ಬುಲೆಟ್ ಪ್ರೂಫ್ ಗ್ಲಾಸ್ ಅನ್ನು ಪುಡಿ ಮಾಡಿದ ಟೊಯೊಟಾ ಫಾರ್ಚೂನರ್

ಯೂಟ್ಯೂಬ್ ನಲ್ಲಿ ಹಲವಾರು ರೀತಿಯ ವೀಡಿಯೊಗಳಿವೆ. ಅವುಗಳಲ್ಲಿ ಯುವ ಜನರು ಅಪ್ ಲೋಡ್ ಮಾಡಿರುವ ಹಲವಾರು ಕ್ರಿಯಾತ್ಮಕ ವೀಡಿಯೊಗಳನ್ನು ಕಾಣಬಹುದು. ಈಗ ಯೂಟ್ಯೂಬ್ ಚಾನೆಲ್ ವೊಂದು ಮಹೀಂದ್ರಾ ಬೊಲೆರೊ, ಟ್ರಾಕ್ಟರ್ ಹಾಗೂ ಫಾರ್ಚೂನರ್ ಕಾರುಗಳನ್ನು ಬುಲೆಟ್ ಪ್ರೂಫ್ ಗ್ಲಾಸಿನ ಮೇಲೆ ಹತ್ತಿಸಿ, ಈ ಗ್ಲಾಸ್ ಎಷ್ಟು ಗಟ್ಟಿಯಾಗಿದೆ ಎಂಬುದನ್ನು ಪರೀಕ್ಷಿಸಿದೆ.

ಈ ವಿಶಿಷ್ಟ ವೀಡಿಯೊವನ್ನು ಮಿಸ್ಟರ್ ಇಂಡಿಯನ್ ಹ್ಯಾಕರ್ ಎಂಬ ಯೂಟ್ಯೂಬ್ ಚಾನೆಲ್ ಬಿಡುಗಡೆಗೊಳಿಸಿದೆ. ಈ ವೀಡಿಯೊ 10.5 ಮಿಲಿಯನ್ ಬಾರಿ ವೀಕ್ಷಣೆಗೊಳಪಟ್ಟಿದೆ.

MOST READ:ರಿಕ್ಷಾ ಕಳೆದುಕೊಂಡವನಿಗೆ ಹೊಸ ರಿಕ್ಷಾ ಕೊಡಿಸಿದ ಆಪದ್ಭಾಂಧವ

ಬುಲೆಟ್ ಪ್ರೂಫ್ ಗ್ಲಾಸಿನ ಸಾಮರ್ಥ್ಯವನ್ನು ಪರೀಕ್ಷಿಸಲು ನಾನಾ ರೀತಿಯ ಪರೀಕ್ಷೆಗಳನ್ನು ನಡೆಸಲಾಗಿದೆ. ಈ ಉದ್ದೇಶಕ್ಕಾಗಿ 50 ಎಂಎಂ ಬುಲೆಟ್ ಪ್ರೂಫ್ ಗ್ಲಾಸ್ ಅನ್ನು ಬಳಸಲಾಗಿದೆ.

ಈ ಗ್ಲಾಸಿನಲ್ಲಿ ಎಷ್ಟು ಪದರಗಳನ್ನು ಬಳಸಲಾಗಿದೆ ಎಂಬುದನ್ನು ಯೂಟ್ಯೂಬ್ ಸೈಟ್ ಬಹಿರಂಗಪಡಿಸಿಲ್ಲ. ಮಹೀಂದ್ರಾ ಬೊಲೆರೊ ಹಾಗೂ ಟ್ರಾಕ್ಟರ್ ಚಲಿಸಿದಾಗ ಏನು ಆಗದ ಈ ಗ್ಲಾಸ್ ಟೊಯೊಟಾ ಫಾರ್ಚೂನರ್ ಕಾರಿನ ಮುಂಭಾಗದ ಚಕ್ರ ಚಲಿಸಿದಾಗ ಚೂರಾಗಿದೆ.

MOST READ:ಶೋಚನೀಯ ಸ್ಥಿತಿಯಲ್ಲಿವೆ ದುಬಾರಿ ಬೆಲೆಯ ಐಷಾರಾಮಿ ರೋಲ್ಸ್ ರಾಯ್ಸ್ ಕಾರುಗಳು

ಟೊಯೊಟಾದ ಫಾರ್ಚೂನರ್ ಕಾರನ್ನು ಈ ವಿಶಿಷ್ಟ ರೀತಿಯ ಪರೀಕ್ಷೆಯಲ್ಲಿ ಬಳಸಲಾಗಿದೆ. 1,800 ಕೆ.ಜಿ ತೂಕವನ್ನು ಹೊಂದಿರುವ ಟ್ರಾಕ್ಟರ್ ಚಲಿಸಿದಾಗ ಸಣ್ಣ ಗೆರೆಗಳು ಮೂಡಿದ್ದವು.

ಆದರೆ ಟ್ರಾಕ್ಟರ್ ಗಿಂತ 200 ಕೆ.ಜಿ ಕಡಿಮೆ ತೂಕವನ್ನು ಹೊಂದಿರುವ ಬೊಲೆರೊ ಚಲಿಸಿದಾಗ ಸಣ್ಣ ಗೆರೆಗಳು ಸಹ ಮೂಡಲಿಲ್ಲ. ಸುಮಾರು 2,200 ಕೆ.ಜಿ ತೂಕವನ್ನು ಹೊಂದಿರುವ ಟೊಯೊಟಾ ಫಾರ್ಚೂನರ್ ಈ ಗ್ಲಾಸಿನ ಮೇಲೆ ಹತ್ತಿದ ಕೂಡಲೇ ಚೂರಾಗಿದೆ.

MOSTREAD: ಇನ್ನು ಮುಂದೆ ಈ ನಗರಗಳಲ್ಲಿ ಡೀಸೆಲ್ ವಾಹನಗಳನ್ನು ಮಾರಾಟ ಮಾಡುವಂತಿಲ್ಲ

ಸಾಮಾನ್ಯವಾಗಿ ಬುಲೆಟ್ ಪ್ರೂಫ್ ಗ್ಲಾಸ್'ಗಳು ಗಾಜಿನ ಹಲವಾರು ಪದರಗಳನ್ನು ಹೊಂದಿರುತ್ತವೆ. ಇವುಗಳು ಚೂರಾಗುತ್ತವೆಯಾದರೂ ಅಷ್ಟು ಸುಲಭವಾಗಿ ಪುಡಿಮಾಡಲು ಸಾಧ್ಯವಿಲ್ಲ. ಇದಕ್ಕೆ ಸಾಕ್ಷಿಯಾಗಿದೆ ಮಿಸ್ಟರ್ ಇಂಡಿಯನ್ ಹ್ಯಾಕರ್ ಬಿಡುಗಡೆಗೊಳಿಸಿರುವ ಈ ವೀಡಿಯೊ.

ಬುಲೆಟ್ ಪ್ರೂಫ್ ಗ್ಲಾಸಿನ ಪದರಗಳ ನಡುವೆ ಥರ್ಮೋಪ್ಲಾಸ್ಟಿಕ್ ತುಂಬಿರುತ್ತದೆ. ಗನ್'ಗಳ ಬುಲೆಟ್ ಕಾರಿನೊಳಗೆ ಪ್ರವೇಶಿಸದಂತೆ ತಡೆಯಲು ಇವು ನೆರವಾಗುತ್ತವೆ. ಈ ಗಾಜು ಚೂರಾದರೂ ಸಹ ಬುಲೆಟ್'ಗಳು ಸುಲಭವಾಗಿ ಕಾರಿನೊಳಗೆ ಹೋಗಲು ಸಾಧ್ಯವಿಲ್ಲ.

MOSTREAD: 13 ವರ್ಷಗಳಲ್ಲಿ 10 ಲಕ್ಷ ಕಿ.ಮೀ ಸಂಚರಿಸಿದ ಟೊಯೊಟಾ ಇನೋವಾ ಕಾರು

ಈ ಕಾರಣಕ್ಕಾಗಿಯೇ ಬುಲೆಟ್ ಪ್ರೂಫ್ ಗ್ಲಾಸ್'ಗಳನ್ನು ಸುರಕ್ಷಿತವೆಂದು ಹೇಳಲಾಗುತ್ತದೆ. ಈ ಗ್ಲಾಸ್'ಗಳನ್ನು ವಿವಿಧ ಬಗೆಯ ಗುಣಮಟ್ಟದಲ್ಲಿ ಮಾರಾಟ ಮಾಡಲಾಗುತ್ತದೆ. ಈ ಚಿತ್ರಗಳನ್ನು ಮಿಸ್ಟರ್ ಇಂಡಿಯನ್ ಹ್ಯಾಕರ್ ನಿಂದ ಪಡೆಯಲಾಗಿದೆ.