ್ಯಾವಿಗೇಟರ್ ಅನ್ನು ವಿನ್ಯಾಸಗೊಳಿಸಿದ ಕಂಪನಿಯಾಗಿದೆ.