ಚಾಲಕ ರಹಿತ ವಾಹನ ಪರೀಕ್ಷೆಗಾಗಿ ತಯಾರಾಗುತ್ತಿದೆ ಕೃತಕ ನಗರ

ವಾಹನ ತಯಾರಕ ಕಂಪನಿಗಳು ಬಜೆಟ್ ಬೆಲೆಯ ಕಾರುಗಳಲ್ಲೂ ಸಹ ಹಲವಾರು ಫೀಚರ್ ಗಳನ್ನು ನೀಡುತ್ತಿವೆ. ಈಗ ವಿಶ್ವಾದ್ಯಂತವಿರುವ ಹಲವು ಕಂಪನಿಗಳು ಚಾಲಕರಹಿತ ವಾಹನಗಳನ್ನು ಅಭಿವೃದ್ಧಿಪಡಿಸುವ ಕಾರ್ಯದಲ್ಲಿ ನಿರತವಾಗಿವೆ. ಈ ಪೈಕಿ ವೆಮೊ ಕಂಪನಿ ಮುಂಚೂಣಿಯಲ್ಲಿದೆ. ವೆಮೊ ಅಮೆರಿಕಾ ಮೂಲದ ಕಂಪನಿಯಾಗಿದೆ.

ನಮಗೆಲ್ಲರಿಗೂ ಗೂಗಲ್ ಕಂಪನಿಯ ಬಗ್ಗೆ ತಿಳಿದಿದೆ. ಗೂಗಲ್, ಆಲ್ಫಾಬೆಟ್ ಕಂಪನಿಯ ಮಾತೃ ಸಂಸ್ಥೆಯಾಗಿದೆ. ಆಲ್ಫಾಬೆಟ್ ಮಾತ್ರವಲ್ಲದೆ ಗೂಗಲ್ ಕಂಪನಿಯಡಿಯಲ್ಲಿ ಹಲವಾರು ಅಂಗಸಂಸ್ಥೆಗಳು ಕಾರ್ಯನಿರ್ವಹಿಸುತ್ತವೆ.

MOSTREAD: ಟ್ರ್ಯಾಕ್ಟರ್‌ಗಳ ಹಿಂಭಾಗದಲ್ಲಿ ದೊಡ್ಡ ಗಾತ್ರದ ಟಯರ್‌ಗಳಿರಲು ಕಾರಣಗಳಿವು

ಇವುಗಳಲ್ಲಿ ವೆಮೊ ಸಹ ಒಂದು. ವೆಮೊ ಸ್ವಾಯತ್ತ ಚಾಲನಾ ತಂತ್ರಜ್ಞಾನದ ಅಭಿವೃದ್ಧಿಯಲ್ಲಿ ತೊಡಗಿಸಿಕೊಂಡಿದೆ. ವೆಮೊ ಕಂಪನಿಯು ಈಗ ಕೃತಕ ನಗರವನ್ನು ರಚಿಸುವ ಕೆಲಸವನ್ನು ಮಾಡುತ್ತಿದೆ. ಈ ಕೃತಕ ನಗರವನ್ನು ಸ್ವಾಯತ್ತ ವಾಹನಗಳನ್ನು ಪರೀಕ್ಷಿಸುವ ಸಲುವಾಗಿಯೇ ರಚಿಸಲಾಗಿದೆ.

ವೆಮೊ ಕಂಪನಿಯು ಈ ಕೃತಕ ನಗರವನ್ನು ಅಮೆರಿಕಾದ ಓಹಿಯೋ ರಾಜ್ಯದಲ್ಲಿ ನಿರ್ಮಿಸುತ್ತಿದೆ. ನೈಜ ನಗರಗಳಲ್ಲಿರುವ ಚಾಲನಾ ವಾತಾವರಣದ ರೀತಿಯಲ್ಲಿಯೇ ಈ ಕೃತಕ ನಗರವನ್ನು ಸಹ ನಿರ್ಮಿಸಲಾಗುತ್ತಿದೆ. ಚಾಲಕರಿಲ್ಲದೆ ಚಲಿಸುವ ಕಾರು ಹಾಗೂ ಟ್ರಕ್‌ಗಳನ್ನು ಪರೀಕ್ಷಿಸಲು ಈ ಕೃತಕ ನಗರವನ್ನು ಬಳಸಲಾಗುತ್ತದೆ.

MOSTREAD: ಚಿಕ್ಕ ಜಾಗದಲ್ಲಿ ದೊಡ್ಡ ಕಾರನ್ನು ಪಾರ್ಕ್ ಮಾಡಿದ ಅಪ್ರತಿಮ ಚಾಲಕನನ್ನು ಸನ್ಮಾನಿಸಿದ ಟೊಯೊಟಾ ಡೀಲರ್

ಇಲ್ಲಿ ಸ್ವಯಂಚಾಲಿತ ವಾಹನಗಳನ್ನು ವಿವಿಧ ರೀತಿಯ ನಗರಗಳ ಪರಿಸರದಲ್ಲಿ ಪರೀಕ್ಷಿಸಲಾಗುವುದು. ಹೆಚ್ಚು ಟ್ರಾಫಿಕ್ ಜಾಮ್ ಇರುವ ನಗರಗಳಲ್ಲಿ ಸ್ವಯಂಚಾಲಿತ ವಾಹನಗಳನ್ನು ಪರೀಕ್ಷಿಸಲು ಹಲವು ತೊಂದರೆಗಳು ಎದುರಾಗುತ್ತವೆ.

ಈ ಕಾರಣಕ್ಕೆ ನೈಜ ನಗರಗಳ ರೀತಿಯಲ್ಲಿ ಕೃತಕ ನಗರಗಳನ್ನು ರಚಿಸಿ ಸ್ವಯಂಚಾಲಿತ ವಾಹನಗಳನ್ನು ಪರೀಕ್ಷಿಸಲು ವೆಮೊ ಕಂಪನಿಯು ಮುಂದಾಗಿದೆ. ಸಾರಿಗೆ ಸಂಶೋಧನಾ ಕೇಂದ್ರದ ಸಹಯೋಗದೊಂದಿಗೆ ಓಹಿಯೋ ರಾಜ್ಯದಲ್ಲಿ ಈ ಯೋಜನೆಯನ್ನು ಕೈಗೊಳ್ಳಲಾಗುತ್ತಿದೆ.

MOSTREAD: ಲಾಕ್‌ಡೌನ್ ನಿಂದ ಕೆಲಸ ಕಳೆದುಕೊಂಡವ ಇಂದು ವಿಶ್ವ ವಿಖ್ಯಾತ ವ್ಯಕ್ತಿ

ಚಾಲಕರು ಇಲ್ಲದೆ ಚಲಿಸುವ ವಾಹನಗಳಿಗೆ ದೊಡ್ಡ ಶತ್ರುವೆಂದರೆ ಕೆಟ್ಟ ಹವಾಮಾನ. ಈ ಸಂದರ್ಭಗಳಲ್ಲಿ ವಾಹನಗಳಲ್ಲಿರುವ ಸೆನ್ಸಾರ್'ಗಳು ಸರಿಯಾಗಿ ಕಾರ್ಯನಿರ್ವಹಿಸಲು ವಿಫಲವಾದರೆ ಅಪಘಾತಗಳಾಗುವ ಸಾಧ್ಯತೆಗಳಿರುತ್ತವೆ.

ವೆಮೊ ಕಂಪನಿಯು ಈ ಹೊಸ ಕೃತಕ ನಗರದಲ್ಲಿ ಹಿಮ ಸೇರಿದಂತೆ ಎಲ್ಲಾ ರೀತಿಯ ಹವಾಮಾನ ಪರಿಸ್ಥಿತಿಗಳಲ್ಲಿ ತನ್ನ ವಾಹನಗಳನ್ನು ಪರೀಕ್ಷಿಸಲು ಮುಂದಾಗಿದೆ. ಸ್ವಯಂಚಾಲಿತ ವಾಹನಗಳನ್ನು ಪರೀಕ್ಷಿಸಲು ಕೃತಕ ನಗರಗಳನ್ನು ರಚಿಸುತ್ತಿರುವ ವೆಮೊ ಪ್ರಯತ್ನ ಯಶಸ್ವಿಯಾಗಲಿ ಎಂದು ಶುಭ ಹಾರೈಸೋಣ.