Viral video: ಪ್ರಯಾಣಿಕರಿದ್ದ ಕಾರು ಧ್ವಂಸ... ರೇಸಿಂಗ್ ಮಾಡುತ್ತಲೇ ತಾರಕಕ್ಕೇರಿದ ಜಗಳ!

ರಸ್ತೆಯಲ್ಲಿ ಪ್ರಯಾಣಿಸುವಾಗ ಕೆಲವೊಮ್ಮೆ ರೇಸಿಂಗ್ ಮಾಡಲು ಪಚೋದಿಸುವವರನ್ನು ನಾವು ಆಗಾಗಗ್ಗೆ ನೋಡಬಹುದು. ಈ ಅನುಭವ ಬಹುತೇಕ ಎಲ್ಲರಿಗೂ ಆಗಿರುತ್ತೆ, ಇಲ್ಲೂ ಅಂಥಹದ್ದೇ ಘಟನೆ ನಡೆದಿದ್ದು ಇದ್ದಕ್ಕಿದ್ದಂತೆ ಒಂದು ಗುಂಪು ಇನ್ನೊಂದು ಗುಂಪಿನ ಮೇಲೆ ಎರಗಿ ಕಾರನ್ನು ಧ್ವಂಸಗೊಳಿಸಿದ್ದಾರೆ. ಈ ದೃಶ್ಯಗಳು ಸಾಮಾಜಿಕ ಜಾಲತಾನದಲ್ಲಿ ವೈರಲ್ ಆಗಿವೆ.

ಕೇರಳದ ತ್ರಿಶೂರಿನ ಕೊಡುಂಗಲ್ಲೂರಿನಲ್ಲಿ ಈ ಘಟನೆ ನಡೆದಿದೆ. ಎರಡು ಗುಂಪುಗಳ ನಡುವಿನ ಭೀಕರ ಹೊಡೆದಾಟ ಕಾರಿಗೆ ಭಾರಿ ಹಾನಿಯನ್ನುಂಟುಮಾಡಿದೆ. ವಡನಪಲ್ಲು ಮತ್ತು ಕೊಡುಂಗಲ್ಲೂರು ನಡುವಿನ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಸೈಜು ಕಲ್ಲುಗಳಿಂದ ದಾಳಿ ಮಾಡಿರುವುದಾಗಿ ವರದಿಯಾಗಿದೆ. ಸ್ಥಳೀಯರ ಪ್ರಕಾರ, ಎರಡೂ ವಾಹನಗಳು ಮೊದಲು ಸ್ಟ್ರೀಟ್ ರೇಸ್ ಮತ್ತು ರಾಶ್ ಡ್ರೈವಿಂಗ್‌ನಲ್ಲಿ ಭಾಗಿಯಾಗಿದ್ದವು ಎನ್ನಲಾಗಿದೆ.

ಸ್ವಲ್ಪ ಸಮಯದ ನಂತರ, ಈ ವಾಹನಗಳು ನಿಲ್ಲಿಸಿ ಪರಸ್ಪರ ಜಗಳವಾಡಿದ್ದಾರೆ. ಮಾರುತಿ ಸುಜುಕಿ ರಿಟ್ಜ್ ಕಾರಿನೊಳಗೆ ಪ್ರಯಾಣಿಕರು ಇದ್ದಾಗ ವ್ಯಕ್ತಿಯೊಬ್ಬರು ಬೃಹತ್ ಕಲ್ಲುಗಳನ್ನು ಎತ್ತಿ ಅದರ ಗಾಜುಗಳನ್ನು ಒಡೆದು ಹಾಕುತ್ತಿರುವುದನ್ನು ವೀಡಿಯೊದಲ್ಲು ಕಾಣಬಹುದು. ಇದೆಲ್ಲವೂ ಸಂಜೆ 6:10 ಸುಮಾರಿಗೆ ನಡೆದಿದೆ. ಈ ದೃಶ್ಯಗಳನ್ನು ಸ್ಥಳೀಯರು ವಿಡಿಯೋ ಮಾಡಿದ್ದು, ಸದ್ಯ ಅಂತರ್ಜಾಲದಲ್ಲಿ ವೈರಲ್ ಆಗಿದೆ.

ಕಾರನ್ನು ತಡೆದು ಹಲ್ಲೆ ನಡೆಸಿದ ಘಟನೆಯಲ್ಲಿ ಭಾಗಿಯಾದ 8 ಜನರ ವಿರುದ್ಧ ಕೊಡಂಗಲ್ಲೂರು ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಪ್ರಮುಖ ಆರೋಪಿ ಅಸೀಂನನ್ನು ಭಾನುವಾರ ಬಂಧಿಸಲಾಗಿದ್ದು, ಇನ್ನಿಬ್ಬರು ಕಸ್ಟಡಿಯಲ್ಲಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ. ಕಾರಿಗೆ ಕಲ್ಲು ತೂರಾಟ ನಡೆಸಿದ ವ್ಯಕ್ತಿಯನ್ನು ಸಿರಾಜ್ ಎಂದು ಗುರುತಿಸಲಾಗಿದ್ದು, ಆತ ಪಾನಮತ್ತನಾಗಿದ್ದ ಎಂದು ಸ್ಥಳೀಯರು ಹೇಳಿದ್ದಾರೆ.

ಸುಮಾರು 10 ನಿಮಿಷಗಳ ಕಾಲ ನೂಕುನುಗ್ಗಲು ಉಂಟಾಗಿ ಸಂಚಾರ ದಟ್ಟಣೆ ಉಂಟಾಯಿತು. ಈ ಗುಂಪಿನವರಿಗೆ ಪರಸ್ಪರ ಪರಿಚಯವಿರಲಿಲ್ಲ. ಯಾವುದೇ ಹಿಂದಿನ ದ್ವೇಷವನ್ನೂ ಹೊಂದಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ. ಘಟನೆಯಲ್ಲಿ ಭಾಗಿಯಾದ ಎರಡೂ ವಾಹನಗಳನ್ನು ವಶಪಡಿಸಿಕೊಳ್ಳಲಾಗಿದ್ದು, ಒಂದು ಕೊಂಡುಂಗಲ್ಲೂರು ಪೊಲೀಸರ ಬಳಿ, ಇನ್ನೊಂದು ವದನಪಪಲ್ಲಿ ಪೊಲೀಸರ ಬಳಿ ಇವೆ.

ಚಾಲನೆ ಮಾಡುವಾಗ ಭಾರತದ ಪ್ರಕ್ಷುಬ್ಧ ರಸ್ತೆಗಳಲ್ಲಿ ಶಾಂತ ಮತ್ತು ಸಂಯೋಜಿತ ನಡವಳಿಕೆಯನ್ನು ಕಾಪಾಡಿಕೊಳ್ಳುವುದು ಅತಿಮುಖ್ಯವಾಗಿದೆ. ಎಷ್ಟೇ ಕೋಪಬಂದರೂ ಆರಾಮವಾಗಿರಿ, ಡ್ರೈವಿಂಗ್ ಒಂದು ನೆಮ್ಮದಿಯ ಅನುಭವವನ್ನು ಒದಗಿಸಬೇಕೆಂದರೆ ಸಂಗೀತವನ್ನು ಕೇಳಿ. ಎಸಿ ಬಳಸುವ ಮೂಲಕ ಪ್ರಶಾಂತ ವಾತಾವರಣವನ್ನು ಬೆಳೆಸಿಕೊಳ್ಳಿ. ರಸ್ತೆಯಲ್ಲಿರುವಾಗ ಸಕಾರಾತ್ಮಕ ಮನಸ್ಥಿತಿಯನ್ನು ಉಳಿಸಿಕೊಳ್ಳಲು ಪ್ರಯತ್ನಿಸಿ.

ಸಂಚಾರ ನಿಯಮಗಳಿಗೆ ಬದ್ಧರಾಗಿರಿ, ವೇಗದ ಮಿತಿಗಳನ್ನು ಗಮನಿಸಿ ಮತ್ತು ಲೇನ್‌ಗಳನ್ನು ಬದಲಾಯಿಸುವಾಗ ಸೂಕ್ತವಾದ ಸಂಕೇತಗಳನ್ನು ಬಳಸಿ. ನಿಮ್ಮ ಸುತ್ತಮುತ್ತಲಿನ ಪ್ರದೇಶಗಳಿಗೆ ಹೊಂದಿಕೆಯಾಗಲು ನಿಮ್ಮ ಹಿಂಬದಿಯ ಕನ್ನಡಿಗಳನ್ನು ನಿಯಮಿತವಾಗಿ ಮೇಲ್ವಿಚಾರಣೆ ಮಾಡಿ. ಕುಡಿದು ಯಾವುದೇ ಕಾರಣಕ್ಕೂ ವಾಹನ ಚಲಾಯಿಸಬೇಡಿ, ನಾವು ಸರಿಯಾಗಿದ್ದೇವೆ ಎಂದೆನಿಸಿದರೂ ಮದ್ಯ ನಮ್ಮನ್ನು ಹಾಳುಮಾಡುತ್ತದೆ.

ರಸ್ತೆಯಲ್ಲಿ ಪ್ರತಿಯೊಂದು ನಿಯಮಗಳನ್ನು ಪಾಲಿಸಿ, ಡ್ಯಾಷ್ ಕ್ಯಾಮ್‌ಗಳು ಇದ್ದರೇ ನೀವು ಸೇಫ್. ಏಕೆಂದರೆ ನೀವು ಸರಿಯಾಗಿದ್ದರೂ ಇತರರು ತಪ್ಪು ಮಾಡಿ ನಿಮ್ಮ ಮೇಲೆ ಆರೋಪಗಳನ್ನು ಹೊರೆಸಲಾಗುತ್ತದೆ. ಇಂತಹ ಸಂದರ್ಭಗಳಲ್ಲಿ ಡ್ಯಾಷ್‌ಕ್ಯಾಮ್ ತುಂಬಾ ಮುಖ್ಯ ಪಾತ್ರ ವಹಿಸುತ್ತದೆ. ಇಂತಹ ಗಲಾಟೆಗಳು ನಿಮಗೂ ಎದುರಾಗಿದ್ದರೇ ನೀವು ಹೇಗೆ ನಿಭಾಯಿಸಿದ್ದೀರಿ ಎಂಬುದನ್ನು ಕಮೆಂಟ್‌ನಲ್ಲಿ ತಿಳಿಸಿ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತ ಆಟೋಮೊಬೈಲ್ ಸುದ್ದಿಗಳನ್ನು ಒದಗಿಸುತ್ತದೆ, ಎಲ್ಲಾ ಸಾಮಾಜಿಕ ಮಾಧ್ಯಮಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಹಂಚಿಕೊಳ್ಳುತ್ತದೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್ ಮತ್ತು ಯೂಟ್ಯೂಬ್ ಪೇಜ್‌ಗಳೊಂದಿಗೆ ಸಂಪರ್ಕದಲ್ಲಿರಿ. ನಿಮಗೆ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ. ಜೊತೆಗೆ ನಿಮ್ಮ ಸ್ನೇಹಿತರಿಗೂ ತಪ್ಪದೆ ಶೇರ್ ಮಾಡಿ.