Just In
- 59 min ago ಪ್ರಸಿದ್ಧ ಪುಣ್ಯಕ್ಷೇತ್ರ ಶೃಂಗೇರಿ ಶಾರದಾಂಬಾ ದರ್ಶನಕ್ಕೆ ತೆರಳಬೇಕೇ.. ಹಾಗಾದರೆ ಈ ಸ್ಟೋರಿ ನೋಡಿ
- 2 hrs ago ಭರ್ಜರಿ ಸಿಹಿಸುದ್ದಿ: ಸ್ಕೋಡಾ ಕೊಡಿಯಾಕ್ ಎಸ್ಯುವಿಯ ಮೇಲೆ ಭರ್ಜರಿ ಡಿಸ್ಕೌಂಟ್
- 2 hrs ago Maruti: ಜಪಾನ್ನಲ್ಲಿ ಗರಿಷ್ಟ ಗುಣಮಟ್ಟದ ಸ್ವಿಫ್ಟ್ ಕಾರು! ಭಾರತಕ್ಕೆ ಮಾತ್ರ ಕಳಪೆ ಗುಣಮಟ್ಟ ಏಕೆ?
- 3 hrs ago ಹೊಸ ಜೀಪ್ ರಾಂಗ್ಲರ್ ಸಂಪೂರ್ಣ ರಿವ್ಯೂ ವಿಡಿಯೋ: ಆಫ್ರೋಡ್ನಲ್ಲಿ ಇದನ್ನು ಮೀರಿಸುವವರಿಲ್ಲ!
Don't Miss!
- Technology Poco: ವಿಶೇಷ ಟ್ಯಾಬ್ಲೆಟ್ ಲಾಂಚ್ ಮಾಡಲು ಸಿದ್ಧವಾಗ್ತಿದೆ ಪೊಕೊ! ಸಖತ್ ಸ್ಟೈಲಿಶ್..
- Lifestyle ರುಚಿ ರುಚಿಯ ಸ್ಪೆಷಲ್ ಅಂಬೂರ್ ಬಿರಿಯಾನಿ ಮಾಡಿ ನೋಡಿ..! ಇಲ್ಲಿದೆ ರೆಸಿಪಿ
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- News ಮೀಸಲಾತಿ ಅಸ್ತ್ರ ಪ್ರಯೋಗಿಸಿದ ಮೋದಿ; ಮುಸ್ಲಿಂ ಸಮುದಾಯಕ್ಕೆ 4% ಮೀಸಲಾತಿ: ಸಿದ್ದರಾಮಯ್ಯ
- Sports IPL 2024: ಎಸ್ಆರ್ಹೆಚ್ ಸಂಘಟಿತ ಆಟಕ್ಕೆ ಬ್ರೇಕ್ ಹಾಕಲು ಆರ್ಸಿಬಿ ಏನು ಮಾಡಬೇಕು?
- Movies ತಮನ್ನಾ ಪಾಲಿಗೆ 'ದುಬಾರಿ' ಆಯಿತು 'ಪ್ರಚಾರ' ; ಮಿಲ್ಕಿ ಬ್ಯೂಟಿಯನ್ನ ವಿಚಾರಣೆಗೆ ಕರೆದ ಸೈಬರ್ ಇಲಾಖೆ..!
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ವಿಶ್ವದ ಅತ್ಯಂತ ಸುರಕ್ಷಿತ ವಾಹನದಲ್ಲಿ ಪ್ರಯಾಣಿಸಲಿದ್ದಾರೆ ನೂತನ ರಾಷ್ಟ್ರಪತಿ ದ್ರೌಪದಿ ಮುರ್ಮು
ಪ್ರತಿಭಾ ಪಾಟೀಲ್ ನಂತರ ರಾಷ್ಟ್ರಪತಿ ಸ್ಥಾನವನ್ನು ಅಲಂಕರಿಸಿದ ಎರಡನೇ ಮಹಿಳೆಯೆಂಬ ಗೌರವಕ್ಕೆ ಪಾತ್ರರಾಗಿರುವ ದ್ರೌಪದಿ ಮುರ್ಮು ಅವರು, ಇಂದು ಭಾರತದ 15ನೇ ರಾಷ್ಟ್ರಪತಿಯಾಗಿ ಪ್ರಮಾಣ ವಚನ ಸ್ವೀಕರಿಸಿದ್ದಾರೆ.
ಒಡಿಸ್ಸಾದ ಬುಡಕಟ್ಟು ಜನಾಂಗದ ಬಹುಸಂಖ್ಯಾತ ಪ್ರದೇಶವಾದ ಮಯೂರ್ಭಂಜ್ನಲ್ಲಿ 1958 ರಲ್ಲಿ ಜನಿಸಿದ ದ್ರೌಪದಿ ಮುರ್ಮು ಅವರು, ಭಾರತದ ರಾಷ್ಟ್ರಪತಿ ಸ್ಥಾನವನ್ನು ತಲುಪಲು ಬಹಳಷ್ಟು ಏಳು-ಬೀಳುಗಳನ್ನು ಕಂಡಿದ್ದಾರೆ. ಇದೀಗ ದೇಶದ ಮೊದಲ ಪ್ರಜೆಯಾಗಿರುವ ಅವರಿಗೆ ಪ್ರಯಾಣದ ವೇಳೆ ಯಾವೆಲ್ಲಾ ಭದ್ರತೆ ಒದಗಿಸಲಾಗುತ್ತದೆ ಎಂಬುದನ್ನು ತಿಳಿದುಕೊಳ್ಳೋಣ...
ವಿಶ್ವದ ಅತ್ಯಂತ ಸುರಕ್ಷಿತ ವಾಹನವೊಂದು ರಾಷ್ಟ್ರಪತಿ ಮುರ್ಮು ಅವರಿಗಾಗಿ ಕಾಯುತ್ತಿದೆ. ಕಳೆದ ವರ್ಷ ಖರೀದಿಸಿದ Mercedes Maybach S600 Pullman Guard ಇನ್ಮುಂದೆ ರಾಷ್ಟ್ರಪತಿ ದ್ರೌಪದಿ ಮುರ್ಮು ಅವರ ಪ್ರಯಾಣದ ಅಧಿಕೃತ ವಾಹನವಾಗಲಿದೆ. ಗರಿಷ್ಠ ಸುರಕ್ಷತೆ, ಶಕ್ತಿ ಮತ್ತು ವಿಶಿಷ್ಟ ವೈಶಿಷ್ಟ್ಯಗಳ ವಿಷಯದಲ್ಲಿ ಕಾರನ್ನು ಹೆಚ್ಚು ಕಸ್ಟಮೈಸ್ ಮಾಡಲಾಗಿದೆ.
ರಾಷ್ಟ್ರಪತಿಗಳ ಈ ವಿಶೇಷ ಕಾರಿನಲ್ಲಿ ಏನೆಲ್ಲಾ ವಿಶೇಷತೆಗಳಿವೆಯೆಂದರೆ, ಇದು 2011 ರಲ್ಲಿ ಜಾಗತಿಕವಾಗಿ ಪಾದಾರ್ಪಣೆ ಮಾಡಿದ ವಾಹನದ ಮಾರ್ಪಡಿಸಿದ ಆವೃತ್ತಿಯಾಗಿದೆ. VR9 ಮಟ್ಟದ ಬ್ಯಾಲಿಸ್ಟಿಕ್ ರಕ್ಷಣೆಯೊಂದಿಗೆ ಪುಲ್ಮನ್ ಗಾರ್ಡ್ ಅನ್ನು ಟ್ಯಾಂಕ್ಗಳಂತಹ ಯುದ್ಧ ಶಸ್ತ್ರಾಸ್ತ್ರಗಳಿಂದಲೂ ಪ್ರಯಾಣಿಕರನ್ನು ರಕ್ಷಿಸಲು ವಿನ್ಯಾಸಗೊಳಿಸಲಾಗಿದೆ.
ರಾಷ್ಟ್ರಪತಿಯವರಿಗಾಗಿ ಬುಲೆಟ್ ಪ್ರೂಫ್ ಕಾರುಗಳ ಒಂದಷ್ಟು ಗುಂಪೇ ಇದೆ. ಅವುಗಳಲ್ಲಿ ಕೆಲವನ್ನು ತುರ್ತು ಸಂದರ್ಭಗಳಲ್ಲಿ ಬಿಡಿ ಕಾರಾಗಿಯೂ ಬಳಸಬಹುದು. ಈಗ ಮರ್ಸಿಡಿಸ್ ಮೇಬ್ಯಾಕ್ S600 ಪುಲ್ಮನ್ ಗಾರ್ಡ್ ನ ವಿಶೇಷತೆಗಳನ್ನು ನೋಡುವುದಾದರೆ, ಈ ವಾಹನವು VR9-ಹಂತದ ಬ್ಯಾಲಿಸ್ಟಿಕ್ ರಕ್ಷಣೆ, 44 ಕ್ಯಾಲಿಬರ್ ರಕ್ಷಣೆ, ಮಿಲಿಟರಿ ರೈಫಲ್ಸ್ ಹೊಡೆತಗಳು, ಬಾಂಬ್ಗಳು, ಸ್ಫೋಟಕಗಳು ಮತ್ತು ಅನಿಲ ದಾಳಿಗಳ ವಿರುದ್ಧ ರಕ್ಷಣೆಯನ್ನು ಒದಗಿಸುವ ಸಾಮರ್ಥ್ಯವನ್ನು ಹೊಂದಿದೆ.
ಈ ವಾಹನವು ಬುಲೆಟ್ ಪ್ರೂಫ್ ಅಲಾಯ್ ವೀಲ್ಗಳು ಹೊಂದಿದ್ದು, ಮುಖ್ಯವಾಗಿ ಗ್ಯಾಸ್ ದಾಳಿಯ ಸಂದರ್ಭದಲ್ಲಿ ಪ್ರಯಾಣಿಕರಿಗೆ ಆಮ್ಲಜನಕದ ಪೂರೈಕೆ ಕೂಡ ಇದರಲ್ಲಿ ಲಭ್ಯವಿದೆ. ಇದರ ಉದ್ದಳತೆಗಳನ್ನು ನೋಡುವುದಾದರೆ, ಮರ್ಸಿಡಿಸ್ ಮೇಬ್ಯಾಕ್ S600 ಪುಲ್ಮನ್ ಗಾರ್ಡ್ 5,453 ಎಂಎಂ ಉದ್ದ, 1,899 ಎಂಎಂ ಅಗಲ, 1,498 ಎಂಎಂ ಎತ್ತರ ಮತ್ತು 3,365 ಎಂಎಂ ವೀಲ್ಬೇಸ್ ಹೊಂದಿದೆ.
ಇದು ವಿಸ್ತರಿಸಿದ ಲಿಮೋಸಿನ್ ಆಗಿರುವುದರಿಂದ, S600 ಆವೃತ್ತಿಯ ಆಯಾಮಗಳು ಭವ್ಯವಾಗಿರುತ್ತವೆ. ರಾಷ್ಟ್ರಪತಿಗಳ ಗರಿಷ್ಠ ಸೌಕರ್ಯವನ್ನು ಒದಗಿಸಲು ಕ್ಯಾಬಿನ್ ಒಳಗೆ ಉತ್ತಮ ಸ್ಥಳಾವಕಾಶವನ್ನು ನೀಡುತ್ತದೆ. ಇನ್ನು ಮರ್ಸಿಡಿಸ್ ಮೇಬ್ಯಾಕ್ S600 ಪುಲ್ಮನ್ ಗಾರ್ಡ್ 6.0-ಲೀಟರ್ V12 ಪೆಟ್ರೋಲ್ ಎಂಜಿನ್ನಿಂದ ನಿಯಂತ್ರಿಸಲ್ಪಡುತ್ತದೆ.
ಇದು ಗರಿಷ್ಠ 530 ಬಿಎಚ್ಪಿ ಮತ್ತು 830 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ. ಈ ಎಂಜಿನ್ ಅನ್ನು 7-ಸ್ಪೀಡ್ DCT ಸ್ವಯಂಚಾಲಿತ ಗೇರ್ಬಾಕ್ಸ್ಗೆ ಜೋಡಿಸಲಾಗಿದೆ. ಏರ್ ಸಸ್ಪೆನ್ಷನ್ ಮತ್ತು ರನ್-ಫ್ಲಾಟ್ ಟೈರ್ಗಳು ರಾಷ್ಟ್ರಪತಿಗಳ ವಾಹನದ ಇತರ ವೈಶಿಷ್ಟ್ಯಗಳಾಗಿವೆ.
ಮರ್ಸಿಡಿಸ್ ಮೇಬ್ಯಾಕ್ S600 ಪುಲ್ಮನ್ ಗಾರ್ಡ್ 100 km/h ತಲುಪಲು 8 ಸೆಕೆಂಡುಗಳಿಗಿಂತ ಕಡಿಮೆ ಸಮಯ ತೆಗೆದುಕೊಳ್ಳುತ್ತದೆ. ಇದರ ಗರಿಷ್ಠ ವೇಗ ಗಂಟೆಗೆ 160 ಕಿ.ಮೀ ಎಂದು ಹೇಳಲಾಗುತ್ತಿದೆ. 4 ಆಸನಗಳ ಕಾರು 530 ಲೀಟರ್ ಬೂಟ್ ಸ್ಪೇಸ್ ಮತ್ತು 80 ಲೀಟರ್ ಇಂಧನ ಟ್ಯಾಂಕ್ ಹೊಂದಿದೆ.
ದೇಶದ ಪ್ರಥಮ ಪ್ರಜೆಯನ್ನು ಹೊತ್ತೊಯ್ಯಲು ವಿನ್ಯಾಸಗೊಳಿಸಲಾಗಿರುವ ಈ ಕಾರು ದೇಶದಲ್ಲೇ ಅತ್ಯಂತ ಸುರಕ್ಷಿತ ಕಾರು ಎಂದು ಹೇಳಲಾಗುತ್ತಿದೆ. ಇದರ ಬೆಲೆ ಸುಮಾರು 10 ಕೋಟಿ ರೂ. ಇರಬಹದಾಗಿದ್ದು, ಎಲ್ಲಾ ವೈಶಿಷ್ಟ್ಯಗಳು ಮತ್ತು ರಕ್ಷಾಕವಚ ರಕ್ಷಣೆಯೊಂದಿಗೆ, ಕಾರು ಐದು ಟನ್ಗಳಿಗಿಂತ ಹೆಚ್ಚು ತೂಕವಿರಬಹುದು.
ಡ್ರೈವ್ಸ್ಪಾರ್ಕ್ ಅಭಿಪ್ರಾಯ
2007-2012ರ ಅವಧಿಯಲ್ಲಿ ಸೇವೆ ಸಲ್ಲಿಸಿದ ಭಾರತದ ಮೊದಲ ಮಹಿಳಾ ರಾಷ್ಟ್ರಪತಿ ಪ್ರತಿಭಾ ಪಾಟೀಲ್ ಅವರ ಕಾಲದಿಂದಲೂ ಮರ್ಸಿಡಿಸ್ ಮೇಬ್ಯಾಕ್ S600 ಪುಲ್ಮ್ಯಾನ್ ಅಧಿಕೃತ ಕಾರು ಆಗಿರುವುದು ಗಮನಾರ್ಹವಾಗಿದೆ. ಈ ಕಾರು ಎಲ್ಲಾ ವಿಧಗಳಲ್ಲೂ ರಕ್ಷಣೆಯನ್ನು ನೀಡುವ ಕಾರಣ ಇದನ್ನು ಮುಂದಿನ ಎರಡು ಅವಧಿಗಳಿಗೂ ಮುಂದುವರೆಸುವ ಸಾಧ್ಯತೆಯಿದೆ.