ಒಂದುವರೆ ಲಕ್ಷದ ಸಿಬಿಆರ್250ಆರ್.. ನಿಮಗೆ ಬೇಕಾ ಸಾರ್!

ನೂತನ ಸಿಬಿಆರ್250ಆರ್ ಕಂಪನಿಯ ಆಯ್ದ 400 ಶೋರೂಂಗಳಲ್ಲಿ ಮಾತ್ರ ಲಭ್ಯವಿದೆ. ಇದು ಕೆಂಪು ಕಪ್ಪು ಮತ್ತು ಸಿಲ್ವರ್ ಬಣ್ಣಗಳಲ್ಲಿ ದೊರಕುತ್ತಿದೆ. ಕಂಪನಿ ಕಳೆದ ಜನವರಿಯಲ್ಲಿಯೇ ಈ ಬೈಕ್ ಬುಕ್ಕಿಂಗ್ ಆರಂಭಿಸಿತ್ತು. ಆದರೆ ಅದರ ದರ ಗ್ರಾಹಕರಿಗೆ ಗೊತ್ತಾದದ್ದು ಈಗ. ದರ ಗೊತ್ತಿಲ್ಲದಿದ್ದರೂ ಇಲ್ಲಿವರೆಗೆ ಸುಮಾರು 2,500 ಬುಕ್ಕಿಂಗ್ ಆಗಿದ್ದು ಗ್ರಾಹಕರ ಉತ್ಸಾಹ ಕಂಡು ಕಂಪನಿ ಸಕತ್ ಖುಷಿಯಾಗಿದೆ.

ಸಿಂಗಲ್ ಸಿಲಿಂಡರ್ 250ಸಿಸಿಯ ನಾಲ್ಕು ಕವಾಟದ ಡಿಒಎಚ್ ಸಿಯ ಎಂಜಿನ್, ಫ್ಯೂಯಲ್ ಇಂಜೆಕ್ಷನ್ ಮತ್ತು ಲಿಕ್ವಿಡ್ ಕೂಲಿಂಗ್ ಇತ್ಯಾದಿ ಟೆಕ್ ಫೀಚರ್ ನಿಂದ ಬಂದಿರುವ ಸಿಬಿಆರ್250ಆರ್ ಗ್ರಾಹಕರಲ್ಲಿ ಸಾಕಷ್ಟು ಹೈಪ್ ಕ್ರಿಯೆಟ್ ಮಾಡಿತ್ತು. ಈ ಬೈಕ್ ಪ್ರತಿಗಂಟೆಗೆ ಸುಮಾರು 160 ಕಿ.ಮೀ. ಗರಿಷ್ಠ ವೇಗ ನೀಡಲಿದೆ. ಇದು ನಗರ ಸವಾರಿಗೆ ಸೂಕ್ತ ಬೈಕಾಗಿದ್ದು ಆರಾಮದಾಯಕವಾಗಿ ಕುಳಿತುಕೊಂಡು ರೈಡ್ ಮಾಡಬಹುದಾಗಿದೆ. ಕಂಫರ್ಟ್ ರೈಡಿಂಗ್ ಬಯಸುವರಿಗೆ ಇದು ಸೂಕ್ತ ಆಯ್ಕೆಯಾಗಿದೆ.