ಕಾರು ಖರೀದಿಸಲು ಯಾವುದು ಸೂಕ್ತ ಕಾಲ... ಇಲ್ಲಿದೆ ಉತ್ತರ

ಇನ್ನು ಕೆಲವೇ ದಿನಗಳಲ್ಲಿ 2020 ಅಂತ್ಯಗೊಳ್ಳಲಿದೆ. ವರ್ಷದ ಕೊನೆಯಲ್ಲಿ 2020ರ ಮಾದರಿ ಕಾರು ಖರೀದಿಸುವುದು ಸೂಕ್ತವೇ ಅಥವಾ 2021ರ ಮಾದರಿ ಬರುವವರೆಗೆ ಕಾಯಬೇಕೇ ಎಂಬ ಪ್ರಶ್ನೆ ಎದುರಾಗುವುದು ಸಹಜ. ಇದರ ಬಗೆಗಿನ ಸಂಪೂರ್ಣ ವಿವರಗಳನ್ನು ಈ ಲೇಖನದಲ್ಲಿ ನೋಡೋಣ.

ವರ್ಷದ ಅಂತ್ಯವು ಹೊಸ ಕಾರು ಖರೀದಿಗೆ ಸೂಕ್ತ ಸಮಯ ಎಂಬುದು ನಮ್ಮ ಅಭಿಪ್ರಾಯ. ಇದಕ್ಕೆ ಹಲವಾರು ಕಾರಣಗಳಿವೆ. ಹೊಸ ಕಾರು ಖರೀದಿಸ ಬಯಸುವವರು ವರ್ಷದ ಕೊನೆಯಲ್ಲಿ ಸಾಕಷ್ಟು ಕೊಡುಗೆಗಳನ್ನು ಪಡೆಯಬಹುದು.

MOSTREAD: ಟ್ರ್ಯಾಕ್ಟರ್‌ಗಳ ಹಿಂಭಾಗದಲ್ಲಿ ದೊಡ್ಡ ಗಾತ್ರದ ಟಯರ್‌ಗಳಿರಲು ಕಾರಣಗಳಿವು

ಕಾರುಗಳ ಮಾರಾಟವು ಸಾಮಾನ್ಯವಾಗಿ ವರ್ಷದ ಕೊನೆಯಲ್ಲಿ ನಿಧಾನವಾಗಿರುತ್ತದೆ. ಈ ಕಾರಣಕ್ಕೆ ಕಾರು ತಯಾರಕ ಕಂಪನಿಗಳು ಹಾಗೂ ಡೀಲರ್'ಗಳು ಗ್ರಾಹಕರನ್ನು ಆಕರ್ಷಿಸಲು ಹಲವಾರು ರಿಯಾಯಿತಿಯನ್ನು ನೀಡುತ್ತಾರೆ. ಇದರಿಂದಾಗಿ ಕಾರುಗಳ ಮಾರಾಟವು ಹೆಚ್ಚಾಗಿ ಅವರು ತಮ್ಮ ಮಾರಾಟದ ಗುರಿಯನ್ನು ತಲುಪಬಹುದು.

ವರ್ಷದ ಕೊನೆಯಲ್ಲಿ ಬಹುತೇಕ ಎಲ್ಲಾ ಕಾರು ಕಂಪನಿಗಳು ಹಾಗೂ ಡೀಲರ್'ಗಳು ಹಲವಾರು ರಿಯಾಯಿತಿ ಹಾಗೂ ಕೊಡುಗೆಗಳನ್ನು ನೀಡುತ್ತಾರೆ. ಹೊಸ ಕಾರುಗಳ ಮೇಲೆ ಸಾವಿರಾರು ರೂಪಾಯಿ, ಇನ್ನು ಕೆಲವೊಮ್ಮೆ ಲಕ್ಷಾಂತರ ರೂಪಾಯಿ ರಿಯಾಯಿತಿ ನೀಡಲಾಗುತ್ತದೆ.

MOSTREAD: ಚಿಕ್ಕ ಜಾಗದಲ್ಲಿ ದೊಡ್ಡ ಕಾರನ್ನು ಪಾರ್ಕ್ ಮಾಡಿದ ಅಪ್ರತಿಮ ಚಾಲಕನನ್ನು ಸನ್ಮಾನಿಸಿದ ಟೊಯೊಟಾ ಡೀಲರ್

ವರ್ಷದ ಕೊನೆಯಲ್ಲಿ ಭಾರಿ ಪ್ರಮಾಣದ ರಿಯಾಯಿತಿ ಹಾಗೂ ಕೊಡುಗೆಗಳನ್ನು ನೀಡುವುದರ ಜೊತೆಗೆ ಕಾರು ತಯಾರಕ ಕಂಪನಿಗಳು ವಿಶೇಷ ಆವೃತ್ತಿಯ ಮಾದರಿಗಳನ್ನು ಸಹ ಬಿಡುಗಡೆಗೊಳಿಸುತ್ತವೆ. ಈ ವಿಶೇಷ ಆವೃತ್ತಿ ಮಾದರಿಗಳು ಸಾಮಾನ್ಯ ಮಾದರಿಗಳಂತೆ ಇದ್ದರೂ ಹೆಚ್ಚುವರಿ ಆಕ್ಸೆಸರಿಸ್'ಗಳನ್ನು ಹೊಂದಿರುತ್ತವೆ.

ಈ ವಿಶೇಷ ಆವೃತ್ತಿಯ ಮಾದರಿಗಳನ್ನು ಸಾಮಾನ್ಯ ಮಾದರಿಗಳ ರೀತಿಯಲ್ಲಿಯೇ ಮಾರಾಟ ಮಾಡಲಾಗುತ್ತದೆ. ಹೊಸ ಕಾರಿನಲ್ಲಿ ವಿವಿಧ ಬಗೆಯ ಆಕ್ಸೆಸರಿಸ್'ಗಳನ್ನು ಬಯಸುವವರು ವಿಶೇಷ ಆವೃತ್ತಿಯ ಮಾದರಿಗಳನ್ನು ಖರೀದಿಸಬಹುದು.

MOSTREAD: ಲಾಕ್‌ಡೌನ್ ನಿಂದ ಕೆಲಸ ಕಳೆದುಕೊಂಡವ ಇಂದು ವಿಶ್ವ ವಿಖ್ಯಾತ ವ್ಯಕ್ತಿ

ವರ್ಷದ ಕೊನೆಯಲ್ಲಿ ಹೊಸ ಕಾರು ಖರೀದಿಸುವುದರಿಂದ ಬೆಲೆ ಏರಿಕೆಯನ್ನು ತಪ್ಪಿಸಬಹುದು. ವರ್ಷದ ಕೊನೆಯಲ್ಲಿ ಮಾರಾಟವನ್ನು ಹೆಚ್ಚಿಸಲು ರಿಯಾಯಿತಿ ಹಾಗೂ ಕೊಡುಗೆಗಳನ್ನು ನೀಡುವ ಕಂಪನಿಗಳು ಹೊಸ ವರ್ಷದಲ್ಲಿ ತಮ್ಮ ಮಾದರಿಗಳ ಬೆಲೆಯನ್ನು ಹೆಚ್ಚಿಸುತ್ತವೆ.

ಸಾಮಾನ್ಯವಾಗಿ ಕಾರುಗಳ ಬೆಲೆಯನ್ನು 2ರಿಂದ 3ರಷ್ಟು ಹೆಚ್ಚಿಸಲಾಗುತ್ತದೆ. ಈ ಬೆಲೆಗಳು ಕಾರು ಕಂಪನಿಗಳು ಹಾಗೂ ಮಾದರಿಗಳನ್ನು ಅವಲಂಬಿಸಿರುತ್ತವೆ.ಈ ಕಾರಣಕ್ಕೆ ಹೊಸ ವರ್ಷದಲ್ಲಿ ಹೊಸ ಕಾರು ಖರೀದಿಸುವ ಗ್ರಾಹಕರು ಸ್ವಲ್ಪ ಹೆಚ್ಚು ಹಣವನ್ನು ಖರ್ಚು ಮಾಡಬೇಕಾಗುತ್ತದೆ.

MOSTREAD: 13 ವರ್ಷಗಳಲ್ಲಿ 10 ಲಕ್ಷ ಕಿ.ಮೀ ಸಂಚರಿಸಿದ ಟೊಯೊಟಾ ಇನೋವಾ ಕಾರು

ಕೆಲವರು ಹೊಸ ಮಾದರಿಗಾಗಿ ಕಾಯಬಹುದು. ಆದರೆ ಹೊಸದಾಗಿ ಮಾರುಕಟ್ಟೆಯಲ್ಲಿ ಬಿಡುಗಡೆಯಾಗುವ ಕಾರು ಮರು ವರ್ಷ ಗಮನಾರ್ಹ ಬದಲಾವಣೆಗಳು ಅಥವಾ ನವೀಕರಣಗಳನ್ನು ಪಡೆಯುವ ಸಾಧ್ಯತೆಗಳು ಕಡಿಮೆಯಿರುತ್ತವೆ.

ಸಾಮಾನ್ಯವಾಗಿ ಕಾರು ಕಂಪನಿಗಳು ಪ್ರತಿ ಎರಡು ವರ್ಷಗಳಿಗೊಮ್ಮೆ ತಮ್ಮ ಮಾದರಿಗಳನ್ನು ಅಪ್ ಡೇಟ್ ಮಾಡಿ, ಫೇಸ್‌ಲಿಫ್ಟ್‌ ಆವೃತ್ತಿಗಳನ್ನು ಬಿಡುಗಡೆಗೊಳಿಸುತ್ತವೆ. ಈ ಕಾರಣಕ್ಕೆ ಲಭ್ಯವಿರುವ ರಿಯಾಯಿತಿ ಹಾಗೂ ಕೊಡುಗೆಗಳ ಲಾಭವನ್ನು ಪಡೆದುಕೊಂಡು ವರ್ಷದ ಕೊನೆಯಲ್ಲಿ ಕಾರು ಖರೀದಿಸುವುದು ಸೂಕ್ತ.

MOSTREAD: ಇನ್ನು ಮುಂದೆ ಈ ನಗರಗಳಲ್ಲಿ ಡೀಸೆಲ್ ವಾಹನಗಳನ್ನು ಮಾರಾಟ ಮಾಡುವಂತಿಲ್ಲ

ವರ್ಷದ ಕೊನೆಯಲ್ಲಿ ಕಂಪನಿಗಳು ನೀಡುವ ರಿಯಾಯಿತಿ ಹಾಗೂ ಕೊಡುಗೆಗಳನ್ನು ಬಳಸಿಕೊಂಡು ಕಾರನ್ನು ಖರೀದಿಸುವುದರಿಂದ ಸಾಕಷ್ಟು ಹಣವನ್ನು ಉಳಿಸಬಹುದು.