ನೀರಿನ ಮೇಲೆ ಲ್ಯಾಂಡಿಂಗ್ ಆಗುವ ವಿಶಿಷ್ಟ ವಿಮಾನವಿದು

ಈ ಸೀಪ್ಲೇನ್ ಮಾಲಿಯಿಂದ ಗುಜರಾತ್‌ಗೆ ಹೋಗುವ ದಾರಿಯಲ್ಲಿ ಇಂಧನ ತುಂಬಿಸಿಕೊಳ್ಳಲು ಕೊಚ್ಚಿಯಲ್ಲಿ ಇಳಿದಿದೆ. ನೌಕಾಪಡೆಯ ಅನುಮತಿಯೊಂದಿಗೆ ವೆಂಡುರುತಿ ಸೇತುವೆ ಬಳಿ ಈ ಸೀಪ್ಲೇನ್ ಇಳಿಯಲು ವ್ಯವಸ್ಥೆ ಮಾಡಲಾಗಿತ್ತು. ಇಂಧನ ತುಂಬಿಸಿಕೊಂಡ ನಂತರ ವಿಮಾನವು ನೌಕಾ ನೆಲೆಯಲ್ಲಿರುವ ಜೆಟ್ಟಿಯಿಂದ ಗುಜರಾತ್‌ಗೆ ಪ್ರಯಾಣ ಬೆಳೆಸಿದೆ. ಈ ವಿಮಾನವು ಭಾರತದಲ್ಲಿ ಮೊದಲ ಬಾರಿಗೆ ಕೊಚ್ಚಿಯಲ್ಲಿ ಲ್ಯಾಂಡಿಂಗ್ ಮಾಡಿದೆ.

ಈ ಕಾರಣಕ್ಕೆ ಈ ವಿಮಾನವು ಸ್ವಾಗತಿಸಲು ಕೊಚ್ಚಿ ಜಿಲ್ಲಾಡಳಿತ, ನೌಕಾಪಡೆಯ ಅಧಿಕಾರಿಗಳು, ಸಿಐಎಎಲ್, ಸ್ಪೈಸ್ ಜೆಟ್ ಪ್ರತಿನಿಧಿಗಳು ಸ್ಥಳದಲ್ಲಿ ನೆರೆದಿದ್ದರು. ಇಂಧನ ತುಂಬಿಸಿ ಈ ವಿಮಾನವನ್ನು ತಾಂತ್ರಿಕವಾಗಿ ಪರಿಶೀಲಿಸಿದ ನಂತರ ವಿಮಾನವು ಟೇಕ್ ಆಫ್ ಆಗಿದೆ.

MOST READ:ರಿಕ್ಷಾ ಕಳೆದುಕೊಂಡವನಿಗೆ ಹೊಸ ರಿಕ್ಷಾ ಕೊಡಿಸಿದ ಆಪದ್ಭಾಂಧವ

ವಿಮಾನವು ಸರೋವರದಲ್ಲಿ ಲ್ಯಾಂಡಿಂಗ್ ಆಗುವುದನ್ನು ವೀಕ್ಷಿಸಲು ಪತ್ರಕರ್ತರು ಹಾಗೂ ಸ್ಥಳೀಯರು ಹೆಚ್ಚಿನ ಸಂಖ್ಯೆಯಲ್ಲಿ ವೆಂಡುರುತಿ ಸೇತುವೆ ಬಳಿ ಜಮಾಯಿಸಿದ್ದರು. ಕೊಚ್ಚಿಯ ಜನರಿಗೆ ಸೀಪ್ಲೇನ್ ಲ್ಯಾಂಡಿಂಗ್ ಹಾಗೂ ಟೇಕ್ ಆಫ್ ವಿಭಿನ್ನ ಅನುಭವವನ್ನು ನೀಡಿತು.

ಈ ವಿಮಾನವನ್ನು ದಕ್ಷಿಣ ನೌಕಾಪಡೆಯ ಮುಖ್ಯಸ್ಥ ವೈಸ್ ಅಡ್ಮಿರಲ್ ಎ.ಕೆ.ಚಾವ್ಲಾ ಬರ ಮಾಡಿಕೊಂಡರು. ಕೊಚ್ಚಿಯಿಂದ ಗುಜರಾತ್‌ಗೆ ಹೋಗುವ ಮಾರ್ಗ ಮಧ್ಯೆ ಈ ವಿಮಾನವು ಬೆಳಿಗ್ಗೆ ಗೋವಾದ ಮಾಂಡೋವಿ ನದಿ ತಲುಪಿ ನಂತರ ಸಬರಮತಿಯನ್ನು ತಲುಪಲಿದೆ.

MOST READ:ಶೋಚನೀಯ ಸ್ಥಿತಿಯಲ್ಲಿವೆ ದುಬಾರಿ ಬೆಲೆಯ ಐಷಾರಾಮಿ ರೋಲ್ಸ್ ರಾಯ್ಸ್ ಕಾರುಗಳು

ಭಾರತದ ಮೊದಲ ಸೀಪ್ಲೇನ್ ಸೇವೆಯನ್ನು ಅಕ್ಟೋಬರ್ 31ರಂದು ಗುಜರಾತ್‌ನಲ್ಲಿ ಆರಂಭಿಸಲಾಗುವುದು. ಈ ಸೇವೆಯು ಸಬರಮತಿಯಿಂದ ಸರ್ದಾರ್ ವಲ್ಲಭಭಾಯ್ ಪಟೇಲ್ ಏಕಶಿಲೆಯವರೆಗೆ ಇರಲಿದೆ.

ನಾಗರಿಕ ವಿಮಾನಯಾನ ಇಲಾಖೆ ಹಾಗೂ ವಿಮಾನ ನಿಲ್ದಾಣ ಪ್ರಾಧಿಕಾರದ ಮೇಲ್ವಿಚಾರಣೆಯಲ್ಲಿ ಈ ಸೀಪ್ಲೇನ್ ಸೇವೆಯನ್ನು ಸ್ಪೈಸ್ ಜೆಟ್ ನಿರ್ವಹಿಸಲಿದೆ.ಈ ಸೀಪ್ಲೇನ್ ಗಂಟೆಗೆ 290 ಕಿ.ಮೀ ವೇಗದಲ್ಲಿ ಸುಮಾರು ನಾಲ್ಕು ಗಂಟೆಗಳವರೆಗೆ ನಿರಂತರವಾಗಿ ಹಾರಾಟ ನಡೆಸಬಲ್ಲದು.

MOSTREAD: ಇನ್ನು ಮುಂದೆ ಈ ನಗರಗಳಲ್ಲಿ ಡೀಸೆಲ್ ವಾಹನಗಳನ್ನು ಮಾರಾಟ ಮಾಡುವಂತಿಲ್ಲ

ಈಗ ಎರಡು ಗಂಟೆಗಳ ಕಾಲ ಹಾರಾಟದ ನಂತರ ವಿರಾಮ ನೀಡಲಾಗಿದೆ. ಈ ಕಾರಣಕ್ಕೆ ಮಾಲಿಯಿಂದ ನೇರವಾಗಿ ಗುಜರಾತ್‌ಗೆ ತಲುಪದೇ ಕೊಚ್ಚಿಗೆ ಬಂದಿಳಿದಿದೆ. ಅಹಮದಾಬಾದ್ - ಕೆವಾಡಿಯಾ ನಡುವೆ ಎಂಟು ವಿಮಾನ ಹಾಗೂ ಅಹಮದಾಬಾದ್‌ನಿಂದ ನಾಲ್ಕು ವಿಮಾನಗಳು ಸಂಚರಿಸಲಿವೆ.

ಟಿಕೆಟ್ ದರ ಪ್ರತಿ ವ್ಯಕ್ತಿಗೆ ರೂ.4,800ಗಳಾಗಿದೆ. ಈ ಸೀಪ್ಲೇನ್ ಸೇವೆಯು ಸಂಜೆ 6 ಗಂಟೆಯವರೆಗೆ ಮಾತ್ರ ಲಭ್ಯವಿರುತ್ತದೆ. ಸೀಪ್ಲೇನ್ ಒಂದು ಬಾರಿ ಹದಿನಾಲ್ಕು ಪ್ರಯಾಣಿಕರನ್ನು ಸಾಗಿಸಬಲ್ಲದು. ಈ ಸೀಪ್ಲೇನ್ 45 ನಿಮಿಷಗಳಲ್ಲಿ 220 ಕಿ.ಮೀ ದೂರ ಚಲಿಸುತ್ತದೆ.

MOSTREAD: 13 ವರ್ಷಗಳಲ್ಲಿ 10 ಲಕ್ಷ ಕಿ.ಮೀ ಸಂಚರಿಸಿದ ಟೊಯೊಟಾ ಇನೋವಾ ಕಾರು

ಸೀಪ್ಲೇನ್ ಪ್ರಮುಖ ವಿಮಾನಯಾನ ಕಂಪನಿಯಾದ ಸ್ಪೈಸ್ ಜೆಟ್ ಒಡೆತನದಲ್ಲಿದೆ. ಟ್ವಿನ್ ಒಟ್ಟರ್ 300 ಎಂದು ಕರೆಯಲ್ಪಡುವ ಈ ಸೀಪ್ಲೇನ್ ಅನ್ನು ಸ್ಪೈಸ್ ಜೆಟ್ ಟೆಕ್ನಿಕ್ ಹೆಸರಿನಲ್ಲಿ ನೋಂದಾಯಿಸಲಾಗಿದೆ.