ಬೈಕುಗಳಿಗೆ ಸೆಡ್ಡುಹೊಡೆಯುವ ಬಿಎಂಡಬ್ಲ್ಯು ಎಲೆಕ್ಟ್ರಿಕ್ ಸ್ಕೂಟರ್

ಚಿತ್ರಲೋಕ

ಬಿಎಂಡಬ್ಲ್ಯು ನೂತನ ಎಲೆಕ್ಟ್ರಿಕ್ ಸ್ಕೂಟರ್ ಕಲ್ಪನೆ ಅದ್ಭುತವಾಗಿದೆ. ಇದು ಪೆಟ್ರೋಲ್ ಚಾಲಿತ ಸ್ಕೂಟರುಗಳಷ್ಟೇ ಶಕ್ತಿಶಾಲಿಯಾಗಿರುವುದು ವಿಶೇಷ. ಗಂಟೆಗೆ ಗರಿಷ್ಠ 75 ಕಿ.ಮೀ. ವೇಗದಲ್ಲಿ ಸಾಗಬಹುದಾದ ಈ ಸ್ಕೂಟರನ್ನು ಪೂರ್ತಿ ಚಾರ್ಜ್ ಮಾಡಿದರೆ 100 ಕಿ.ಮೀ. ಅಥವಾ ಸುಮಾರು 62 ಮೈಲು ಸಾಗಬಹುದಾಗಿದೆ.

ಕಂಪನಿಯು ನೂತನ ಕಾನ್ಸೆಪ್ಟ್ ಸ್ಕೂಟರಿಗೆ ಸಿ ಇವಲ್ಯೂವೆಷನ್ ಎಂದು ಹೆಸರಿಟ್ಟಿದೆ. ಇದು ಕಾರು ಚಾರ್ಜರ್ ಹೊಂದಿರುವುದರಿಂದ ಕಾರು ಚಾರ್ಜು ಮಾಡಬಹುದಾದ ಸ್ಟೇಷನುಗಳಲ್ಲೇ ಈ ಸ್ಕೂಟರನ್ನು ಚಾರ್ಜ್ ಮಾಡಬಹುದಾಗಿದೆ.

ಮೂರನೇ ತಲೆಮಾರಿನ ಎಲೆಕ್ಟ್ರಿಕ್ ಮೋಟರ್ ಹೊಂದಿರುವ ಈ ಸ್ಕೂಟರ್ 600ಸಿಸಿ ಸ್ಕೂಟರುಗಳಿಗೆ ಸಮಾನಾಗಿ ಆಕ್ಸಿಲರೇಷನ್ ಪವರ್ ನೀಡುತ್ತದೆ. ಕೇವಲ ಏಳು ಸೆಕೆಂಡಿನಲ್ಲಿ 0-60 ಕಿ.ಮೀ. ವೇಗ ಪಡೆಯಬಹುದಾಗಿದೆ.

ಈ ಸ್ಕೂಟರ್ ಉಳಿದ ವಾಹನಗಳಂತೆ ಲಿಕ್ವಿಡ್ ಕೂಲಿಂಗ್ ಬಳಸುವುದಿಲ್ಲ. ದೊಡ್ಡ ಬ್ಯಾಟರಿ ಪ್ಯಾಕ್ ಹೊಂದಿರುವ ಈ ಸ್ಕೂಟರ್ ಇಂಡಿಯುಜಲ್ ಸೆಲ್ ಮೂಲಕ ಕಾರ್ಯನಿರ್ವಹಿಸುತ್ತದೆ. ಈ ಸ್ಕೂಟರಿನಲ್ಲಿ ಬಿಎಂಡಬ್ಲ್ಯು ಕಂಪನಿಯ ಅನನ್ಯ ಆ್ಯಂಟಿ ಲಾಕ್ ಬ್ರೇಕಿಂಗ್ ಸಿಸ್ಟಮ್ ಇದೆ. ಬ್ಯಾಟರಿ ಬಾಳಿಕೆ ಹೆಚ್ಚಿಸಲು ಇದರಲ್ಲಿ ಬ್ರೇಕ್ ರಿ-ಜನರೇಷನ್ ಟೆಕ್ನಿಕ್ ಇದೆ.

ಹಿಂಭಾಗದ ಚಕ್ರಕ್ಕೆ ಒಂದು ಆರ್ಮ್ ಸಪೋರ್ಟ್ ಇದೆ. ಎಲ್ ಇಡಿ ಲೈಟ್ ಬಳಸಿರುವುದರಿಂದ ಬ್ಯಾಟರಿ ಬಾಳಿಕೆ ಹೆಚ್ಚಾಗಿದೆ. ಬ್ಯಾಟರಿ ಲಭ್ಯತೆ ಪರಿಶೀಲಿಸಲು ಸೆಂಟ್ರಲ್ ಕನ್ಸೋಲಿನಲ್ಲಿ ವಿಶೇಷ ಗ್ಯಾಡ್ಜೆಟ್ ಇದೆ.

ಇನ್ನೂ ಉತ್ಪಾದನೆ ಹಂತ ಪ್ರವೇಶಿಸದ ಈ ಸ್ಕೂಟರಿನ ದರ ಈಗಲೇ ಅಂದಾಜಿಸುವುದು ಕಷ್ಟ. ಕಂಪನಿಯು ಈ ಸ್ಕೂಟರನ್ನು ಆದಷ್ಟು ಶೀಘ್ರದಲ್ಲಿ ಉತ್ಪಾದಿಸಲು ಯೋಜಿಸಿದೆಯಂತೆ. ಸದ್ಯ ಜಗತ್ತು ಪರಿಸರ ಸ್ನೇಹಿ ವಾಹನಗಳ ಉತ್ಪಾದನೆಗೆ ಹೆಚ್ಚಿನ ಗಮನ ನೀಡುತ್ತವೆ. ತುಂಬಾ ಆಸಕ್ತಿದಾಯಕ ವಿಷಯವೆಂದರೆ ಬೆಂಗಳೂರಿನ ರೇವಾ ಕಾರು ಪರಿಸರ ಸ್ನೇಹಿ ವಾಹನಗಳಲ್ಲಿ ಪ್ರಮುಖ ಸ್ಥಾನ ಪಡೆದಿದೆ.