Just In
- 3 hrs ago ಸಾಟಿಯಿಲ್ಲದ ಮೈಲೇಜ್: ಈ ಮಾರುತಿ ಕಾರುಗಳು ಫುಲ್ ಟ್ಯಾಂಕ್ನಲ್ಲಿ 1200 ಕಿ.ಮೀ ಚಲಿಸುತ್ತೆ
- 4 hrs ago KTM Duke 125 ಬೆಲೆಗೆ ಯಾವೆಲ್ಲಾ ಬೈಕ್ಗಳು ಸಿಗುತ್ತೆ ಗೊತ್ತಾ?: ಪಲ್ಸರ್ನಿಂದ ಹಿಡಿದು MT 15 ವರೆಗೆ
- 5 hrs ago ಅಡ್ವೆಂಚರ್ ಬೈಕ್ ಪ್ರಿಯರಿಗೆ ಸಿಹಿಸುದ್ದಿ: ಬಿಡುಗಡೆಗೆ ಸಜ್ಜಾದ ಸುಜುಕಿ V-Strom 800 DE ಬೈಕ್
- 5 hrs ago Maruti Suzuki: 2024ರ ಮಾರುತಿ ಸ್ವಿಫ್ಟ್ ವಿಶೇಷತೆಗಳು: ಸನ್ರೂಫ್, 35 ಕಿ.ಮೀ ಮೈಲೇಜ್!
Don't Miss!
- News Bengaluru-Tumkur Metro: 52.41 ಕಿ.ಮೀ. ಮಾರ್ಗ, 19 ನಿಲ್ದಾಣಗಳು; ತುಮಕೂರು-ಬೆಂಗಳೂರು ಮೆಟ್ರೋ ಅಪ್ಡೇಟ್
- Movies Nannamma Superstar: ಬಿಗ್ ಬಾಸ್ ಸಂಗೀತಾ ಹೊಟ್ಟೆಗೆ ಏನ್ ತಿಂತಾರೆ? ಮೃದಿನಿಗೆ ಕಾಡಿದ ದೊಡ್ಡ ಪ್ರಶ್ನೆ
- Lifestyle ಏಪ್ರಿಲ್ನಲ್ಲಿ 14 ದಿನ ರಜೆ, ಏಪ್ರಿಲ್ 1ಕ್ಕೆ ಬ್ಯಾಂಕ್ಗಳಿಗೆ ರಜೆ ಇರಲು ಕಾರಣವೇನು?
- Sports ರೋಹಿತ್ vs ಹಾರ್ದಿಕ್: ಸತತ ಸೋಲಿನ ನಡುವೆಯೇ ಮುಂಬೈ ಇಂಡಿಯನ್ಸ್ ಇಬ್ಭಾಗ!?
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
NH ಟೋಲ್ ಗೇಟ್ಗಳಲ್ಲಿ ಬೈಕ್ಗಳಿಗೆ ಮಾತ್ರ ಏಕೆ ಶುಲ್ಕ ವಿಧಿಸುವುದಿಲ್ಲ?: ಇಲ್ಲಿದೆ ಸಂಕ್ಷಿಪ್ತ ಮಾಹಿತಿ
ಭಾರತದಲ್ಲಿ ಕೇಂದ್ರ ಸರ್ಕಾರವು ರಾಷ್ಟ್ರೀಯ ಹೆದ್ದಾರಿಗಳಲ್ಲಿ ಸಂಚರಿಸುವ ವಾಹನಗಳಿಂದ ಟೋಲ್ ಶುಲ್ಕವನ್ನು ಸಂಗ್ರಹಿಸಲು ಟೋಲ್ ಬೂತ್ಗಳನ್ನು ಸ್ಥಾಪಿಸಿರುವ ವಿಷಯ ಎಲ್ಲರಿಗೂ ತಿಳಿದಿದೆ. ನಾವೆಲ್ಲರೂ ಹಲವು ಬಾರಿ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಪ್ರಯಾಣಿಸಿರುತ್ತೇವೆ. ಆದರೆ ಟೋಲ್ ಗೇಟ್ಗಳು ಬೈಕ್ಗಳಿಗೆ ಮಾತ್ರ ಏಕೆ ಶುಲ್ಕ ವಿಧಿಸುವುದಿಲ್ಲ ಎಂದು ಎಂದದಾರೂ ಯೋಚಿಸಿದ್ದೀರಾ?
ಹಾಗಾದರೆ ಈ ಲೇಖನದಲ್ಲಿ ಸಂಕ್ಷಿಪ್ತವಾಗಿ ತಿಳಿದುಕೊಳ್ಳಿ. ಹೆದ್ದಾರಿಗಳಲ್ಲಿನ ಟೋಲ್ಗಳಲ್ಲಿ ಪ್ರತಿ ವಾಹನಕ್ಕೂ ವಿಭಿನ್ನ ಶುಲ್ಕ ವಿಧಿಸಲಾಗುತ್ತದೆ. ಉದಾಹರಣೆಗೆ ಕಾರಿಗೆ ಒಂದು ಬೆಲೆ, ವ್ಯಾನ್ಗೆ ಒಂದು ಬೆಲೆ, ಬಸ್ಗಳಿಗೆ ಒಂದು ಬೆಲೆ ಮತ್ತು ಟ್ರಕ್ಗಳಿಗೆ ಒಂದು ಬೆಲೆ ಹೀಗೆ ಒಂದೊಂದು ವಾಹನಕ್ಕೂ ವಿವಿಧ ಶುಲ್ಕ ನಿಗದಿಪಡಿಸಿ ಸಂಗ್ರಹಿಸಲಾಗುತ್ತದೆ.
ಈ ಟೋಲ್ ಶುಲ್ಕವನ್ನು ಕೇಂದ್ರ ಸಾರಿಗೆ ಇಲಾಖೆಯು ಫಾಸ್ಟ್ ಟ್ಯಾಗ್ ವ್ಯವಸ್ಥೆಯಡಿ ಜಾರಿಗೊಳಿಸಿದೆ. ಅಂದರೆ ವಾಹನದ ಮುಂಭಾಗದಲ್ಲಿ ಸ್ಟಿಕ್ಕರ್ ಅಂಟಿಸಿ ಅದರ ಮೂಲಕ ಆನ್ ಲೈನ್ ವಹಿವಾಟು ನಡೆಸಲಾಗುತ್ತಿದೆ. ಇಂದು ಭಾರತದಲ್ಲಿ ಪ್ರತಿ ವಾಹನಕ್ಕೂ ಫಾಸ್ಟ್ ಟ್ಯಾಗ್ ಕಾರ್ಡ್ ಕಡ್ಡಾಯವಾಗಿದೆ. ಹಾಗಾಗಿ ಈ ಫಾಸ್ಟ್ ಟ್ಯಾಗ್ ಕಾರ್ಡ್ ಅನ್ನು ಎಲ್ಲಾ ವಾಹನಗಳಲ್ಲೂ ಕಾಣಬಹುದು.
ಅಷ್ಟೇ ಅಲ್ಲ ಫಾಸ್ಟ್ಟ್ಯಾಗ್ ಕಾರ್ಡ್ ಇಲ್ಲದ ಕಾರುಗಳಿಗೆ ಡಬಲ್ ಟೋಲ್ ವಿಧಿಸಲಾಗುತ್ತದೆ. ನಿರ್ದಿಷ್ಟ ವಾಹನಗಳಿಗೆ ಮಾತ್ರ ಈ ಟೋಲ್ ಬೂತ್ಗಳ ಮೂಲಕ ಉಚಿತವಾಗಿ ಹಾದುಹೋಗಲು ಅವಕಾಶವಿದೆ. ಆಂಬ್ಯುಲೆನ್ಸ್ಗಳು, ಅಗ್ನಿಶಾಮಕ ವಾಹನಗಳು, ಸರ್ಕಾರಿ ಅಧಿಕಾರಿಗಳು ಬಳಸುವ ಸರ್ಕಾರಿ ವಾಹನಗಳು, ನ್ಯಾಯಾಧೀಶರ ವಾಹನಗಳು ಇತ್ಯಾದಿಗಳನ್ನು ಟೋಲ್ಗೇಟ್ ಮೂಲಕ ಉಚಿತವಾಗಿ ಹಾದುಹೋಗಲು ಅನುಮತಿಸಲಾಗುತ್ತದೆ.
ಆ ಪಟ್ಟಿಗೆ ದ್ವಿಚಕ್ರ ವಾಹನವೂ ಸೇರ್ಪಡೆಯಾಗಿದೆ. ದ್ವಿಚಕ್ರ ವಾಹನದಲ್ಲಿ ಪ್ರಯಾಣಿಸುವವರು ಟೋಲ್ಗೇಟ್ಗಳ ಮೂಲಕ ಹಾದುಹೋಗುವಾಗ ಟೋಲ್ಗೇಟ್ಗಳನ್ನು ಪಾವತಿಸುವ ಅಗತ್ಯವಿಲ್ಲ. ಬೈಕ್ಗಳಿಗೆ ಮಾತ್ರ ಶುಲ್ಕ ಏಕೆ ವಿಧಿಸುವುದಿಲ್ಲ ಎಂದು ತಿಳಿಯುವ ಮೊದಲು, ಟೋಲ್ಗೇಟ್ಗೆ ಏಕೆ ಶುಲ್ಕ ವಿಧಿಸಲಾಗುತ್ತದೆ ಎಂಬುದನ್ನು ಮೊದಲು ತಿಳಿದುಕೊಳ್ಳಬೇಕು.
ಭಾರತವು ಬೆಳವಣಿಗೆಯ ಹಾದಿಯಲ್ಲಿ ಮುಂದುವರಿಯುತ್ತಿದ್ದು, ಕೇಂದ್ರ ಸರ್ಕಾರವು ಬೃಹತ್ ವೆಚ್ಚದಲ್ಲಿ ರಾಷ್ಟ್ರೀಯ ಹೆದ್ದಾರಿಗಳನ್ನು ನಿರ್ಮಿಸುವ ಕಾರ್ಯವನ್ನು ಕೈಗೆತ್ತಿಕೊಂಡಿದೆ. ಸಾರಿಗೆಯನ್ನು ಸುಲಭಗೊಳಿಸುವ ಉದ್ದೇಶದಿಂದ ಇದನ್ನು ಮಾಡಲಾಗಿದೆ. ಆದರೆ ನಿರ್ಮಾಣದಷ್ಟೇ ಪ್ರಾಮುಖ್ಯತೆಯನ್ನು ರಾಷ್ಟ್ರೀಯ ಹೆದ್ದಾರಿಗಳ ನಿರ್ವಹಣೆಗೂ ನೀಡಬೇಕಾಗುತ್ತದೆ.
ಹಾಗಾಗಿ ಹೆದ್ದಾರಿ ರಸ್ತೆಗಳು ಸಾಮಾನ್ಯ ರಸ್ತೆಗಳಿಗಿಂತ ಉತ್ತಮ ಗುಣಮಟ್ಟದ್ದಾಗಿರಬೇಕು, ಅಲ್ಲದೇ ಹೆದ್ದಾರಿಗಳಲ್ಲಿ ವಿವಿಧ ಸೌಲಭ್ಯಗಳನ್ನು ಏರ್ಪಡಿಸಬೇಕು. ಈ ವೇಳೆ ಹೆದ್ದಾರಿ ರಸ್ತೆಯನ್ನು ಬಳಸುವ ಜನರಿಂದ ಈ ವೆಚ್ಚದ ಹಣವನ್ನು ವಸೂಲಿ ಮಾಡಲು ನಿಗದಿತ ದೂರದವರೆಗೆ ಟೋಲ್ಗೇಟ್ ಸ್ಥಾಪಿಸಿ ವಾಹನಗಳಿಂದ ಶುಲ್ಕ ಸಂಗ್ರಹಿಸಲಾಗುತ್ತದೆ.
ಹೀಗೆ ಸಂಗ್ರಹಿಸಿದ ಹಣವನ್ನು ಆ ಪ್ರದೇಶದಲ್ಲಿ ರಸ್ತೆ ನಿರ್ವಹಣೆ ಮತ್ತು ಸುಧಾರಣೆಗೆ ಬಳಸಲಾಗುತ್ತದೆ. ಈ ಹಿನ್ನೆಲೆಯಲ್ಲಿ ರಾಷ್ಟ್ರೀಯ ಹೆದ್ದಾರಿ ಟೋಲ್ ಬೂತ್ಗಳಲ್ಲಿ ಬೈಕ್ಗಳಿಗೆ ಮಾತ್ರ ಉಚಿತವಾಗಿ ಸಂಚರಿಸಲು ಅವಕಾಶ ಕಲ್ಪಿಸಲಾಗಿದೆ. ಅಂದರೆ ಹೆದ್ದಾರಿ ರಸ್ತೆಗಳಿಗೆ ಯಾವ ವಾಹನಗಳಿಂದ ಹೆಚ್ಚು ಬಳಕೆಯಿರುತ್ತದೆಯೋ ಅವುಗಳಿಂದ ಶುಲ್ಕ ವಸೂಲಿ ಮಾಡಲಾಗುತ್ತದೆ.
ಇನ್ನೂ ಸರಳವಾಗಿ ಹೇಳವುದಾದರೆ ಈ ದ್ವಿಚಕ್ರ ವಾಹನಗಳು ಹೆದ್ದಾರಿ ಮೇಲೆ ಹೆಚ್ಚು ಪರಿಣಾಮ ಬೀರುವುದಿಲ್ಲ. ಬೈಕ್ ತೂಕ ಮತ್ತು ಗಾತ್ರ ಎರಡರಲ್ಲೂ ಕಡಿಮೆ ಜಾಗವನ್ನು ತೆಗೆದುಕೊಳ್ಳುತ್ತದೆ, ಆದ್ದರಿಂದ ಹೆದ್ದಾರಿಗಳಲ್ಲಿ ಬೈಕ್ಗಳಿಂದ ರಸ್ತೆಗಳಿಗೆ ಹೆಚ್ಚು ಹಾನಿಯಾಗುವುದಿಲ್ಲ. ಹೀಗಾಗಿ ಟೋಲ್ ವಿಧಿಸುವ ಅಗತ್ಯವಿಲ್ಲ ಎಂದು ಸಾರಿಗೆ ಇಲಾಖೆ ಟೋಲ್ ಡಿಲೀಟ್ ಮಾಡಿದೆ.
ಆದರೆ ಈ ದ್ವಿಚಕ್ರ ವಾಹನ ದರ ರದ್ದತಿಗೆ ಇದೊಂದೇ ಕಾರಣವಲ್ಲ. ಸಾಮಾನ್ಯವಾಗಿ ರಾಷ್ಟ್ರೀಯ ಹೆದ್ದಾರಿಗಳು ದೂರದ ಪ್ರಯಾಣಕ್ಕಾಗಿ ನಿರ್ಮಿಸಲಾದ ರಸ್ತೆಗಳಾಗಿವೆ, ಭಾರತದಲ್ಲಿ ಬೈಕ್ಗಳನ್ನು ಹೆಚ್ಚಾಗಿ ಕಡಿಮೆ ದೂರಕ್ಕೆ ಬಳಸಲಾಗುತ್ತದೆ. ದ್ವಿಚಕ್ರ ವಾಹನದಲ್ಲಿ ದೂರ ಪ್ರಯಾಣ ಮಾಡುವವರು ಬಹಳ ಕಡಿಮೆ.
ಹೀಗಾಗಿ ಒಂದು ಊರಿನಿಂದ ಪಕ್ಕದ ಊರಿಗೆ ಹೋಗಲು ರಾಷ್ಟ್ರೀಯ ಹೆದ್ದಾರಿಯಲ್ಲಿ ಸಂಚರಿಸುವಾಗ ಟೋಲ್ ಬೂತ್ ಇದ್ದರೆ ವಾಹನ ಸವಾರರು ಬೈಕ್ ಚಾರ್ಜ್ ಮಾಡುವುದು ಸರಿಯಲ್ಲ. ಹಾಗಾಗಿ ಟೋಲ್ ಬೂತ್ಗಳಲ್ಲಿ ಬೈಕ್ಗಳನ್ನು ಉಚಿತವಾಗಿ ಸಂಚರಿಸಲು ಅನುಮತಿಸಲು ಇದು ಒಂದು ಕಾರಣವಾಗಿದೆ.
ಅಲ್ಲದೇ ದ್ವಿಚಕ್ರ ವಾಹನ ಸವಾರರು ಆರ್ಥಿಕವಾಗಿ ಹಿಂದುಳಿದಿರುತ್ತಾರೆ. ಕೂಲಿ ಕಾರ್ಮಿಕರು ಸೇರಿದಂತೆ ಅನೇಕರು ದ್ವಿಚಕ್ರ ವಾಹನಗಳನ್ನು ಹೆಚ್ಚಾಗಿ ಬಳಸುವುದರಿಂದ ಟೋಲ್ ಶುಲ್ಕದಿಂದ ಹೊರೆ ಹೆಚ್ಚಾಗುವುದರಿಂದ ದ್ವಿಚಕ್ರ ವಾಹನಗಳಿಗೆ ಉಚಿತವಾಗಿ ಅವಕಾಶ ನೀಡಲು ನಿರ್ಧರಿಸಲಾಗಿದೆ.