ವಿಮಾನಗಳೇಕೆ ಪೆಸಿಫಿಕ್ ಸಾಗರದ ಮೇಲೆ ಹಾರಾಡುವುದಿಲ್ಲ?

ಪೆಸಿಫಿಕ್ ಸಾಗರದ ಮೇಲೆ ನೇರವಾಗಿ ಹೋಗುವ ಮಾರ್ಗವು ಕಡಿಮೆ ದೂರವನ್ನು ಹೊಂದಿರುತ್ತದೆ ಎಂಬುದು ಜನರ ಅಭಿಪ್ರಾಯವಾಗಿದೆ. ಈ ಮಾರ್ಗದಲ್ಲಿಯೇ ವಿಮಾನಗಳು ಹೋಗಲಿ ಎಂಬುದು ಪ್ರಯಾಣಿಕರ ಆದ್ಯತೆಯಾಗಿದೆ.

ವಿಮಾನಗಳು ಪೆಸಿಫಿಕ್ ಸಾಗರದ ಮೇಲೆ ಹಾರಾಡದಿರುವುದಕ್ಕೆ ಮುಖ್ಯ ಕಾರಣವೆಂದರೆ, ನೇರವಾದ ಮಾರ್ಗಕ್ಕಿಂತ ಅಂಕು ಡೊಂಕು ಮಾರ್ಗಗಳು ಹೆಚ್ಚು ಹತ್ತಿರವಾಗುತ್ತವೆ ಎಂಬುದು. ಆದರೆ ನಾವು ನೋಡುವ ಮ್ಯಾಪ್‍‍ಗಳು ನಮ್ಮನ್ನು ಗೊಂದಲಕ್ಕೀಡು ಮಾಡುತ್ತವೆ.

ಭೂಮಿಯೇ ನೇರವಾಗಿಲ್ಲದ ಕಾರಣ, ಮಾರ್ಗಗಳು ನೇರವಾಗಿವೆ ಎಂದು ಗೊಂದಲವನ್ನು ಸೃಷ್ಟಿಸಲಾಗುತ್ತಿದೆ. ಭೂಮಿಯು ದುಂಡಗಿರುವ ಕಾರಣ ಎರಡು ಸ್ಥಳಗಳ ಮಧ್ಯೆಯಿರುವ ನೇರವಾದ ಮಾರ್ಗಗಳು ಕಡಿಮೆ ದೂರದಂತೆ ಕಂಡರೂ, ವಾಸ್ತವವಾಗಿ ಕಡಿಮೆ ಅಂತರವನ್ನು ಹೊಂದಿರುವುದಿಲ್ಲ.

ವಿಮಾನಗಳು ಅಮೇರಿಕಾದಿಂದ ಏಷ್ಯಾದಲ್ಲಿರುವ ದೇಶಗಳಿಗೆ ತೆರಳುವಾಗ ವೇಗವಾಗಿ ಸಾಗುವ ಹಾಗೂ ಕಡಿಮೆ ಇಂಧನವನ್ನು ಬಳಸುವ ಅಂಕು ಡೊಂಕು ಮಾರ್ಗಗಳನ್ನು ಬಳಸುತ್ತವೆ. ಭೂಮಿಯ ಗ್ಲೋಬ್‌ ಅನ್ನು ಕೈಯಲ್ಲಿ ಹಿಡಿದು ನೀವೂ ಸಹ ಇದನ್ನು ಪರೀಕ್ಷಿಸಬಹುದು.

ಕೈಯಲ್ಲಿ ಗೋಳಾಕಾರದ ಗ್ಲೋಬ್‌ ಹಿಡಿದು, ಅಮೇರಿಕಾ ಹಾಗೂ ಮಧ್ಯ ಏಷ್ಯಾದ ಮಧ್ಯಯಿರುವ ಎರಡು ಸ್ಥಳಗಳನ್ನು ಗುರುತಿಸಿ. ಈ ಎರಡು ಪ್ರದೇಶಗಳ ನಡುವಿರುವ ನೇರವಾದ ಮಾರ್ಗವನ್ನು ಗುರುತಿಸಿ ಸ್ಟ್ರಿಂಗ್ ಅಥವಾ ಕಾರ್ಡೇಜ್ ತುಂಡುಗಳನ್ನು ಇಡಿ.

ಸ್ಟ್ರಿಂಗ್ ಅಥವಾ ಕಾರ್ಡೇಜ್ ಅನ್ನು ಹೈಲೈಟ್ ಮಾಡಲು ಮಾರ್ಕರ್ ಬಳಸಿ. ಈಗ ಅದೇ ಎರಡು ಸ್ಥಳಗಳನ್ನು ಅಳೆಯಿರಿ. ಅದೇ ತುಂಡು ಸ್ಟ್ರಿಂಗ್ ಅಥವಾ ಕಾರ್ಡೇಜ್ ಬಳಸಿ, ಅಂಕುಡೊಂಕಾಗಿರುವ ಮಾರ್ಗದ ಮೂಲಕ ಅದೇ ಎರಡು ಸ್ಥಳಗಳನ್ನು ಸಂಪರ್ಕಿಸಿ.

ಎರಡೂ ಸ್ಥಳಗಳನ್ನು ಅಳತೆ ಮಾಡಿ. ಅಂಕುಡೊಂಕಾಗಿರುವ ಮಾರ್ಗವು ನೇರವಾದ ಮಾರ್ಗಕ್ಕಿಂತ ಚಿಕ್ಕದಾಗಿರುವುದನ್ನು ಗಮನಿಸಬಹುದು. ಅಮೇರಿಕಾ ಹಾಗೂ ಏಷ್ಯಾದಲ್ಲಿರುವ ದೇಶಗಳನ್ನು ಸಂಪರ್ಕಿಸುವ ಅಂಕುಡೊಂಕು ಮಾರ್ಗವು, ನೇರವಾದ ಮಾರ್ಗಕ್ಕಿಂತ ಹೆಚ್ಚು ಸುರಕ್ಷಿತವಾಗಿರುತ್ತದೆ.

ವಿಮಾನಗಳು ಸಾಮಾನ್ಯವಾಗಿ ಕೆನಡಾ ಹಾಗೂ ಅಲಾಸ್ಕಾ ಮೂಲಕ ಹಾದು ಹೋಗುವಾಗ ಅಂಕುಡೊಂಕು ಮಾರ್ಗವಾಗಿ ಸಾಗುತ್ತವೆ. ಇದರಿಂದಾಗಿ ಸಮಯದ ಉಳಿತಾಯವಾಗುವುದರ ಜೊತೆಗೆ ಎಮರ್ಜೆನ್ಸಿ ಸಂದರ್ಭಗಳಲ್ಲಿ ವಿಮಾನಗಳನ್ನು ತುರ್ತು ಭೂ ಸ್ಪರ್ಶ ಮಾಡಲು ಅನುಕೂಲವಾಗಲಿದೆ.

ಅಂಕು ಡೊಂಕು ಮಾರ್ಗಗಳು ಕಡಿಮೆ ದೂರವನ್ನು ಹೊಂದಿರುವ ಕಾರಣಕ್ಕೆ ಹಾಗೂ ಇಂಧನದ ಉಳಿತಾಯವಾಗುವ ಕಾರಣಕ್ಕೆ ವಿಮಾನಗಳು ನೇರವಾದ ಮಾರ್ಗಕ್ಕೆ ಬದಲು ಅಂಕುಡೊಂಕು ಮಾರ್ಗಗಳನ್ನು ಬಳಸುತ್ತವೆ.