AC Helmet: ಟ್ರಾಫಿಕ್ ಪೊಲೀಸರಿಗೆ ಎಸಿ ಹೆಲ್ಮೆಟ್... ಹೇಗೆ ಕೆಲಸ ಮಾಡುತ್ತದೆ ಗೊತ್ತಾ?

ಬೇಸಿಗೆಯಲ್ಲಿ ರಸ್ತೆಗಳಲ್ಲಿ ಕೆಲಸ ಮಾಡುವುದು ಸಾಮಾನ್ಯವಾಗಿ ತುಂಬಾ ಶ್ರಮದಾಯಕವಾಗಿರುತ್ತದೆ. ಆದರೆ ನಿತ್ಯವೂ ರಸ್ತೆಗಳಲ್ಲಿ ಕರ್ತವ್ಯ ನಿರ್ವಹಿಸುವ ಸಂಚಾರಿ ಪೊಲೀಸರ ಸ್ಥಿತಿ ಹೇಳತೀರದ್ದು. ಇದನ್ನು ಮನಗಂಡು ಸಿಬ್ಬಂದಿಯ ಸ್ಥಿತಿಯನ್ನು ಪರಿಶೀಲಿಸಲು ಅಹಮದಾಬಾದ್ ಸಂಚಾರ ಪೊಲೀಸ್ ಇಲಾಖೆ ವಿನೂತನವಾಗಿ ಯೋಚಿಸಿದೆ.

ಶೀಘ್ರದಲ್ಲೇ ಟ್ರಾಫಿಕ್ ಪೊಲೀಸರಿಗೆ ಪೋರ್ಟಬಲ್ ಎಸಿ ಹೆಲ್ಮೆಟ್‌ಗಳನ್ನು ಒದಗಿಸಲು ಮುಂದಾಗಿದೆ. ಈ ಹೆಲ್ಮೆಟ್‌ಗಳು ಬ್ಯಾಟರಿಯಿಂದ ಚಾಲಿತವಾಗಿದ್ದು ಚಾರ್ಜಿಂಗ್ ಮಾಡಬೇಕಾಗುತ್ತದೆ. ಸಿಂಗಲ್ ಚಾರ್ಜ್‌ನಲ್ಲಿ ಸುಮಾರು 8 ಗಂಟೆಗಳ ಕಾಲ ಕೆಲಸ ಮಾಡುತ್ತವೆ. ಈ ಎಸಿ ಪೋರ್ಟಬಲ್ ಹೆಲ್ಮೆಟ್‌ಗಳು ಟ್ರಾಫಿಕ್ ಸಿಬ್ಬಂದಿಯನ್ನು ಧೂಳು ಮತ್ತು ಮಾಲಿನ್ಯದಿಂದ ರಕ್ಷಿಸುತ್ತದೆ, ತಂಪಾದ ಗಾಳಿಯನ್ನು ಒದಗಿಸುತ್ತವೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಈ ಹೆಲ್ಮೆಟ್‌ಗಳು ಸುತ್ತಮುತ್ತಲಿನ ಗಾಳಿಯನ್ನು ತೆಗೆದುಕೊಂಡು, ಧೂಳನ್ನು ಫಿಲ್ಟರ್ ಮಾಡಿ ಹೆಲ್ಮೆಟ್ ಒಳಗೆ ತಂಪಾಗಿಸುತ್ತದೆ. ಹೆಲ್ಮೆಟ್ ಧರಿಸಿದವರ ಮುಖದ ಕಡೆಗೆ ಗಾಳಿಯನ್ನು ಕಳುಹಿಸುತ್ತದೆ. ಈ ಹೆಲ್ಮೆಟ್‌ಗಳು ಇನ್‌ಬಿಲ್ಟ್ ಫ್ಯಾನ್ ರೀತಿಯ ರಚನೆಯನ್ನು ಹೊಂದಿವೆ. ಈ ಎಸಿ ಪೋರ್ಟಬಲ್ ಹೆಲ್ಮೆಟ್‌ಗಳನ್ನು ನೋಯ್ಡಾ ಮೂಲದ ಕರಮ್ ಸೇಫ್ಟಿ ತಯಾರಿಸಿದೆ.

ಈ ಹೆಲ್ಮೆಟ್ ಟ್ರಯಲ್ಸ್ ನಲ್ಲಿ ಭಾಗವಹಿಸಿದ್ದ ಕಾನ್ ಸ್ಟೇಬಲ್ ಒಬ್ಬರು ತಮ್ಮ ಅನುಭವ ಹಂಚಿಕೊಂಡಿದ್ದಾರೆ. ಈ ಎಸಿ ಹೆಲ್ಮೆಟ್ ಉತ್ತಮವಾಗಿದೆ, ಮಳೆಗಾಲ ಹೊರತುಪಡಿಸಿ ಉಳಿದ ಕಾಲದಲ್ಲಿ ದೂಳು ಕಣ್ಣಿಗೆ ತುಂಬಾ ತೊಂದರೆಯಾಗುತ್ತದೆ. ಈ ಎಸಿ ಹೆಲ್ಮೆಟ್‌ಗಳು ಕಣ್ಣುಗಳಿಗೆ ವಿಶೇಷ ಕವಚವನ್ನು ಹೊಂದಿವೆ. ಅದರೊಂದಿಗೆ, ಫ್ಯಾನ್ ಬೆವರುವಿಕೆಯನ್ನು ತಡೆಯುತ್ತದೆ. ಪರಿಣಾಮವಾಗಿ, ಕರ್ತವ್ಯಗಳನ್ನು ಸರಿಯಾಗಿ ನಿರ್ವಹಿಸಲು ಇದು ತುಂಬಾ ಉಪಯುಕ್ತವಾಗಿದೆ ಎಂದು ಹೇಳಿದ್ದಾರೆ.

ಇವು ಸಾಮಾನ್ಯ ಹೆಲ್ಮೆಟ್‌ಗಳಂತೆಯೇ ತಲೆಯನ್ನು ರಕ್ಷಿಸುವ ಪ್ಲಾಸ್ಟಿಕ್‌ನಿಂದ ನಿರ್ಮಿಸಲಾಗಿದೆ. ಆದರೆ ಎಸಿ ಉಪಕರಣಗಳಿಂದಾಗಿ ಸಾಮಾನ್ಯ ಹೆಲ್ಮೆಟ್ ಗಿಂತ 500 ಗ್ರಾಂ ತೂಕ ಹೆಚ್ಚಾಗಿರುತ್ತದೆ. ಪ್ರಸ್ತುತ ಈ ಎಸಿ ಪೋರ್ಟಬಲ್ ಹೆಲ್ಮೆಟ್‌ಗಳ ಕಾರ್ಯಕ್ಷಮತೆಯನ್ನು ಪರೀಕ್ಷಿಸಲಾಗುತ್ತಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಇದಕ್ಕಾಗಿ ಆರು ಕಾನ್‌ಸ್ಟೇಬಲ್‌ಗಳನ್ನು ಆಯ್ಕೆ ಮಾಡಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಈ ಹೆಲ್ಮೆಟ್‌ಗಳನ್ನು ಆಗಸ್ಟ್ 10 ರಿಂದ ಪರೀಕ್ಷಿಸಲಾಗುತ್ತಿದೆ. ಅವರ ಮುಖವನ್ನು ಸಂಪೂರ್ಣವಾಗಿ ಮುಚ್ಚಲು ಹೆಲ್ಮೆಟ್ ಅನ್ನು ನಾಲ್ಕು ವಿಭಿನ್ನ ರೀತಿಯಲ್ಲಿ ಸರಿಹೊಂದಿಸಬಹುದು. ಜತೆಗೆ ಧೂಳಿನ ಕವಚವನ್ನೂ ಅಳವಡಿಸಲಾಗಿದೆ. ಪರಿಣಾಮವಾಗಿ, ಇದು ಸುತ್ತಮುತ್ತಲಿನ ಧೂಳಿನ ಗಾಳಿಯನ್ನು ನಿರ್ಬಂಧಿಸುತ್ತದೆ.

ಸಾಮಾನ್ಯವಾಗಿ, ಟ್ರಾಫಿಕ್ ಪೊಲೀಸರು ಮಳೆಗಾಲದಲ್ಲಿ ರೈನ್‌ಕೋಟ್‌ಗಳನ್ನು ಧರಿಸುತ್ತಾರೆ ಮತ್ತು ಚಳಿಗಾಲದಲ್ಲಿ ವಿಶೇಷ ಜಾಕೆಟ್‌ಗಳನ್ನು ಧರಿಸುತ್ತಾರೆ. ಆದರೆ ಬೇಸಿಗೆಯಲ್ಲಿ ತಮ್ಮನ್ನು ರಕ್ಷಿಸಿಕೊಳ್ಳಲು ಯಾವುದೇ ವ್ಯವಸ್ಥೆಗಳಿಲ್ಲ. ಆದರೆ ಈ ಪೋರ್ಟಬಲ್ ಹೆಲ್ಮೆಟ್‌ಗಳು ಲಭ್ಯವಾದರೆ, ಸ್ವಲ್ಪ ಮಟ್ಟಿಗೆ ಸರಿದೂಗಿಸುವ ಸಾಧ್ಯತೆಯಿದೆ.

ಈ ಪರೀಕ್ಷೆಗಳಲ್ಲಿ ಉತ್ತಮ ಫಲಿತಾಂಶಗಳಿದ್ದರೆ, ಸಂಚಾರ ಪೊಲೀಸ್ ಅಧಿಕಾರಿಗಳು ತಮ್ಮ ಎಲ್ಲಾ ಸಿಬ್ಬಂದಿಗೆ ಅಂತಹ ಎಸಿ ಹೆಲ್ಮೆಟ್‌ಗಳನ್ನು ನೀಡಲು ಆಶಿಸುತ್ತಿದ್ದಾರೆ. ಸುಮಾರು 10,000 ಪೊಲೀಸರು ಈಗಾಗಲೇ ಬಾಡಿ ಕ್ಯಾಮೆರಾಗಳನ್ನು ಹೊಂದಿದ ವಿಶೇಷ ಸಮವಸ್ತ್ರವನ್ನು ಹೊಂದಿದ್ದಾರೆ. ಈ ವ್ಯವಸ್ಥೆ ಬಂದರೆ ರಸ್ತೆಗಳಲ್ಲಿ ಸದಾ ಕರ್ತವ್ಯ ನಿರ್ವಹಿಸುವ ಸಂಚಾರಿ ಪೊಲೀಸರ ಸಮಸ್ಯೆಗಳಿಗೆ ಪರಿಹಾರ ಸಿಕ್ಕಂತಾಗುತ್ತದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತ ಆಟೋಮೊಬೈಲ್ ಸುದ್ದಿಗಳನ್ನು ಒದಗಿಸುತ್ತದೆ, ಎಲ್ಲಾ ಸಾಮಾಜಿಕ ಮಾಧ್ಯಮಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಹಂಚಿಕೊಳ್ಳುತ್ತದೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್ ಮತ್ತು ಯೂಟ್ಯೂಬ್ ಪೇಜ್‌ಗಳೊಂದಿಗೆ ಸಂಪರ್ಕದಲ್ಲಿರಿ. ನಿಮಗೆ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ. ಜೊತೆಗೆ ನಿಮ್ಮ ಸ್ನೇಹಿತರಿಗೂ ತಪ್ಪದೆ ಶೇರ್ ಮಾಡಿ.