ವೇಗವಾಗಿ ಬಂದ ಕಾರಿನ ಮೇಲೆ ಬ್ಯಾಕ್ ಫ್ಲಿಪ್ ಮಾಡಿದ ಟೈಗರ್ ಶ್ರಾಫ್

ಇತ್ತೀಚೆಗೆ ಟೈಗರ್ ಶ್ರಾಫ್‌ರವರು ವೀಡಿಯೊವನ್ನು ಶೇರ್‌ಮಾಡಿದ್ದಾರೆ. ತಮ್ಮ ಸಾಮಾಜಿಕ ಜಾಲತಾಣದ ಖಾತೆಯಲ್ಲಿ ವೀಡಿಯೊವನ್ನು ಶೇರ್‌ಮಾಡಿರುವ ಟೈಗರ್ ಶ್ರಾಫ್ ಲಾಕ್‌ಡೌನ್ ನಂತರ ಜನರು ಕಾರ್ ಅನ್ನು ಈ ರೀತಿ ಓಡಿಸುತ್ತಾರೆ ಎಂದು ಹೇಳಿದ್ದಾರೆ. ಈ ವೀಡಿಯೊದಲ್ಲಿ ಫೆರಾರಿ 458 ಕಾರು ವೇಗವಾಗಿ ಬರುತ್ತಿರುವುದನ್ನು ಕಾಣಬಹುದು.

ಟೈಗರ್ ಶ್ರಾಫ್ ಕಾರಿಗೆ ಹಿಮ್ಮುಖವಾಗಿ ನಿಂತಿದ್ದಾರೆ. ಈ ಕಾರು ಡಿಕ್ಕಿ ಹೊಡೆಯುವುದನ್ನು ತಪ್ಪಿಸಲು ಟೈಗರ್‌ ಶ್ರಾಫ್‌ ಬ್ಯಾಕ್‌ ಫ್ಲಿಪ್‌ ಹೊಡೆಯುತ್ತಾರೆ. ಅಂದ ಹಾಗೆ ಈ ವೀಡಿಯೊ ಟೈಗರ್ ಶ್ರಾಫ್‌‌ರವರ ಹೊಸ ಸಿನಿಮಾದ ಆಕ್ಷನ್ ದೃಶ್ಯವಾಗಿದೆ.

MOSTREAD: ನಟ ವಿಕ್ರಮ್‌ಗಾಗಿ ತಯಾರಾಯ್ತು ವಿಶೇಷ ಕಾರವ್ಯಾನ್

ಟೈಗರ್ ಶ್ರಾಫ್‌ ಶೇರ್ ಮಾಡಿರುವ ಈ ವೀಡಿಯೊವನ್ನು ಇದುವರೆಗೂ 2.3 ಮಿಲಿಯನ್ ಜನರು ವೀಕ್ಷಿಸಿದ್ದಾರೆ. ಟೈಗರ್ ಶ್ರಾಫ್‌ರವರ ಅಭಿಮಾನಿಗಳು ಈ ವೀಡಿಯೊಗೆ ಫಿದಾ ಆಗಿದ್ದು, ಹಲವಾರು ಕಮೆಂಟ್‌ಗಳನ್ನು ಮಾಡಿದ್ದಾರೆ.

ಈ ವೀಡಿಯೊದಲ್ಲಿ ತೋರಿಸಿರುವ ಸಾಹಸ ದೃಶ್ಯಗಳನ್ನು ಪೂರ್ಣ ಪ್ರಮಾಣದ ಸುರಕ್ಷತೆ ಹಾಗೂ ಮುನ್ನೆಚ್ಚರಿಕೆ ವಹಿಸಿ ಮಾಡಲಾಗಿದೆ. ಈ ದೃಶ್ಯಗಳನ್ನು ವೃತ್ತಿಪರ ಸ್ಟಂಟ್‌ಮೆನ್‌ಗಳ ಸಹಾಯದಿಂದ ಮಾಡಲಾಗುತ್ತದೆ. ಟೈಗರ್ ಶ್ರಾಫ್‌ರವರು ತಮ್ಮ ಚಿತ್ರ ಜೀವನದುದ್ದಕ್ಕೂ ಈ ರೀತಿಯ ಸಾಹಸ ದೃಶ್ಯಗಳನ್ನು ಮಾಡಿದ್ದಾರೆ.

MOSTREAD: ರಾಷ್ಟ್ರೀಯ ಹೆದ್ದಾರಿ ನಿರ್ಮಾಣದಲ್ಲಿ ಹೊಸ ದಾಖಲೆ ಬರೆದ ಕೇಂದ್ರ ಸರ್ಕಾರ

ವೃತ್ತಿಪರರ ಮೇಲ್ವಿಚಾರಣೆಯಿಲ್ಲದೆ, ಮನೆಯಲ್ಲಿ ಇಂತಹ ಸಾಹಸಗಳನ್ನು ಮಾಡುವುದು ಅಪಾಯಕಾರಿ. ಈ ರೀತಿಯ ಸಾಹಸವು ಮಾರಣಾಂತಿಕ ಗಾಯಗಳಿಗೆ, ಕೆಲವೊಮ್ಮೆ ಸಾವಿಗೂ ಸಹ ಕಾರಣವಾಗಬಹುದು. ಸಿನಿಮಾಗಳಲ್ಲಿ ಈ ರೀತಿಯ ಸ್ಟಂಟ್‌ಗಳನ್ನು ಪ್ರೇಕ್ಷಕರನ್ನು ರಂಜಿಸಲು ಮಾಡಲಾಗುತ್ತದೆ.

ಸಿನಿಮಾಗಳಲ್ಲಿ ತೋರಿಸಲಾಗುವ ಬಹುತೇಕ ಸಾಹಸ ದೃಶ್ಯಗಳು ನಕಲಿಯಾಗಿದ್ದರೂ ಸಹ ನೈಜವಾಗಿ ಕಾಣುತ್ತವೆ. ಇನ್ನೂ ಕೆಲವು ಸಾಹಸ ದೃಶ್ಯಗಳನ್ನು ಕಂಪ್ಯೂಟರ್ ಗ್ರಾಫಿಕ್ಸ್ ನೆರವಿನಿಂದ ಮಾಡಲಾಗುತ್ತದೆ.