ಹಳೆಯ ಮೊಪೆಡ್ ಬೈಕೆಂದರೆ ಈಗಲೂ ನಮಗಿಷ್ಟ!

ಉಳಿದ ಬೈಕುಗಳಿಗೆ ಹೋಲಿಸಿದರೆ ಮೊಪೆಡಿನಲ್ಲಿ ಕೊಂಚ ಲೋಡ್ ಸಾಗಿಸಬಹುದು. ಸಣ್ಣಪುಟ್ಟ ಸ್ವಉದ್ಯೋಗಿಗಳಿಗಂತೂ ಮೊಪೆಡ್ ಅತ್ಯಂತ ಅಗತ್ಯವಾದ ಸಾರಿಗೆ ಸಾಧನವಾಗುತ್ತಿದೆ. ಸಣ್ಣಪುಟ್ಟ ಅಂಗಡಿಗಳಿಗೆ ಸಿಗರೇಟು, ಬೇಕರಿ ತಿನಿಸು ಮಾರಾಟಕ್ಕೆ ಮೊಪೆಡ್ ಗಳು ಹೆಚ್ಚು ಬಳಕೆಯಾಗುತ್ತಿವೆ. ಕೃಷಿಕರಿಗೆ ತಮ್ಮ ಉತ್ಪನ್ನಗಳನ್ನು ಮಾರುಕಟ್ಟೆಗೆ ಒಯ್ಯಲು ಮೊಪೆಡ್ ನೆರವಾಗುತ್ತಿದೆ. ಇವೆಲ್ಲ ಕಾರಣದಿಂದ ಮೊಪೆಡ್ ಬೇಡಿಕೆ ಇನ್ನೂ ಉಳಿಸಿಕೊಂಡಿದೆ.

ದೇಶದ ವಾಹನ ತಯಾರಕರ ಒಕ್ಕೂಟ ದೇಶದ ಒಟ್ಟಾರೆ ಮೊಪೆಡ್ ಮಾರಾಟದ ಮಾಹಿತಿ ನೀಡಿದೆ. ಈ ಮಾರಾಟವೂ ಮುಂದಿನ ದಿನಗಳಲ್ಲಿ ಶೇಕಡಾ 12ರಿಂದ 14ರವರೆಗೆ ಏರಿಕೆ ಕಾಣುವ ನಿರೀಕ್ಷೆಯನ್ನು ಒಕ್ಕೂಟ ವ್ಯಕ್ತಪಡಿಸಿದೆ. ಸದ್ಯ ಮಾರುಕಟ್ಟೆಯಲ್ಲಿ ಟಿವಿಎಸ್ ಮಾತ್ರ ಮೊಪೆಡ್ ಗಳನ್ನು ತಯಾರಿಸುತ್ತಿದೆ. ಅದಕ್ಕೆ ಯಾವುದೇ ಕಂಪನಿಯ ಪೈಪೋಟಿಯಿಲ್ಲದಿರುವುದರಿಂದ ಕಂಪನಿಯು ಆಕರ್ಷಕ, ಇನ್ನೋವೆಟಿವ್ ಮೊಪೆಡ್ ಗಳನ್ನು ಹೊರತರುವ ಕುರಿತು ಚಿಂತಿಸುತ್ತಿಲ್ಲ ಎಂದು ನಮ್ಮ ಸ್ನೇಹಿತರು ಹೇಳುತ್ತಾರೆ.