ಭಾರತಕ್ಕೆ ಬಂತು ರಕ್ಕಸ ಬೈಕ್ ಡುಕಾಟಿ ಡಯಾವೆಲ್

ಸಾಕಷ್ಟು ಪ್ರಬಲ ಸ್ನಾಯುಗಳನ್ನು ಹೊಂದಿರುವ ಡಯಾವೆಲ್ 1,198 ಸಿಸಿ ಬೈಕ್. ಜೊತೆಗೆ 4 ಸ್ಟ್ರೋಕ್, ನಾಲ್ಕು ಕವಾಟದ ಸಿಲಿಂಡರ್, ಎಲ್-ಟ್ವಿನ್ ಡುಕಾಟಿ ಟೆಸ್ಟ್ರೆಟಾ ಎಂಜಿನ್ ಹೊಂದಿದೆ. ಇದು 9,500 ಆರ್ಪಿಎಂಗೆ 162 ಹಾರ್ಸ್ ಪವರ್ ನೀಡುತ್ತದೆ. ಡಯಾವೆಲ್ ಸಿಕ್ಸ್ ಸ್ಪೀಡ್ ಗೇರ್ ಬಾಕ್ಸ್ ಹೊಂದಿದೆ. ಒಂದು ಗೇರ್ ಕೆಳಗಡೆಗೆ, ಉಳಿದ 5 ಗೇರುಗಳನ್ನು ಮೇಲಕ್ಕೆ ಸಿಫ್ಟ್ ಮಾಡಿದರಾಯ್ತು.

ಡಯಾವೆಲ್ ಬೈಕ್ ನಲ್ಲಿ ಆಂಟಿ ಲಾಕ್ ಬ್ರೇಕಿಂಗ್ ಸಿಸ್ಟಮ್, ಡುಕಾಟಿ ಟ್ರಾಕ್ಷನ್ ಕಂಟ್ರೊಲ್, ಡುಕಾಟಿ ರೈಡಿಂಗ್ ಮೂಡ್ ಹೆಸರು ಸೂಚಕ ಇತ್ಯಾದಿ ಫೀಚರ್ ಗಳಿವೆ. ಈ ರಕ್ಕಸ ಬೈಕ್ ಸ್ಪೋರ್ಟಿ ಸವಾರಿಗೆ ಸೂಕ್ತವಾದ ಬೈಕ್ ಎಂಬುದರಲ್ಲಿ ಎರಡು ಮಾತಿಲ್ಲ. ಇದರೊಂದಿಗೆ ಡುಕಾಟಿಯು ತನ್ನ ಭಾರತದ ನಾಲ್ಕನೇ ಶೋ ರೂಂನ್ನು ಬೆಂಗಳೂರಿನಲ್ಲಿ ಉದ್ಘಾಟಿಸಿದೆ.

ಈ ಬೈಕ್ ದರಕ್ಕೆ ಎಷ್ಟು ನ್ಯಾನೊ ಕಾರು, ಎಷ್ಟು ಆಲ್ಟೊ ದೊರಕುತ್ತಿದೆ ಎಂಬುದನ್ನು ಲೆಕ್ಕ ಹಾಕಬಹುದು. ಅಥವಾ ಎಷ್ಟು ಹೋಂಡಾ250ಆರ್ ಬೈಕ್ ಖರೀದಿಸಬಹುದು ಅಂತ ಆಲೋಚಿಸಬಹುದು.