ಚಾಲಕನಿಲ್ಲದೇ 105 ಕಿ.ಮೀ ವೇಗದಲ್ಲಿ ಚಲಿಸಿದ ಕಾರಿನಲ್ಲಿ ಯುವಕರ ಭರ್ಜರಿ ಡ್ಯಾನ್ಸ್

ಈ ಮೂವರು ಡ್ಯಾನ್ಸ್ ಮಾಡುವ ಸಮಯದಲ್ಲಿ ಕಾರು ಗಂಟೆಗೆ 105 ಕಿ.ಮೀ ವೇಗದಲ್ಲಿ ಚಲಿಸುತ್ತಿತ್ತು. ಆದರೆ ಡ್ರೈವರ್ ಸೀಟಿನಲ್ಲಿ ಯಾರೂ ಇರಲಿಲ್ಲ. ಈ ಮೂವರು ಯುವಕರು ಚಲಿಸುತ್ತಿದ್ದಿದ್ದು ಟೆಸ್ಲಾ ಕಾರಿನಲ್ಲಿ. ಕಾರ್ ಅನ್ನು ಆಟೋ ಪೈಲಟ್‌ ಮೋಡ್'ನಲ್ಲಿ ಹಾಕಿ ಮೂವರು ಡ್ಯಾನ್ಸ್ ಮಾಡುತ್ತಿದ್ದರು.

ಟೆಸ್ಲಾ ಕಂಪನಿಯು ತನ್ನ ಕಾರುಗಳಲ್ಲಿ ಆಟೋ ಪೈಲಟ್ ಫೀಚರ್ ಅಳವಡಿಸಿದೆ. ಈ ಫೀಚರ್, ಕಾರ್ ಅನ್ನು ಆಟೋಮ್ಯಾಟಿಕ್ ಆಗಿ ಚಾಲನೆ ಮಾಡುತ್ತಿದೆ. ಆಟೋ ಪೈಲಟ್ ಮೋಡ್ ಸ್ಟೀಯರಿಂಗ್, ಆಕ್ಸಲರೇಟರ್, ಬ್ರೇಕ್'ಗಳನ್ನು ಕಂಟ್ರೋಲ್ ಮಾಡುತ್ತದೆ.

MOST READ: ವಿಮಾನಗಳು ಹಾರಾಟ ನಡೆಸುವಾಗ, ಲ್ಯಾಂಡಿಂಗ್ ಆಗುವಾಗ ಉಂಟಾಗುವ ಶಬ್ದಗಳಿವು

ಟೆಸ್ಲಾ ಕಾರ್ ಅನ್ನು ಆಟೋ ಪೈಲಟ್‌ಗೆ ಹಾಕಿ ನಿದ್ರಿಸಬಹುದು. ಆದರೆ ಈ ರೀತಿ ಮಾಡಬಾರದೆಂದು ಕಂಪನಿ ಹಲವು ಬಾರಿ ಹೇಳಿದೆ. ಕಾರನ್ನು ಆಟೋ ಪೈಲಟ್‌ ಮೋಡ್'ಗೆ ಹಾಕಿದರೂ ಚಾಲಕ ಸೀಟಿನಲ್ಲೇ ಇರಬೇಕೆಂದು ಕಂಪನಿ ಹಲವು ಬಾರಿ ಹೇಳಿದೆ.

ಯಾವುದೇ ಸಮಯದಲ್ಲಿ ಕಾರಿನ ನಿಯಂತ್ರಣವನ್ನು ತೆಗೆದುಕೊಳ್ಳಲು ಚಾಲಕ ಸಿದ್ಧನಾಗಿರಬೇಕು. ಈ ಹಿಂದೆ ಹಲವು ಚಾಲಕರು ಟೆಸ್ಲಾ ಕಾರುಗಳನ್ನು ಆಟೋ ಪೈಲಟ್ ಮೋಡ್'ಗೆ ಹಾಕಿ ಅಪಘಾತಕ್ಕೀಡಾದ ಘಟನೆಗಳು ವರದಿಯಾಗಿದ್ದವು.

MOST READ: ಪ್ರವಾಸದ ಹುಚ್ಚಿಗಾಗಿ ವಾಹನ ಕದಿಯುತ್ತಿದ್ದ ಎಂಜಿನಿಯರಿಂಗ್ ಪದವೀಧರ ಕೊನೆಗೂ ಲಾಕ್

ಇನ್ನೂ ಕೆಲವರು ಟೆಸ್ಲಾ ಕಾರನ್ನು ಆಟೋ ಪೈಲಟ್‌ ಮೋಡ್'ನಲ್ಲಿಟ್ಟು ಮೊಬೈಲ್'ಗಳಲ್ಲಿ ಸಿನಿಮಾ ನೋಡುವುದು, ನಿದ್ರೆ ಮಾಡುವಂತಹ ಕಾರ್ಯಗಳಲ್ಲಿ ತೊಡಗುತ್ತಿದ್ದಾರೆ. ಈ ವೇಳೆ ಚಾಲಕನ ಸೀಟಿನಲ್ಲಿ ಯಾರೂ ಇರುವುದಿಲ್ಲ.

ಟೆಸ್ಲಾ ಕಂಪನಿಯು ತನ್ನ ಆಟೋ ಪೈಲಟ್ ಮೋಡ್ ಅನ್ನು ಅಪ್ ಡೇಟ್ ಮಾಡುತ್ತಿದೆ. ಹೊಸ ಅಪ್ ಡೇಟ್ ಬಳಿಕ ಏನೇನು ಬದಲಾವಣೆಯಾಗಲಿದೆ ಎಂಬುದನ್ನು ಕಾದು ನೋಡಬೇಕಿದೆ.

MOST READ: ಭಾರತದಲ್ಲಿ ಹೆಚ್ಚು ಕಾರು ಮಾರಾಟವಾಗುವ ಹತ್ತು ಪ್ರಮುಖ ನಗರಗಳಿವು

ಆಟೋ ಪೈಲಟ್'ನಿಂದ ಅಪಘಾತಗಳು ಸಂಭವಿಸುತ್ತಿದ್ದರೂ ಕೆಲವರು ಅದನ್ನು ಅರಿತುಕೊಳ್ಳದೆ ನಿರ್ಲಕ್ಷ್ಯ ವಹಿಸುತ್ತಿದ್ದಾರೆ. ಟೆಸ್ಲಾ ಕಾರಿನೊಳಗೆ ಮೂವರು ಡ್ಯಾನ್ಸ್ಮಾಡುತ್ತಿರುವುದು ಇದಕ್ಕೆ ತಾಜಾ ಉದಾಹರಣೆಯಾಗಿದೆ.

ಈ ರೀತಿಯ ಘಟನೆಗಳು ಸಾರ್ವಜನಿಕರ ಪ್ರಾಣವನ್ನು ಸಹ ತೆಗೆಯಬಲ್ಲವು ಎಂಬುದನ್ನು ಗಮನಿಸಬೇಕು. ಟೆಸ್ಲಾ ಕಂಪನಿಯು ಶೀಘ್ರದಲ್ಲಿಯೇ ಭಾರತದಲ್ಲಿ ತನ್ನ ಮೊದಲ ಕಾರ್ ಅನ್ನು ಬಿಡುಗಡೆಗೊಳಿಸಲಿದೆ.

MOST READ: ಕರೋನಾ ಸೋಂಕಿತರ ಪಾಲಿಗೆ ದೇವರಾದ ಕರೋನಾ ಸೋಂಕಿನಿಂದ ಗುಣಮುಖರಾದ ವ್ಯಕ್ತಿ

ಭಾರತದಲ್ಲಿ ಟೆಸ್ಲಾ ಕಾರುಗಳು ಈ ವರ್ಷವೇ ಬಿಡುಗಡೆಯಾಗುತ್ತವೆ ಎಂದು ನಿರೀಕ್ಷಿಸಲಾಗಿತ್ತು. ಆದರೆ ಭಾರತದಲ್ಲಿ ಕರೋನಾ ವೈರಸ್ ಎರಡನೇ ಅಲೆ ಆರ್ಭಟಿಸುತ್ತಿರುವುದರಿಂದ ಟೆಸ್ಲಾ ಕಾರು ಬಿಡುಗಡೆಯನ್ನು ಮುಂದೂಡಲಾಗಿದೆ.