150 ಸಿಸಿಯ ಸ್ಪೋರ್ಟಿ ಬೈಕ್ ಯಮಹಾ ಆರ್15 ರಸ್ತೆಗೆ

150 ಸಿಸಿಯ ಈ ಆರ್15 ಸ್ಪೋರ್ಟಿ ರೈಡಿಗೆ ಸೂಕ್ತ. ಆಕರ್ಷಕ ವಿನ್ಯಾಸ, ಅನನ್ಯ ಕಾರ್ಯಕ್ಷಮತೆ ಮತ್ತು ಅತ್ಯುತ್ತಮ ಹಿಡಿತ ಇದರ ಪ್ರಮುಖ ಆಕರ್ಷಣೆ. ಇದರ ದೆಹಲಿ ಎಕ್ಸ್ ಶೋರೂಂ ದರ 1.07 ಲಕ್ಷ ರುಪಾಯಿ.

ಈಗಾಗಲೇ ಆರ್15 ಬೈಕ್ ರಸ್ತೆಯಲ್ಲಿದೆ. ಆದರೆ ಗ್ರಾಹಕರು ಕ್ರೀಡಾ ಸವಾರಿ ಬಯಸಿದ್ದರಿಂದ ನೂತನ ಪರಿಷ್ಕೃತ ಆವೃತ್ತಿ ಹೊರತಂದಿರುವುದಾಗಿ ಕಂಪನಿ ಹೇಳಿದೆ. ನೂತನ ಆರ್15 ಸ್ಪೋರ್ಟಿ ಲುಕ್ ಮತ್ತು ವಿನ್ಯಾಸ ಸೂಪರ್.

ಅಗಲ ಟೈರ್ ಬೈಕ್ ಪ್ರೇಮಿಗಳನ್ನು ಸೆಳೆಯುತ್ತದೆ. ವಾರೆಯಾಗಿ ಭಯವಿಲ್ಲದೇ ರೈಡ್ ಮಾಡಬಹುದು. ಯಾಕೆಂದರೆ ಇದರ ವಿಸ್ತಾರವಾದ ಟೈರ್ ರಸ್ತೆಯಲ್ಲಿ ಹೆಚ್ಚು ಹಿಡಿತ ನೀಡುತ್ತದೆ. ಈ ಬೈಕಿನಲ್ಲಿ ಯಮಹಾ ಆರ್1 ಮತ್ತು ಆರ್6 ಸ್ಪೋರ್ಟ್ಸ್ ಬೈಕಿನಲ್ಲಿರುವ ಆಕರ್ಷಕ ಫೀಚರುಗಳೆಲ್ಲವನ್ನು ಅಳವಡಿಸಲಾಗಿದೆ.

ಒಟ್ಟಾರೆ ಸ್ಪೋರ್ಟಿ ಸವಾರಿ ಮಾಡಬಯಸುವ ಜನರಿಗೆ ಇಷ್ಟವಾಗುವಂತೆ ನೂತನ ಬೈಕನ್ನು ಕಂಪನಿ ಹೊರತಂದಿದೆ. ಇತರ ಸೂಪರ್ ಬೈಕುಗಳಿಗೆ ಹೋಲಿಸಿದರೆ ಇದು ಹೆಚ್ಚು ದುಬಾರಿಯಲ್ಲ.